ஐபிஎல் 2019 தொடரில் கலக்கப்போகும் ஆல்ரவுண்டர்கள்!

உள்ளூர் டி20 போட்டிகளில் ஆல்ரவுண்டர்களுக்காண மவுசு எப்போதும் அதிகம் தான். அதனாலேயே அவர்களை சற்றும் தயங்காமல் அதிக தொகையில் வாரி வாங்கிக் கொண்டிருக்கிறார்கள், அந்தந்த அணியின் நிர்வாகங்கள். ஐபிஎல் தொடரின் 12வது சீசனுக்கான ஏலத்தில் ஆல்ரவுண்டர்களை எடுக்க ஒவ்வோர் அணியினரும் போட்டா போட்டி போட்டனர். மொத்தம் ஏலம் போன 60 வீரர்களில் 25 பேர் ஆல்ரவுண்டர்கள் என்பது வியக்கத்தக்க வகையில் உள்ளது. பந்துவீச்சிலும் பேட்டிங்கிலும் ஜொலிக்கும் இவர்கள், ஒரு அணியை பலம் வாய்ந்ததாக மாற்றும் வல்லமை படைத்தவர்கள்.

கடந்த ஆண்டு டிசம்பர் மாதம் நடைபெற்ற ஐபிஎல் ஏலத்தில் இந்திய ஆல்ரவுண்டரான வருண் சக்கரவர்த்தி அதிக தொகைக்கு ஏலம் போன வீரராவார். பவுலிங் ஆல்ரவுண்டரான இவருக்கு கிங்ஸ் லெவன் பஞ்சாப் அணி 8.4 கோடியை வாரி வழங்கியது. மேலும், சிவம் தப்பே, பிராத் வெயிட், சாம் கரன் மற்றும் அக்சர் பட்டேல் போன்றோர் நல்ல தொகைக்கு ஏலம் போன ஆல்ரவுண்டர்கள் ஆவர்.

அவ்வாறு இந்த ஐபிஎல் தொடரில் ஜொலிக்க உள்ள சிறந்த நான்கு ஆல்-ரவுண்டர்களில் பற்றி இந்த தொகுப்பில் காண்போம். அண்மைக்காலமாக இவர்களது செயல்பாட்டை பற்றி நன்கு ஆராய்ந்து தயாரிக்கப்பட்ட தொகுப்பு இது.

#4. பென் ஸ்டோக்ஸ்:

STOKES

இந்த தலைமுறையின் சர்வதேச போட்டிகளில் ஒரு சிறந்த ஆல் ரவுண்டராக வலம் வருகிறார், இங்கிலாந்தின் பென் ஸ்டோக்ஸ். இந்த ஆண்டு ஐபிஎல் தொடரில், ராஜஸ்தான் ராயல்ஸ் அணி இவரை 12.5 கோடி ரூபாய்க்கு ஏலம் எடுத்துள்ளது. கடந்த சீசனில் வெறும் எட்டு விக்கெட்களையும் 196 ரன்களை மட்டுமே எடுத்து தனது மோசமான பார்மை வெளிப்படுத்தினார், பென் ஸ்டோக்ஸ்.

2017 ஆம் ஆண்டு தனது முதல் ஐபிஎல் தொடரில் புனே அணிக்காக இடம்பெற்று 12 விக்கெட்களையும் 316 ரன்களையும் குவித்து ஒரு வெற்றிகரமான பங்களிப்பை அளித்தார், ஸ்டோக்ஸ். இதனால் அந்த தொடரின் "மிகவும் மதிப்பு வாய்ந்த வீரர்" என்ற விருதை தட்டிச் சென்றார். சமீபத்தில் நடந்து முடிந்த வெஸ்ட் வெஸ்ட் இண்டீஸ் அணிக்கு எதிரான ஒருநாள் தொடரில் நான்கு போட்டிகளில் விளையாடி 5 விக்கெட்களையும் 135 ரன்களையும் குவித்துள்ளார். இவரது இந்த நல்ல ஃபார்ம் ஐபிஎல் தொடரிலும் தொடர்ந்தால் ராஜஸ்தான் அணிக்கு கூடுதல் லாபம்தான்.

#3.ஷேன் வாட்சன்:

Shane watson

அனைத்து வடிவிலான கிரிக்கெட்டிலும் ஒரு நல்ல ஆல்ரவுண்டராக திகழ்ந்து வருபவர், ஆஸ்திரேலியாவின் வாட்சன். கடந்த ஆண்டு முதல் முறையாக சென்னை அணிக்காக களம் இறங்கி மறக்கமுடியாத தொடரை ரசிகர்களுக்கு அளித்தார்,வாட்சன். மேலும் தொடரில் ஒட்டுமொத்தமாக 15 போட்டிகளில் விளையாடி 2 சதம், 2 அரைசதம் உட்பட 555 ரன்களை குவித்து அசத்தினார். இவர்தான் அந்தத் தொடரின் ஐந்தாவது அதிகபட்ச ரன்களை குவித்த வீரர் ஆவார். தற்போது பாகிஸ்தான் சூப்பர் லீக் தொடரில் 9 போட்டிகளில் விளையாடி 332 ரன்கள் குவித்துள்ளார். இவர் தான் அந்தத் தொடரின் அதிகபட்ச ரன்களைக் குவித்த வீரர் ஆவார். மேலும், இவரது பேட்டிங் சராசரி 47.42 மற்றும் இவரது ஸ்ட்ரைக் ரேட் 141.27 என்ற வகையிலும் அமைந்துள்ளது.

