2019 உலகக் கோப்பை தொடரை மையாமாக வைத்து புதிதாக உருவாக்கப்பட்ட 5 நிறுவன விளம்பரங்கள்

2019 உலகக் கோப்பை தொடர் சிறப்பாக ஆரம்பித்து நடந்து வருகிறது. 10 அணிகள் பங்கேற்றுள்ள இவ்வருட உலகக் கோப்பை தொடரில் புள்ளி பட்டியலில் முதல் 4 இடங்களை பிடிக்கும் அணிகள் அரையிறுதியும், இறுதிப் போட்டியிலும் பங்கேற்கும். உலகில் உள்ள அனைத்து ரசிகர்களும் இந்திய-பாகிஸ்தான் மோதும் போட்டியை அதிகம் எதிர்பார்த்து காத்துள்ளனர். உலகக் கோப்பை என்பது பல முண்ணனி நிறுவனங்களின் விளம்பரங்கள் இடம்பெறும் இடங்களாக உள்ளது. குறிப்பாக ரசிகர்களை கவரும் வகையில் இந்திய கிரிக்கெட் அணியின் ஆட்டத்திறன் தற்போது வெளிபட்டு வரும் நிலையில் ரசிகர்கள் அதிக எதிர்பார்ப்புடன் உற்சாகப் படுத்தி வருகின்றனர்.

கடந்த உலகக் கோப்பை தொடர்களில் அதிக புதிய விளம்பரங்களை தொலைக்காட்சி நிறுவனங்கள் வெளியிட்டு வந்தன. 2015 உலகக் கோப்பை தொடரில் "மோக்கா மோக்கா" என்ற பாடலை ஸ்டார் ஸ்போர்ட்ஸ் நிறுவனம் வெளியிட்டது. ஆப்பிள் சிங் விளம்பரத்தை 1999 உலகக் கோப்பை தொடரில் ESPNcricinfo நிறுவனம் வெளியிட்டது. நாம் இங்கு 2019 உலகக்கோப்பை தொடரை மையமாக கொண்டு புதிதாக உருவாக்கப்பட்ட 5 விளம்பரங்களை காண்போம்.

1) ஷாக் தெம் (#SockThem - PUMA)

PUMA நிறுவனம் விராட் கோலியை மையமாக கொண்டு ஒரு சிறப்பான விளம்பரம் ஒன்றை வெளியிட்டுள்ளது. இவரது பேட்டிங் ஸ்டைல் மற்றும் அதிரடியான பேட்டிங் திறனை கொண்டு #SockThem என்ற ஒரு பாடல் மூலம் வெளியிடப்பட்டுள்ளது. இந்த பாடலை இந்திய ரப் பாடகர் டிவைன் பாடியுள்ளார். இப்பாடல் இந்திய ரசிகர்களை அதிக உற்சாகமூட்டும் வகையில் உள்ளது. ரசிகர்கள் இந்தப் பாடலால் உந்தப்பட்டு இந்திய அணிக்கு அதிக உற்சாகமூட்டி வருகின்றனர்.

பாடலின் இடையே உலகக்கோப்பையில் ஆஸ்திரேலியாவிற்கு எதிரான போட்டியில் ஸ்டிவன் ஸ்மித்திற்கு ஆதரவாக அளித்த சைகை இடம்பெற்றுள்ளது. இந்தாண்டு தொடக்கத்தில் நடந்த ஆஸ்திரேலிய தொடரில் கோலியை சதம் விளாச விட மாட்டோம் என்று கூறிய பேட் கமின்ஸின் வார்த்தைகளும் இடம்பெற்று, அத்துடன் முதல் போட்டியிலேயே விராட் கோலி விளாசிய சதமும் அதன்பின் அவர் செய்த சைகையும் இடம்பெற்றுள்ளது. #SockThem பாடலானது, உங்களது எதிரணியை உங்கள் பலத்தினால் வீழ்த்துங்கள், வார்த்தைகளால் வீழ்த்தாதிர்கள் என்று கூறப்பட்டுள்ளது.

