Create
Notifications
Favorites Edit
Advertisement

டி20 ஸ்டார்களாக உருவாவதற்கு முன்னரே, இந்திய அணியில் இடம் பெற்ற வீரர்கள்

SENIOR ANALYST
முதல் 5 /முதல் 10
08 Aug 2019, 10:36 IST

#2.லக்ஷ்மி ரத்தன் சுக்லா:

Laxmi Ratan Shukla
Laxmi Ratan Shukla

பெங்கால் அணியின் தொடர்ச்சியான பங்களிப்பை ஏற்படுத்திவரும் ஆல்ரவுண்டர்களில் ஒருவரான லக்ஷ்மி ரத்தன் சுக்லா, தமது ஆல்ரவுண்ட் திறமையின் மூலம் ரஞ்சித் தொடர்களில் 5,000 ரன்களையும் 150 விக்கெட்களையும் கைப்பற்றி மிகச்சிறந்த பங்களிப்பை ஆற்றி உள்ளார். மேலும், இத்தகைய சாதனைகளை கடந்த வெகு சில வீரர்களில் இவரும் ஒருவர் என்பது தனிச்சிறப்பாகும். 2008ஆம் ஆண்டு துவங்கிய இந்தியன் பிரீமியர் லீக் தொடரில் கொல்கத்தா நைட் ரைடர்ஸ் அணிக்காக இடம்பெற்று பேட்டிங் மற்றும் பந்துவீச்சு தரப்பில் சிறப்பாகவே செயல்பட்டு வந்துள்ளார். அதன் பின்னர், தமது ஆறு ஆண்டுகால ஐபிஎல் வாழ்க்கையில் அவ்வப்போது சிறப்பாக விளையாடி வந்துள்ளார். தமது 17-ஆவது வயதிலேயே சர்வதேச அழைப்பு விடுக்கப்பட்டு இந்திய அணிக்காக சர்வதேச ஒருநாள் போட்டிகளில் விளையாடினார். இருப்பினும், சர்வதேச அளவில் அளவில் தமது ஆல்ரவுண்டு திறமையை இன்னும் வெளிப்படுத்தாமலேயே உள்ளார். இதுவரை இந்திய அணிக்காக 3 ஒருநாள் போட்டிகளில் களமிறங்கிய இவர், 18 ரன்களையும் ஒரு விக்கெட்டை மட்டுமே கைப்பற்றியுள்ளார்.

#1.ஜோகிந்தர் ஷர்மா:

Joginder Sharma
Joginder Sharma

2007ம் ஆண்டு நடைபெற்ற முதலாவது டி20 உலக கோப்பை தொடரின் பாகிஸ்தான் அணிக்கு எதிரான பரபரப்பான இறுதி ஆட்டத்தில் தமது அசாத்திய பந்துவீச்சு தாக்குதலால் எதிரணியை நிலைகுலைய செய்து சாம்பியன் பட்டம் வெல்ல முக்கிய காரணமாய் அமைந்தார், ஜோகிந்தர் சர்மா. இதன் காரணமாக, அடுத்த ஆண்டே நடைபெற்ற ஐபிஎல் தொடரில் சென்னை சூப்பர் கிங்ஸ் அணிக்காக இடம்பெற்று விளையாடினார். தமது ஒட்டுமொத்தமாக ஐபிஎல் கிரிக்கெட் வாழ்வில் இதுவரை 16 போட்டிகளில் விளையாடியுள்ளார். 2003ஆம் ஆண்டு நடைபெற்ற வங்கதேச அணிக்கு எதிரான ஒருநாள் தொடரில் அறிமுகம் கண்ட இவர் ஆல்-ரவுண்ட் திறமையையும் நிரூபித்துள்ளார். அந்த அணிக்கு எதிரான இரண்டாவது ஒருநாள் போட்டியில் அதிரடியாக விளையாடி 29 ரன்களை ஆட்டமிழக்காமல் இவர் குவித்துள்ளார் என்பதும் குறிப்பிடத்தக்கது. அந்த போட்டிக்குப் பின்னர், நடைபெற்ற ஆட்டங்களில் தமது சீரான திறமையை வெளிக்கொணர தவறியதால் இந்திய அணியில் இருந்து கழற்றி விடப்பட்டார்.

PREVIOUS 2 / 2 NEXT UP
ஐபிஎல் தொடரில் ஹாட்ரிக் விக்கெட் எடுத்த முதல் 5 இந்திய...
Tags:
Advertisement
Advertisement
Fetching more content...