லார்ட்ஸ் மைதானத்தில் டெஸ்ட் கிரிக்கெட்டில் அறிமுகம் கண்ட 5 ஜாம்பவான்கள்

உலகில் உள்ள கிரிக்கெட் மைதானங்களில் ஒரு ஆடுகளத்தில் மட்டும் கிரிக்கெட் வீரர்கள் டெஸட் போட்டிகளில் விளையாட விரும்புவர். அந்த மைதானம் உலகப் புகழ்பெற்ற கிரிக்கெட் அடையாளமாக திகழும் லார்ட்ஸ் கிரிக்கெட் ஆடுகளமாகும். கிரிக்கெட் விளையாட்டின் இருப்பிடம் என்றழைக்கப்படும் லார்ட்ஸ் மைதானம் உருவாகி அதிக ஆண்டுகளுக்கும் மேல் ஆனது குறிப்பிடத்தக்கது.

இந்த லார்ட்ஸ் ஆடுகளத்தை வடிவமைத்த தாமஸ் லார்ட்ஸின் பெயரையே இம்மைதானத்திற்கு சூட்டியுள்ளனர். தாமஸ் லார்ட்ஸ் மற்றும் அவரது குழுவினர் இனைந்து 3 மைதானங்களை வடிவமைத்துள்ளனர். இவர்கள் மூன்றாவதாக வடிவமைத்த மைதானம் 1814ல் திறக்கப்பட்டு சர்வதேச போட்டிகள் நடத்தப்பட்டன.

லார்ட்ஸ் மைதானத்தில் பல்வேறு காரணிகள் ஒரு நூற்றாண்டிற்கும் மேல் வலம் வந்து ஸ்பெஷலான இடமாக விளங்குகிறது. பெரிய அறை மற்றும் சாய்வான பிட்ச் போன்ற இரு காரணிகள் இந்த வரலாற்று சிறப்புமிக்க மேன்மேலும் உயர்ந்த இடத்தில் நிறுத்தி கிரிக்கெட் வரலாற்றில் புகழ்பெற்றதாக திகழ்கிறது.

Jofra Archer impressed with the ball on his Test debut

கவுரவப் பலகை மற்றும் ஊடக மையம் போன்றன இம்மைதானத்தின் தனிச்சிறப்பாகும். தற்போது பல மைதானங்களில் இந்த சிறப்புமிக்க செயல் நடைமுறையில் உள்ளது. கிரிக்கெட் வீரர்கள் அனைவரும் லார்ட்ஸ் மைதானத்தில் விளையாடுவதை பெருமையாக நினைக்கின்றனர். மேலும் சில கிரிக்கெட் வீரர்கள் லார்ட்ஸ் மைதானத்திலேயே அறிமுகமாகியுள்ளனர். கடைசியாக ஜோஃப்ரா ஆர்ச்சர் இம்மைதானத்தில் டெஸ்ட் போட்டியில் அறிமுகமானார்.

நாம் இங்கு லார்ட்ஸ் மைதானத்தில் டெஸ்ட் கிரிக்கெட்டில் அறிமுகமான 5 கிரிக்கெட் ஜாம்பவான்களைப் பற்றி காண்போம்.

#5 கெவின் பீட்டர்சன்

Kevin Pietersen took the attack to the opposition

2005 ஆஸஸ் தொடரில் கெவின் பீட்டர்சன் தேர்வு சற்று கேள்விக் குறியாக இருந்தது. இதற்கு காரணம் அவரது அணுகுமுறை இங்கிலாந்து ரசிகர்களுக்கு பிடிக்கவில்லை. ஆனால் மைக்கேல் வாகன் அவரை லார்ட்ஸ் மைதானத்தில் நடந்த ஆஸஸ் தொடரின் முதல் போட்டியில் அறிமுகம் செய்தார்.

பீட்டர்சன் இங்கிலாந்து டெஸ்ட் அணியில் அறிமுகமானதை பலர் நகைத்து வந்தாலும் அதனை கண்டுகொள்ளாமல் இங்கிலாந்து 21/5 என இருந்த சமயத்தில் மீட்டெடுக்கும் முயற்சியில் களமிறங்கினார். இரு இன்னிங்ஸிலும் டாப் ரன் ஸ்கோரராக கெவின் பீட்டர்சன் பொறுப்பான ஆட்டத்தை வெளிப்படுத்தியும் இங்கிலாந்து 239 ரன்கள் வித்தியாசத்தில் தோல்வியை தழுவியது.

