ஒரெயொரு உலகக் கோப்பை போட்டியில் மட்டும் பங்கேற்ற 3 கிரிக்கெட் வீரர்கள்

உலகின் மிகப்பெரிய கிரிக்கெட் தொடரான உலகக் கோப்பை தொடரில் தன்னுடைய நாட்டின் சார்பாக இடம்பெற வேண்டும் என்பது அனைத்து கிரிக்கெட் வீரர்களின் வாழ்நாள் கனவாக இருக்கும். 1975ற்கு பிறகு உலகக் கோப்பை தொடர் பெரிதும் மேம்பட்டுவிட்டது. முதல் இரு உலகக் கோப்பை தொடர்களிலிலும் மேற்கிந்தியத் தீவுகள் அணி ஆதிக்கத்தை செலுத்தியது. அதன் பின்னர் மற்ற அணிகள் தங்களது முதல் உலகக்கோப்பையை வென்றன. இந்த உலகக் கோப்பை தொடர் உலகில் உள்ள கிரிக்கெட் வீரர்களின் பௌலிங் மற்றும் பேட்டிங் திறனை அனைவருக்கும் நிரூபிக்கும் ஒரு இடமாக அமைகிறது.

12வது உலகக் கோப்பை தொடர் இங்கிலாந்தில் மே 30 அன்று தொடங்கி ஏற்கனவே கிரிக்கெட் ரசிகர்களை உற்சாகப்படுத்தி வருகிறது. இன்னும் 35 போட்டிகள் 2019 உலகக் கோப்பை தொடரில் மீதமுள்ளது. இனிவரும் போட்டிகளில் எந்த அணி வீரர்கள் அதிரடி ஆட்டத்தை வெளிப்படுத்துவார்கள் என்பதை காண அனைத்து கிரிக்கெட் ரசிகர்களும் ஆவலுடன் எதிர்பார்த்து காத்துள்ளனர். உலகக் கோப்பை தொடரில் அணிகளுக்கு இடையே கடும் நெருக்கடியுடன் போட்டிகள் நிலவும். அத்துடன் ஒரு அணியில் உள்ள ஒவ்வொரு வீரர்களும் அணியில் இடம் பிடிக்கவும் அதிக போட்டிகள் நிலவும். கடந்த காலங்களில் சில பிரபலமான வீரர்கள் ஒரெயொரு உலகக் கோப்பை போட்டியில் மட்டுமே பங்கேற்றுள்ளனர்.

அவ்வாறு உலகக் கோப்பை தொடரில் ஒரே ஒரு போட்டியில் மட்டும் இடம்பெற்றுள்ள 3 வீரர்களை பற்றி காண்போம்.

#3 காலின் இன்கிராம்

Colin Ingram

2019 ஐபிஎல் தொடரில் டெல்லி கேபிடல்ஸ் அணி பிளே ஆஃப் சுற்றுக்கு தகுதி பெற காரணமாக இருந்த வீரர்களுள் இவரும் ஒருவர். இவர் அளித்த சிறு சிறு பங்களிப்பு அந்த அணிக்கு பெரிதும் உதவியுள்ளது. தென்னாப்பிரிக்காவைச் சேர்ந்த இடது கை பேட்ஸ்மேனான காலின் இன்கிராம் 2010ல் ஜீம்பாப்வேவிற்கு எதிரான தொடரில் அறிமுகமானர். அவரது வருங்கால ஆட்டத்திறனை கருத்தில் கொண்டு ஒருநாள் தொடரில் அறிமுகம் செய்யப்பட்டார். தென்னாப்பிரிக்க தேர்வுக்குழுவின் எதிர்பார்ப்பை நிராகரிக்காமல் சரியான ஆட்டத்திறனை வெளிபடுத்தி தனது அறிமுக போட்டியிலேயே சதம் விளாசினார். ஆனால் அடுத்தடுத்த போட்டிகளில் அதனை தொடர இன்கிராம் மறந்துவிட்டார். 33 சர்வதேச ஒருநாள் போட்டிகளில் பங்கேற்றுள்ள இவர் 843 ரன்களை குவித்துள்ளார். இதில் 3 அரைசதங்கள் மற்றும் 3 சதங்கள் அடங்கும்.

காலின் இன்கிராம் 2011 உலகக் கோப்பை தொடரில் தென்னாப்பிரிக்க அணியில் இடம்பெற்று தனது துணைக் கண்டத்திற்கு விளையாட சென்றார். எதிர்பாரத விதமாக காலின் இன்கிராம் அயர்லாந்திற்கு எதிரான போட்டியில் மட்டுமே ஆடும் XI-ல் இடம்பெற்றார். மற்ற எந்த போட்டியிலும் களமிறக்கப்படவில்லை. கடைநிலையில் களமிறங்கிய இவர் அந்த போட்டியில் 46 ரன்களை குவித்தார். அயர்லாந்திற்கு எதிரான அந்த போட்டியில் தென்னாப்பிரிக்கா 131 ரன்கள் வித்தியாசத்தில் வெற்றி பெற்றது. ஆனால் அதன் பின் நடந்த எந்த போட்டியிலும் இவர் களமிறக்கப்படவில்லை. 2013ல் கோல்பாக் ஒப்பந்தத்தில் கையொப்பமிட்ட காலின் இன்கிராம் பின்னர் சர்வதேச கிரிக்கெட்டிலிருந்து ஓய்வு பெற்றார்.

