ஒருநாள் கிரிக்கெட்டில் மாற்று தொடக்க ஆட்டக்காரர்களாக இந்திய அணி பரிசிலிக்கவுள்ள 5 வீரர்கள்

இந்திய அணி 2019 உலகக்கோப்பை தொடரில் அரையிறுதி சுற்றில் நியூசிலாந்திடம் தோல்வியை தழுவி வெளியேறியது. 240 என்ற இலக்கை துரத்திய இந்திய அணி ஆரம்பத்திலேயே 5 ரன்களுக்கு 3 விக்கெட்டுகளை இழந்தது. ரோகித் சர்மா மற்றும் விராட் கோலி நியூசிலாந்தின் அற்புதமான பந்துவீச்சால் வீழ்த்தப்பட்டனர். லோகேஷ் ராகுல் ஒரு சாதாரண பந்துவீச்சிலே தனது விக்கெட்டை இழந்து வெளியேறினார். இந்திய அணி ஒரு இக்கட்டான சூழ்நிலையில் இருக்கும் போது ஒரு மோசமான ஆட்டத்தை வெளிப்படுத்தி தனது விக்கெட்டை இழப்பதை வழக்கமாக கொண்டுள்ளார் லோகேஷ் ராகுல்.

கே.எல்.ராகுல் ஸ்விங் பந்துவீச்சில் ஒரு வலிமையான அணிகளுக்கு எதிராக மிகவும் மோசமான பேட்டிங்கை வெளிபடுத்தி வருகிறார். குறிப்பாக 2019 உலகக்கோப்பை தொடரில் தென்னாப்பிரிக்கா, இங்கிலாந்து, நியூசிலாந்து ஆகிய அணிகளுக்கு எதிராக இவரது ரன்கள் முறையே 26, 0, 1 ஆகும். அத்துடன் நியூசிலாந்துடனான உலகக்கோப்பை பயிற்சி ஆட்டத்திலும் ஒற்றை இலக்க ரன்களில் ஆட்டமிழந்து வெளியேறியுள்ளார்.

இவரை ஒரு அதிரடி பேட்ஸ்மேனாக இந்திய அணி நிர்வாகம் கருதுகிறது. கே.எல்.ராகுலின் ஸ்ட்ரைக் ரேட் 75ஆக இருப்பது அணி நிர்வாகத்திற்கு கூடுதல் கவலையை ஏற்படுத்தியுள்ளது. மேலும் 2018 ஐபிஎல் தொடரிலும் கே.‌எல்.ராகுல் எதிர்கொண்ட முதல் 20-25 பந்துகளில் அவரது ஸ்ட்ரைக் ரேட் சுமாராகவே உள்ளது.

லோகேஷ் ராகுல் சற்று வலிமையான அணிகளுக்கு எதிராக ரன் குவிக்க கடுமையாக தடுமாறி வருவதால் இந்திய அணி நிர்வாகம் சில மாற்று வீரர்களை பரிசிலினை செய்ய உள்ளது. அவ்வாறு பரிசிலிக்க வாய்ப்புள்ள 5 தொடக்க ஆட்டக்காரர்களைப் பற்றி காண்போம்.

#5 ருதுராஜ் கெய்க்வாட்

Ruturaj Gaikwad

ருதுராஜ் கெய்க்வாட் யாரும் அறிந்திராத வீரராகவும், உள்ளூர் கிரிக்கெட் தொடர்களில் மறைமுகமாக தொடக்க ஆட்டக்காரராக களமிறங்கி ரன்குவிப்பில் ஈடுபட்டும் வருகிறார். இவரது வயது 22 மட்டுமே என்பதால் முழுவதும் மேம்பட்ட வீரர் என்று கூறிவிட முடியாது. இருப்பினும் இவரது நுணுக்கமான பேட்டிங் இந்திய-ஏ அணிக்காக அளித்து வருவதை யாராலும் மறுக்க இயலாது. மே மாத இறுதியில் இலங்கைக்கு சுற்றுப்பயணம் செய்து விளையாடிய இந்திய-ஏ அணியில் ருதுராஜ் கெய்க்வாட் தொடக்க வீரராக 4 ஒருநாள் போட்டிகளில் களமிறங்கி 129.83 ஸ்ட்ரைக் ரேட்டுடன் 470 ரன்களை விளாசினார்.

வலதுகை பேட்ஸ்மேனான இவர் 36 இன்னிங்ஸிலேயே 1936 ரன்களை குவித்துள்ளது. அனைவரையும் ஆச்சரியப்பட வைக்கிறது. இவரது ஸ்ட்ரைக் ரேட் 100.93 மற்றும் 56.97 என்ற பேட்டிங் சராசரியையும் வைத்துள்ளார் ருதுராஜ் கெய்க்வாட். அத்துடன் உள்ளூர் கிரிக்கெட்டில் மகாராஷ்டிரா அணிக்காக அனைத்து வகையான கிரிக்கெட் போட்டிகளிலும் கடந்த இரு ஆண்டுகளாக சிறந்த பங்களிப்பை அளித்து வருகிறார். இவர் 8 இன்னிங்ஸில் 90.12 ஸ்ட்ரைக் ரேட் மற்றும் 45.62 சராசரியுடன் 365 ரன்களை குவித்துள்ளார்.

