Create
Notifications
New User posted their first comment
Advertisement

ஒருநாள் போட்டிகளில் திடீரென தங்களது முடிவை கண்ட இந்திய பேட்ஸ்மேன்கள்

SENIOR ANALYST
Modified 29 Jul 2019, 09:19 IST
முதல் 5 /முதல் 10
Advertisement

#2.யுவராஜ் சிங்: 

Yuvraj Singh - one of India
Yuvraj Singh - one of India's biggest match-winners

2000-ம் ஆண்டு நடைபெற்ற ஐசிசி சாம்பியன்ஸ் டிராபி தொடரில் ஆஸ்திரேலிய அணிக்கு எதிரான அறிமுக போட்டியில் யுவராஜ் சிங் 82 பந்துகளில் 84 ரன்கள் குவித்து அனைவரையும் கவர்ந்தார். இந்திய கிரிக்கெட் வரலாற்றில் சிறந்த மேட்ச் வின்னராக கருதப்பட்ட யுவராஜ் சிங் 2013ம் ஆண்டு நடைபெற்ற உலகக் கோப்பைத் தொடரில் இந்திய அணிக்கு அளித்த பங்களிப்பு இன்றியமையாதது. இவரது ஒருநாள் கிரிக்கெட் வாழ்வில் 36.56 என்ற பேட்டிங் சராசரி உடன் 8701 ரன்களை குவித்துள்ளார். 2011ஆம் ஆண்டு உலகக் கோப்பை தொடருக்குப் பின்னர், புற்றுநோய் சிகிச்சை மேற்கொண்டதால் ஏறக்குறைய 20 மாதங்கள் கிரிக்கெட்டை விட்டு யுவராஜ் சிங் ஒதுங்கினார். 2014ம் ஆண்டு நடைபெற்ற டி20 உலகக்கோப்பை தொடரில் இடம் பெற்று விளையாடி வந்த இவர், இறுதிப்போட்டியில் தமது மோசமான ஆட்டத்தினால் இந்திய ரசிகர்களின் கோபத்திற்கு ஆளாகினார். ஏறக்குறைய மூன்று ஆண்டுகளுக்கு இடைவெளிக்குப் பின்னர், இந்திய அணிக்கு திரும்பிய யுவராஜ் சிங் இங்கிலாந்து அணிக்கு எதிரான ஒருநாள் போட்டியில் 150 ரன்களை குவித்து அணியை வெற்றி பெறச் செய்தார். அதன் பின்னரும் நடைபெற்ற தொடர்களில் சிறப்பாக விளையாடாத காரணத்தினால் மீண்டும் இந்திய அணியில் இருந்து கழற்றிவிடப்பட்டார். கிரிக்கெட் போட்டிகளில் பன்முகத் திறமைகளை கொண்டிருந்தாலும் சர்வதேச போட்டிகளில் மீண்டும் பெரிய அளவில் ஜொலிக்க தவறினார். 

#1.கௌதம் கம்பீர்: 

Gautam Gambhir
Gautam Gambhir

2005-ஆம் ஆண்டு நடைபெற்ற பலமிகுந்த இலங்கை அணிக்கு எதிரான போட்டியில் இந்திய சுவர் என்னும் ராகுல் டிராவிட் உடன் இணைந்து 128 ரன்களை தமது பார்ட்னர்ஷிப்பில் உண்டாக்கி தமது முதலாவது சதத்தை பதிவு செய்தார், கௌதம் கம்பீர். இந்திய அணியின் அனைத்து 3 வடிவிலான சர்வதேச போட்டிகளிலும் தொடர்ந்து இடம் பெற்று வந்தார். தனது அபார ஆட்டங்களால் இந்திய அணிக்கு வெற்றி தேடித் தந்துள்ளார். அதிரடி தொடக்க ஆட்டக்காரரான வீரேந்திர சேவாக் உடன் இணைந்து இவர் அற்புதமான பல பார்ட்னர்ஷிப்களை கம்பீர் உருவாக்கியுள்ளார். 2011ம் ஆண்டு உலக கோப்பை தொடரின் இறுதி ஆட்டத்தில் தமது அபார பங்களிப்பால் 97 ரன்களை குவித்து இந்திய அணி சாம்பியன் பட்டம் வெல்வதற்கு முக்கிய காரணமாய் அமைந்தார். மேலும், இதுவே அவரது ஒருநாள் வாழ்க்கை வரலாற்றில் மிகச்சிறந்த ஆட்டமாக இன்றளவும் உள்ளது. டெல்லியைச் சேர்ந்த பேட்ஸ்மேனான இவர், 2013ம் ஆண்டு முதல் இந்திய அணியில் இருந்து ஓரங்கட்டப்பட்டார். இவர் இறுதியாக விளையாடிய 25 ஒருநாள் போட்டிகளில் 7 அரை சதங்கள், இரு சதங்கள் உட்பட சிறப்பான பங்களிப்பை அளித்த போதிலும் இந்திய அணியில் புறக்கணிக்கப்பட்டார்.

PREVIOUS 2 / 2
Published 29 Jul 2019, 09:19 IST
Advertisement
Fetching more content...
App download animated image Get the free App now
❤️ Favorites Edit