நாம் எதிர்பார்த்ததை காட்டிலும் விரைவில் ஓய்வினை அறிவித்த வீரர்கள்!!!

#2) ஜேம்ஸ் டெய்லர்

ஜேம்ஸ் டெய்லர் 2011 ஆம் ஆண்டு இங்கிலாந்து அணிக்காக சர்வதேச போட்டிகளில் அறிமுகமானார். இருந்தாலும் இவருக்கு அணியில் சரியான இடம் கிடைக்கவில்லை. 2015 உலகக்கோப்பை அணியில் இவர் தேர்வு செய்யப்பட்டார். அந்த தொடரில் கூட இவர் துவக்கவீரராக களமிறங்கி 98 ரன்கள் விளாசினார். ஆனால் அந்த போட்டியோ இங்கிலாந்து அணிக்கு தோல்வியில் முடிந்தது. அதன் பின் மீண்டும் இவரால் அணியில் தனது இடத்தினை நிரந்தரமாக்கி கொள்ள முடியவில்லை. அதுமட்டுமின்றி பயிற்சியின் பொது ஏற்பட்ட காயம் இவரின் கிரிக்கெட் வாழ்வினை 26 வயதிலேயே முடிவுக்கு கொண்டு வந்தது.

#1) மார்க் பவுச்சர்

இவரை தெரியாத கிரிக்கெட் ரசிகர் இருக்க முடியாது. கிரிக்கெட் வரலாற்றிலேயே விக்கெட் கீப்பராக பல சாதனைகளை படைத்துள்ளார் இவர். இன்று வரை தலைசிறந்த விக்கெட் கீப்பர் என்றால் அனைவருக்கும் முதலில் நினைவுக்கு வருவது இவர் தான். 15 ஆண்டுகளாக இவர் சர்வதேச கிரிக்கெட்டில் ஆதிக்கம் செலுத்தி வந்தார். விக்கெட் கீப்பராக மட்டுமல்லாமல் சிறந்த மிடில் ஆர்டர் பேட்ஸ்மேனாகவும் தென்னாபிரிக்க அணியை பல முறை வெற்றி பெற வைத்துள்ளார். 2012 ஆம் ஆண்டு நடைபெற்ற இங்கிலாந்து அணிக்கெதிரான தொடரில் பெயில் இவர் கண்ணில் தாக்கியதால் அப்போதே காலத்திலிருந்து வெளியேறினார் இவர். அதன் பின்னரும் இவருக்கு அதன் தாக்கம் அதிகமாக இருந்ததால் அந்த தொடரே அவருக்கு கடைசி சர்வதேச போட்டியாக அமைந்தது. இவர் அப்போது ஓய்வு பெறுவார் என ரசிகர்கள் மட்டுமல்லாமல் அணி வீரர்களும் .எதிர்பார்க்கவில்லை.