எதிர்காலத்தில் யுவராஜ் சிங்கின் இடத்தை நிரப்ப வாய்ப்புள்ள 3 இளம் கிரிக்கெட் வீரர்கள்

முன்னாள் இந்திய நட்சத்திர ஆல்-ரவுண்டர் யுவராஜ் சிங் சமீபத்தில் அனைத்து வகையான கிரிக்கெட் போட்டிகளிலிருந்தும் தனது ஓய்வினை அறிவித்தார். தனது 18 வருட கிரிக்கெட் வாழ்வில் சிறப்பான பங்களிப்பை இந்திய அணிக்கு அளித்துள்ளார். 2011 உலகக் கோப்பை தொடரில் இந்திய அணி கோப்பையை வெல்ல முண்ணனி காரணமாக இருந்தவர் யுவராஜ் சிங். அத்துடன் 2007 டி20 உலகக் கோப்பை தொடரை வெல்ல காரணமாக இருந்தவரும் யுவராஜ் சிங்.

யுவராஜ் சிங் 300க்கும் மேற்பட்ட சர்வதேச ஒருநாள் போட்டியில் இந்திய அணிக்காக விளையாடி 8000க்கும் மேலான ரன்களை குவித்துள்ளார். இந்திய அணிக்காக வெற்றியை தேடித் தருவதில் இவர் வல்லவர். தனது கிரிக்கெட் வாழ்வில் பல்வேறு உடல் உபாதைகளுக்கு உள்ளாகி மீண்டும் கிரிக்கெட்டிற்கு திரும்பி தனது அதிரடி ஆட்டத்தை வெளிப்படுத்தி உள்ளவர் யுவராஜ் சிங்.

2019 ஐபிஎல் தொடரில் மும்பை இந்தியன்ஸ் அணிக்காக பங்கேற்று தனது முதல் போட்டியிலேயே அரை சதம் விளாசி தனது பழைய ஆட்டத்திறனை உலகிற்கு அறிவித்தார்.

இவர் 6 பந்துகளில் 6 சிக்ஸர்களை விளாசியதை யாரலும் மறக்க இயலாது. சமீபத்தில் ஐபிஎல் தொடரில் ஹாட்ரிக் சிக்ஸர்களை விளாசினார். 2011 உலகக் கோப்பை தொடரில் தொடர் ஆட்டநாயகன் விருதினை வென்றார். இந்த நிகழ்வுகளை உலகில் உள்ள எந்த கிரிக்கெட் ரசிகர்களாலும் மறக்க இயலாது.

நாம் இங்கு வருங்காலத்தில் யுவராஜ் சிங்கின் வழியை பின் பற்றி இந்திய மிடில் ஆர்டரில் அசத்த வாய்ப்புள்ள 3 சர்வதேச கிரிக்கெட் தொடரில் அறிமுகமாகத இளம் வீரர்களை பற்றி காண்போம்.

#3 அபிஷேக் சர்மா

Abhishek Sharma is an exciting young talent

19 வயதிற்குட்பட்ட 2018 உலகக் கோப்பை தொடரில் நட்சத்திர வீரர்களாக திகழ்ந்த பிரித்வி ஷா, சுப்மன் கில் ஆகியோர் ஏற்கனவே சர்வதேச கிரிக்கெட்டில் தங்களுக்கான இடங்களை பிடித்துக் கொண்டனர். ஆனால் இந்த அணியில் இடம்பெற்றிருந்த யாரும் அறிந்திராத வருங்காலத்தில் பெரிய இடற்பாட்டை எதிரணிக்கு அளிக்கும் திறமை உடையவர் ஆல்-ரவுண்டர் அபிஷேக் சர்மா.

இவர் 2018 ஐபிஎல் தொடரில் டெல்லி டேர்டெவில்ஸ் அணிக்காக விளையாட ஒப்பந்தம் செய்யப்பட்டார்‌‌. ராயல் சேலஞ்சர்ஸ் பெங்களூரு அணிக்கு எதிரான அறிமுக போட்டியிலேயே 40 ரன்களை குவித்தார். இந்த இன்னிங்ஸிற்கு இங்கிலாந்து முன்னாள் வீரர் மைக்கேல் வாகனிடம் புகழ்ச்சிக்கு உள்ளாக்கப்பட்டார்.

2019 ஐபிஎல் தொடரில் சன் ரைசர்ஸ் ஹைதராபாத் அணிக்காக விளையாடிய அபிஷேக் சர்மாவிற்கு அதிரடியான வாய்ப்புகள் வழங்கப்படவில்லை. இருப்பினும் டாம் மூடி மற்றும் விவிஎஸ் லக்ஷமன் ஆகியோரது அறிவுரை மற்றும் வழிநடத்துதலை நன்கு கற்றுக் கொண்டார். அத்துடன் ஒரு நீண்ட கிரிக்கெட் தொடரை எவ்வாறு கையாள வேண்டும் என்ற அனுபவத்தை கற்றுக் கொண்டுள்ளார்.

யுவராஜ் சிங்-கின் வழிதடம் மற்றும் ஆட்டத்திறனை அபிஷேக் சர்மா வருங்காலத்தில் பின்பற்றுவார். இதனை தொடரந்து பின்பற்றி சீரான ஆட்டத்தை வெளிப்படுத்தும் பட்சத்தில் கண்டிப்பாக யுவராஜ் சிங் போல் ஒரு சிறந்த ஆல்-ரவுண்டராக அபிஷேக் சர்மா வலம் வர வாய்ப்புள்ளது.

