Create
Notifications
Favorites Edit
Advertisement

சொந்த மண்ணில் உலகக் கோப்பையை வென்ற மூன்று கிரிக்கெட் அணிகள்

Sathishkumar
ANALYST
சிறப்பு
494   //    27 May 2019, 10:30 IST

#2 இந்தியா (2011)

India v Sri Lanka - 2011 ICC World Cup Final
India v Sri Lanka - 2011 ICC World Cup Final

2011ஆம் ஆண்டு அனைத்து இந்தியர்களாலும் மறக்க முடியாத வருடமாகும். உலக கோப்பை இறுதிப் போட்டியில் இலங்கைக்கு எதிரான போட்டியில் இந்திய கேப்டன் மகேந்திர சிங் தோனி விளாசிய மேட்ச் வின்னிங் சிக்ஸர் மீண்டும் மீண்டும் நியாபகப்படுத்திக் கொண்டே இருக்கும்.

2011 உலகக் கோப்பை போட்டியை நடத்த இந்தியா, பாகிஸ்தான், இலங்கை, வங்கதேசம் ஆகிய நாடுகள் திட்டமிட்டிருந்தனர். ஆனால் 2009 ஆம் ஆண்டில் இலங்கை வீரர்களை பாகிஸ்தான் தீவிரவாதிகளில் தாக்குதலில் சிக்கினர். இதனால் பாகிஸ்தான் அணி சர்வதேச போட்டிகளை தனது நாட்டில் நடத்தும் உரிமை பறிக்கப்பட்டது. இதனால் இந்தியா, இலங்கை, வங்கதேச அணிகள் நடத்த திட்டமிட்டிருந்தன.

இரு சொந்த மண் அணியான இந்தியா மற்றும் இலங்கை இறுதிப் போட்டிக்கு தகுதி பெற்றன. உலகக் கோப்பை வரலாற்றில் முதல் முறையாக இரு ஆசிய அணிகள் இறுதிப் போட்டியில் மோதியதும் இதுவே ஆகும். 

இதன் இறுதிப்போட்டி மும்பை வான்கடே மைதானத்தில் 2011 ஏப்ரல் 11 அன்று நடந்தது. இலங்கை கேப்டன் குமார் சங்கக்காரா டாஸ் வென்று பேட்டிங்கை தேர்வு செய்தார்‌. ஜெயவர்த்தனே-வின் சிறப்பான சதத்தினால் இலங்கை அணி 50 ஓவர்கள் முடிவில் 5 விக்கெட்டுகள் இழப்பிற்கு 274 ரன்களை இலக்காக நிர்ணயித்தது. இது இந்திய அணிக்கு சேஸிங்கில் ஒரு வாய்ப்பாக அமைந்தது!

இந்திய அணி மிகவும் மோசமாக ஆரமித்தனர். ஆட்டத்தின் இரண்டாவது பந்திலேயே விரேந்தர் சேவாக் தனது விக்கெட்டை இழந்தார். சச்சின் டெண்டுல்கருக்கு அந்த நாள் அவருக்கு சிறப்பானதாக அமையவில்லை. 18 ரன்கள் மட்டுமே எடுத்து அவரும் நடையைக் கட்டினார். அதன்பின் இளம் வீரர் விராட் கோலி களமிறங்கி கௌதம் காம்பீருடன் இனைந்து விளையாட தொடங்கினார். இருவரும் இனைந்து இந்திய அணியை மீட்பதற்கான முயற்சியை தொடங்கினர். விராட் கோலி தனது விக்கெட்டை இழப்பதற்கு முன்பாக காம்பீருடன் இனைந்து 83 ரன்கள் பார்டனர் ஷீப் செய்து விளையாடி இந்திய அணியின் ரன்களை 114 ஆக உயர்த்தினர்.

மகேந்திர சிங் தோனி நம்பர் 5 பேட்ஸ்மேனாக களமிறங்கி தனது சிறப்பான ஆட்டத்தை காம்பீருடன் சேர்ந்து விளையாட ஆரம்பித்தார். இருவரும் இனைந்து 109 ரன்கள் பார்ட்னர் ஷிப் செய்து விளையாடினர். காம்பீர் 97 ரன்களில் தனது விக்கெட்டை இழந்தார். அடுத்த பேட்ஸ்மேனாக யுவராஜ் சிங் களமிறங்கும் போது இந்திய அணி வெற்றி பெற 52 பந்துகளுக்கு 52 ரன்கள் தேவைப்பட்டது. இந்த நிலையில் இந்திய அணி விக்கெட்டுகள் ஏதும் விடாதவாறு நிதானமாக விளையாட வேண்டும் என்ற கட்டாயத்தில் இருந்ததது. எம்.எஸ்.தோனி தனது சிறப்பான ஆட்டத்தை தொடர்ந்து வெளிபடுத்த ஆரம்பித்தார். யுவராஜ் சிங் அவருக்கு தகுந்தவாறு கை கொடுத்து விளையாடினார். தோனி 79 பந்துகளை எதிர்கொண்டு 92 ரன்களை எடுத்து இறுதிவரை ஆட்டமிழக்காமல் இருந்தார். இறுதிப் போட்டியில் ஆட்டநாயகன் விருதினை வென்றார்.

இந்திய அணி 28 ஆண்டுகளுக்கு பிறகு தனது இரண்டாவது உலகப் கோப்பையை வென்றது. 

யுவராஜ் இந்த உலகக் கோப்பை தொடரில் பேட்டிங் மற்றும் பௌலிங்கில் தொடர்ந்து சீரான ஆட்டத்தை வெளிப்படுத்தியதற்காக தொடர் ஆட்டநாயகன் விருதினை வென்றார். 

தில்கரத்னே தில்ஷான் 500 ரன்களை இந்த தொடரில் விளாசி அதிக ரன்களை எடுத்தோர் பட்டியலில் முதலிடத்தை பிடித்தார். ஷாஹீத் அஃப்ரிடி, ஜாஹீர் கான் ஆகியோர் தலா 21 விக்கெட்டுகளை வீழ்த்தி அதிக விக்கெட்டுகளை வீழ்த்தியோர் பட்டியலில் முதலிடத்தை பகிர்ந்து கொண்டனர்.

PREVIOUS 2 / 3 NEXT
Tags:
Advertisement
Advertisement
Fetching more content...