வருங்காலத்தில் இந்திய அணியின் முக்கிய வீரராக ருதுராஜ் கெய்க்வாட் தன்னை அர்ப்பணித்துக் கொள்வார் என்பதில் சந்தேகமில்லை. 2020 ஐபிஎல் தொடரில் அம்பாத்தி ராயுடு அனைத்து வகையான கிரிக்கெட்டிலிருந்தும் ஓய்வு பெற்ற விட்ட காரணத்தினால் ருதுராஜ் கெய்க்வாட்-ற்கு தொடக்க ஆட்டக்காரராக வாய்ப்பு வழங்கப்படும் என தெரிகிறது.

#4 பிரித்வி ஷா

Prithvi Shaw

பிரித்வி ஷா ஏற்கனவே தனது சிறப்பான ஆட்டத்தை ஐபிஎல் தொடரிலும், இந்திய அணிக்காகவும் வெளிபடுத்தி உள்ளார்‌. இவர் ஏற்கனவே இந்திய தேசிய அணயில் அறிமுகமாகி சதம் விளாசி தனது பெயரை பதித்துள்ளார்‌. இவர் மேற்கிந்தியத் தீவுகளுக்கு எதிரான இரு டெஸ்ட் போட்டிகளிலும் இந்திய அணிக்காக விளையாடியுள்ளார்‌. ஆனால் ஒருநாள் கிரிக்கெட்டில் இதுவரை களம் காணவில்லை.

இவரது குறைவான லிஸ்ட்-ஏ கிரிக்கெட் வாழ்வில் 26 இன்னிங்ஸில் 40 சராசரி மற்றும் 114 ஸ்ட்ரைக் ரேட்டுடன் 1065 ரன்களை குவித்து அசத்தியுள்ளார். சச்சின் டெண்டுல்கர் மற்றும் விரேந்தர் சேவாக்கின் ஆகியோரின் கவலையாக திகழ்கிறார் பிரித்வி ஷா. இருப்பினும் இவரது பேட்டிங் நுணுக்கங்கள் முழுவதும் மேம்பட்டதாக தென்படவில்லை. இது மட்டுமே இவரது கிரிக்கெட் வாழ்விற்கு இடையூராக இருப்பதுபோல் தென்படுகிறது.

இந்தியாவின் வருங்கால தூணாக பிரித்வி ஷா கருதப்படுகிறார். எனவே இந்திய தேர்வுக்குழு இவரை இந்திய-ஏ அணியில் அதிக வாய்ப்பளித்தோ அல்லது ரோகித் சர்மா மற்றும் ஷீகார் தவானுடனோ தொடக்க வீரராக களமிறக்க இந்திய அணி நிர்வாகம் முயற்சி செய்யும் என எதிர்பார்க்கப்படுகிறது.

#3 மயான்க் அகர்வால்

Mayank Agarwal

2019 உலகக்கோப்பை இந்திய அணியில் விஜய் சங்கருக்கு மாற்று வீரராக மயான்க் அகர்வால் அணியில் இடம்பிடித்தார். வீரர்களுக்கு காயம் ஏற்பட்டிருந்தாலும் இந்திய அணி ஒரு நிரந்தர வலிமை வாய்ந்த அணியாக இருந்த காரணத்தால் மயான்க் அகர்வாலுக்கு ஆடும் XIல் ஒரு போட்டியில் கூட வாய்ப்பு வழங்கப்படவில்லை. இவர் சர்வதேச போட்டிகளிலிருந்து அழைப்பு வர கிட்டத்தட்ட 12-18 மாதங்கள் கடுமையாக உழைத்தார். இறுதியாக ஆஸ்திரேலியாவிற்கு எதிரான டெஸ்ட் தொடரில் பிரித்வி ஷா-விற்கு காயம் ஏற்பட்ட காரணத்தால் அவருக்கு மாற்று வீரராக மயான்க் அகர்வால் களமிறக்கப்பட்டார்.

வாய்ப்பு கிடைத்த இரு டெஸ்ட் போட்டிகளிலும் அருமையாக விளையாடி காண்போரை அதிகம் கவர்ந்தார். இவர் லிஸ்ட்-ஏ கிரிக்கெட்டில் 75 போட்டிகளில் பங்கேற்று 100 ஸ்ட்ரைக் ரேட் மற்றும் 49 சராசரியுடன் 3605 ரன்களை குவித்தார். 28 வயதான இவர் இதுவரை ‌சர்வதேச ஒருநாள் போட்டிகளில் அறிமுகமாகவில்லை. இருப்பினும் அணி நிர்வாகம் ஷிகார் தவான் மற்றும் ரோகித் சர்மாவிற்கு மாற்று வீரராக இவரை களமிறக்க முயற்சிக்கும்.

