உலகக் கோப்பை வரலாற்றில் சிறந்த பங்களிப்பை அளித்தும், யாரும் அறிந்திராத 3 ஹீரோக்கள்

50 ஓவர் உலகக் கோப்பை 4 வருடத்திற்கு ஒருமுறை சர்வதேச கிரிக்கெட் கவுன்சிலினால் நடத்தப்படும் ஒரு தொடராகும். கிரிக்கெட் வீரர்கள் இத்தொடரில் நன்றாக ஆட்டத்திறனை வெளிபடுத்துவதன் மூலம் சர்வதேச கிரிக்கெட்டில் மிகச்சிறந்த வீரர்களாக வலம் வருவார்கள். இந்த கிரிக்கெட் தொடர் அதிகம் மதிப்பிடப்பட்டதாகவும், உலகில் உள்ள அனைத்து மக்களாலும் பார்க்கக்கூடிய ஒன்றாகவும் திகழ்ந்து வருகிறது. இந்த உலகக்கோப்பை கிரிக்கெட் தொடரில் நன்றாக விளையாடுவதன் மூலம் உலகில் உள்ள அனைத்து கிரிக்கெட் வல்லுனர்களிடம் பாராட்டைப் பெறுவார்கள்.

குறிப்பாக உலகக் கோப்பை இறுதிப் போட்டிகளிலோ அல்லது அரையிறுதி மற்றும் லீக் சுற்றில் மேட்ச் வின்னிங் ஆட்டத்திறனையோ வெளிபடுத்தும் வீரர்கள் அதிகம் மதிப்பிடப்பட்டு போற்றப்படுவர். ஏனெனில் இக்கட்டான சூழ்நிலையில் அவர்களது இயல்பான மனநிலை ஆட்டத்திறனே அதற்கு காரணமாகும்.

2003 உலகக் கோப்பையில் இந்தியாவிற்கு எதிரான இறுதிப் போட்டியில் ரிக்கி பாண்டிங்-கின் சதம், 1983 உலகக் கோப்பை தொடரில் ஜீம்பாப்வேவிற்கு எதிரான தகுதிச் சுற்றில் கபில்தேவ் விளாசிய 175, 1992 உலகக் கோப்பை தொடரில் இங்கிலாந்திற்கு எதிரான இறுதிப் போட்டியில் வாஸிம் அக்ரமின் அற்புதமான பந்துவீச்சு திறன் ஆகியன இதற்கு சான்றுகளாக கூறப்படுகிறது. அத்துடன் இது உலகில் எந்த காலத்திலும் யாரலும் மறக்க முடியாத நினைவுகளாகும்.

உலகக் கோப்பை தொடரில் ஒரு மிகப்பெரிய பங்களிப்பை அளித்த வீரர்களை மட்டுமே உலகம் நியாபகம் வைத்திருக்கும். இன்னும் சில வீரர்கள் குறைவான பங்களிப்பை அணிக்கு அளித்திருந்தாலும், அந்த ரன்களின் மூலம் அவ்வணி வெற்றி பெற்றிருக்கும். ஆனால் அத்தகைய வீரர்களை ஒரு சில ரசிகர்கள் மட்டுமே நியாபகம் வைத்திருப்பார்கள்.

நாம் இங்கு உலகக் கோப்பை தொடரில் சிறந்த பங்களிப்பை அளித்தும், யாரும் அறிந்திராத 3 வீரர்களை பற்றி காண்போம்.

#1 ரோஜர் பின்னி - இந்திய வீரர்(1983)

1983 உலகக் கோப்பை தொடரில் இந்திய அணியின் உலகக் கோப்பை கனவு நனவானது. அக்காலங்கில் கிரிக்கெட் உலகை ஆண்ட மேற்கிந்தியத் தீவுகள் அணியை 1983 ஆம் ஆண்டு லார்ட்ஸ் மைதானத்தில் நடந்த உலகக்கோப்பை தொடரின் இறுதிப் போட்டியில் வென்று இந்திய அணி தனது முதல் உலகக்கோப்பை தொடரை கைப்பற்றியது. இந்திய அணியின் இந்த வரலாற்று கோப்பையின் வெற்றிக்கு பின்னால் யாரும் அறிந்திராத ரோஜர் பின்னியின் பங்களிப்பும் உள்ளது. இவர் அந்தாண்டு உலக கோப்பை தொடரின் அதிக விக்கெட்டுகளை வீழ்த்தியோர் பட்டியலில் முதலிடத்தில் இருந்தவர்.

இவர் மொத்தமாக 8 போட்டிகளில் பங்கேற்று 18 விக்கெட்டுகளை வீழ்த்தினார். இந்திய அணியின் பௌலிங்கில் சிறப்பான வீரராக செயல்பட்டு அக்காலங்களில் வலிமையான பேட்டிங் உடன் திகழ்ந்த அணிகளை குறைந்த ரன்களில் விக்கெட்டுகளை வீழ்த்தும் திறமை படைத்திருந்தார்.

வேகப்பந்து வீச்சு ஆல்-ரவுண்டரான இவர் 1983 உலகக் கோப்பை தொடரில் அனைத்து போட்டிகளிலும் பங்கேற்றார். இவரது மிகவும் சிறப்பான பௌலிங் திறன் ஆஸ்திரேலியாவிற்கு எதிராக காலிறுதியில் வந்தது. அந்த போட்டியில் 4 விக்கெட்டுகளை வீழ்த்தி எதிரணியை 129 ரன்களுக்குள் சுருட்டினார் ரோஜர் பின்னி. அந்த வெற்றியில் இந்திய அணிக்காக தனது பெரும் பங்களிப்பை அளித்து இங்கிலாந்திற்கு எதிரான அரையிறுதிப் போட்டிக்கு இந்திய அணியை அழைத்துச் சென்றார் ரோஜர் பின்னி.