2)அவர் மொமெண்ட் இஸ் நவ் (#OurMomentIsNow - Daniel Wellington)

டேனியல் வெல்லிங்டன் தான் உருவாக்கிய பாடலில் இந்திய ரசிகர்களின் உணர்வுகள் மற்றும் உற்சாகத்தை வெளிபடுத்தும் வகையில் வெளியிட்டுள்ளார். அத்துடன் இந்திய அணியை முழுவதும் இனைத்து இப்பாடலை உருவாக்கியுள்ளார். தங்களுக்கு கிடைத்த வாய்ப்பை சரியாக பயன்படுத்தி தகுந்த திறனை இந்திய வீரர்கள் வெளிகொணர வேண்டும். அத்துடன் இந்திய கிரிக்கெட் அணி தங்களது ரசிகர்களுக்கு செய்தி அனுப்பும் வகையில் இப்பாடல் வடிவமைக்கப்பட்டுள்ளது.

இந்த பாடலில் முன்னணி நடிகர் ஆயூஸ்மான் காரானா நடித்துள்ளார். அத்துடன் இந்திய கிரிக்கெட் வீரர்கள் தினேஷ் கார்த்திக், யுஜ்வேந்திர சகால் மற்றும் குல்தீப் யாதவ் ஆகியோர் தங்களது வெளிபாட்டை எவ்வாறு வெளிபடுத்துவது என்று பேசுவது போல் வடிவமைக்கப்பட்டுள்ளது. பயங்களை குறைத்து எதிரணியை வீழ்த்தி இந்திய அணிக்கு உலகக் கோப்பையை கைப்பற்ற வேண்டும் என்ற வாசகங்கள் இப்பாடலில் உள்ளது. அத்துடன் ரசிகர்களின் உற்சாகம் இந்திய வீரர்களின் பயத்தை போக்குகிறது என்றும் கூறப்பட்டுள்ளது.

இந்த விளம்பரம் குறிப்பாக இரு புதிய கை கடிகாரங்களை ஆண் மற்றும் பெண் என இரு பாலருக்கும் விற்கும் நோக்கத்திலே உருவாக்கப்பட்டது. இந்த கைகடிகாரம் வெள்ளை மற்றும் முட்டை ஓடு வெள்ளை நிறத்தில் இடம்பெற்றுள்ளது. மேலும் ரோஸ் கோல்ட், சில்வர் மற்றும் ஊதா நிறத்திலும் அதன் நிறங்கள் உள்ளன. அனைத்து கிரிக்கெட் ரசிகர்களும் இந்த கைகடிகாரத்தை வாங்கி உலகக் கோப்பை கிரிக்கெட் பாக்ஸை வாங்கிக் கொள்ளலாம். அத்துடன் கிரிக்கெட் ரசிகருக்கான அடையாள அட்டையையும் பெற்றுக் கொள்ளலாம் என குறிப்பிடப்பட்டுள்ளது. மேலும் இந்திய அணியை உற்சாகப் படுத்தி மூன்று இந்திய அணி கிரிக்கெட் ஜெர்ஸியை இலவசமாக பெற்றுக் கொள்ளலாம் என்ற சலுகையும் வழங்கப்பட்டுள்ளது.

3) ஃப்ளை டு லண்டன் (Fly to London - Coca Cola)

இந்திய நட்சத்திர நடிகர்களான பரேஷ் ரவால் மற்றும் ரன்பீர் கபூர் ஆகியோர் இனைந்து கொக்க்கோல நிறுவனத்தின் விளம்பரமான Fly To London என்ற வாசகத்தில் நடித்துள்ளனர். இவர்கள் இருவரும் கோக் குளிர்பானத்தை அருந்திக் கொண்டு தொலைக்காட்சியில் உலகக் கோப்பை போட்டியை பார்த்துக் கொட்டிருந்தனர். ரன்பீர் கபூர் கோக்கை பரேஷ் ரவாலுக்கு ஒரு சொட்டு கொடுத்தார். ஆனால் ரவால் எனக்கு ஏற்கனவே சலுகை வழங்கப்பட்டது மற்றும் ஏன் நாம் இருவரும் உலகக் கோப்பை காண இங்கிலாந்து செல்ல கூடாது என ரன்பீர் கபூரிடம் கேட்டார்‌. பரேஷ் ரவால், போட்டியில் பங்கேற்று வென்று தன்னை காணும் வாய்ப்பு மற்றும் 2019 உலகக் கோப்பையை காணும் வாய்ப்பை பெறுங்கள் என ரன்பீர் கபூரிடம் சவால் விடும் வகையில் இந்த விளம்பரத்தில் பேசியுள்ளார்.

