Create
Notifications
Favorites Edit
Advertisement

"அதிகப்படியான நன்மைகள் கிடைத்தாலும், அதற்கு சமமான தவறுகளை தொடர்ந்து செய்வது தமிழ் தலைவாஸின் ஆட்டத்தை பாழாக்குகிறது"  என வருந்தும் பயிற்சியாளர்

Sathishkumar
ANALYST
செய்தி
81   //    24 Aug 2019, 13:00 IST

Tamil thalivas coach E.Bhaskaran
Tamil thalivas coach E.Bhaskaran

ப்ரோ கபடி தொடரின் 7வது சீசனில் யு மும்பா அணிக்கு எதிரான போட்டியில் 24-29 என்று தமிழ் தலைவாஸ் தோல்வியடைந்தது. இதன்மூலம் சொந்த களத்தில் விளையாடிய அனைத்து போட்டிகளிலும் தமிழ் தலைவாஸ் தோல்வியை தழுவியுள்ளது. 

ஆட்டத்தின் முதல் பாதியில் 3 நிமிடங்கள் மீதமிருந்தபோது 12-6 என தமிழ் தலைவாஸ் முன்னிலை வகித்தது. இருப்பினும் யு மும்பா நிகழ்த்திய அருமையான ரெய்ட் மூலம் இரு புள்ளிகளும், சில கூர்மையான சூப்பர் டேக்கல் புள்ளிகளையும் இலாபகரமாக எடுத்து இரு புள்ளிகளில் மட்டுமே பின்தங்கி இருந்தது. 

ஆனால் இரண்டாவது பாதி ஆட்டத்தின் ஆரம்பத்திலேயே சிறப்பான ஆட்டத்தை வெளிப்படுத்திய யு மும்பா எதிரணியை ஆல்-அவுட் செய்து 19-15 என முன்னிலை வகித்தது. அதன்பின் யு மும்பா பின்னடைவை சந்திக்கவே இல்லை. இப்போட்டி முடிவில் தமிழ் தலைவாஸ் பயிற்சியாளர் எடச்சேரி பாஸ்கரன் மற்றும் கேப்டன் அஜய் தாகூர் சொந்த களத்தில் ஏற்பட்ட தோல்விகளுக்கு பொறுப்பேற்று பத்திரிகையாளர்கள் சந்திப்பில் பதிலளித்துள்ளனர். 

*ஒட்டுமொத்தமாக சொந்த களத்தில் அதிகப்படியான நன்மைகள் அணிக்கு கிடைத்துள்ளன. வீரர்கள் அனைவரும் சிறப்பான ஆட்டத்தை வெளிப்படுத்தினர். தங்களது முழு ஆட்டத்திறனையும் அணிக்காக அளித்தனர். அணியை பற்றி எந்த புகாரும்‌ சொல்ல முடியாது. ஆனால் நெருக்கடியான சமயங்களில் தமிழ் தலைவாஸ் மீண்டும் மீண்டும் ஃசெய்யும் தொடர் தவறுகளால் ஆட்டத்தின் போக்கு மாறுகிறது‌. ஆட்டத்தின் ஆரம்பத்தில் அதிக நம்பிக்கையுன் விளையாடும் அணி இடைபட்ட நேரத்தில் செய்யும் சில தவறுகள் போட்டியின் முடிவை கடுமையாக பாதிக்கிறது" என பாஸ்கரன் தெரிவித்துள்ளார். 
"ஆனால் இந்த தவற்றை சரியாக கவனித்து இனிவரும் போட்டிகளில் நிகழாதவாறு பார்த்துக் கொள்வது அவசியம். நாங்கள் கண்டிப்பாக இதனை செய்வோம். அணியில் உள்ள அனைவருக்குமே தாம் எங்கு பலவீனமாக உள்ளோம் என்பது இப்போது நன்றாக தெரிந்திருக்கும். டெல்லி களத்தில் களமிறங்குவதற்கு முன்பாக அணியில் உள்ள சிறு சிறு தவறுகளை முற்றிலுமாக களைய உள்ளோம். தற்போது தமிழ் தலைவாஸ் புள்ளி பட்டியலில் ஒரு நல்ல இடத்தில் உள்ளது‌. எங்களது தவறுகளை நாங்கள் களைய விடாமல் தொடர்ந்து சொதப்பினால் புள்ளி பட்டியலில் தற்போது உள்ள இடத்தை தக்க வைப்பது மிகவும் கடினம்."

கேப்டன் அஜய் தாகூர் எந்த சமயத்தில் தானும் ராகுல் சௌத்ரியும் ரெய்ட் செல்ல வேண்டும் என்பதை பற்றியும் சரியான முடிவை எடுத்தல் வேண்டும். இது ஆட்டத்தை பெரும்பாலான இடங்களில் பாதிக்கிறது. 

"இத்தொடரின் சிறந்த ரெய்டர் ராகுல் சௌத்ரி. எந்த சமயத்தில் யார் ரெய்ட செல்ல வேண்டும் என்பது களத்தில் மட்டுமே முடிவு செய்கிறோம். முன்கூட்டியே முடிவு செய்ய முடியாது. மேலும் எதிரணியின் பிடி வீரர்கள் எவ்வாறு விளையாடுகிறார்கள் என்பதை பொறுத்தே யார் ரெய்ட் செல்ல வேண்டும் என்பதை நாங்கள் தீர்மாணிக்கிறோம்- என அஜய் தாகூர் எடுத்துரைத்தார்.

சொந்த களத்தில் வினித் சர்மா மற்றும் வி அஜீத் குமார் போன்ற புது முகங்கள் அணிக்கு கிடைத்தது பெரும் மகிழ்ச்சியை ஏற்படுத்தியதாக தெரிவித்துள்ளார். 

"சில புது முகங்கள் சிறப்பான ஆட்டத்தை வெளிப்படுத்தியது எனக்கு பெரும் மகிழ்ச்சியை அளித்தது. மன்ஜீத் சில்லர் இல்லாமல் களம் காண்பது பெரும் இழப்பாக இருக்கும் என நினைத்திருந்தோம். ஆனால் இவரது இடத்திற்கு வந்த வினித் சர்மா அந்த குறையை சிறப்பாக போக்கினார். அத்துடன் அஜீத் குமாரின் ஆட்டத்தை அனைவரும் கண்டிருப்பீர்கள். இருவருமே கிடைத்த வாய்ப்பை சரியாக பயன்படுத்தி கொண்டது பெரும் மகிழ்ச்சியை அளிக்கிறது."
1 / 2 NEXT
Tags:
Advertisement
Advertisement
Fetching more content...