வெஸ்ட் இண்டீஸ் தொடரில் ரோகித் சர்மா முறியடிக்க போகும் மூன்று சாதனைகள் 

வெஸ்ட் இண்டீஸ் சுற்றுப்பயணம் மேற்கொள்ளும் இந்திய அணி இன்று முதல் தனது நீண்ட கால அட்டவணையில் விளையாட உள்ளது. 3 டி20 போட்டிகள், 3 ஒருநாள் போட்டிகள், 2 டெஸ்ட் போட்டிகள் என அனைத்து மூன்று வடிவிலான சர்வதேச போட்டிகளிலும் இவ்விரு அணிகளும் சந்திக்கின்றன. அதன்படி, புளோரிடாவில் இன்று நடைபெறும் முதலாவது டி20 போட்டியில் வெற்றியுடன் துவங்கும் முனைப்பில் இந்தியா களமிறங்க உள்ளது. 2019 உலகக் கோப்பை தொடருக்கு பின்னர், இந்திய அணி விளையாடும் முதலாவது சர்வதேச தொடரில் தனது ஆதிக்கத்தை நிலைநாட்டும் என எதிர்பார்க்கப்படுகிறது. காயம் காரணமாக வெளியேறிய ஷிகர் தவான் தற்போது அணியில் மீண்டும் இணைந்துள்ளார். எனவே, வழக்கம்போல் இந்திய அணி தனது டாப் ஆர்டர் மற்றும் மிடில் ஆர்டர் பேட்டிங் வரிசையில் மிகச்சிறந்த கூட்டணியை கொண்டு உள்ளது. இந்திய அணியின் தொடக்க ஆட்டக்காரரான ரோகித் சர்மா உலக கோப்பை தொடரில் 5 சதங்கள் உள்பட மொத்தம் 648 ரன்களை குவித்து அமர்களப்படுத்தினார். இதன் காரணமாக, இந்திய அணி லீக் சுற்றில் தொடர்ச்சியான வெற்றிகளைக் குவித்தது. இதுவரை சர்வதேச அரங்கில் எண்ணற்ற சாதனைகளை புரிந்து வெஸ்ட் இண்டீஸ் தொடரிலும் பங்கேற்கும் ரோகித் சர்மா பல்வேறு விதமான சாதனைகளை முறியடிக்க காத்திருக்கிறார். அப்படி முக்கியம்வாய்ந்த 3 சாதனைகளைப் பற்றி இந்த தொகுப்பு விவரிக்கின்றது.

#3.வெஸ்ட் இண்டீஸ் அணிக்கு எதிராக அதிக 50+ ரன்கள்:

Rohit Sharma has a good record against WI

டி20 போட்டிகளில் உலகின் அபாயகரமான அணிகள் அணியாக திகழும் வெஸ்ட் இண்டீஸ், கடந்த 2016-ஆம் ஆண்டு நடைபெற்ற டி20 உலகக் கோப்பை தொடரை வென்று அசத்தியது. டி20 வடிவில் இந்திய அணிக்கு சரிசம பங்குடன் விளங்குகிறது, வெஸ்ட்இண்டீஸ். இந்த அணிக்கு எதிராக ஐந்து முறை தலா 50+க்கும் மேற்பட்ட ரன்களை குவித்து சாதனை புரிந்துள்ளார், இலங்கையின் திலகரத்னே தில்ஷன். அவருக்கு அடுத்தபடியாக பாபர் அசாம், அலெக்ஸ் ஹேல்ஸ், காலின் மன்றோ மற்றும் ரோஹித் சர்மா ஆகியோர் தலா 3 முறை 50க்கும் மேற்பட்ட ரன்களைக் குவித்து இந்த பட்டியலில் அடுத்தடுத்து உள்ளனர். எனவே, அசுர பார்மில் தொடரும் ரோகித் சர்மா, இன்று தொடங்கும் முதலாவது டி20 போட்டியிலேயே அரைசதம் கடந்து இந்த பட்டியலில் முதலிடத்திற்கு முன்னேறும் முனைப்பில் உள்ளார். கடந்த ஆண்டு நடைபெற்ற வெஸ்ட் இண்டீஸ் அணிக்கு எதிரான 3 டி20 போட்டிகளில் இரண்டு அரை சதங்கள், ஒரு சதம் உட்பட 334 ரன்கள் குவித்து அமர்க்களப்படுத்தினார். மேலும், இவரது ஸ்ட்ரைக் ரேட் 145.85 என்ற வகையில் அபாரமாய் உள்ளது. தொடர்ந்து மூன்று போட்டிகளில் விளையாடுவதால், அடுத்தடுத்து அரைசதங்களை கடந்து இந்த பட்டியலில் திலகரத்னே தில்ஷனை பின்னுக்குத் தள்ளும் வாய்ப்பும் ரோஹித் சர்மாவுக்கு உள்ளது.

