டெஸ்ட் கிரிக்கெட் வரலாற்றில் முறிக்க முடியாத 11 சாதனைகள்

கிரிக்கெட் விளையாட்டானது தோன்றிய ஆரம்பம் முதல் தற்போது வரை பல்வேறு வளர்ச்சியை எட்டியுள்ளது. அதற்கேற்றவாறு கிரிக்கெட் வீரர்களும் தங்களது மனநிலையை மாற்றியமைத்து விளையாடிவருகின்றனர். ஆனால் சமீபகாலமாக உலகெங்கும் டி20 கிரிக்கெட்டின் ஆதிக்கத்தால் டெஸ்ட் கிரிக்கெட் சற்று இறங்கு முகம் கண்டுள்ளதாக கருதப்படுகிறது. இருப்பினும் கிரிக்கெட் விளையாட்டு வகையில் டெஸ்ட் போட்டிகளுக்கு எப்போதும் ஒரு தனிச் சிறப்பு இடம் உண்டு. ஒரு வீரர் திறமை மிக்க வீரரா என்பதை கணிக்க 5 நாட்கள் அடங்கிய டெஸ்ட் கிரிக்கெட் மூலம் தீர்மானிக்க முடியும். அத்தகைய டெஸ்ட் போட்டிகளில் பல சாதனைகளை தற்கால வீரர்கள் படைத்தும் முறியடித்தும் வருகின்றனர். இருந்தாலும் ஒரு சில சாதனைகளை டெஸ்ட் கிரிக்கெட்டில் முறியடிப்பது மிகவும் கடினமான இலக்காக தற்கால வீரர்களுக்கு உள்ளது.

நாம் இங்கு டெஸ்ட் கிரிக்கெட்டில் முறியடிக்க இயலாத 11 சாதனைப் புள்ளிவிவரங்களைப் பற்றி காண்போம்.

#11 ராகுல் டிராவிட் - டெஸ்ட் போட்டிகளில் ஃபீல்டராக 210 கேட்சுகள்

Rahul Dravid

டெஸ்ட் கிரிக்கெட் பொறுத்த வரை ராகுல் டிராவிட் ஒரு சிறந்த பேட்ஸ்மேன் என்பதில் எள்ளளவும் சந்தேகமில்லை. டெஸ்ட் போட்டிகளில் டிராவிட் ஒரு சிறந்த ஃபில்டர் என்பது ஒரு சிலர் மட்டுமே அறிந்த உண்மையாகும். முன்னாள் இந்திய கேப்டனான இவர் டெஸ்ட் போட்டிகளில் 210 கேட்சுகளை பிடித்துள்ளார்.

மஹேல்லா ஜெயவர்த்தனே மட்டுமே இவருக்கு அடுத்தபடியாக 205 டெஸ்ட் கேட்சுகளை பிடித்துள்ளார். முன்னாள் இலங்கை கிரிக்கெட் வீரரான ஜெயவர்த்தனேவிற்கு இடைபட்ட காலங்களில் டெஸ்ட் போட்டிகளில் வாய்ப்பு கிடைக்காத காரணத்தால் ராகுல் டிராவிட்டின் இந்த சாதனையை தற்போது வரை டெஸ்ட் கிரிக்கெட்டில் யாராலும் முறியடிக்க இயலாத சாதனையாகவே வலம் வருகிறது.

#10 குமார் சங்கக்காரா மற்றும் மஹேல்லா ஜெயவர்த்தனேவின் 624 டெஸ்ட் பார்ட்னர்ஷீப் ரன்கள்

Sri Lanka's Big Guns Mahela & sankagara

குமார் சங்கக்காரா மற்றும் மஹேல்லா ஜெயவர்த்தனே ஆகிய இருவரும் இலங்கை கிரிக்கெட் அணிக்காக தங்களது பெரும் பங்களிப்பை அளித்துள்ளனர். இவர்கள் இருவரும் அதிக சமயங்களில் இலங்கை அணியை அபத்தான கட்டத்திலிருந்து காப்பாற்றியுள்ளனர்.