இரண்டு மாதங்களுக்கு முன்னர் நடைபெற்ற பிக் பாஷ் தொடரில், சிட்னி தண்டர் அணிக்காக களம் இறங்கி 344 ரன்களையும் குவித்துள்ளார். கடந்த ஆண்டு நடைபெற்ற ஐபிஎல் தொடரில் 6 விக்கெட்டுகளையும் சாய்த்துள்ளார். வலது கை பந்துவீச்சாளரான இவர், அனைத்து தரப்பு சர்வதேச போட்டிகளிலும் 291 விக்கெட்களை சாய்த்துள்ளார் என்பது குறிப்பிடத்தக்கது.

#2. சுனில் நரைன் :

SUNIL NARINE

கடந்த இரண்டு ஆண்டுகளுக்கு முன்னர் வெறும் சுழற்பந்துவீச்சாளராக மட்டும் களம் இறங்கி வந்தவர், சுனில் நரைன். ஆனால், தற்போது கொல்கத்தா நைட் ரைடர்ஸ் அணிக்காக பேட்டிங்கிலும் அதுவும் ஒரு தொடக்க வீரராக முத்திரை பதித்து வருகிறார். ஐபில் தொடரில் ஒவ்வொரு ரன்னாக ஓடி எடுக்காது, வெறும் பவுண்டரிகளால் மட்டுமே அதிக ரன்களை குவித்த வீரர் என்ற சாதனை இவர் வசம் தான் உள்ளது. கடந்த ஆண்டு ஐபிஎல் தொடரில் 16 போட்டிகளில் களமிறங்கி 357 ரன்களை 189.89 என்ற ஸ்ட்ரைக் ரேட்டுடன் குவித்துள்ளார். மேலும், பந்துவீச்சில் 17 விக்கெட்டுகளை 7.65 என்ற எக்கனாமியுடன் வீழ்த்தியுள்ளார்.

இவர், கடந்த ஆண்டு ஐபிஎல் தொடரில் "மிகவும் மதிப்புவாய்ந்த வீரர்" என்ற விருதை தட்டிச் சென்றார். மேற்கண்ட காரணங்களால், இந்த ஆண்டு கொல்கத்தா அணி இவரை 8.5 கோடி ரூபாய்க்கு தக்கவைத்துள்ளது. கடந்த மாதம் நடந்து முடிந்த பங்களதேஷ் பிரீமியர் லீக்கில், டாக்கா டைனமைட்ஸ் அணிக்காக களம் இறங்கி, 18 விக்கெட்களை 6.35 என்ற எக்கனாமிக்குடன் வீழ்த்தியுள்ளார். பேட்டிங்கில் 279 ரன்களை 143.07 என்ற ஸ்டிரைக் ரேட்டில் குவித்துள்ளார். நிச்சயம் இந்த தொடரிலும் தனது உச்சகட்ட பார்மை வெளிப்படுத்தி கொல்கத்தா அணி கோப்பையை வெல்ல பாடுபடுவார் என எதிர்பார்க்கலாம்.

#1. ஆண்ட்ரே ரஸ்ஸல்:

Andre Russel

குறுகியகால போட்டிகளில் மிகவும் அபாயகரமான வீரர்களில் ஒருவர் வெஸ்ட் இண்டீஸ் நாட்டைச் சேர்ந்த ஆண்ட்ரே ரஸ்ஸல். இவர் பல்வேறு விதமான சாதனைகளை டி20 கிரிக்கெட்டில் புரிந்துள்ளார். மேலும், இவருக்கு டி20 கிரிக்கெட்டில் சிறந்த அனுபவமும் உண்டு. ஒட்டுமொத்தமாக 287 டி20 போட்டிகளில் விளையாடியுள்ள இவர் 4456 ரன்களும் 24.61 என்ற சராசரியையும் கொண்டுள்ளார். இவரது டி20 ஸ்ட்ரைக் ரேட் 166.57 என்ற வகையில் உள்ளது.

2014ம் ஆண்டு முதல் கொல்கத்தா நைட் ரைடர்ஸ் அணிக்காக களம் இறங்கி வரும் இந்த வெஸ்ட் இண்டீஸ் ஆல்ரவுண்டர், கடந்த சீசனில் 16 போட்டிகளில் விளையாடி 13 விக்கெட்களையும் சாய்த்துள்ளார். மேலும், பேட்டிங்கில் 316 ரன்களையும் குவித்துள்ளார். இவரது ஸ்ட்ரைக் ரேட் 184.79 என்று உள்ளது. இந்த ஆண்டு ஐபிஎல் தொடரில் இந்திய மதிப்பில் 7 கோடி ரூபாய்க்கு இவரை தக்கவைத்துள்ளது, கொல்கத்தா அணியின் நிர்வாகம். சமீபத்தில் நடந்து முடிந்த பங்களாதேஷ் பிரீமியர் லீக்கில் டாக்கா டைனமைட்ஸ் அணிக்காக இடம்பெற்று 299 ரன்களையும் 14 விக்கெட்டுகளையும் சாய்த்துள்ளார். இவரின் முயற்சியால் அந்த அணி தொடரின் இறுதிப் போட்டிக்கு வரை முன்னேறியது. பேட்டிங்கிலும் பவுலிங்கிலும் சரிசம பங்கு உடன் விளங்கும் இவர், இந்த ஆண்டு ஐபிஎல் தொடரிலும் நிச்சயம் ஒரு நல்ல ஆல்-ரவுண்டராக வலம் வருவார்.

எழுத்து: அபிஷேக அரோரா

மொழியாக்கம்: சே.கலைவாணன்.