ஐபிஎல் வரலாறு: சென்னை சூப்பர் கிங்ஸ் அணியில் இடம்பெற்றிருந்த 3 சிறந்த வெளிநாட்டு பந்துவீச்சாளர்கள்

கிரிக்கெட் போட்டிகளில் பேட்ஸ்மேன்களை விட பந்துவீச்சாளர்கள் அதிக முறை ஆட்டத்தை வென்று கொடுத்துள்ளனர். இது பெரும்பாலும் முந்தைய கால ஐபிஎல் தொடருக்கு பொருந்தும். ஐபிஎல் தொடர்களில் அதிகமாக சிறந்த மதிநுட்பமான பந்துவீச்சாளர்களே இடம்பெற்றிருப்பர். முக்கியமாக சென்னை சூப்பர் கிங்ஸ் அணியில் ஐபிஎல் தொடக்க சில சீசனில் அப்போதைய சிறந்த பந்துவீச்சாளர்களான முத்தையா முரளிதரன், பென் ஹுல்ஃபென்ஹாஸ், டாங் பொலிஞ்சர், மகாயா நிதினி, டிம் சௌதி ஆகியோர் இடம்பெற்று சிறப்பான ஆட்டத்தை வெளிபடுத்தினர்.

இவர்கள் பங்குவகித்த காலத்தில் எம்.எஸ்.தோனி சரியாக அணியை வழிநடத்தி சிறப்பாக சர்வதேச அனுபவ பந்துவீச்சாளர்களை பயன்படுத்தி எதிரணி பேட்ஸ்மேன்களை கலங்கடித்தார். பந்துவீச்சாளர்களும் தங்களது முழு ஆட்டத்திறனை வெளிபடுத்தினர்.

நாம் இங்கு சென்னை சூப்பர் கிங்ஸ் அணியில் இடம்பெற்றிருந்த 3 சிறந்த வெளிநாட்டு பந்துவீச்சாளர்களை பற்றி காண்போம்

#3 முத்தையா முரளிதரன்

Murali was a runaway success for Chennai Super Kings

போட்டிகள் - 40, விக்கெட்டுகள் - 41, எகானமி - 6.30

இலங்கை கிரிக்கெட் லெஜென்ட் முத்தையா முரளிதரன் ஐபிஎல் தொடர் ஆர்மித்த முதல் போட்டியில் சென்னை சூப்பர் அணிக்காக விளையாடினார். ஐபிஎல் தொடரில் தனது முதல் விக்கெட்டை தன் நாட்டை சேர்ந்த குமார் சங்கக்காரா-வின் விக்கெட்டை வீழ்த்தினார். ஐபிஎல் வரலாற்றில் முரளிதரனின் புள்ளி விவரங்கள் சிறந்ததாக இருக்கிறது. முதல் 8 ஐபிஎல் போட்டிகளில் முழுவதுமாக 4 ஓவர்களை ஒவ்வொரு போட்டியிலும் வீசியுள்ளார். அத்துடன் அந்த 8 போட்டிகளில் 33 ரன்களுக்கு மேல் தனது பௌலிங்கில் அறிந்ததில்லை.

ஐபிஎல் தொடரின் முதல் சீசனில் மொத்தமாக 15 போட்டிகளில் முரளிதரன் பங்கேற்றார். அந்த 15 போட்டிகளில் மும்பை இந்தியன்ஸ் அணிக்கு எதிரான ஒரு போட்டியை தவிர மற்ற அனைத்து போட்டிகளிலும் 4 ஓவர்களை வீசியுள்ளார். முதல் ஐபிஎல் சீசனில் 6.78 எகானமி ரேட்-டுடன் 12 விக்கெட்டுகளை வீழ்த்தினார் முத்தையா முரளிதரன்.

