ஐபிஎல் 2019: கொல்கத்தா நைட் ரைடர்ஸ் அணியில் சிவம் மாவி-க்கு பதிலாக இடம்பெற வாய்ப்புள்ள 3 வீரர்கள்

கொல்கத்தா நைட் ரைடர்ஸ் அணியில் இரு பெரும் உள்ளுர் பந்துவீச்சாளர்களான கம்லேஷ் நாகர்கோட்டி மற்றும் சிவம் மாவி இருவரும் காயம் காரணமாக 2019 ஐபிஎல் தொடரில் பங்கேற்கும் வாய்ப்பை இழந்துள்ளனர். இதனால் அந்த அணிக்கு பெரும் பின்னடைவு ஏற்பட்டுள்ளது. எனவே கொல்கத்தா நைட் ரைடர்ஸ் அணி மாற்று வீரர்களை தேடி வருகிறது.

கம்லேஷ் நாகர்கோட்டிக்கு பதிலாக கேராளாவைச் சேர்ந்த சந்தீப் வாரியர் கொல்கத்தா அணியில் இனைந்துள்ளார். உத்திரப் பிரதேசத்தைச் சேர்ந்த சிவம் மாவிக்கு இதுவரை எந்த மாற்று வீரரும் அறிவிக்கப்படவில்லை.

கம்லேஷ் நாகர்கோட்டி கடந்த ஐபிஎல் தொடரிலும் காயம் காரணமாக களமிறங்கவில்லை. இந்த தொடரிலும் விலகியுள்ளதால் தொடர்ந்து இரு ஐபிஎல் தொடரிலும் களமிறங்கும் வாய்ப்பை இழந்துள்ளார். சிவம் மாவி கடந்த ஐபிஎல் தொடரில் மிகவும் சிறப்பாக ஆட்டத்திறனை வெளிபடுத்தினார். இவர் இந்த ஐபிஎல் தொடரில் இடம்பெற்றிருந்தால் கண்டிப்பாக அனைத்து போட்டிகளிலும் கொல்கத்தா அணி சார்பில் விளையாடும் வாய்ப்பை பெற்றிருப்பார். பொதுவாக ஐபிஎல் தொடரில் இளம் வீரர்களுக்கு அதிக வாய்ப்புகளை ஒவ்வொரு அணியும் வழக்கும்.

இந்த இருபெரும் உள்ளூர் வீரர்கள் ஐபிஎல் தொடரிலிருந்து விலகியுள்ளதால் கொல்கத்தா அணியின் வேகப்பந்து கடும் நெருக்கடியை சந்தித்துள்ளது. பிரஷித் கிருஷ்ணா மட்டுமே உள்ளுர் கிரிக்கெட் வீரராக அந்த அணியின் ஆடும் XI-ல் இடம்பெறுவார்.

நாம் இங்கு கொல்கத்தா நைட் ரைடர்ஸ் அணியில் சிவம் மாவிக்கு பதிலாக களமிறங்கவுள்ள 3 இந்திய உள்ளூர் கிரிக்கெட் வீரர்களை பற்றி காண்போம்.

#3 வி கௌசிக்

The Karnataka speedster(on the right) is in fine form

சையத் முஷ்டாக் அலி கோப்பையில் கர்நாடக அணி சார்பாக அதிக விக்கெட்டுகளை வீழ்த்தியோர் பட்டியலில் முதலிடத்தை பிடித்து பந்துவீச்சில் அசத்தியுள்ளார் வி கௌசிக்‌. கர்நாடக அணியின் டாப் 3 பந்துவீச்சாளர்களான வினய் குமார், பிரஷித் கிருஷ்ணா, அபிமன்யு மிதுன் ஆகியோர் வரிசையில் நான்காவது வீரராக அந்த அணியில் வி கௌசிக் சேர்க்கப்பட்டிருந்தார். இந்த தொடரில் 9 போட்டிகளில் பங்கேற்று 18 விக்கெட்டுகளை வீழ்த்திய இவர் சிவம் மாவிக்கு பதிலாக கொல்கத்தா நைட் ரைடர்ஸ் அணியில் இடம்பெற அதிக வாய்ப்புள்ளது.

கௌசிக்‌ இரு இன்னிங்ஸிலும் சிறப்பான ஆட்டத்தை வெளிபடுத்தும் திறமை பெற்றுள்ளார். சமீபத்தில் நடந்த எஸ்.எம்.ஏ கோப்பையில் இவரது சிறப்பான வேகப்பந்து வீச்சை காண முடிந்தது. 26 வயதான இவர் கர்நாடக பிரிமியர் லீக்கில் அதிரடி பந்துவீச்சை வெளிப்படுத்தி தன்னை ஒரு முழு டி20 வீரராக அறிவித்துள்ளார்.

சிறந்த திறமை வாய்ந்த வி கௌசிக் காயம் காரணமாக விலகியுள்ள சிவம் மாவிக்கு தகுந்த மாற்று வீரராக, தினேஷ் கார்த்திக் தலைமையிலான கொல்கத்தா நைட் ரைடர்ஸ் அணிக்கு இருப்பார். கொல்கத்தா அணி தனது 2019 ஐபிஎல் தொடரின் முதல் போட்டியில் மார்ச் 24 அன்று சன் ரைசர்ஸ் ஹைதராபாத் அணியை எதிர்கொள்ளவிருக்கிரது.