இந்த விளம்பரத்தில் வெளியிடப்பட்ட சலுகையாவது, கோக் பாட்டிலுக்கு பின் தாளில் உள்ள எண்களை குறுஞ்செய்தி வாயிலாக அனுப்பி குலுக்கலில் வெல்லும் அதிர்ஷ்ட சாலிகளுக்கு லண்டன் சென்று உலகக் கோப்பை காணும் வாய்ப்பு பெறுவார்கள்.

4)சோமாட்டோ கிரிக்கெட் கப் (Zomato Cricket Cup)

ஜோமாட்டோ தத்ரூபமாக தனது விளம்பரத்தை வடிவமைத்துள்ளது. அதாவது உலகக் கோப்பை போட்டிகளை பார்த்து கொண்டிருக்கும் போது உணவு தேவைப்பட்டால் உடனே டெலிவரி செய்வது போல் வடிவமைத்துள்ளது. ஜோமெட்டோ மொபைல் செயலியில் அந்நிறுவனம் நடத்தும் ஒரு சிறிய கணிப்பு போட்டிகளில் வெல்பவர்களுக்கு 100 சதவீத சலுகை உணவு ஆர்டர் செய்யும் போது கிடைக்கும் என தெரிவித்துள்ளது. பொதுவாக 3 கேள்விகள் அந்த சிறிய கணிப்பு போட்டியில் கேட்கப்படும். இதற்கு தகுந்த பதிலை அளிப்பவர்களுக்கு 100 சதவீத சலுகையை அந்நிறுவனம் வழங்குகிறது.

இது தனது வாடிக்கையாளின் எதிர்பார்ப்பை நிறைவு செய்யும் வகையில் இந்த சலுகையை மற்றும் இந்நிறுவனம் அளித்துள்ளது. காலத்திற்கு ஏற்ப இந்த சலுகையை பயன்படுத்தி கொண்டு வெற்றி பெற்று தங்கள் பசியை போக்கி கொள்ளுங்கள் என்ற வாசகம் அந்த விளம்பரத்தில் இடம்பெற்றுள்ளது. ரசிகர்கள் அளிக்கும் பதிலை பொறுத்து சலுகையை வழங்குகிறது ஜோமேட்டோ. முதல் கேள்விக்கு 25%, இரண்டாவது கேள்விக்கு 50%, மூன்றாவது கேள்விக்கு 100% போன்ற விதத்தில் சலுகையை அளித்து வருகிறது.

5) கிரிக்கெட் ஓட கிரௌன் (Cricket ka Crown Hum Le Jayenge - Star Sports)

2019 உலகக் கோப்பை தொடரை வைத்து ஒரு பாடல் வடிவில் ஸ்டார் நிறுவனம் ஒரு வேடிக்கையான விளம்பரம் ஒன்றை வடிவமைத்துள்ளது. உலகக் கோப்பை இங்கிலாந்தில் நடைபெறவதையடுத்து அந்நாட்டு ராணி அனைவரையும் வரவேற்று பேசிக் கொண்டுள்ளார். திடீரென கூட்டத்திலிருந்து வெளியே வரும் சில ரசிகர்கள் தங்களது விருப்ப அணியின் ஜெர்ஸியை அணிந்து முன்னாள் வந்து வேடிக்கை காட்டுவது போல் நடனமாடுகின்றனர்.

தங்களது உணர்ச்சிகளை வெளிபடுத்தி தங்கள் விருப்ப அணி உலகக் கோப்பையை வெல்லும் என வாதடுவது போல் பாடல் பாடுகின்றனர். அத்துடன் இந்தியா விளையாடும் அனைத்து கிரிக்கெட் போட்டிகளிலும் சில வேடிக்கையான விளம்பரங்களை ஸ்டார் நிறுவனம் வடிவமைத்து வெளியிடுகிறது.

Edited by Fambeat Tamil

Be the first one to comment