U19 உலகக்கோப்பை மற்றும் 2019 உலகக்கோப்பை ஆகிய இரண்டிலும் இனைந்து விளையாடியுள்ள யாரும் அறியா நட்சத்திர வீரர்கள்

U19 உலகக்கோப்பை தொடரானது சர்வதேச கிரிக்கெட்டிற்கு ஒரு முதற்படியாக உள்ளது. கிரிக்கெட் வீரர்களின் சிறப்பான ஆட்டத்திறனை அவர்களது இளம் வயதில் கண்டறிய மிகவும் உறுதுனையாக இத்தொடர் உள்ளது. தங்களுக்கு U19 உலகக்கோப்பையில் அளிக்கப்படும் வாய்ப்பை வீரர்கள் நன்றாக பயன்படுத்தி கொண்டு நிருபிக்கின்றனர்.

இந்த தொடரில் சிறப்பான ஆட்டத்தை வெளிபடுத்தக் கூடிய வீரர்கள் சர்வதேச கிரிக்கெட் தொடர்களில் இடம்பெறுகின்றனர். விராட் கோலி மற்றும் கானே வில்லியம்சன் போன்ற வீரர்கள் U19 உலகக்கோப்பையில் இந்தியா மற்றும் நியூசிலாந்து அணியில் இடம்பெற்றிருந்தனர். தற்போது சர்வதேச கிரிக்கெட்டில் சிறந்த வீரர்களாக திகழ்ந்து 2019 உலகக்கோப்பை தொடரில் தாங்கள் விளையாடி வரும் அணியின் கேப்டன்களாக உள்ளனர்.

U19 வீரர்களும் உலகக்கோப்பையில் பங்குபெற வேண்டும் நோக்கத்துடன் விளையாடுகின்றனர்.‌ ஆனால் ஒரு சிலருக்கு மட்டுமே வாய்ப்பு கிடைக்கிறது. இவர்கள் U19 உலகக்கோப்பை மற்றும் 50 ஓவர் உலகக் கோப்பையிலும் பங்கேற்கும் வாய்ப்பு பெறுகின்றனர். ஒரு சில கிரிக்கெட் வீரர்கள் U19 உலகக்கோப்பையில் ஒரே சமயத்தில் ஒரே அணியில் விளையாடிய வீரர்கள் 2019 உலகக்கோப்பையிலும் இனைந்து விளையாடி வருகின்றனர்.

நாம் இங்கு ஒரே சமயத்தில் U19 உலகக்கோப்பையில் விளையாடி 2019 உலகக்கோப்பையிலும் ஒரே சமயத்தில் இனைந்து விளையாடி வரும் நட்சத்திர வீரர்களை பற்றி காண்போம்.

#5 டேவிட் வார்னர், ஆரோன் ஃபின்ச், உஸ்மான் கவாஜா

David Warner & Aaron finch

2019 உலகக்கோப்பை தொடரில் ஆஸ்திரேலிய அணியின் டாப் ஆர்டர் பேட்ஸ்மேன்கள் தங்களது இளம் வயதிலும் இனைந்து ஒன்றாக விளையாடியுள்ளனர். டேவிட் வார்னர், ஆரோன் ஃபின்ச், உஸ்மான் கவாஜா ஆகியோர் ஆஸ்திரேலிய U19 அணியில் இடம்பெற்று 2006 U19 உலகக்கோப்பை தொடரில் விளையாடியுள்ளனர். அப்போது அந்த அணியின் கேப்டனாக மொய்ஸஸ் ஹன்ரிக்யூஸ் செயல்பட்டார்.

ஆஸ்திரேலிய U19 அணி அந்த தொடரில் அரையிறுதிக்கு தகுதி பெற்றது. ஆனால் எதிர்பாராத விதமாக பாகிஸ்தானிடம் தோல்வியுற்று வெளியேறியது. தற்போது வரை இம்மூன்று வீரர்களும் சர்வதேச கிரிக்கெட் அரங்கில் அசத்தி வருகின்றனர்.

டேவிட் வார்னர் தனது ஆரம்ப கிரிக்கெட் வாழ்க்கையிலிருந்தே அதிரடியாகவும், உஸ்மான் கவாஜா ஆரம்பத்தில் தடுமாறியும் விளையாடி வந்தனர். ஆரோன் ஃபின்ச் உள்ளூர் கிரிக்கெட் தொடர்களில் அதிரடி ஆட்டத்தை வெளிபடுத்தி ஆஸ்திரேலிய அணியில் தனது இடத்தை உறுதி படுத்தி கொண்டார்.

