2019 உலககோப்பை: இந்திய அணி வீரர்களின் ரேட்டிங்..

#யுஸ்வேந்திர சகால் ( 7/10 )

England v India - ICC Cricket World Cup 2019

சகாலுக்கு இந்த உலககோப்பை பெரிய அளவில் அமையவில்லை. முதல் போட்டியில் நான்கு விக்கெட்டுகளுடன் துவங்கிய இவர் அதன் பின் தடுமாறியே வந்தார். அதிலும் இங்கிலாந்துக்கு எதிரான போட்டியில் இவரது பந்துவீச்சு எடுபடவே இல்லை. ஆனாலும் அதன் பின் வந்த போட்டிகளில் ஒருசில விக்கெட்டுகளை வீழ்த்தி மொத்தத்தில் எட்டு போட்டிகளில் 12 விக்கெட்டுகளை வீழ்த்தினார்.

#ஹார்திக் பாண்டியா ( 8/10 )

India v New Zealand - ICC Cricket World Cup 2019 Semi-Final

இந்திய அணிக்கு கிடைத்த மிகப்பெரிய பொக்கிஷம் ஹார்திக் பாண்டியா. இந்த உலககோப்பை தொடரை பொருத்தவரையில் பேட்டிங் மற்றும் பவுலிங் என தனது ஆல்ரவுண்டர் ஆட்டத்தை சிறப்பாக வெளிப்படுத்தினார் இவர். 9 இன்னிங்ஸ்ல் 226 ரன்கள் குவித்துள்ளார் இவர். இவரின் ஸ்ரைக்ரேட் 112. 43. பந்துவீச்சிலும் முக்கிய வீரர்களே விக்கெட் வீழ்த்த தடுமாறும் போது இவர் தனது பந்துவீச்சினால் விக்கெட்டுகளை வீழ்த்தி அசத்தினார். பந்துவீச்சில் இவர் மொத்தம் 10 விக்கெட்டுகளையும் வீழ்த்தினார். ஒட்டுமொத்தத்தில் இந்த உலககோப்பை இவருக்கு சிறப்பானதாக அமைந்தது.

# முகமது ஷமி ( 8.5/10 )

இவருக்கு இந்த உலககோப்பை தொடரின் பெரும்பாலான போட்டிகளில் விளையாட வாய்ப்பளிக்கப்படவில்லை. புவனேஷ்வர் குமார் காயம் காரணமாக விளையாடாதததால் அவருக்கு பதில் ஷமிக்கு வாய்ப்பு கிடைத்து. அதன் பின் இந்திய அணியில் களமிறங்கிய இவர் வெறும் 4 போட்டிகளில் 14 விக்கெட்டுகளை அள்ளி அனைவரையும் திரும்பி பார்க்க வைத்தார். இதில் ஹாட்ரிக் விக்கெட்டும் அடங்கும். இருந்தாலும் இவருக்கு அரையிறுதி போட்டியில் களமிறங்க வாய்ப்பு கிடைக்கவில்லை.

Edited by Fambeat Tamil