இருப்பினும் இங்கிலாந்து அடுத்தடுத்த போட்டிகளில் மீண்டெழ கெவின் பீட்டர்சன் உதவி புரிந்து அந்த தொடரின் அதிக ரன் குவித்தராக வலம் வந்தார். 5வது டெஸ்ட் போட்டியில் கெவின் பீட்டர்சனின் அதிரடி ஆட்டத்தின் மூலம் 158 ரன்களை குவித்தார். அக்காலத்தில் கொடி கட்டி பறந்த சுழற்பந்து வீச்சாளர் ஷேன் வார்னேவின் பௌலிங்கை சரியாக எதிர்கொண்டு பீட்டர்சன் விளையாடினார்.

கெவின் பீட்டர்சன் இதே ஆட்டத்தை மீண்டுமொருமுறை 2012ல் மும்பையில் நடந்த டெஸ்ட் போட்டியில் வெளிபடுத்தி 28 வருடங்களுக்கு பின்னர் இங்கிலாந்தை இந்திய மண்ணில் டெஸ்ட் தொடரை கைப்பற்றச் செய்தார்.

பல விவாதத்தினால் கெவின் பீட்டர்சனின் கிரிக்கெட் வாழ்க்கை குறுகிய காலத்தில் முடிந்தது. ஆனால் தற்போது வரை இங்கிலாந்து கிரிக்கெட் வரலாற்றில் மிகச்சிறந்த கிரிக்கெட் வீரராக வலம் வருகிறார்.

#4 சவ்ரவ் கங்குலி

Ganguly en route to his maiden century

1996ல் இந்தியா இங்கிலாந்திற்கு சுற்றுப்பயணம் செய்தபோது மிகவும் மோசமான நிலையில் விளையாடிக்கொண்டிருந்தது. அணியின் முழு நம்பிக்கையையும் 23 வயதான சச்சின் டெண்டுல்கர் தன் தோல் மீது ஏற்று விளையாடினார். சச்சின் டெண்டுல்கரின் சதத்தை தவிர, முதல் போட்டியில் இந்திய அணிக்கு மிக மோசமான போட்டியாக அமைந்தது. எனவே இந்த விதியை மாற்ற தேர்வுக்குழு சவ்ரவ் கங்குலியை லார்ட்ஸ் மைதானத்தில் நடந்த டெஸ்ட் போட்டியில் அறிமுகம் செய்தனர்.

நம்பர் 3 பேட்ஸ்மேனாக களமிறங்கி தடுத்து நிறுத்தி ஆஃப் திசையில் சிறப்பான பேட்டிங்கை கங்குலி வெளிபடுத்தினார். மேலும் நின்ற இடத்தில் இருந்தும், ஒரு படி இறங்கி வந்தும் பவுண்டரிகளை விளாசுவதில் வல்லவர். ஆச்சரியமாக இங்கிலாந்து பௌலர்களும் தங்களது லைன் மற்றும் லென்தில் சரியாக ‌கங்குலிக்கு பந்துவீச தவித்தனர்.

இடது கை பேட்ஸ்மேனான இவர் 20 பவுண்டரிகளுடன் 131 ரன்களை விளாசி லார்ட்ஸ் கவுரவ பலகையில் இடம்பிடித்தார்.

கங்குலி பௌலிங்கிலும் அசத்தி 3 விக்கெட்டுகளை வீழ்த்தினார். அடுத்த போட்டியிலும் இதே ஆட்டத்திறனை தொடர்ந்து 136 ரன்களை கங்குலி அடித்தார்.

கங்குலி இந்திய கேப்டனாக சிறந்த பங்களிப்பை அளித்துள்ளார். 1999ல் இந்திய கிரிக்கெட் அணி சூதாட்டப் புகாரில் சிக்கியிருந்த போது மீண்டெடுத்த பெரும் பங்கு கங்குலிக்கு உண்டு. இவரது கேப்டன்ஷீப் மூலம் வெளிநாட்டில் நடந்த டெஸ்ட் போட்டிகளில் இந்தியா வெற்றிக்கு மேல் வெற்றிகளை குவித்தது.