தற்போது ஆரோன் ஃபின்ச் 2019 உலகக்கோப்பை தொடரில் ஆஸ்திரேலிய அணியின் கேப்டனாக செயல்பட்டு வருகிறார்.

#4 ஷகிப் அல் ஹாசன், தமீம் இக்பால், முஷ்டபிசூர் ரஹீம்

Shakib Al Hasan, Mushfiqur Rahim and Tamim Iqbal

ஒரு காலத்தில் வங்கதேச அணி உலக கிரிக்கெட்டில் ஒரு உறுப்பு அணியாகத்தான் இருந்தது. ஆனால் தற்போது சர்வதேச கிரிக்கெட்டில் அதிவேகமாக பெரும் முன்னேற்றத்தைக் கண்டுள்ளது. இதற்கு முக்கிய முழு காரணமாக இருந்தவர்கள் ஷகிப் அல் ஹாசன், முஷ்டபிசுர் ரஹீம் மற்றும் தமீம் இக்பால்.

இவர்கள் மூவரும் இனைந்து கடந்த 13 வருடங்களில் வங்கதேச அணிக்காக 1000 சர்வதேச போட்டிகளில் பங்கேற்றிருப்பர். அந்த அணியின் வெற்றிக்கு பெரும் முதுகெலும்பாக இவர்கள் மூவரும் இருந்துள்ளனர். தமீம் இக்பால், முஷ்டபிசுர் ரஹீம், ஷகிப் அல் ஹாசன் ஆகியோர் 2006 U19 உலகக்கோப்பையிலும் இனைந்து விளையாடியது பலருக்கு தெரிந்திருக்க வாய்ப்பில்லை.

முஷ்டபிசுர் ரஹீம் தலைமையிலான வங்கதேச U19 அணி, மொய்ன் அலி தலைமையிலான இங்கிலாந்து U19 அணியிடம் காலிறுதியில் தோல்வியை தழுவியது. ஷகிப் அல் ஹாசன், முஷ்டபிசுர் ரஹீம், தமீம் இக்பால் ஆகியோர் 2007 உலகக்கோப்பை தொடரில் வங்கதேச அணியில் இடம்பெற்று இந்திய அணியை வீழ்த்தினர்.

இந்த போட்டியில் இவர்கள் மூவரும் அரைசதம் விளாசியது குறிப்பிடத்தக்கது. வங்கதேச கிரிக்கெட் அணியின் தூண்களாக இவர்கள் மூவரும் விளங்குகின்றனர்.‌

#3 கானே வில்லியம்சன், டிரென்ட் போல்ட், டிம் சௌதி

Kane Williamson, Trent Boult and Tim Southee

கானே வில்லியம்சன், டிரென்ட் போல்ட், டிம் சௌதி ஆகியோர் நியூசிலாந்து கிரிக்கெட் அணியின் முக்கிய வீரர்களாக உள்ளனர். தற்காலத்தில் மூன்று வகையான கிரிக்கெட்டிலும் இவர்கள் ஒரு வழக்கமான வீரர்களாக உள்ளனர்.

இவர்கள் மூவரும் 2008 U19 உலகக்கோப்பை தொடரில் இடம்பெற்றனர். டிம் சௌதி 2006 U19 உலகக்கோப்பை தொடரில் ஏற்கனவே இடம்பெற்று விளையாடியிருந்தார். 2008 U19 உலகக்கோப்பையில் பங்கேற்கும் முன்பாகவே டிம் சௌதி சர்வதேச கிரிக்கெட்டில் அறிமுகமானது குறிப்பிடத்தக்கது.

அந்த தொடரில் கானே வில்லியம்சன் இளம் நியூசிலாந்து அணியை வழிநடத்தி அரையிறுதிக்கு தகுதி பெறச் செய்தார். அதே சமயத்தில் மிகவும் வலிமையான இந்திய இளம் அணி தற்போதைய இந்திய கேப்டன் விராட் கோலியால் அரையிறுதிக்கு அழைத்து வரப்பட்டது.

டிம் சௌதி இப்போட்டியில் 3 விக்கெட்டுகளை வீழ்த்தினார். ஆனால் இந்திய அணி மழை காரணமாக 3 விக்கெட்டுகள் வித்தியாசத்தில் வெற்றி பெற்றது. டிம் சௌதி, கானே வில்லியம்சன், டிரென்ட் போல்ட் ஆகியோர் சரியான திட்டம் வகுத்து 2019 உலகக்கோப்பையை கைப்பற்றும் நோக்கில் உள்ளனர்.