2006ல் கொழும்புவில் தென்னாப்பிரிக்காவிற்கு எதிராக நடந்த டெஸ்ட் போட்டியில் 3வது விக்கெட்டிற்கு களமிறங்கிய இவர்கள் இருவரும் 624 என்ற அதிகப்படியான ரன்களை பார்டனர்ஷீப் அமைத்து விளையாடினர். தற்காலங்களில் உள்ள அதிரடி பௌலிங்கிற்கிடையில் இந்த சாதனையை முறியடிப்பது மிகவும் கடினமான விஷயமாகும். தற்போதைய டெஸ்ட் கிரிக்கெட்டில் அணியின் வெற்றியை பௌலிங்கே பெரும்பாலும் தீர்மானிக்கிறது.

#9 ரிக்கி பாண்டிங் - 108 டெஸ்ட் வெற்றிகளில் பங்களிப்பு

Ricky ponting

ஆஸ்திரேலிய அணியில் சிறந்த நட்சத்திர கிரிக்கெட் வீரராக திகழ்ந்தவர் ரிக்கி பாண்டிங். 100 டெஸ்ட் போட்டிகளில் பங்கேற்பதே தற்போது ஒரு மிகப்பெரிய சாதனையாக உள்ள நிலையில், ரிக்கி பாண்டிங் ஆஸ்திரேலியாவின் 108 டெஸ்ட் வெற்றிகளில் தனது பங்களிப்பை அளித்துள்ளது ஆச்சரியத்தில் ஆழ்த்துகிறது.

தற்கால கிரிக்கெட்டில் அதிகபடியான போட்டிகள் நிலவிவரும் காரணத்தால் ரிக்கி பாண்டிங் படைத்துள்ள இச்சாதனையை முறியடிப்பது மிகவும் கடினமான நிகழ்வாகும். மேலும் உலக டெஸ்ட் கிரிக்கெட்டில் அதிக சதவீத வெற்றிகளை குவித்த கேப்டன் ரிக்கி பாண்டிங்.

#8 மார்க் பௌச்சேர் - விக்கெட் கீப்பராக 555 டிஸ்மிஸ்கள்

Mark Bouchers

கிரிக்கெட் விளையாட்டில் ஆல்-டைம் சிறந்த விக்கெட் கீப்பராக தென்னாப்பிரிக்காவைச் சேர்ந்த மார்க் பௌச்சேர் உள்ளார். மூன்று வகையான கிரிக்கெட்டிலும் சிறந்த ஆட்டத்திறனை வெளிபடுத்தி தன்னை ஒரு சிறந்த கிரிக்கெட் வீரராக வடிவமைத்துக் கொண்டார் மார்க் பௌச்சேர். இவர் மொத்தமாக 998 டிஸ்மிஸ்களை மூன்று வகையான கிரிக்கெட் போட்டிகளிலும் செய்து ஆல்-டைம் சிறந்த விக்கெட் கீப்பராக உள்ளார். இவருக்கு அடுத்தபடியாக 905 டிஸ்மிஸ்களுடன் முன்னாள் ஆஸ்திரேலிய விக்கெட் கீப்பர் ஆடம் கில்கிறிஸ்ட் உள்ளார். மூன்றாவது இடத்தில் முன்னாள் இந்திய கேப்டன் மகேந்திர சிங் தோனி 829 டிஸ்மிஸ்களுடன் 3வது இடத்தில் உள்ளார்.

மார்க் பௌச்சேர் வீழ்த்திய 998 டிஸ்மிஸ்களில் 555 டிஸ்மிஸ்கள் டெஸ்ட் போட்டிகளில் வீழ்த்தியதாகும். இதுவே டெஸ்ட் கிரிக்கெட்டில் ஒரு விக்கெட் கீப்பரின் அதிகபட்ச டிஸ்மிஸ்களாக தற்போது வரை உள்ளது. தற்காலத்தில் அணிநிர்வாகங்கள் விக்கெட் கீப்பரை பொதுவாக நல்ல பேட்ஸ்மேன்களாக இருந்தால் மட்டுமே தேர்வு செய்வதால் மார்க் பௌச்சரின் இச்சாதனையை முறியடிப்பது மிகவும் கடினமான விஷயமாகும்.

