Create
Notifications

2018-ஆம் ஆண்டிற்கான 11 பேர் கொண்ட சிறந்த ஒருநாள் அணி

England v India - 1st ODI: Royal London One-Day Series
England v India - 1st ODI: Royal London One-Day Series
Karthik Ram
visit

2018-ஆம் ஆண்டில், கிரிக்கெட் போட்டியில் பல வெற்றி, தோல்வி மற்றும் தனி நபர் சாதனைகள் போன்றவற்றை பார்த்திருப்போம். இந்த ஆண்டிற்கான 11 பேர் கொண்ட சிறந்த ஒருநாள் அணியை பற்றி இங்கு பார்க்கலாம்.

இந்தாண்டின் புள்ளிவிவரங்களின் அடிப்படையில் 11 சிறந்த வீரர்கள் தேர்ந்தெடுக்கப்பட்டுள்ளனர்.

இந்த அணியானது 5 பேட்ஸ்மேன்கள், 4 பவுலர்கள், 1 ஆல்ரவுண்டர் மற்றும் 1 விக்கெட் கீப்பரை கொண்டு அமைக்கப்பட்டுள்ளது. தேவைப்படும் பொழுது 5 பேட்ஸ்மேன்களில் ஒருவர் 6 ஆவது பவுலராகவும் செயல்படலாம்.

#1 ரோகித் ஷர்மா :

Hitman
Hitman

துவக்கவீரர்களில் இந்த ஆண்டு சிறந்து விளங்கியவர் ரோகித் ஷர்மா, தென்னாப்பிரிக்கா தொடரில் சொதப்பினாலும் பின்பு நடைபெற்ற இங்கிலாந்து தொடர், ஆசியக்கோப்பை போன்ற முக்கிய தொடர்களில் பல ரன்களை குவித்துள்ளார்.

இந்த ஆண்டில், 19 போட்டிகளில் பங்கேற்ற இவர் 1030 ரன்களை சேர்த்துள்ளார். சராசரி 73.57 மற்றும் ஸ்ட்ரைக் ரேட் 100.10 ஆகும். இந்த ஆண்டில் 3 அரைசதங்கள் அடித்துள்ள ரோகித் ஷர்மா, 5 சதங்களையும் விளாசியுள்ளார். அதிகபட்சம் 162 ஆகும். நல்ல பார்மில் உள்ள ரோகித் ஷர்மா அணியில் முதல் துவக்க வீரராக தேர்வாகிறார்.

#2 ஷிகர் தவான்:

Shikar Dhawan
Shikar Dhawan

அணியின் இரண்டாம் துவக்கவீரர்களில் ராய், தமிம் இக்பால் மற்றும் பேர்ஸ்டோ போன்ற வீரர்கள் இந்தாண்டு சிறப்பாக செயல்பட்டிருந்தாலும் அவர்களை விட தவான் கடினமான சூழ்நிலைகளில் ரன்களை குவித்ததன் மூலம் அணியின் இரண்டாவது துவக்க வீரராக தேர்வாகிறார்.

இந்த ஆண்டில், 19 போட்டிகளில் பங்கேற்ற இவர் 897 ரன்களை சேர்த்துள்ளார். சராசரி 49.83 மற்றும் ஸ்ட்ரைக் ரேட் 102.28 ஆகும். இந்த ஆண்டில் 2 அரைசதங்கள் அடித்துள்ள இவர், 3 சதங்களையும் விளாசியுள்ளார். அதிகபட்சம் 127 ஆகும். தவான் இரண்டாவது துவக்க வீரராக இருப்பதால் ரோகித் - தவான் இந்த அணியின் துவக்க வீரர்கள்.

#3 விராட் கோலி:

Run Machine
Run Machine

எந்த வித போட்டியுமின்றி அணியில் மூன்றாவது பேட்ஸ்மேனாக தேர்வாகிறார் விராட் கோலி. தனது சீரான ஆட்டத்தின் மூலம் அணிக்கு பலம் சேர்க்கும் இவரே தற்பொழுது உலகின் தலைசிறந்த பேட்ஸ்மேன்.

இந்த ஆண்டில், 14 போட்டிகளில் பங்கேற்ற இவர் 1202 ரன்களை சேர்த்துள்ளார். சராசரி 133.56 மற்றும் ஸ்ட்ரைக் ரேட் 102.56 ஆகும். இந்த ஆண்டில் 3 அரைசதங்கள் அடித்துள்ள இவர் 6 சதங்களையும் விளாசியுள்ளார். அதிகபட்சம் 160* ஆகும்.

ஐக்கிய அரபு நாடுகளில் நடைபெற்ற இந்த ஆண்டின் ஆசியகோப்பையில் காயம் காரணமாக கோலி பங்கேற்கவில்லை என்பது குறப்படத்தக்கது.