#3 ஜேம்ஸ் ஆன்டர்சன்

Anderson is the most successful fast bowler of all time

கிரிக்கெட் வரலாற்றில் மிகச்சிறந்த வேகப்பந்து வீச்சாளராக வலம் வரும் ஜேம்ஸ் ஆன்டர்சன் புகழ்பெற்ற பழைமை வாய்ந்த லார்ட்ஸ் மைதானத்தில் டெஸ்ட் போட்டிகளில் அறிமுகமானார்.

2003ல் ஜீம்பாப்வே-ற்கு எதிரான தனது அறிமுக டெஸ்ட் இன்னிங்ஸில் 5 விக்கெட்டுகளை வீழ்த்தினார். இவர் லார்ட்ஸ் மைதானத்தின் மீது கொண்ட அளவு கடந்த அன்பினால் ஆன்டர்சனின் 300வது மற்றும் 500 சர்வதேச விக்கெட்டுகளை இம்மைதானத்தில் வீழ்த்தினார்.

இவரது வேகம் மற்றும் சரியான லென்த் பௌலிங் பேட்ஸ்மேன்களை கலங்கடிக்கச் செய்தது‌. லான்செட்ஷைர் மாநிலத்தைச் சேர்ந்த இவர் மேகமூட்டமான நேரங்களில் சிறப்பான பந்துவீச்சை வெளிபடுத்தியுள்ளார். லார்ட்ஸ் மைதானத்தில் இவரது பௌலிங் சிறப்பாக இருந்து, சில சமயங்களில் பேட்ஸ்மேன்களால் எதிர்கொள்ள முடியாத வகையில் இருந்துள்ளது.

லார்ட்ஸ் மைதானத்தில் 103 விக்கெட்டுகளை ஜேம்ஸ் ஆன்டர்சன் வீழ்த்தியுள்ளார். இதுவே ஒரு வேகப்பந்து வீச்சாளர் ஒரு மைதானத்தில் வீழ்த்திய அதிகபட்ச விக்கெட்டுகளாகும். இதனை காணும் போதே லார்ட்ஸ் மைதானத்தில் ஆன்டர்சனின் ஆதிக்கம் எவ்வாறு இருக்கும் என நமக்கு தெரிகிறது. ஸ்டுவர் பிராட் மற்றும் ஜேம்ஸ் ஆன்டர்சன் டெஸ்ட் கிரிக்கெட்டில் அதிரடியான வேகப்பந்து வீச்சு இரட்டையர்களாக திகழ்கின்றனர்.

#2 ஸ்டிவன் ஸ்மித்

Smith was picked as a leg-spinner

தற்போதைய தலைமுறையின் சிறந்த டெஸ்ட் பேட்ஸ்மேனாக உலகில் வலம் வரும் ஆஸ்திரேலிய நட்சத்திர பேட்ஸ்மேன் ஸ்டிவன் ஸ்மித் ஒரு லெக் ஸ்பின்னராக சர்வதேச கிரிக்கெட்டில் அறிமுகமானார். ஸ்டிவன் ஸ்மித் பாகிஸ்தானிற்கு எதிராக லார்ட்ஸ் மைதானத்தில் நடந்த டெஸ்ட் போட்டியில் அறிமுகமானார். பாதுகாப்பின்மை காரணமாக பாகிஸ்தான் மண்ணில் நடைபெற வேண்டிய போட்டியை லார்ட்ஸீல் நடத்தியது சர்வதேச கிரிக்கெட் கவுன்சில்.

ஷேன் வார்னேவிற்கு மாற்று வீரராக ஸ்டிவன் ஸ்மித் களமிறக்கப்பட்டார். ஸ்மித் தனது அறிமுக போட்டியின் முதல் இன்னிங்சில் பௌலிங் செய்யவில்லை. இரண்டாவது இன்னிங்ஸில் ஸ்டிவன் ஸ்மித் மற்றும் மார்கஸ் நார்த் இனைந்து 9 விக்கெட்டுகளை வீழ்த்தினர்.

ஸ்மித் தனது இடத்தை அணியில் தக்கவைத்துக்கொள்ளவில்லை. 5 டெஸ்ட் போட்டிகளுக்குப் பின்னர் அணியிலிருந்து கழட்டிவிடப்பட்டார். அதன்பின் 2013ல் ‌டெஸ்ட் கிரிக்கெட்டிற்கு மீண்டும் திரும்பி ஒவ்வொரு தொடரிலும் சில முக்கியமான பங்களிப்பை ஸ்டிவன் ஸ்மித் அளித்து வந்தார்.