2009 ஐபிஎல் தொடரில் பெங்களூரு அணிக்கு எதிரான முதல் ஐபிஎல் போட்டியில் தனது பௌலிங்கில் 11 ரன்களை மட்டுமே அளித்து 3 விக்கெட்டுகளை வீழ்த்தினார் முரளிதரன். அந்த போட்டியில் சென்னை அணி 92 ரன்கள் வித்தியாசத்தில் வெற்றி பெற்றது. இவர் அந்த ஐபிஎல் சீசனில் 5.22 என்ற சிறப்பான எகானமி ரேட்-டுடன் மொத்தமாக 14 விக்கெட்டுகளை வீழ்த்தினார்.

2010 ஐபிஎல் தொடரில் முரளிதரனின் தேசிய அணியில் தனது சகவீரர்களான குமார் சங்கக்காரா, தில்கரத்னே தில்சான், மஹலா ஜெயவர்த்தனே, ஆன்ஜிலோ மேதிவ்ஸ் ஆகியோரது விக்கெட்டுகளை வீழ்த்தினார். அரையிறுதியில் டெக்கான் சார்ஜஸ் அணியுடனான போட்டியில் 142 ரன்கள் மட்டுமே எடுத்தது சென்னை அணி. இருப்பினும் பந்துவீச்சாளர்களின் மாயஜாலத்தால் 102 ரன்களிலேயே மடக்கியது சென்னை சூப்பர் கிங்ஸ்.

அப்போட்டியில் முத்தையா முரளிதரன் 4 ஓவர்கள் வீசி 16 ரன்கள் மட்டுமே தன் பௌலிங்கில் அளித்து 1 விக்கெட்டை வீழ்த்தினார். அத்துடன் டாங் பொலிஞ்சர் 4 ஓவர்களை வீசி 13 ரன்களை மட்டுமே அளித்து 1 மெய்டனுடன் 4 விக்கெட்டுகளை வீழ்த்தினார்.

அத்துடன் மும்பை இந்தியன்ஸ் அணிக்கு எதிரான இறுதிப் போட்டியில் முரளிதரன் 4 ஓவர்களை வீசி 17 ரன்களை மட்டுமே தனது பௌலிங்கில் அளித்து ஒரு விக்கெட்டை வீழ்த்தினார். ஐபிஎல் தொடர் ஆரமித்ததிலிருந்து சென்னை அணிக்காக விளையாடியுள்ளார் முரளிதரன். அனைத்து போட்டிகளிலும் 4 ஓவர்களை முரளிதரனுக்கு கேப்டன்கள் அளித்து விடுவர். அவரும். அதிக ரன்களை தனது பௌலிங்கில் அளிக்காமல் சிறப்பாக பந்துவீசுவார். ஐபிஎல் தொடரிலும் இவரது பௌலிங்கை எந்த பேட்ஸ்மேன்களாலும் அசைக்க முடியவில்லை.

முத்தையா முரளிதரன் சென்னை அணியின் சிறந்த வெளிநாட்டு சுழற்பந்து வீச்சாளர் ஆவார்.

#2 அல்பி மோர்கல்

Albie Morkel - The T20 veteran

போட்டிகள் - 78, விக்கெட்டுகள் - 76, எகானமி - 8.10

அல்பி மோர்கல் 2008 முதல் 2013 வரையிலான 5 ஆண்டுகள் சென்னை சூப்பர் கிங்ஸ் அணியில் விளையாடினார். இந்த காலகட்டத்தில் தனது சிறப்பான ஆல்-ரவுண்டர் ஆட்டத்திறனை சென்னை அணிக்காக வெளிப்படுத்தியுள்ளார். சென்னை அணிக்காக பௌலிங்கில் 68 விக்கெட்டுகளும், பேட்டிங்கில் 781 ரன்களையும் குவித்துள்ளார்.