#4 ஜோ ரூட்:

Joe Root
Joe Root

அணியின் நான்காவது வீரராக தேர்வாகிறார் ஜோ ரூட். ஆம் டெய்லர், ராயுடு மற்றும் ரஹீம் போன்ற வீரர்கள் இருந்தாலும் ரூட் கடினமான சூழ்நிலைகளில் பல ரன்களை சேர்த்துள்ளார். குறிப்பாக இந்திய அணிக்கு எதிராக நடந்த ஒருநாள் போட்டி தொடரில் 3 போட்டிகளில் இரண்டு சதம் விளாசி இங்கிலாந்து அணியை வெற்றி பாதைக்கு அழைத்து சென்றார்.

இந்த ஆண்டில், 24 போட்டிகளில் பங்கேற்ற இவர் 946 ரன்களை சேர்த்துள்ளார். சராசரி 59.13 மற்றும் ஸ்ட்ரைக் ரேட் 83.94 ஆகும். இந்த ஆண்டில் 5 அரைசதங்கள் அடித்துள்ள இவர் 3 சதங்களையும் விளாசியுள்ளார். அதிகபட்சம் 113* ஆகும். இவர் அணியின் 6 ஆவது பவுலராக செயல்படுவது அணிக்கு கூடுதல் பலமே.

#5 ரோஸ் டெய்லர்:

Ross Taylor
Ross Taylor

டெய்லர் நியூசிலாந்து அணியை சேர்ந்த மிடில் ஆர்டர் பேட்ஸ்மென். இந்தாண்டு குறைவான போட்டிகளே விளையாடியுள்ளார் எனினும் சீராகவும் அணிக்கு தேவைப்படும் பொழுது சிறப்பாகவும் செயல்பட்டுள்ளார்.

இந்த ஆண்டில், 10 போட்டிகளில் பங்கேற்ற இவர் 639 ரன்களை சேர்த்துள்ளார். சராசரி 91.28 மற்றும் ஸ்ட்ரைக் ரேட் 88.87 ஆகும். இந்த ஆண்டில் 4 அரைசதங்கள் அடித்துள்ள, இவர் 2 சதங்களையும் விளாசியுள்ளார். அதிகபட்சம் 181* ஆகும்.

#6 ஜோஸ் பட்லர்:

Jos Butler
Jos Butler

ஜோஸ் பட்லர் இந்த அணியின் ஃபினிஷராகவும் விக்கெட்கீப்பராகவும் செயல்படுவார். கடைசி கட்ட ஓவர்களில் அதிரடியாக ஆடக்கூடிய தன்மை பெற்ற இவர் எந்த ஒரு அணிக்கும் ரன் சேர்க்கலாம். விக்கெட் கீப்பராகவும் செயல்படும் இவர் எந்தவித போட்டியுமின்றி தேர்வாகிறார்.

இந்த ஆண்டில், 23 போட்டிகளில் பங்கேற்ற இவர் 671 ரன்களை சேர்த்துள்ளார். சராசரி 51.62 மற்றும் ஸ்ட்ரைக் ரேட் 113.54 ஆகும். இந்த ஆண்டில் 4 அரைசதங்கள் அடித்துள்ள இவர் 2 சதங்களையும் விளாசியுள்ளார். அதிகபட்சம் 110* ஆகும். விக்கெட் கீப்பராக 26 கேட்ச்களையும் 9 ஸ்டும்பிட்களையும் கொண்டுள்ளார்.

#7 ஷாகிப் அல் ஹஸன்:

Shakib Al-Hasan
Shakib Al-Hasan

அணியின் ஒரே ஆல்ரவுண்டராக தேர்வாகிறார் ஷாகிப். உலகின் தலைசிறந்த ஒருநாள் போட்டியி்ன் ஆல்ரவுண்டர்களில் ஒருவரான இவர் இந்தாண்டில் சிறப்பாக செயல்பட்டதன் காரணமாக மற்ற ஆல்ரவுண்டர்களை பின்னுக்கு தள்ளியுள்ளார்.

இந்த ஆண்டில், 15 போட்டிகளில் பங்கேற்ற இவர் 497 ரன்களை சேர்த்துள்ளார். பேட்டிங் சராசரி 38.23 ஆகும். 21 விக்கெட்களை வீழ்த்தியுள்ள இவரின் பவுலிங் சராசரி 26.81 ஆகும். எகானமி 4.48. வங்கதேசம் அணியை சேர்ந்த இவர் பவுலிங்கில் 10 ஓவர் மற்றும் 7-வது பேட்ஸ்மேனாக களம் காண்பதால் அணியின் முக்கிய வீரராக செயல்படுவார்.

