இந்தியாவில் பிறந்து இந்தியாவிற்கு எதிராக விளையாடிய 10 வீரர்கள்

#6 ) ராபின் ஜாக்மேன்

Robin Jackman

தற்போதைய கிரிக்கெட் கமெண்ட்ரியில் பேர்போனவர் ராபின் ஜாக்மேன். இவர் இந்தியாவின் சிம்லா நகரில் பிறந்தார். போரின் போது இவரது தந்தையின் காலில் காயமானதால் இவரது குடும்பம் இங்கிலாந்து நாட்டில் குடியேறினர். பின்னர் இங்கிலாந்து அணிக்காக கிரிக்கெட் விளையாட துவங்கினார் ராபின் ஜாக்மேன். தென்னாப்ரிக்க பெண்ணை மணந்த இவர் தென்னாப்ரிக்க நாட்டிற்காகவும் கிரிக்கெட் விளையாடியுள்ளார். இவர் தனது 35 வயதில் சர்வதேச போட்டிகளில் அறிமுகமானது குறிப்பிடத்தக்கது.

#7 ) ஆஸிப் இக்பால்

Asif Iqbal

ஐதராபாத்-ல் பிறந்த இவர் பாகிஸ்தான் நாட்டிற்காக விளையாடியுள்ளார். 1943 -ல் பிறந்த இவர் ஐதராபாத் அணிக்காக கிரிக்கெட் விளையாடி வந்தார். இதன் பின் இவர் குடும்பம் பாகிஸ்தான் குடிபெயர்ந்த பின் பாகிஸ்தான் அணியில் விளையாடினார். 1975-ல் பாகிஸ்தான் அணிக்காக உலகக்கோப்பை விளையாடினார் இவர். பின் 90களில் நடுவராகவும் நியமிக்கப்பட்டார்.

#8 ) நாசீர் உசேன்

Nasser Hussain

சென்னையில் பிறந்த நாசீர் உசேன் கிரிக்கெட்-ல் மிகவும் பெயர்போனவர். இவரது தந்தை ஒரு கிரிக்கெட் வீரர். அவர் பல போட்டிகள் சேப்பாக்கம் மைதானத்தில் விளையாடியுள்ளார். 1975-ல் இங்கிலாந்து நாட்டிற்கு குடிபெயர்ந்த இவர் அந்நாட்டில் உள்ளூர் போட்டிகளில் சிறப்பாக விளையாடி வந்தார். 1990-ல் டெஸ்ட் போட்டியில் அறிமுகமான இவர் 1999-ல் இங்கிலாந்து அணியின் கேப்டனாகவும் மாறினார். இவரது திறமையால் அணியை சிறப்பாக வழிநடத்தினார். தற்போது முன்னணி வர்ணனையாளராக பணிபுரிந்து வருகிறார்.

#9 ) ஹனீப் முகமது

Hanif Mohammad

பாகிஸ்தான் அணியின் கிரிக்கெட் ஜாம்பவானான ஹனீப் முகமது இந்தியாவின் ஜுனகாத் நகரில் பிறந்தவர். இவருக்கு மூன்று சகோதரர்கள் உள்ளனர். மூவரும் பாகிஸ்தான் அணிக்காகவே விளையாடினர். இவர் மேற்கிந்திய தீவுகள் அணிக்கெதிராக 337 ரன்கள் குவித்தார். அதுமட்டுமல்லாமல் முதல் தர போட்டிகளில் 499 ரன்கள் குவித்து உலக சாதனை படைத்ததும் குறிப்பிடத்தக்கது.

#10) மஜீட் கான்

Majid Khan of Pakistan

ஜகான்கிர் கான்-ன் மகனான இவர் இந்தியாவின் லூதியானா நகரில் பிறந்தவர். இந்தியா சுதந்திரம் பெறுவதற்கு முந்தைய ஆண்டு பாகிஸ்தானுக்கு குடிபெயர்ந்தார். லாகூர் அணிக்காக முதல் தர போட்டிகள் விளையாடிய இவர் 1964 ஆம் ஆண்டு டெஸ்ட் போட்டிகளில் அறிமுகமானார். டெஸ்ட் போட்டிகளில் முதல்நாளில் உணவு இடைவேளைக்கு முன்பே சதம் விளாசிய வீரர்களுள் இவரும் ஒருவர்.