#7 ஆலன் பார்டர் - இடைவெளியின்றி தொடர்ந்து அதிக டெஸ்ட் போட்டிகளில் பங்கேற்ற வீரர்

Allen border

முன்னாள் ஆஸ்திரேலிய கேப்டன் ஆலன் பார்டர் ஒரு கிரிக்கெட் வீரராக இடைவெளியின்றக தொடர்ந்து அதிக டெஸ்ட் போட்டிகளில் விளையாடிய சாதனையை தன்வசம் வைத்துள்ளார். இவர் மொத்தமாக 153 டெஸ்ட் போட்டிகளில் எவ்வித சிறு இடைவெளியும் இன்றி ஆடும் XIல் இடம்பெற்று தன் பங்களிப்பை ஆஸ்திரேலிய அணிக்கு அளித்துள்ளார்.

தற்காலத்தில் உள்ள வீரர்களுக்கு அதிகப்படியான காயங்கள் ஏற்படுவதன் காரணத்தால் ஆலன் பார்டரின் இச்சாதனையை முறியடிக்க வாய்ப்புகள் மிகவும் குறைவாகும். இவருக்கு அடுத்தபடியாக முன்னாள் இங்கிலாந்து டெஸ்ட் தொடக்க ஆட்டக்காரர் ஆலஸ்டர் குக் 109 போட்டிகளில் தொடர்ச்சியாக எவ்வித இடைவெளியின்றி டெஸ்ட் போட்டிகளில் பங்கேற்றுள்ளார்.

#6 ஜீம் லேகர் - ஒரு டெஸ்ட் போட்டியில் 19 விக்கெட்டுகள்

Jim laker

ஜீம் லேகர் டெஸ்ட் கிரிக்கெட்டில் யாராலும் நம்ப இயலாத ஒரு அற்புதமான சாதனையை படைத்துள்ளார். 1956ல் ஆஸ்திரேலியாவிற்கு எதிரான டெஸ்ட் போட்டியில் 19 விக்கெட்டுகளை வீழ்த்தியுள்ளார். டெஸ்ட் போட்டியின் ஒரு இன்னிங்ஸில் 10 விக்கெட்டுகளையும் வீழ்த்திய முதல் கிரிக்கெட் வீரர் ஜீம் லேகர் தான். இவர் இரண்டாம் இன்னிங்ஸில் 53 ரன்களை மட்டுமே தனது பௌலிங்கில் எடுத்து 10 விக்கெட்டுகளை வீழ்த்தினார். முதல் இன்னிங்ஸில் 37 ரன்களை அளித்து 9 விக்கெட்டுகளை வீழ்த்தினார். மொத்தமாக இந்தப் போட்டியில் ஜீம் லேகர் 90 ரன்களை அளித்து 19 விக்கெட்டுகளை வீழ்த்தினார்.

ஜீம் லேகர் கீழ் இருக்கும் இந்த சாதனையை முறியடிப்பது என்பது இயலாத ஒன்றாகும். தற்கால பௌலர்கள் எவரேனும் ஒரு டெஸ்ட் போட்டியில் 20 விக்கெட்டுகளை வீழ்த்தினால் மட்டுமே இந்த சாதனையை முறியடிக்க இயலும்.

#5 கிரேம் ஸ்மித் - கேப்டனாக 109 டெஸ்ட் போட்டிகள்

Greame smith

முன்னாள் தென்னாப்பிரிக்க கேப்டன் கிரேம் ஸ்மித் 100க்கும் மேலான டெஸ்ட் போட்டிகளில் கேப்டனாக பங்கேற்று சாதனை படைத்துள்ளார். 100 டெஸ்ட் போட்டிகளில் பங்கேற்பதே பெரும் சாதனையாக இருக்கும் இக்காலத்தில் கிரேம் ஸ்மித் தான் விளையாடிய 117 டெஸ்ட் போட்டிகளில் 109 டெஸ்ட் போட்டிகளில் கேப்டனாக பங்கேற்றுள்ளது குறிப்பிடத்தக்கது.

தற்காலத்தில் ஒரு கிரிக்கெட் வீரர் 100 டெஸ்ட் போட்டிகளில் பங்கேற்பதே கேள்விக் குறியாக உள்ள நிலையில் கிரேம் ஸ்மித்-தின் இச்சாதனையை முறியடிப்பது என்பது மிகவும் கடினமான நிகழ்வாகும்.

