2019 உலகக்கோப்பை தொடரில் இம்மூன்று மேற்கிந்தியத் தீவுகள் வீரர்களுக்கு எதிராக இந்திய அணி கவனமாக செயல்பட வேண்டும்.

கடந்த சனிக்கிழமையன்று சவுத்தாம்டனில் உள்ள ரோஸ் பௌல் மைதானத்தில் நடந்த போட்டியில் ஆப்கானிஸ்தான் அணியிடம் இந்தியா மிகவும் தடுமாறி வென்றது. ஒரு சிறந்த இந்திய அணிக்கு ஆப்கானிஸ்தான் தன்னால் முடிந்த வரை கடும் நெருக்கடியை அளித்தது. இருப்பினும் இந்திய அணி தனது சிறப்பான பந்துவீச்சு மூலம் அந்த அணியை வீழ்த்தி தற்போது வரை ஒரு போட்டியில் கூட தோல்வியை தழுவாத அணியாக வலம் வருகிறது.

தற்போது இந்திய அணி மேற்கிந்தியத் தீவுகளை மான்செஸ்டரில் உள்ள ஓல்ட் டெஃபோர்ட் மைதானத்தில் வரும் வியாழனன்று எதிர்கொள்ள உள்ளது. கரேபியன் அணி(மேற்கிந்தியத் தீவுகள்) இதுவரை விளையாடியுள்ள 6 போட்டிகளில் 1 போட்டியில் மட்டுமே வென்றுள்ளது. எனவே அரையிறுதிக்கு தகுதி பெற மேற்கிந்தியத் தீவுகளுக்கு இப்போட்டி ஒரு வாழ்வா-சாவா ஆட்டம் போன்றதாகும்

மறுமுனையில் இந்திய அணி லீக் சுற்றில் அனைத்து போட்டிகளிலும் வென்று இதுவரை தோல்வியை தழுவாத அணியாக புள்ளி பட்டியலில் முதலிடத்தை பிடிக்கும் நோக்கத்தில் உள்ளது. ஆப்கானிஸ்தானிற்கு எதிரான மோசமான இந்திய அணியின் பேட்டிங்கிற்கு மேற்கிந்தியத் தீவுகளுக்கு எதிரான போட்டியில் பதிலளித்து ஆக வேண்டும் என்ற கட்டாயத்தில் இந்தியா உள்ளது.

எதிர்வரும் இப்போட்டியில் இந்திய அணி வீரர்கள் இம்மூன்று வீரர்களுக்கு எதிராகவும் மிகுந்த கவனத்துடன் செயல்படவேண்டும்.

#3 ஷீம்ரன் ஹேட்மயர்

Hetmeyer is a very talented young player In Windies Batting Line-Up

ஷீம்ரன் ஹேட்மயர் 2018ல் இந்தியாவிற்கு எதிரான போட்டியில் உலகக் கிரிக்கெட்டில் தன்னை அறிவித்துக் கொண்டார். 5 போட்டிகள் கொண்ட ஒருநாள் தொடரில் ஹேட்மயர் தனது சிறந்த ஆட்டத்தை வெளிபடுத்தினார். இவர் இத்தொடரில் 51.2 சராசரியுடனும், 140 என்ற அபூர்வமான ஸ்ட்ரைக் ரேட்டுடன் 259 ரன்களை குவித்து அனைவரையும் தனது அதிரடி ஆட்டத்தினால் பயமுறுத்தினார்‌

ஹேட்மயர் ஒரு சிறந்த இளம் கிரிக்கெட் வீரர். இவர் 2016ல் நடந்த 19வயதிற்கு உட்பட்டோருக்கான உலகக் கோப்பை தொடரில் மேற்கிந்தியத் தீவுகளின் கேப்டனாக இருந்து பின்னர் சிறப்பான ஆட்டத்தின் மூலம் சர்வதேச கிரிக்கெட்டிற்குள் அடியெடுத்து வைத்தார். சர்வதேச ஒருநாள் கிரிக்கெட்டில் இவர் கால் பதித்ததிலிருந்து தனது பெரும் பங்களிப்பை மேற்கிந்தியத் தீவுகளுக்கு அளித்து வருகிறார். 22 வயதான இளம் ஸ்டைலிஷ் கிரிக்கெட் வீரர் ஹேட்மைர் மேற்கிந்தியத் தீவுகள் அணியின் முன்னணி வீரர்களுள் ஒருவராவார். சுழற்பந்து மற்றும் வேகப்பந்து என இரண்டையும் சமவிகிதத்தில் எதிர்கொள்ளும் திறமை கொண்டவர். சுழற்பந்து வீச்சாளர்களுக்கு எதிராக மிகப்பெரிய சிக்ஸர்களை விளாசும் திறன் கொண்ட ஹேட்மைர் பௌலர்களுக்கு மிகவும் மோசமான கிரிக்கெட் வீரர். குறிப்பாக இந்திய அணிக்கு எதிராக பெரும் அதிரடி மன்னனாக உள்ளார். இந்திய நட்சத்திர சுழற்பந்து வீச்சாளர்கள குல்தீப் யாதவ் மற்றும் யுஜ்வேந்திர சகால் ஆகிய இருவருக்கு எதிராகவும் அதிரடி பேட்டிங்கை இதற்கு முன் வெளிபடுத்தியுள்ளது குறிப்பிடத்தக்கது.