2014-15ல் ஆஸ்திரேலியாவில் நடந்த இந்தியாவிற்கு எதிரான டெஸ்ட் தொடரில் 4 போட்டிகளிலும் சதம் விளாசி தனது அருமையை அணிக்கு தெரியப்படுத்தினார். மேலும் 2015ல் ஆஸ்திரேலியா 5வது முறையாக உலகக்கோப்பையை வெல்வதற்கு முண்ணனி காரணமாக ஸ்டிவன் ஸ்மித்தின் ஆட்டத்திறன் இருந்தது.

ஸ்டிவன் ஸ்மித் உலகெங்கும் நடந்த அனைத்து டெஸ்ட் தொடரிலும் அபார ரன் குவிப்பில் ஈடுபட்டுவந்தார். 2018ல் பந்தை சேதப்படுத்திய விவகாரத்தில் ஒரு வருடம் கிரிக்கெட்டிலிருந்து தடை செய்யப்பட்ட ஸ்டிவன் ஸ்மித்தின் டெஸ்ட் பேட்டிங் திறன் குறைந்து விடுமோ என அனைவருக்கும் சந்தேகம் ஏற்பட்டிருந்துது. ஆனால் 2019ல் எட்ஜ் பாஸ்டனில் நடந்த ஆஸஸ் தொடரின் முதல் போட்டியில் இரு இன்னிங்ஸிலும் சதம் விளாசி சந்தேகத்திற்கு முற்றுப்புள்ளி வைத்தார்.

#1 ராகுல் டிராவிட்

Dravid's technique was perfect for Tests

ஆல்-டைம் பெஸ்ட் டெஸ்ட் பேட்ஸ்மேனாக வலம் வருபவர் ராகுல் டிராவிட். இவர் 1996ல் சவ்ரவ் கங்குலியுடன் லார்ட்ஸ் மைதானத்தில் அறிமுகமானார். உள்ளூர் கிரிக்கெட் தொடரில் சீரான ரன் குவிப்பினால் ராகுல் டிராவிட் இந்திய டெஸ்ட் அணியில் இடம்பிடித்து சாதித்து காட்டினார். இதனை எடுத்துரைக்கும் வகையில் தனது ஆரம்ப டெஸ்ட் இன்னிங்ஸில் விக்கெட் சரிந்து கொண்டிருந்த சமயத்தில் சிறப்பான பேட்டிங்கை ராகுல் டிராவிட் வெளிபடுத்தினார். இதனையே அவர் தனது முழு டெஸ்ட் கிரிக்கெட் வாழ்விலும் செய்தார்.

அனைத்து பந்துகளையும் பேட் கொண்டு சரியாக எதிர்கொண்ட ராகுல் டிராவிட்டை, ஒரு சிறந்த டெக்னிக் சர்வதேச பேட்ஸ்மேனாக உலகம் இவரை பார்த்தது. ஒவ்வொரு செங்கலாக எடுத்து கட்டிடத்தை கட்டுவது போல ராகுல் டிராவிட் தடுத்து விளையாடி படிப்படியாக ரன் குவிப்பில் ஈடுபட்டு வந்தார். இந்த அற்புதமான செயல் மூலமே ராகுல் டிராவிட் உலகம் முழுவதும் மிகவும் பிரபலமானார்.

ராகுல் டிராவிட் தனது அறிமுக டெஸ்டில் கடைநிலையில் நிலைத்து விளையாடி 93 ரன்களை விளாசி கடைசி 4 விக்கெட்டுகளுக்கு 133 ரன்களை அணியில் சேர்த்தார்.

டிராவிட் டெஸ்ட் கிரிக்கெட் வரலாற்றில் பல அற்புதமான பேட்டிங்கை வெளிபடுத்தியுள்ளார். 2001ல் கொல்கத்தாவில் ராகுல் டிராவிட்டின் 180* மற்றும் 2003ல் அடிலெய்டில் 233 ஆகியன இந்திய அணி வரலாற்று டெஸ்ட் வெற்றியை படைக்க காரணமாக இருந்தது.

டிராவிட் லார்ட்ஸ் கவுரவப் பலகையில் மட்டும் இடம்பெறவில்லை, அனைத்து வகையான டெஸ்ட் கிரிக்கெட் வரலாற்று புத்தகத்திலும் இடம் பெற்றுள்ளார்.