#2.தொடக்க ஆட்டக்காரராக 300 சிக்சர்களை அடித்த முதலாவது இந்தியர்:

In 192 innings as an opener, he has 294 sixes, which is six short of 300 sixes

கடந்த பத்தாண்டுகளில் டி20 தொடர்கள் அசுர வளர்ச்சியை அடைந்துள்ளது, தட்டையான ஆடுகளங்களின் உதவியுடன் எதிர்பார்க்கப்படாத பல ஷாட்களை பல்வேறு பேட்ஸ்மேன்களும் அடித்து ரசிகர்களை குஷிப்படுத்தியுள்ளனர். உலகின் தலைசிறந்த பந்து வீச்சாளரின் ஓவரிலும் கூட அதிகப்படியான ரன்கள் இக்காலத்தில் குவிக்கப்படுகின்றன. ஓவருக்கு தலா 3 பவுண்டரிகள் குவிப்பது இக்காலத்தில் சாத்தியமாகியுள்ளன. 2000களின் தொடக்கத்தில் ஆட்டத்தின் முதல் பந்திலேயே பந்துவீச்சாளர்களை வறுத்தி எடுக்கும் பேட்ஸ்மேன்களான சனத் ஜெயசூர்யா, விரேந்திர சேவாக், ஆடம் கில்கிறிஸ்ட் உள்ளிட்ட வீரர்களைப் போல பல பேட்ஸ்மேன்கள் தற்போது கிரிக்கெட் உலகிற்கு அறிமுகம் ஆகி உள்ளனர். அவற்றில் குறிப்பிடத்தக்க பேட்ஸ்மேனான கிறிஸ் கெயில், அனைத்து தரப்பு போட்டிகளிலும் இதுவரை 522 சிக்சர்களை அடித்துள்ளார். இவருக்கு அடுத்தபடியாக இலங்கையின் ஜெயசூர்யா 335 சிக்சர்களை அடித்து இரண்டாம் இடத்தில் உள்ளார். எப்போதும் பார்மின் உச்சகட்டத்தில் திகழும் இந்தியாவின் ரோகித் சர்மா மூன்றாம் இடத்தில் உள்ளார். இதுவரை 192 ஆட்ட்த்தில் தொடக்க ஆட்டக்காரராக களமிறங்கி 294 சிக்சர்களை குவித்துள்ளார். 300 சிக்ஸர்கள் வெளுக்க இன்னும் ஆறு மிகப் பெரிய ஷாட்கள் இவருக்கு தேவைப்படுகிறது. இந்த தொடரிலேயே இத்தகைய மைல்கல்லை எட்டி 300 சிக்ஸர்களை விளாசி முதலாவது இந்திய தொடக்க பேட்ஸ்மேன் என்னும் பெருமையை பெறுவார், ரோஹித் சர்மா.

#1.சர்வதேச டி20 போட்டிகளில் அதிக சிக்சர்களை அடித்த வீரர்:

Rohit will eye one more T20I record in the upcoming series

மேலும் ஒரு சாதனையாக சர்வதேச டி20 அரங்கில் அதிக சிக்சர்களை நொறுக்கிய வீரர்களின் பட்டியலில் முதலிடம் பிடிக்கும் முனைப்பில் ரோகித் சர்மா களம் இறங்கியுள்ளார். இவரது கிரிக்கெட் வாழ்வின் ஆரம்ப காலகட்டத்தில் மிடில் ஆர்டர் பேட்ஸ்மேனாக களமிறங்கி பல அற்புதமான சிக்ஸர்கள் அடித்துள்ளார். 2013ம் ஆண்டில் நடைபெற்ற ஐபிஎல் சீசனில் மும்பை அணிக்கு முதல் முறையாக ஐபிஎல் பட்டம் பெற்று தந்த கேப்டன் என்ற பெருமையை பெற்றதன் மூலம் புகழ் வெளிச்சத்திற்கு வந்தார். அந்த ஆண்டு முதல் இந்திய அணி குறுகிய கால போட்டிகளில் தொடக்க ஆட்டக்காரராக ரோகித் சர்மா களம் இறக்கப்பட்டார். இதன் மூலமாக, தன்னிடம் ஒளிந்திருந்த திறனை வெளிக்கொணர்ந்து டீப் ஸ்கொயர் லெக் மற்றும் டீப் மிட்விக்கெட் திசைகளில் லாவகமாக ஷாட்களை அடித்து ரசிகர்களை அவ்வப்போது அதிர்ச்சியில் ஆழ்த்தினார். கடந்த ஐந்து ஆண்டுகளாக ரசிகர்கள் பலரின் நம்பிக்கையை பெற்று டி20 மற்றும் ஒருநாள் போட்டிகளில் உலகின் தலை சிறந்த பேட்ஸ்மேனாக விளங்கிவருகிறார், ரோகித் சர்மா. குறிப்பாக சர்வதேச டி20 போட்டிகளில் 94 இன்னிங்சில் களமிறங்கிய 102 சிக்சர்களை அளித்துள்ளார் வெஸ்ட் இண்டீஸ் நாட்டைச் சேர்ந்த கிறிஸ் கெய்ல் 105 சிக்சர்களும் மார்ட்டின் கப்தில் 103 சிக்ஸர்களும் குவித்து இந்தப் பட்டியலில் முதல் இரு இடங்களில் உள்ளனர். எனவே, இன்னும் 4 சிக்சர்களை மட்டுமே விளாசினால், கிறிஸ் கெயிலின் சாதனையை முறியடித்து இந்தப் பட்டியலில் முதலிட அரியணைக்கு முன்னேறுவார், ரோகித் சர்மா. அதுவும் இந்த மூன்று போட்டிகள் கொண்ட டி20 தொடரிலேயே இத்தகைய சாதனை அரங்கேறும் என எதிர்பார்க்கலாம்.