இந்திய அணி ஜெர்சி : 1992 - 2015 வரையிலான உலகக் கோப்பை ஜெர்சி நிறம் மாற்றங்கள்.
கிரிக்கெட் விளையாடில் இந்திய அணி பலம் வாய்ந்த அணியாக திகழ்கிறது. இந்திய அணி ஐசிசி தொடர்களில் பல சாதனைகளை படைத்துள்ளது. இந்திய அணி ஐசிசி உலகக் கோப்பை தொடரில் இரண்டு முறை கோப்பை வென்றுள்ளது. 1983ல் கபில்தேவ் தலைமையிலான இந்திய அணி ஐசிசி உலகக் கோப்பையை வென்றுத. இதற்கு அடுத்து 2011ல் தோனி தலைமையிலான இந்திய அணி இரண்டாவது முறை வென்றது. 2019ல் விராட் கோலி தலைமையிலான போட்டியில் இந்திய அணி வெற்றி பெறும் என்று எதிர்பார்க்கப்படுகிறது.
ஆஸ்திரேலிய அணிக்கு அடுத்து அதிக உலகக் கோப்பை வென்ற அணியாக இந்திய அணி இரண்டாம் இடத்தில் உள்ளது. உலகக் கோப்பை தொடரில் 1992 ஆம் ஆண்டு தான் வண்ண ஆடைகளை அணிந்து விளையாட தொடங்கினர். இந்திய அணி 1992 - 2015 ஆம் ஆண்டு வரை உலகக்கோப்பை ஜெர்சியின் வண்ணங்களை ஒவ்வொரு ஆண்டும் தொடர்ச்சியாக மாற்றிக்கொண்டு வந்தனர். எனவே, இந்திய அணியின் உலக கோப்பை ஜெர்சி எப்படி ஆண்டுகளாக மாறியது என்பதை இங்கு பார்க்கலாம்.
#1.1992 - முதல் வண்ண ஜெர்சி, அடர் நீலம்
ஐ.சி.சி கிரிக்கெட் உலகக் கோப்பையின் ஐந்தாவது பதிப்பு 1992 ஆம் ஆண்டு ஆஸ்திரேலியா மற்றும் நியூசிலாந்து நாடுகளில் நடைப்பெற்றது. இந்த ஆண்டு கிரிக்கெட் உலகக் கோப்பை வரலாற்றில் ஒரு குறிப்பிடத்தக்க ஒன்றாக இருந்தது, ஏனெனில் வீரர்கள் முதன்முறையாக வண்ண ஜெர்சிகளை அணிந்து விளையாடினர். இந்திய அணி நீல நிற உலகக் கோப்பை ஜெர்சியை அணிந்திருந்தது. அதில் பச்சை, சிவப்பு மற்றும் வெள்ளை நிறங்கள் இடம்பெற்றிருந்தது. இந்த மூன்று நிரங்களும் இந்தியாவின் தேசியக்கொடியை குறிக்கும். மஞ்சள் நிரத்தில் இந்தியா என்று ஆங்கிலத்தில் இருந்தது.
#2.1996 - மஞ்சள் நிறத்துடன் வெளிர் நீலம்
ஐசிசி கிரிக்கெட் அடுத்தாண்டும் வண்ண நிற ஜெர்சிகளை பயன்படுத்தியது. ஆனால் இந்திய அணி அதன் முதன்மை நிறமான அடர் நீலத்தில் இருந்து வெளிர் நீலமாக ஜெர்சியின் வண்ணத்தை மாற்றினர். மேலாடையின் நடுவில் மஞ்சள் நிறம் இருந்தது அதில் இந்தியா என்று எழுதி இருந்தது. மேலாடையின் காலர் மஞ்சள் நிறமாக இருந்தது. வானவில் நிற அம்புகள் மேலாடையின் முன் பின் என இரண்டு புறமும் இருந்தது.
#3.1999 - மஞ்சள் நிறத்துடன் வெளிர் நீலம்
இந்திய அணியின் 1996 ஆம் ஆண்டு ஜெர்சியில் சில மாற்றங்களை செய்திருந்தனர். அவர்கள் முதன்மை வண்ண வெளிர் நீலத்தை மாற்றவில்லை, ஆனால் அவர்கள் ஜெர்சியின் மஞ்சள் வடிவத்தை மாற்றினர். இந்த மஞ்சள் நிறத்திற்கு மேல் கருப்பு நிறத்தில் எல்லைகோடு இருக்கும்.
#4. 2003 - வெளிர் நிலம் மற்றும் மூன்று வண்ணங்கள்
இந்த மூன்று வண்ணங்கள் தான் இந்தியர்களின் பெருமையாக இருக்கிறது. இதில் முதன்மை வண்ணமாக நீலநிறம் இருக்கிறது ஆனால் சிவப்பு, பச்சை, வெள்ளை ஆகிய மூன்று வண்ணங்களும் இந்திய ஜெர்சியின் நடுவில் இருக்கிறது. இந்த ஜெர்சியில் மஞ்சள் நிறத்தில் இந்தியா என்று ஆங்கிலத்தில் எழுதி இருக்கிறது. பின் கருப்பு நிறமும் கைப்பகுதியில் இடம்பெற்று இருக்கிறது