#2 விராட் கோலி, ரவீந்திர ஜடேஜா

Virat Kohli and Ravindra Jadeja

2019 உலகக்கோப்பையில் இந்திய அணியில் இடம்பெற்றுள்ள 7 வீரர்கள் U19 உலகக்கோப்பை தொடரில் விளையாடியவர்கள் தான். இருப்பினும் 2 வீரர்கள் மட்டுமே U19 உலகக்கோப்பையை வென்றுள்ளனர்.

2008ல் U19 உலகக்கோப்பையை வென்ற சிறப்பான வீரர்களை கொண்ட இந்திய அணியின் கேப்டனாக விராட் கோலியும், துனைக் கேப்டனாக ரவீந்திர ஜடேஜாவும் இருந்தனர். ரவீந்திர ஜடேஜா 2006 U19 உலகக் கோப்பையிலும் இடம்பெற்றிருந்தார், அப்போது ரோகித் சர்மா இவரது சக வீரராக இருந்தார். 2008 U19 உலகக்கோப்பை விராட் கோலிக்கு அறிமுக தொடராகும்.

பரபரப்பாக சென்ற அரையிறுதி மற்றும் இறுதிப் போட்டியில் இந்திய அணி கோப்பையை வென்றது. விராட் கோலி மிகவும் அதிவேகமாக அதே ஆண்டில் சர்வதேச அணியிலும் இடம்பிடித்தார். ரவீந்திர ஜடேஜா 2009ல் சர்வதேச கிரிக்கெட்டில் அறிமுகமானார்.

ஜடேஜா தன் கிரிக்கெட் வாழ்வில் பல ஏற்ற இறக்கங்களை சந்தித்துள்ளார். விராட் கோலி நாளுக்கு நாள் தனது ஆட்டத்திறனை மேம்படுத்தியுள்ளார். தற்போது உலகின் தலைசிறந்த பேட்ஸ்மேனாக வலம் வருகிறார்.

#1 ஜோ ரூட், ஜேம்ஸ் வின்ஸ், ஜாஸ் பட்லர், பென் ஸ்டோக்ஸ்

Joe Root, James Vince, Jos Buttler, Ben Stokes

ஆஸ்திரேலியாவில் நடந்த 2015 உலகக்கோப்பை தொடரில் மோசமான ஆட்டத்தை வெளிப்படுத்திய இங்கிலாந்து அணி தனது கிரிக்கெட் திறனை வேறு பாதைக்கு திருப்பியுள்ளது. இளம் வீரர்களுக்கு அதிக பயிற்சியை அளித்து சிறந்த வீரர்களாக உருவாக்கி தற்போது அதற்கான பலனையும் இங்கிலாந்து பெற்றுள்ளது.

பென் ஸ்டோக்ஸ், ஜோ ரூட், ஜாஸ் பட்லர் ஆகியோர் கடந்த 4 ஆண்டுகளாக சிறப்பான ஆட்டத்தை வெளிபடுத்தி ஒருநாள் கிரிக்கெட்டில் இங்கிலாந்து அணியை மிகவும் வலுவான அணியாக மாற்றி உள்ளனர்.

பென் ஸ்டோக்ஸ், ஜாஸ் பட்லர், ஜோ ரூட் ஆகியோர் 2010 U19 உலகக்கோப்பையில் இங்கிலாந்து U19 அணியில் இனைந்து விளையாடியது பெரும்பாலோனோருக்கு தெரிந்திருக்க வாய்ப்பில்லை. தற்போது உலகக்கோப்பையில் இடம்பெற்றுள்ள ஜேம்ஸ் வின்ஸும் அவர்களுடன் இனைந்து விளையாடியுள்ளார்.

2010 U19 உலகக்கோப்பை தொடரில் நடப்பு சேம்பியனான இந்திய அணியை இங்கிலாந்து தோற்கடித்தது. குழுவில் முதலிடத்தில் இருந்த இங்கிலாந்து U19 காலிறுதியில் மேற்கிந்தியத் தீவுகளிடம் தோல்வியுற்று வெளியேறியது. இங்கிலாந்து அவ்வருட U19 உலகக்கோப்பையை வெல்லா விட்டாலும் வருங்கால பல நட்சத்திர வீரர்களை கண்டெடுத்தது.