Create
Notifications
New User posted their first comment
Advertisement

2019ல் விராட் கோலியால் முறியடிக்கப்படவுள்ள 3 மிகப்பெரிய சாதனைகள்

Virat Kohli is enjoying a good time both as a batsman and as a captain
Virat Kohli is enjoying a good time both as a batsman and as a captain
Sathishkumar
ANALYST
Modified 18 Feb 2019, 15:38 IST
சிறப்பு
Advertisement

 

கடந்த சில வருடங்களாக இந்திய அணியின் கேப்டன் விராட் கோலியால் அனைத்து வகையான கிரிக்கெட்டிலும் பல்வேறு சாதனைகள் முறியடிக்கப்பட்டு வருகிறது. தற்போதைய இந்திய அணியின் சிறந்த பேட்ஸ்மேனாக விராட் கோலி விளங்குகிறார். இவருடைய ஆட்டத்திறன் அனைத்து இடங்களிலும் ஒரே மாதிரியாக சிறப்பாக உள்ளது.அத்துடன் வரும் தொடர்களிலும் சிறப்பாவே அமையும் என எதிர்பார்க்கப்படுகிறது.

 விராட் கோலி 2018ஆம் அண்டை தனது கிரிக்கெட் வாழ்வில் சிறப்பாக முடித்துள்ளார். 2018ல் ஒருநாள் கிரிக்கெட்டில் அதிக ரன்களை குவித்தவர் என்ற பெருமையை பெற்றுள்ளார் கோலி. 2019 ஆம் வருடத்திலும் அதே ஆட்டத்திறனுடன் விளையாடி வருகிறார். அத்துடன் வருங்காலத்திலும் சிறப்பான ரன் குவிப்பில் ஈடுபடுவார் என தெரிகிறது. 2018ல் கோலி பேட்ஸ்மேனாக நிறைய சாதனைகளை படைத்தும் முறியடித்தும் உள்ளார்.

தற்போது விராட் கோலிக்கு உள்ள ஆட்டத்திறனிற்கு 2019 ஆண்டில் மிகப்பெரிய சாதனைகளை முறியடிப்பார் என எதிர்பார்க்கப்படுகிறது. நாம் இங்கு விராட் கோலியால் 2019ல் முறியடிக்கப்படவுள்ள 3 மிகப்பெரிய சாதனைகளை பற்றி காண்போம்.

#1.சர்வதேச கிரிக்கெட்டில் அதிவேகமாக 20,000 ரன்களை கடந்த கிரிக்கெட் வீரர்

Virat Kohli is all set to break Sachin
Virat Kohli is all set to break Sachin's record soon

விராட் கோலி சர்வதேச கிரிக்கெட்டில் இன்னும் 687 ரன்களை குவித்தால் சர்வதேச கிரிக்கெட்டில் அதிவேகமாக 20,000 ரன்களை குவித்த கிரிக்கெட் வீரர் என்ற அற்புதமான மற்றும் மிகப்பெரிய சாதனையை படைப்பார். கடந்த காலத்தை கொண்டு ஒப்பிடும்போது , வலதுகை பேட்ஸ்மேன் விராட் கோலி உலகில் 12வது வீரராகவும் , இந்திய அணியில் 3வது வீரராகவும் 20,000 கடந்து வரலாற்று சாதனையை படைக்க உள்ளார். இவர் 20,000 சர்வதேச ரன்களை கடக்கும் போது,உலகின் முதல் பேட்ஸ்மேனாக அதிவேகமாக சர்வதேச கிரிக்கெட்டில் 20,000 ரன்களை கடந்தவர் என்ற சாதனையையும் படைக்கப் போகிறார் விராட் கோலி.

 தற்போது இந்த சாதனையை இந்திய அணியின் கிரிக்கெட் ஜாம்பவான் சச்சின் டெண்டுல்கர் மற்றும் மேற்கிந்தியத் தீவுகள் அணியின் கிரிக்கெட் ஜாம்பவான் பிரைன் லாரா தங்களது கட்டுபாட்டில் வைத்துள்ளனர். இருவருமே 20,000 சர்வதேச ரன்களை கடக்க  மொத்தமாக 453 சர்வதேச கிரிக்கெட் போட்டிகளில் விளையாடினர். இன்றுவரை இவர்கள் இருவருமே அதிவேகமாக 20,000 ரன்களை குவித்தோர் பட்டியலில் முதல் இடத்தில் உள்ளனர்.

 விராட் இன்னும் 47 போட்டிகளில் 687 ரன்களை கடந்தால் இந்த வரலாற்று சாதனையை முறியடிப்பார். இந்த சாதனையை விராட் கோலி முறியடித்தால் அவரது கிரிக்கெட் வாழ்வில் இது மிகப்பெரிய சாதனை முறியடிப்பாக இருக்கும். இந்திய அணி இந்த வருடத்தில் நிறைய கிரிக்கெட் போட்டிகளில் பங்கேற்க உள்ளது. எனவே இது விராட் கோலிக்கு சாதகமாக இருக்கும். சச்சின் டெண்டுல்கரின் இந்தச்சாதனை மட்டுமல்லாமல் வருங்காலத்தில் நிறைய சாதனைகளை விராட் கோலி படைப்பார் என எதிர்பார்க்கப்படுகிறது. கடந்த கால கிரிக்கெட் வீரர்கள் சிலருக்கு இருக்கும் ரசிகர் படையைப் போல் விராட் கோலிக்கும் பெரும் ரசிகர் படை உள்ளது.

1 / 3 NEXT
Published 18 Feb 2019, 15:38 IST
Advertisement
Fetching more content...
App download animated image Get the free App now
❤️ Favorites Edit