2019 உலகக்கோப்பை தொடரில் இந்திய அணி இங்கிலாந்தை எதிர்கொள்ளும் போது நிகழ உள்ள 3 யுத்தங்கள்

2019 உலகக்கோப்பை தொடரின் ஆரம்பத்தில் பல போட்டிகள் ஒரு பக்கம் சாதகமாகவே இருந்து வந்தது. ஆனால் கடந்த சில வாரங்களாக அதற்கு மாறாக அனைத்து போட்டிகளும் இறுதி பந்து வரை பரபரப்பாக சென்றுள்ளது. இங்கிலாந்து தொடர்ந்து இரு போட்டிககளில் தோல்வியை தழுவியும், பாகிஸ்தான் தொடர்ந்து இரு போட்டிகளில் வெற்றி பெற்றும் இவ்வுலகக் கோப்பை தொடரில் திருப்பத்தை கொண்டு வந்துள்ளன.

உலகக்கோப்பை தொடர் தொடங்கும் முன்பு வரை இலங்கை மற்றும் வங்கதேச அணிகள் கோப்பையை வெல்ல போராடாது என நினைத்திருந்தனர். ஆனால் அதற்கு மாறாக தற்போது அரையிறுதிக்கு முன்னேற போராடி கொண்டிருக்கும் அணிகளுள் முன்னணி அணிகளாக திகழ்கிறது. சில முக்கியமான போட்டிகள் இருந்தாலும், இந்தியா மற்றும் இங்கிலாந்து மோதும் போட்டியை எதிர்பார்த்து உலகெங்கும் உள்ள பல்வேறு ரசிகர்கள் காத்துள்ளனர்.

இங்கிலாந்து இரு தோல்விகளினால் துண்டு போய் உள்ள நிலையில் இந்தியாவிற்கு எதிரான போட்டியில் வென்றாக வேண்டும் என்ற சூழ்நிலைக்கு தள்ளப்பட்டுள்ளது. ஆனால் இந்திய அணி 2018ல் நடந்த இங்கிலாந்து தொடரில் 2-1 என ஒருநாள் தொடரை இழந்ததற்கு பதிலடி கொடுக்கும் முனைப்போடு உள்ளது.

சர்வதேச தரவரிசையில் முதல் இரு இடங்களில் உள்ள இந்தியா மற்றும் இங்கிலாந்து அணிகள் மோதும் போட்டியில் பல யுத்தங்களுக்கு பஞ்சமிருக்காது. இரு அணிகளிலும் போட்டிகளின் முடிவை மாற்றக்கூடிய மற்றும் போட்டியின் முடிவை தீர்மானிக்கும் திறமை கொண்ட வீரர்கள் உள்ளனர். நாம் இங்கு போட்டியின் முடிவை தேர்ந்தெடுக்க கூடிய 3 யுத்தங்களைப் பற்றி காண்போம்.

#3 ஜாஸ்பிரிட் பூம்ரா vs ஜானி பேர்ஸ்டோ

Jasprit Bumrah's opening spell to Jonny Bairstow will be fun to watch

கிரிக்கெட் போட்டிகளில் தொடக்க ஆட்டக்காரர் மற்றும் தொடக்க பௌலர்களின் ஆட்டத்திறன் எப்போதுமே மிகச் சிறப்பாக இருக்கும் என்பதில் சந்தேகமில்லை. ஜாஸ்பிரிட் பூம்ரா உலகின் நம்பர் 1 பௌலராக வலம் வருகிறார். இவரது அனல் பறக்கும் பந்துவீச்சை எதிர்கொள்ள தடுமாறாத பேட்ஸ்மேன்கள் என யாருமில்லை. இவரது சிறப்பான வேகம் மட்டுமல்லாது சரியான லென்த் மற்றும் லைனில் பந்துவீச்சை மேற்கொள்வதில் வல்லவராக உள்ளார். அத்துடன் எதிரணி பேட்ஸ்மேன்களின் பேட்டிங்கை கணித்து அதற்கேற்றவாறு சரியாக வீசக் கூடியவர் பூம்ரா.

மறுமுனையில் ஜானி பேர்ஸ்டோ உலகக்கோப்பை தொடரில் சிறப்பான ரன் குவிப்பில் ஈடுபடவில்லை. இவரது அதிவேக சதம் மற்றும் அதிரடி பேட்டிங் இவ்வுலகக்கோப்பை தொடரில் வெளிப்படவில்லை. இங்கிலாந்து தொடக்க ஆட்டக்காரரான இவர் இரு முறை டக் அவுட் ஆகியுள்ளார்.

இந்தியாவிற்கு எதிரான போட்டியில் சிறப்பான ஆட்டத்தை வெளிப்படுத்தி அரையிறுதியில் தனது இடத்தை தக்க வைத்துக் கொள்வதே ஜானி பேர்ஸ்டோவின் முதல் குறிக்கோளாக தற்போது உள்ளது. இந்தியாவின் தொடக்க பௌலர் ஜாஸ்பிரிட் பூம்ரா இருக்கும் வரை அந்நிகழ்வு நடக்க வாய்ப்பில்லை‌. ஜானி பேர்ஸ்டோ ஒரு அதிரடி பேட்ஸ்மேன் என்பதால் ஞாயிறன்று நடைபெறவுள்ள போட்டியில் பூம்ரா மற்றும் பேர் ஸ்டோவிற்கு இடையே கடும் யுத்தம் நிகழ அதிக வாய்ப்புள்ளது.