#2 ஆன்ரிவ் சைமன்ஸ் - ஆஸ்திரேலிய வீரர் (2003)

Andrew Symonds was a crucial part of the Australian setup

ஆன்ரிவ் சைமன்ஸின் பெரும்பாலன கிரிக்கெட் வாழ்க்கையில் அதிக முறை சர்சையில் சிக்கியிருப்பார்‌. ஒவ்வொரு நாளும் புதுபுது சர்ச்சை நிகழ்வுகள் இவர் மீது எழுந்த வண்ணமாகவே இருக்கும். இருப்பினும் ஆஸ்திரேலிய அணியின் சிறந்த ஓடிஐ வீரர் ஆன்ரிவ் சைமன்ஸ் என்பது சிலருக்கு மட்டுமே தெரியும். 1990ன் இறுதி மாதங்களில் சர்வதேச கிரிக்கெட்டில் அறிமுகமான ஆன்ரிவ் சைமன்ஸின் ஆட்டத்திறன் சீராக இல்லாமல் இருந்தது. மோசமன ரன் குவிப்பினால் ஆன்ரில் சைமன்ஸை அணியிலிருந்து நீக்கியது ஆஸ்திரேலிய கிரிக்கெட் வாரியம்.

இருப்பினும் 2003 உலகக் கோப்பை தொடரில் ரிக்கி பாண்டிங் தலைமையிலான ஆஸ்திரேலிய அணியில் அவர் மீது மிகுந்த நம்பிக்கை வைத்து அந்நாட்டு கிரிக்கெட் நிர்வாகம் அணியில் சேர்த்ததது‌. இது அவருக்கு திருப்பு முனையாக அமைந்து அந்த உலகக் கோப்பையில் ஆஸ்திரேலிய அணியில் அதிக ரன்களை எடுத்தோர் பட்டியலில் 4வது இடத்தை பிடித்தார். 2003 உலகக் கோப்பையில் பாகிஸ்தானிற்கு எதிரான தனது முதல் போட்டியில் ஆன்ரிவ் சைமன்ஸ் 143 ரன்களை குவித்தார். இது அவரின் மீது அதிக நம்பிக்கையை ஏற்படுத்தியது. அத்துடன் ஆஸ்திரேலிய அணியின் பேட்டிங் லைன்-அப் வலிமையுடன் திகழ்ந்தது. 5 போட்டிகளில் பங்கேற்ற இவர் 326 ரன்களை குவித்துள்ளார். அத்துடன் சில இக்கட்டான சூழ்நிலையில் ஆஸ்திரேலிய அணிக்காக சில அதிரடி ஆட்டத்தை ஆன்ரிவ் சைமன்ஸ் வெளிபடுத்தியது குறிப்பிடத்தக்கது.

#3 சுரேஷ் ரெய்னா- இந்திய வீரர்(2011)

இந்திய கிரிக்கெட் அணியில் சுரேஷ் ரெய்னாவின் பங்கு என்ன என்பதைப்பற்றி கேட்பவர்களுக்கு இது தகுந்த பதிலாக இருக்கும் என நம்புகிறேன். 2011 கால கட்டத்தில் இந்திய அணியின் சிறந்த ஃபீலட்ர் மற்றும் ஆல்-ரவுண்டராக வலம் வந்த சுரேஷ் ரெய்னாவின் ஆட்டத்திறன் 2011 உலகக் கோப்பை தொடரில் மறைக்கப்பட்டுள்ளது. அணியின் தேவையை அறிந்து சிறப்பான ஆட்டத்தை வெளிப்படுத்தும் திறமை உடையவர் சுரேஷ் ரெய்னா.

இந்திய அணிக்காக முதல் முறையாக சுரேஷ் ரெய்னா களமிறங்கும் போது அவருடைய ஆட்டத்திறன் அவ்வளவு சிறப்பாக இல்லை. இருப்பினும் அவருக்கு அளிக்கப்பட்ட தொடர் வாய்ப்புகளை சரியாக பயன்படுத்திக் கொண்டு பேட்டிங்கில் தன்னை முழுமையாக நிறுபித்தார். இளம் வயதில் அனுபவ கிரிக்கெட் வீரர்களுடன் சேர்ந்து நல்ல அனுபவத்தை அவர்களிடமிருந்து பெற்று கொண்டார்.

2011 உலகக் கோப்பை தொடரில் அகமாதபாத்தில் நடந்த ஆஸ்திரேலியாவிற்கு எதிரான காலிறுதிப் போட்டியில் 34* ரன்களை விளாசி இந்திய அணியை அரையிறுதிக்கு அழைத்துச் சென்றார். யுவராஜ் சிங் உடன் இனைந்து ஒரு வலுவான் பார்ட்னர் ஷிப் அனைத்து ஆட்டத்தை முடித்து வைத்தார் சுரேஷ் ரெய்னா. பாகிஸ்தானிற்கு எதிரான அரையிறுதிப் போட்டியில் டெத் ஓவர்களில் களமிறங்கி 36* ரன்களை சுரேஷ் ரெய்னா விளாசி இந்திய அணியின் ரன்களை உயர்த்தினார். இதுவே இறுதியாக மேட்ச்-வின்னிங் ரன்களாகும் அமைந்தது. தற்போது 2015 உலகக் கோப்பைக்குப் பிறகு சர்வதேச கிரிக்கெட்டில் ரெய்னா அவ்வளவாக இடம்பெறவில்லை.

Edited by Fambeat Tamil

Be the first one to comment