#2 ஷெல்டன் காட்ரேல்

Sheldon Cottrell

ஷெல்டன் காட்ரேல் 2019 உலகக்கோப்பை தொடரில் ஒரு தனித்தன்மையுடன் அடையாளம் காணப்பட்ட வீரர். இவரது சிறப்பான பௌலிங்கிற்கு மட்டுமல்லாமல், விக்கெட் வீழ்த்திய பின் அந்த மகிழ்ச்சியை வெளிபடுத்தும் நிகழ்வு அனைத்து கிரிக்கெட் ரசிகர்களையும் மிகவும் கவர்ந்துள்ளது. 6 போட்டிகளில் 9 விக்கெட்டுகளை வீழ்த்தி மேற்கிந்தியத் தீவுகள் அணி சார்பில் அதிக விக்கெட்டுகளை வீழ்த்திய வீரர் என்ற பெருமையை தன்வசம் வைத்துள்ளார். அத்துடன் சிறப்பான கேட்ச் மற்றும் ரன் அவுட்-களை அதிரடியாக வீழ்த்தி மேற்கிந்தியத் தீவுகள் அணியின் ஃபீல்டிங்கை திடப்படுத்தி அணியின் X-காரணியாக திகழ்கிறார். இவ்வருட உலகக்கோப்பை தொடரில் காட்ரேல் பெரும்பாலும் டாப் ஆர்டர் விக்கெட்டுகளை ஆரம்பத்திலேயே வீழ்த்தியுள்ளார்.

காட்ரேல் ஒரு இடதுகை வேகப்பந்து வீச்சாளர். இந்திய பேட்ஸ்மேன்கள் கடந்த காலங்களில் இடதுகை வேகப்பந்து வீச்சாளர்களுக்கு எதிராக கடுமையான நெருக்கடியை சந்தித்துள்ளது குறிப்பிடத்தக்கது. இவரது இன்-ஸ்விங் பந்துவீச்சு வலதுகை பேட்ஸ்மேன்களால் சரியாக எதிர்கொள்வது சிரமமான நிகழ்வாகும். இந்திய அணியில் இருந்த ஒரே இடதுகை பேட்ஸ்மேன் ஷீகார் தவான். ஆனால் அவரும் காயம் காரணமாக விலகி விட்ட காரணத்தால் அந்த அணியில் அனைவருமே வலதுகை பேட்ஸ்மேன்களாகவே உள்ளனர். ரிஷப் பண்ட் 15 பேர் கொண்ட அணியில் இடதுகை பேட்ஸ்மேனாக இடம்பெற்றிருந்தாலும் அவர் அணியில் இடம்பெறுவாரா என்பது சந்தேகம்தான்.

எனவே டாப் ஆர்டர் பேட்ஸ்மேன்கள் இவருக்கு எதிராக சற்று நிலைத்து விளையாடா விட்டால் கண்டிப்பாக இந்திய அணி நெருக்கடியை சந்திக்கும் என்பதில் சந்தேகமில்லை.

#1 கிறிஸ் கெய்ல்

Chris Gayle

கிறிஸ் கெய்ல் தனது இறுதி உலகக்கோப்பை தொடரில் விளையாடி வருகிறார். 2019 உலகக்கோப்பையில் அதிக வயதில் விளையாடி வரும் வீரர்களுள் இவரும் ஒருவர். இவரது வயது 39. இவரது ஆட்டத்திறன் இத்தொடரில் பெரும் ஏமாற்றத்தை அளிக்கும் விதத்தில் உள்ளது. அதிரடியாக தொடங்கி பெரிய இலக்கை நோக்கி தனது ஆட்டத்தை செலுத்த தவறுகிறார். இவ்வுலகக் கோப்பை தொடரில் இதுவரை விளையாடிய உலகக்கோப்பை போட்டிகளில் கிறிஸ் கெய்ல் 38.8 சராசரியுடன் 194 ரன்களை மட்டுமே குவித்துள்ளார்‌. இவரது சிறப்பான பேட்டிங் வலிமையான பௌலிங்கை கொண்ட நியூசிலாந்து அணிக்கு எதிராக வந்தது. இப்போட்டியில் கெய்ல் 84 பந்துகளுக்கு 87 ரன்களை குவித்தார்.

கிறிஸ் கெய்ல் இந்தியாவின் மிகப்பெரிய பௌலிங்கிற்கு எதிராக பல முறை விளையாடியுள்ளார். ஒருநாள் கிரிக்கெட்டில் இந்தியாவிற்கு எதிராக 1000க்கும் மேலான ரன்களை விளாசியுள்ளார். இதில் 4 சதங்கள் மற்றும் 5 அரைசதங்கள் அடங்கும்.

தற்காலத்தில் எதிரணிக்கு பெரும் எதிர்ப்பை பேட்டிங்கில் அளிக்கவல்ல ஒரே வீரர் கிறிஸ் கெய்ல். பவர் பிளே ஓவரில் மட்டும் இவர் நிலைத்து விட்டால் அதன் பின் கெய்லை கட்டுப்படுத்த எதிரணி பௌலர்கள் மிகவும் சிரமப்படுவர். சுழற் பந்துவீச்சை துவம்சம் செய்வதில் கை தேர்ந்தவர், அதிலும் குறிப்பாக இந்திய சுழற்பந்து வீச்சை ஏற்கனவே அடித்து துவைத்துள்ளது குறிப்பிடத்தக்கது.

எதிர்பார விதமாக இப்போட்டி கெய்லிற்கு இந்தியாவிற்கு எதிராக கடைசி ஒருநாள் போட்டியாக கூட இருக்க வாய்ப்புள்ளது. எனவே ஒரு பெரிய சதத்தினை விளாச கெய்ல் முயற்சி செய்ய அதிக வாய்ப்புள்ளது. இந்தியாவிற்கு எதிராக மேற்கிந்தியத் தீவுகள் அணியில் ஒரு முன்னணி வீரராக இவர் கவனிக்கப்பட வேண்டும் என்பதில் சந்தேகமில்லை.