ஐபிஎல் தொடரில் அல்பி மோர்கலின் முதல் 3 விக்கெட்டுகள் ஏ.பி.டிவில்லியர்ஸ், விராட் கோலி, ஆடம் கில்கிறிஸ்ட் போன்ற தலைசிறந்த பேட்ஸ்மேன்களின் விக்கெட்டுகள் தான். இவர் ஆட்டத்தின் முதல் மற்றும் இறுதி ஓவர்களை வீசுவதில் வல்லவராக திகழ்வார். இதனால் அல்பி மோர்கல் பவர்பிளே மற்றும் டெத் ஓவரை அதிகமாக வீசுவார். அந்த ஓவர்களில் சிறந்த எகனாமிக்கல் ரன்-ரேட்டை கடைபிடப்பார்.

அல்பி மோர்கல் சென்னை அணிக்கு விளையாடிய காலத்தில் அந்த அணியின் டெத் ஓவரை இவரும் டுவைன் பிரவோவும் வீசுவர். இவருக்கு முதல் இரு ஐபிஎல் தொடரிலும் 29 விக்கெட்டுகளை வீழ்த்தி மிகவும் சிறப்பாக ஆட்டத்தை வெளிப்படுத்தினார்.

2010 ஐபிஎல் தொடரின் அரையிறுதியில் டெக்கான் சார்ஜஸின் முக்கிய விக்கெட்டான ரோகித் சர்மா-வின் விக்கெட்டை அல்பி மோர்கல் வீழ்த்தினார்.

மும்பை இந்தியன்ஸ் அணியுடனான இறுதிப் போட்டியில் சென்னை அணியின் சிறந்த பௌலர் டாங் பொலிஞ்சர் 18வது ஓவரில் கீரன் பொல்லார்டிடம் 22 ரன்களை வாரி வழங்கினார்.

19ஓவரை அல்பி மோர்கல் வீச வரும்போது மும்பை இந்தியன்ஸ் அணி வெற்றி பெற 12 பந்துகளுக்கு 33 ரன்கள் தேவைப்பட்டது. இவர் 19வது ஓவரை சிறப்பாக வீசி 6 ரன்கள் மட்டுமே தனது பௌலிங்கில் அளித்து பொல்லார்டின் விக்கெட்டை வீழ்த்தினார்.

மோர்கல் சென்னை அணிக்கு இக்கட்டான சூழ்நிலையில் தனது பேட்டிங் மற்றும் பௌலிங் திறமையை சிறப்பாக வெளிபடுத்தி வெற்றி பாதைக்கு அழைத்துச் சென்றுள்ளார். நன்றாக நிலைத்து ஆடிக் கொண்டிருக்கும் வீரர்களின் விக்கெட்டுகளை வீழ்த்துவதில் வல்லவராக திகழ்வார் அல்பி மோர்கல்.

2011 ஐபிஎல் தொடரில் இவர் 15 விக்கெட்டுகளை வீழ்த்தி ஐபிஎல் கோப்பையை சென்னை சூப்பர் கிங்ஸ் அணி தக்க வைக்க பெரிதும் உதவினார். எப்பொழுதுமே மோர்னே மோர்கல் சென்னை சூப்பர் கிங்ஸ் அணியின் சிறந்த தொடக்க பௌலர் ஆவார்.

#1 டுவைன் பிரவோ

Bravo - The death overs specialist

போட்டிகள் - 77, விக்கெட்டுகள் - 93, எகானமி - 8.43

டுவைன் பிரவோ எந்த அணியில் விளையாடினாலும் அந்த அணியின் டெத் பௌலராக திகழ்கிறாரர். இவரது பௌலிங் வெவ்வேறு கோணங்களில் திரும்பும். எப்பொழுது யார்க்கர் வீசுவார் எப்போது பந்தை மெதுவாக வீசுவார் என்பதை பேட்ஸ்மேன்கள் கணிப்பது மிகவும் கடினம். குறிப்பாக டெத் ஓவரில் இவரது யார்க்கர் மற்றும் பவுன்ஸரை எதிர்கொள்வது பேட்ஸ்மேன்களுக்கு சற்று கடினமாக இருக்கும்.