#2 யுஜ்வேந்திர சகால் vs ஜோ ரூட்

Joe Root was outstanding against the wrist-spinners in 2018

இந்திய அணியின் சுழற்பந்து வீச்சாளர்கள் மிடில் ஓவரில் அணியின் முன்னணி ஆயுதமாக திகழ்கின்றனர். யுஜ்வேந்திர சகால் உலகக்கோப்பை தொடரில் சிறந்த ஆட்டத்திறனை வெளிகொணர்ந்து 5 போட்டிகளில் 10 விக்கெட்டுகளை வீழ்த்தியுள்ளார். என்ஜ்பேஸ்டன் மைதானம் சற்று சுழலுக்கு உகந்த வகையில் இருக்கும். இதனை நியூசிலாந்து மற்றும் பாகிஸ்தான் அணிகள் மோதிய போட்டியில் நாம் காண முடிந்தது. இதேபோல் தான் இம்மைதனாததில் நிகழும் அடுத்து வரும் போட்டிகளிலும் இருக்கும் என்பதால் யுஜ்வேந்திர சகாலுக்கு சாதகமாக இருக்கும் என்பதை மறந்திடக் கூடாது. இருப்பினும் சகாலுக்கு நெருக்கடியை அளிக்கவல்ல பேட்ஸ்மேன் ஜோ ரூட் என்பதையும் நாம் மறந்திடக் கூடாது. ஜோ ரூட் தற்போது சிறந்த ஆட்டத்திறனுடன் திகழ்ந்து இங்கிலாந்து சார்பில் அதிக ரன்களை 2019 உலகக்கோப்பை தொடரில் குவித்துள்ளார்.

இந்திய அணி 2018ல் இங்கிலாந்தில் சுற்றுப்பயணம் செய்து விளையாடிய போது கடைசி இரு ஒருநாள் போட்டிகளிலும் ஜோ ரூட் சதம் விளாசியது குறிப்பிடத்தக்கது. அத்துடன் தற்போது உலகக் கோப்பை தொடரிலும் சிறந்த ஆட்டத்திறன் கொண்டு விளங்குகிறார். ஒட்டுமொத்தமாக பார்க்கும் போது இந்தியாவிற்கு எதிராக சிறப்பான ஆட்டத்தை வெளிபடுத்தும் இங்கிலாந்து வீரராக ஜோ ரூட் உள்ளார். இவர் இந்தியாவிற்கு எதிராக 17 போட்டிகளில் பங்கேற்று 57.00 சராசரியுடன் 684 ரன்களை விளாசியுள்ளார்.

யுஜ்வேந்திர சகால் ஒரு நுணுக்கமான சுழற்பந்து வீச்சாளர். வெவ்வேறு கோணங்களில் பந்துவீச்சை மேற்கொண்டு பேட்ஸ்மேன்களை தடுமாறச் செய்வதில் வல்லவர். எனவே ஜோ ரூட் மற்றும் யுஜ்வேந்திர சகாலுக்கு இடையேயான யுத்தம் அதிகமாகவே இருக்கும் என்பதில் சந்தேகமில்லை.

#1 ஜோஃப்ரா ஆர்ச்சர் vs விராட் கோலி

Jofra Archer wants to get the wicket of Virat Kohli

ஜோஃப்ரா ஆர்ச்சரிடம், "நீங்கள் விக்கெட் வீழ்த்த அதிகம் விரும்பிய வீரர் யார் என்று கேள்வி எழுப்பிய போது அவர் உடனே "விராட் கோலி" என்று பதிலளித்தார்." ஞாயிறன்று நடைபெறவுள்ள இங்கிலாந்து மற்றும் இந்திய அணிகள் மோதும் போட்டியில் கண்டிப்பாக இவர்களுக்கு இடையே கடும் யுத்தம் நிகழும். ஜோஃப்ரா ஆர்ச்சர் இங்கிலாந்து அணியின் X-காரணியாக உள்ளார். அவரது வேகப்பந்து வீச்சுக்கு இங்கிலாந்து மைதானங்கள் மிகுந்த துணைபுரிகின்றன.

மேலும் ஆர்ச்சர் இவ்வுலக கோப்பை தொடரில் 17 விக்கெட்டுகளை வீழ்த்தி அதிக விக்கெட்டுகளை வீழ்த்தியோர் பட்டியலில் இரண்டாவது இடத்தில் உள்ளார்‌. நட்சத்திர பேட்டிங் வரிசையை தன்வசம் வைத்துள்ள இந்திய அணிக்கு இவர் கடும் நெருக்கடியை அளிக்க இங்கிலாந்தின் முன்னணி ஆயுதமாக இவர் இருப்பார்.

மறுமுனையில் விராட் கோலி தற்போது சிறந்த ஆட்டத்திறனுடன் திகழ்கிறார். விராட் கோலி உலகக்கோப்பையில் தொடர்ந்து 4 சதங்களை குவித்துள்ளார். இரு நட்சத்திர வீரர்களுமே தற்போது சிறந்த ஆட்டத்திறனின் உச்சத்தில் உள்ளனர். இரு அணிகளுக்கு இடையிலான போட்டியில் விராட் கோலி மற்றும் ஆர்ச்சருக்கு இடையே நிகழ உள்ள யுத்தத்தை காண ரசிகர்கள் மிகுந்த ஆவலுடன் உள்ளனர்.

இந்தியா கிட்டத்தட்ட அரையிறுதிக்கு தகுதி பெற்று விட்டது. ஆனால் இங்கிலாந்து மீதமுள்ள இரு போட்டிகளிலும் வென்றால் மட்டுமே அரையிறுதிக்கு செல்ல முடியும். ஆர்ச்சர் தன்னுடைய சிறப்பான ஆட்டத்தை கொண்டு வந்து அணியின் வெற்றிக்காக பாடுபடுவார்.