#2 மெர்வ் ஹியூக்ஸ்

Merv Hughes

மெர்வ் ஹியூக்ஸ் 1980 மற்றும் 1990ல் ஆஸ்திரேலிய அணியின் முன்னணி பந்துவீச்சாளராக இருந்தார். அத்துடன் கடைநிலையில் டெஸ்ட் போட்டிகளில் பங்கேற்று 1000 ரன்களை குவித்துள்ளார். 1985ல் அறிமுகமான இவர் ஆரம்பத்தில் அதிக ரன்களை தனது பௌலிங்கில் அளித்துள்ளார். போக போக இவரது பந்துவீச்சு மேம்பட்ட காரணத்தால் ஆஸஸ் தொடரில் விளையாடும் வாய்ப்பு பெற்றார்.இவர் டெஸ்ட் மற்றும் ஒருநாள் போட்டிகளில் சிறப்பான ஆட்டத்தை வெளிப்படுத்தியுள்ளார். இருப்பினும் ஆஸ்திரேலிய அணி இவரை டெஸ்ட் போட்டிகளிலே அதிகம் களமிறக்கியது. ஒருநாள் கிரிக்கெட்டில் 33 போட்டிகளில் பங்கேற்று 38 விக்கெட்டுகளை வீழ்த்தியுள்ளார்.

1991-92ல் நடந்த உலகக் தொடரில் ஆஸ்திரேலியா மற்றும் நியூசிலாந்து நாடுகள் நடத்தின. ஆஸ்திரேலிய கிரிக்கெட் நிர்வாகம் இவரை காத்திருப்பு பந்துவீச்சாளராக தேர்வு செய்திருந்தது. அந்த உலகக் கோப்பை தொடரில் இந்தியாவிற்கு எதிரான ஒரே ஒரு போட்டியில் களமிறங்கி 49 ரன்களை தனது பந்துவீச்சில் அளித்து 1 விக்கெட்டை வீழ்த்தினார். ஓடிஐ கிரிக்கெட்டில் இவரது பந்துவீச்சு அவ்வளவு சிறப்பானதாக இல்லாத காரணத்தால் இவரை ஆஸ்திரேலிய அணி ஓடிஐ போட்டிகளில் அதிகமாக களமிறக்கவில்லை. 1994ல் சர்வதேச கிரிக்கெட்டிலிருந்து ஓய்வு பெற்றார்.

#1 ஜார்ஜ் பெய்லி

George Bailey

இந்திய ரசிகர்கள் ஜார்ஜ் பெய்லியை அவ்வளவு எளிதாக மறந்திருக்க மாட்டார்கள். 2013-14ல் நடந்த ஏழு போட்டிகள் கொண்ட ஒருநாள் தொடரில் ஜார்ஜ் பெய்லியின் அதிரடி ஆட்டத்தின் மூலம் ஆஸ்திரேலிய அணி வென்றது. இந்த தொடரில் 6 போட்டிகளில் பங்கேற்று 95.60 சராசரியுடன் 478 ரன்களை குவித்தார். இந்த தொடருக்கு பிறகு எதிர்பாரத விதமாக அவரது சிரான ஆட்டத்திறன் படிப்படியாக குறைய தொடங்கியது. சிறந்த தாஸ்மானிய நகரைச் சேர்ந்த பெய்லி இந்தியாவிற்கு எதிராக டி20 போட்டியில் கேப்டனாக அறிமுகமானார். அறிமுக போட்டியிலேயே கேப்டனாக அறிமுகமான இரண்டாவது ஆஸ்திரேலிய வீரர் ஜார்ஜ் பெய்லி.

இவர் கேப்டனாகவும் பேட்ஸ்மேனாகவும் அதிரடி ஆட்டத்தை வெளிப்படுத்தினார். இதனால் ஆஸஸ் தொடரில் இவருக்கு இடம் கிடைத்தது. ஆனால் இந்த வாய்ப்பை இவர் சரியாக பயன்படுத்திக் கொள்ளதாக காரணத்தால் இத்தொடருக்குப் பிறகு எந்த டெஸ்ட் போட்டிகளிலும் இடம்பெறவில்லை. 2015 உலகக் கோப்பை அணியில் இடம்பெற்றிருந்த இவர் இங்கிலாந்திற்கு எதிரான ஒரே ஒரு போட்டியில் மட்டுமே களமிறங்கினார். இவர் இந்த போட்டியில் 55 ரன்களை விளாசி ஆஸ்திரேலிய அணியை வெற்றி பாதைக்கு அழைத்துச் சென்றார். இந்த போட்டிக்குப் பிறகு இவரை ஆஸ்திரேலிய அணி கண்டுகொள்ளவில்லை. ஆஸ்திரேலியா 2015 உலகக் கோப்பை தொடரை வென்றது. ஆனால் ஜார்ஜ் பெய்லியை இந்த தொடரில் ஒரு போட்டியில் மட்டுமே காண முடிந்தது.