#4 சச்சின் டெண்டுல்கர் - 200 டெஸ்ட் போட்டிகள்

Sachin Tendulkar

தற்போதைய தலைமுறையின் மிகச்சிறந்த கிரிக்கெட் வீரர் சச்சின் டெண்டுல்கர். இந்திய அணியின் சிறந்த கிரிக்கெட் வீரரான சச்சின் டெண்டுல்கர் 20 வருடங்களில் 200 டெஸ்ட் போட்டிகளில் பங்கேற்றுள்ளார். அத்துடன் டெஸ்ட் கிரிக்கெட்டில் அதிக ரன்களை குவித்த வீரராக சச்சின் டெண்டுல்கர் வலம் வருகிறார்.

டெஸ்ட் போட்டிகளில் தற்கால தலைமுறையினரிடம் அதிக நாட்டம் காணப்படாததன் காரணமாக சச்சின் டெண்டுல்கரின் 200 டெஸ்ட் போட்டிகள் சாதனையை முறியடிக்க வாய்ப்பில்லை.

#3 முத்தையா முரளிதரன் - 800 டெஸ்ட் விக்கெட்டுகள்

Muralitharan

கிரிக்கெட்டில் ஆல்-டைம் சிறந்த பௌலராக முத்தையா முரளிதரன் உள்ளார். இவரது கிரிக்கெட் புள்ளிவிவரங்கள் முத்தையா முரளிதரனின் சிறந்த ஆட்டத்திறனை பிரதிபலிக்கிறது. முன்னாள் இலங்கை பௌலரான இவர் 800 டெஸ்ட் விக்கெட்டுகளை வீழ்த்தியுள்ளார். இந்த சாதனையை முறியடிப்பதென்பது இயலாத ஒன்றாகும்.

மேலும் தற்கால கிரிக்கெட் வீரர்கள் டெஸ்ட் கிரிக்கெட்டில்தான் முதலில் ஓய்வு பெறுகிறார்கள். அனைவரது கவனமும் ஒருநாள் மற்றும் டி20 போட்டிகளிலே உள்ளதால் இச்சாதனை நீண்ட காலங்கள் முறியடிக்க இயலாத சாதனையாகவே இருக்கும் என்பதில் சந்தேகமில்லை.

#2 இலங்கை அணியின் அதிகபட்ச ரன் குவிப்பு

Sri Lanka cricket

1997ல் இந்திய அணி இலங்கைக்கு சுற்றுப்பயணம் செய்து விளையாடிய முதல் டெஸ்ட் போட்டியில் இலங்கை அணி 6 விக்கெட்டுகள் இழப்பிற்கு 952 ரன்களை குவித்தது. இதுவே டெஸ்ட் கிரிக்கெட்டில் ஒரு அணியின் அதிகபட்ச ரன்களாகும். இந்த போட்டி சமனில் முடிந்தாலும், தற்போது வரை கிரிக்கெட் வரலாற்றில் முறியடிக்க இயலாத சாதனையாக இருந்து வருகிறது.

கடந்த காலங்களில் ஆசிய மைதானங்கள் முழுவதும் பேட்ஸ்மேன்களுக்கு சாதகமாக அமைக்கப்பட்டு அவர்களே பெரும் ஆதிக்கத்தை செலுத்தி வந்தனர். ஆனால் தற்காலத்தில் பேட்ஸ்மேன் மற்றும் பௌலர்கள் என இருவருக்கும் சமமாக ஆடுகளம் அமைக்கப்பட்டு இருப்பதால் தற்கால கிரிக்கெட் வீரர்கள் இச்சாதனையை எட்ட வாய்ப்பில்லை.

#1 டான் பிராட் மேன் - டெஸ்ட் சராசரி 99.99

Don Bradman

டான் பிராட் மேன் ஒரு சிறந்த கிரிக்கெட் பேட்ஸ்மேன். இவரது டெஸ்ட் சராசரி 99.99 ஆகும். இது கிரிக்கெட் வரலாற்றில் பெரும் ஆச்சரியமூட்டும் சாதனைப் புள்ளிவிவரமாகும். தற்கால கிரிக்கெட் வீரர்களுக்கு இது மிகப்பெரிய சாதனைச் சவாலாகும். இவர் உலகின் பல நாடுகளில் தனது அற்புதமான டெஸ்ட் ஆட்டத்திறனை வெளிபடுத்தியுள்ளது குறிப்பிடத்தக்கது.

50 டெஸ்ட் போட்டிகளுக்குப் பின்னர் 99.99 என்ற பேட்டிங் சராசரியை எந்த வீரர்களும் வைத்திருந்ததில்லை.