2010 ஆம் ஐபிஎல் தொடரில் சென்னை அணியின் வெற்றிக்கு இவரது பங்களிப்பு இல்லை. ஏனெனில் 2011ல்தான் சென்னை அணியில் விளையாட ஒப்பந்தம் செய்யப்பட்டார். தனது முதல் ஐபிஎல் சீசனில் 6 போட்டிகளில் மட்டுமே பங்கேற்ற அவர் 6 விக்கெட்டுகளை வீழ்த்தினார்.

இவரது சிறந்த பந்துவீச்சு 2013 ஐபிஎல் தொடரில் தான் வெளிபட்டது. அந்த சீசனில் 23 விக்கெட்டுகளை வீழ்த்தி ஊதா நிற தொப்பியை கைப்பற்றினார். 2013 ஐபிஎல் சீசனில் 4 போட்டிகளில் 3 அல்லது அதற்கு மேற்பட்ட விக்கெட்டுகளை வீழ்த்தினார். இவர் பெரும்பாலும் ரோகித் சர்மா (இரு முறை), ஷேன் வாட்சன் (இரு முறை), தினேஷ் கார்த்திக், கல்லீஸ், அம்பாத்தி ராயுடு, இயான் மோர்கன், ஷான் மார்ஷ் போன்ற சிறந்த பேட்ஸ்மேன்களின் விக்கெட்டுகளை வீழ்த்துவதிவ் வல்லவர்.

2013 ஆம் ஆண்டு ஐபிஎல் தொடரின் மும்பை இந்தியன்ஸ் அணியுடனான இறுதிப் போட்டியில் 4 விக்கெட்டுகளை கைப்பற்றினார் பிராவோ. ஆனால் சென்னை அணியின் பேட்ஸ்மேன்களின் சொதப்பலால் அந்த சீசனில் தோல்வியடைந்தது.

2014 ஐபிஎல் தொடரின் முதல் போட்டியில் பிராவோ காயம் ஆனதால் அந்த தொடர் முழுவதும் பங்கேற்க முடியாத சூழ்நிலைக்கு தள்ளப்பட்டார். மீண்டும் 2015 ஐபிஎல் தொடரில் சென்னை சூப்பர் கிங்ஸ் அணக்காக களமிறங்கி 26 விக்கெட்டுகளை வீழ்த்தினார்.

2015 ஐபிஎல் தொடரின் முதல் அரையிறுதியில் பார்திவ் படேல், ரோகித் சர்மா, பொல்லார்ட் ஆகியோரது விக்கெட்டுகளை வீழ்த்தி மும்பை இந்தியன்ஸ் அணியின் பலத்தை குறைத்தார் டுவைன் பிரவோ.

2018 ஐபிஎல் தொடரில் சன் ரைசர்ஸ் ஹைதராபாத் அணியுடனான முதல் அரையிறுதிப் போட்டி மற்றும் இறுதி போட்டியில் ஷகிப் அல் ஹாசனின் விக்கெட்டை வீழ்த்தினார் பிராவோ. இதே ஐபிஎல் தொடரின் தொடக்கத்தில் சன் ரைசர்ஸ் ஹைதராபாத் அணியுடனான லீக் போட்டியில் டுவைன் பிரவோ கடைசி ஓவரில் ரஷித் கானிற்கு பந்தை வீசி 4 ரன்கள் வித்தியாசத்தில் நூழிலையில் சென்னை சூப்பர் கிங்ஸ் அணியை வெற்றி பெற செய்தார்.

பௌலிங் மட்டுமல்லாமல், நிறைய முறை இக்கட்டான சூழ்நிலையில் கடைசி ஓவரில் பிராவோ தனது அதிரடி பேட்டிங்கை வெளிபடுத்தியுள்ளார்.

டுவைன் பிரவோ எப்பொழுதுமே சென்னை சூப்பர் கிங்ஸ் அணியின் சிறந்த டெத் ஓவர் பௌலர்.