#8 ரஷித் கான்:

Rashid Khan
Rashid Khan

ஆப்கானிஸ்தானை சேர்ந்த ரஷித் கான் அணியின் முதல் சுழற்பந்துவீச்சாளராக தேர்வாகிறார். இவர் பவுலிங் மட்டுமின்றி பேட்டிங்கிலும் சிறந்து விளங்கக்கூடியவர்.

இந்த ஆண்டில், 20 போட்டிகளில் பங்கேற்ற இவர் 48 விக்கெட்டுகளை வீழத்தியுள்ளார். இவரின் பவுலிங் சராசரி 14.46 ஆகும். எகானமி ரேட் 3.91. பவுலிங் ஸ்ட்ரைக் ரேட் 22.3. இதுமட்டுமின்றி இரண்டு முறை 5 விக்கெட் வீழ்த்தியுள்ளார்.

இவர் பெரிய அணிக்கு எதிராக நிறைய போட்டிகள் விளையாடியது இல்லை. எனினும் இவரது திறமை மற்றும் இந்த ஆண்டின் புள்ளிவிவரங்களை கொண்டு எடுக்கப்பட்டன.

#9 குல்தீப் யாதவ்:

Chinaman
Chinaman

இந்திய அணி இந்த ஆண்டு பல வெற்றிகளை குவிக்க முக்கியப்பங்கு வகித்தார் குல்தீப். இந்த அணியில் இவர் இரண்டாவது சுழற்பந்துவீச்சாளராக தேர்வாகிறார். ஐசிசி தரவரிசை பட்டியலில் 3-வது இடத்தில் உள்ளார்.

இந்த ஆண்டில், 19 போட்டிகளில் பங்கேற்ற இவர் 45 விக்கெட்டுகளை வீழ்த்தியுள்ளார். இவரின் பவுலிங் சராசரி 17.78 ஆகும். எகானமி ரேட் 4.64. பவுலிங் ஸ்ட்ரைக் ரேட் 23.0. இதுமட்டுமின்றி ஒரு முறை போட்டிக்கு 5 விக்கெட் வீழ்த்தியுள்ளார்.

ரஷீத் மற்றும் குல்தீப் இருவரும் ஒரே அணியில் சுழற்பந்துவீச்சாளராக செயல்படுவது அணிக்கு பலம்.

#10 ஜஸ்பிரீட் பும்ரா:

Jasprit Bumrah
Jasprit Bumrah

தற்பொழுது இந்திய அணியின் அனைத்து வித போட்டிகளிலும் சிறந்த பவுலர் பும்ரா. டெஸ்ட் போட்டிகளில் இந்த ஆண்டு களமிறங்கி, அதிலும் அசத்தி வருகிறார். கடைசி கட்ட ஓவர்களில் ரன்களை கட்டுப்படுத்துவதில் வல்லவர். முதல் பாதியில் விக்கெட்களையும் கைப்பற்றுவதுண்டு.

இந்த ஆண்டில், 13 போட்டிகளில் பங்கேற்ற இவர் 22 விக்கெட்டுகளை வீழத்தியுள்ளார். இவரின் பவுலிங் சராசரி 16.64 ஆகும். எகானமி ரேட் 3.63. பவுலிங் ஸ்ட்ரைக் ரேட் 27.5.

ஐசிசி ஒருநாள் பவுலர்களுக்கான தரவரிசை பட்டியலில் பும்ரா நம்பர் 1 பவுலர் என்பது குறிப்பிடித்தக்கது.

#11 ககிசோ ரபாடா:

Kagiso Rabada
Kagiso Rabada

தென்னாப்பிரிக்கா அணியின் சிறந்த பவுலரான ரபாடா அணியின் கடைசி வீரராக தேர்வாகிறார். மற்ற பவுலர்களான போல்ட், முஸ்டாஃபிசூர் ரஹ்மான் மற்றும் வோக்ஸ் போன்ற வீரர்கள் இருந்தாலும் ரபாடா சீரான முறையில் செயல்பட்டதன் காரணமாகவும் முக்கிய தொடரான இந்திய தொடரில் அசத்திய காரணங்களுக்காகவும் தேர்வாகிறார்.

இந்த ஆண்டில், 14 போட்டிகளில் பங்கேற்ற இவர் 23 விக்கெட்டுகளை வீழ்த்தியுள்ளார். இவரின் பவுலிங் சராசரி 26.17 ஆகும். எகானமி ரேட் 4.85. பவுலிங் ஸ்ட்ரைக் ரேட் 32.4

ஐசிசி ஒருநாள் பவுலர்களுக்கான தரவரிசை பட்டியலில் ரபடா 4ஆம் இடத்தில் உள்ளார் என்பது குறிப்பிடத்தக்கது.

Edited by Fambeat Tamil
Article image

Go to article
Fetching more content...
App download animated image Get the free App now