#2 துஸர் தேஸ்பாண்டே

Tushar Deshpande has done well for Mumbai this season

சையத் முஷ்டாக் அலி கோப்பையில் மும்பை அணிக்காக 10 போட்டிகளில் பங்கேற்ற துஸர் தேஸ்பாண்டே 14.05 சராசரியுடன் 19 விக்கெட்டுகளை வீழ்த்தியுள்ளார். இவர் மும்பை அணிக்காக சற்று நீண்ட காலமாக விளையாடி வருகிறார். தற்போது அவரது முழு ஆட்டத்திறன் வெளிபட்டுள்ளது. இதுவே அவரை தனது கிரிக்கெட் வாழ்வில் அடுத்த படிக்கு கொண்டு செல்ல காரணமாக இருக்கும்.

இவர் கிளப் அணியில் கிங்ஸ் XI பஞ்சாப் அணிக்கு எதிரான முன்மாதிரி போட்டியில் விளையாடி வந்ததால் கடந்த ஆண்டு ஐபிஎல் ஏலத்தில் இடம்பெறமுடியாமல் போனது. இவர் சையத் முஷ்டாக் அலி கோப்பையில் மும்பை அணிக்காக முதலில் விளையாட தேர்வு செய்யப்பட்ட போது போட்டி தொடங்கும் ஒரு நாளுக்கு முன் இவரது தயார் இறந்துவிட்டார். இருப்பினும் மும்பை அணிக்காக விளையாடி போட்டி முடிந்த பின்பு தான் தன் இல்லத்திற்கு சென்று தன் தாயின் இறுதி சடங்கில் பங்கேற்றார். இதன்மூலம் இவரது கிரிக்கெட் மீது எவ்வளவு பற்று வைத்துள்ளார் என தெரிகிறது.

கிரிக்கெட் விளையாட்டிற்கு இந்த பற்று மிகவும் அவசியமான ஒன்றாகும். 2019 ஐபிஎல் தொடரில் காயம் காரணமாக விலகியுள்ள சிவம் மாவிக்கு தகுந்த மாற்று வீரராக துஸர் தேஸ்பாண்டே திகழ்வார். ஐபிஎல் போட்டிகளில் பங்கேற்பதன் மூலம் சக அணி பந்துவீச்சாளர்களின் அனுபவத்தை பெற்று அசத்துவார் என எதிர்பார்க்கப்படுகிறது.

#1 வினய் குமார்

Despite letting go of the veteran before the auctions, KKR must consider this option while deciding on Mavi's replacement

வினய் குமார் கடந்த ஐபிஎல் தொடரில் இரண்டு போட்டிகளில் கொல்கத்தா நைட் ரைடர்ஸ் அணி சார்பாக விளையாடினார். இவரது மோசமான ஆட்டத்திறனால் அதன்பின் எந்தப் போட்டியிலும் இந்த அனுபவ வீரர் இடம்பெறவில்லை. இதனால் 2019 ஐபிஎல் ஏலத்தில் கொல்கத்தா அணியால் விடுவிக்கப்பட்டார். அதன்பின் யாரும் இவரை ஏலத்தில் வாங்கவில்லை.

இருப்பினும் தனது நம்பிக்கையை விடாமல் 2018-19ல் நடந்த மூன்று வகையான உள்ளூர் கிரிக்கெட்டிலும் அசத்தி உள்ளார். இவரது விக்கெட் வீழ்த்தும் திறமை இன்றளவும் குறையாமல் சிறப்பாகவே உள்ளது. அத்துடன் இந்த சீசனில் வினய் குமாரின் பேட்டிங் பெரிதும் கர்நாடக அணிக்கு உதவியுள்ளது.

கொல்கத்தா அணியில் அனுபவம் வாய்ந்த இந்திய வேகப்பந்து வீச்சாளர் என யாரும் இல்லை. வினய் குமார் மற்ற இளம் பந்துவீச்சாளர்களை நிர்வகிக்க ஒரு சரியான வீரர் ஆவார். கடந்த தொடரை போல் இல்லாமல் சில வாய்ப்புகள் வினய் குமாருக்கு அளித்தால், தற்போது உள்ள ஆட்டத்திறனிற்கு சிறப்பான ஆட்டத்தை வெளிப்படுத்துவார் என்பதில் சந்தேகமில்லை.

குல்தீப் யாதவ், சுனில் நரைன் போன்ற சர்வதேச போட்டிகளில் விளையாடிய வீரர்கள் கொல்கத்தா அணியில் இருக்கின்றனர். இருப்பினும் வினய் குமாரின் அனுபவம் இவர்களை விட அதிகம். எனவே சிவம் மாவிக்கு மாற்று வீரராக வினய் குமாரை கொல்கத்தா அணி தேர்வு செய்யும் என எதிர்பார்க்கப்படுகிறது.