#2 சூர்ய குமார் யாதவ்

Suryakumar Yadav is an explosive batsman ((Courtacy: IPL/Twitter))

சூர்ய குமார் யாதவ் மும்பை அணிக்காக உள்ளூர் கிரிக்கெட் தொடர்களில் களமிறங்குவார். வலதுகை பேட்ஸ்மேனான இவர் மிடில் ஆர்டரில் சிறந்த ஆட்டத்திறனை வெளிபடுத்தும் திறமை கொண்டவர். உள்ளுர் கிரிக்கெட்டில் மும்பை அணியின் மிடில் ஆர்டரில் தொடர்ந்து சீரான ஆட்டத்தை வெளிப்படுத்தி வெற்றி பாதைக்கு அழைத்துச் செல்கிறார்.

இருப்பினும் தனது ஆரம்ப கால ஐபிஎல் தொடர் இவருக்கு சரியாக அமையவில்லை. கொல்கத்தா நைட் ரெய்டர்ஸ் அணியிலிருந்து தனது ஐபிஎல் பயணத்தை தொடங்கிய சூர்ய குமார் யாதவ் 2018 ஐபிஎல் ஏலத்தில் மும்பை இந்தியன்ஸ் அணிக்காக 3.2 கோடிக்கு ஒப்பந்தம் செய்யப்பட்டார்.

2019 ஐபிஎல் தொடரில் 35.62 சராசரி மற்றும் 130.86 ஸ்ட்ரைக் ரேட்டுடன் 424 ரன்களை குவித்துள்ளார். 15 போட்டிகளில் 65 பவுண்டரிகளை விளாசியுள்ளார்‌. பிளே ஆஃப் சுற்றில் சென்னை சூப்பர் கிங்ஸ் அணிக்கு எதிராக இவர் அடித்த 71 ரன்களின் மூலம் 132 என்ற இலக்கை அடைந்து இறுதிப் போட்டிக்கு மும்பை அணியை அழைத்துச் சென்றார்.அத்துடன் தகுதிச் சுற்றில் மும்பை இந்தியன்ஸ் அணிக்காக பல போட்டிகளில் வெற்றி வாய்ப்பை தேடித் தந்துள்ளார்.

ஷார்ட் பிட்ச் பௌலிங்கை சரியாக எதிர்கொண்டு, அதில் உள்ள தவறுகளை களைந்து சிறப்பான ஆட்டத்தை இவ்வருட ஐபிஎல் தொடரில் வெளிபடுத்தியுள்ளார். இவரது ஆட்டத்திறன் எதிர்காலத்தில் சீராக வெளிபட்டால் கூடிய விரைவில் இந்திய அணியில் இடம்பெறுவார்.

#1 இசான் கிஷான்

Ishan Kishan is a versatile cricketer

இசான் கிஷான் ஒரு சிறப்பான இளம் அதிரடி ஆட்டக்காரர் ஆவார். 19 வயதிற்குட்பட்ட 2016 உலகக் கோப்பை தொடரில் இந்திய அணிக்காக தொடக்க ஆட்டக்காரர்களாக களமிறங்கிய இவர் ஐபிஎல் தொடரில் மும்பை இந்தியன்ஸ் அணிக்காகவும், ஜார்கன்ட் மாநில உள்ளூர் கிரிக்கெட் கிரிக்கெட்டிலும் மிடில் ஆர்டரில் களமிறக்கப் பட்டார். யுவராஜ் சிங் போலவே, இஷான் கிசானும் தொடக்க ஆட்டக்காரர்களுக்குப் பின்னர் மிடில் ஆர்டரில் சிறப்பான ஆட்டத்தை வெளிப்படுத்தி ஆட்டத்தை முடித்து வைக்கும் திறமை படைத்துள்ளார்.

ஐபிஎல் தொடரில் தனது சிறப்பான மிடில் ஆர்டர் பேட்டிங்கை இஷான் கிசான் வெளிபடுத்தியுள்ளார். மும்பை இந்தியன்ஸ் அணிக்காக அதிவேக ரன்குவிப்பை பலமுறை வெளிபடுத்தியுள்ளார். ஆனால் சீராக வெளிப்படவில்லை. இவ்வருட ஐபிஎல் தொடரில் 16.83 சராசரியுடன் 101 ரன்கள் மட்டுமே எடுத்தார்.

இந்திய-ஏ அணியின் வழக்கமான வீரரான இஷான் கிசான், தனது சீரான ஆட்டத்திறனை தேடி வருகிறார். இனிவரும் காலங்களில் இஷான் கிஷான் ஆட்டம் சீராக வெளிபட தொடங்கினால் கண்டிப்பாக 2019 உலக கோப்பை தொடருக்குப் பிறகு இந்திய அணியில் இடம்பெற வாய்ப்புள்ளது. கண்டிப்பாக 2019 உலகக் கோப்பை தொடருக்கு பிறகு இந்திய அணியில் அதிக இடங்கள் காலியாக வாய்ப்புள்ளது.

ஓய்வறையில் யுவராஜ் சிங்கிடம் பகிர்ந்து கொண்ட சில அனுபவ பேட்டிங் நுணுக்கங்கள் மூலம் இஷான் கிசான் இனிவரும் காலங்களில் சிறப்பான ஆட்டத்தை வெளிப்படுத்துவார் என எதிர்பார்க்கப்படுகிறது.