#2 சுப்மன் கில்

Shubman Gill

பிரித்வி ஷா இடம்பெற்றிருந்த அதே U-19 அணியில் சுப்மன் கில்லும் இடம்பிடித்திருந்தார். பிரித்வி ஷா சர்வதேச கிரிக்கெட்டில் அறிமுகமான இரு மாதங்கள் கழித்து சுப்மன் கில் இடம்பிடித்தார். நியூசிலாந்திற்கு எதிராக இரு ஒருநாள் போட்டிகளில் களமிறங்கிய இவர் சிறப்பான ஆட்டத்தை வெளிபடுத்த தவறினார். இருப்பினும் இவரது இயல்பான ஆட்டத்திறனை கருத்தில் கொண்டு விராட் கோலி இந்திய அணியில் சுப்மன் கில்லை இனைத்துக் கொள்வார் என எதிர்பார்க்கப்படுகிறது.

சுப்மன் கில் ஒரு நுணுக்கமான பேட்ஸ்மேன் மற்றும் ஸ்விங் பௌலிங்கை சரியாக எதிர்கொள்ளும் திறன் படைத்துள்ளார். கொல்கத்தா நைட் ரெய்டர்ஸ் அணியின் பேட்ஸ்மேனான இவர் ஒரு அதிரடி தொடக்க ஆட்டக்காரர். அத்துடன் தன்னுடன் களமிறங்கும் மற்றொரு தொடக்க வீரரை அதிரடியாக ஆடவிட்டு தன்னை பொறுமையாக விளையாடும் வகையில் மாற்றிக்கொள்ளும் திறன் படைத்தவர். இந்த நுணுக்கத்தை தற்கால இளம் பேட்ஸ்மேன்களிடம் காண்பது மிகவும் அரிது.

இவர் 44 இன்னிங்ஸில் 46.05 சராசரி மற்றும் 85.6 ஸ்ட்ரைக் ரேட்டுடன் 1796 ரன்களை குவித்துள்ளார். 2019 ஐபிஎல் தொடரில் வளர்ந்து வரும் வீரர்களுக்கான விருதினை சுப்மன் கில் வென்றதன் மூலம் தன்னுடைய ஆட்டத்திறனை நிருபித்துள்ளார். இதே நோக்கத்துடன் சுப்மன் கில் செயல்பட்டு வந்தால் கண்டிப்பாக இந்திய அணியில் இவர் இடம்பெறுவதை யாரலும் தடுத்திட இயலாது. இவர் மிடில் ஆர்டரிலும் களமிறங்கும் திறன் கொண்டவர் என்பது சுப்மன் கில்லின் கூடுதல் வலிமையை எடுத்துரைக்கிறது.

#1 அஜீன்க்யா ரகானே

Rahanae is a highly experienced campaigner having played in more than 150 games for India

அஜீன்க்யா ரகானே இந்திய மாற்று தொடக்க ஆட்டக்காரராக மீண்டும் ஒருநாள் கிரிக்கெட்டிற்கு திரும்ப வேண்டும் என்பது ரசிகர்களின் விருப்பமாக உள்ளது. இவரது மோசமான ஆட்டத்தால் இந்திய அணியிலிருந்து இவர் கழட்டி விடப்படுவதற்கு முன்பு வரை இந்திய மாற்று தொடக்க ஆட்டக்காரராகவும், 2-3 வருடங்களாக இந்திய அணியின் நம்பர்-4 பேட்ஸ்மேனாகவும் வலம் வந்தார். தொடக்க வீரராக இவர் களமிறங்கிய கடைசி 11 இன்னிங்ஸில் 7 அரைசதங்கள் மற்றும் 1 சதத்தினை விளாசியுள்ளார்‌. பின்னர் நம்பர் 4ல் மோசமான ஆட்டத்தை வெளிப்படுத்திய காரணத்தால் ஒருநாள் கிரிக்கெட்டிலிருந்து நீக்கப்பட்டார்.

இவர் இந்திய அணிக்காக 150 போட்டிகளில் பங்கேற்று அதிக அனுபவம் வாய்ந்த வீரராக உள்ளார். இவர் உள்ளூர் கிரிக்கெட்டில் 87 இன்னிங்ஸில் 35.26 சராசரி மற்றும் 79 ஸ்ட்ரைக் ரேட்டுடன் 2962 ரன்களை குவித்துள்ளார். ரகானேவின் குறைவான ஸ்ட்ரைக் ரேட்டினால் அதிகம் நகைப்பிற்கு உள்ளாக்கப்பட்டார். இருப்பினும் 2019 ஐபிஎல் தொடரில் அந்த எண்ணத்தை மாற்றி 139 என்ற அற்புதமான ஸ்ட்ரைக் ரேட்டுடன் ரன் குவிப்பில் ஈடுபட்டார்.

இந்திய அணிக்கு தற்போது நம்பர் 4 பேட்ஸ்மேன் மற்றும் மாற்று தொடக்க ஆட்டக்காரர் தேவை உள்ளது. ரகானே இந்த இரு பேட்டிங் வரிசையிலும் அற்புதமாக விளையாடும் திறன் கொண்டவர். எனவே இதன்மூலம் இந்திய அணிக்கு கூடுதல் வீரரை அணியில் சேர்க்க வாய்ப்பு கிடைக்கும்.