உலகக் கோப்பை 2019: உலக கோப்பை தொடரில் விளையாடும் பத்து அணிகளில் விடுபட்ட தலா ஒரு சிறந்த வீரர்

#8. வங்கதேசம்- இம்ருல் கெய்ஸ்:

Imrul Kayes

வங்கதேச அணிக்காக 76 ஒருநாள் போட்டிகளில் பங்கேற்றுள்ளார், இம்ருல் கெய்ஸ். அதில் அவர் 2430 ரன்களை எடுத்துள்ளார். பல்வேறு போட்டிகளில் சிறப்பான ஆட்டத்தை வெளிப்படுத்தி வந்த இவர், உலகக் கோப்பைக்கான வங்கதேச அணியில் இடம்பெறவில்லை. இவருக்கு பதிலாக விக்கெட் கீப்பர் பேட்ஸ்மேன், லிட்டன் தாஸ் உலகக் கோப்பைக்கான வங்கதேச அணியில் தேர்வு செய்யப்பட்டார்.

#9.ஆப்கானிஸ்தான் - சபூர் ஜார்தன்:

ICC World Twenty20 India 2016: England v Afghanistan Mohammed Amir

ஆப்கானிஸ்தான் அணியை சேர்ந்த இடது கை வேகப்பந்து வீச்சாளரான சபூர் ஜார்தன், இதுவரை 44 ஒருநாள் போட்டிகளில் விளையாடி 43 விக்கெட்டுகளை வீழ்த்தியுள்ளார். 2009இல் நெதர்லாந்து அணிக்கு எதிராக , தனது முதல் சர்வதேச போட்டியில் விளையாடினார். இதில் அவர் 10 ஓவர்கள் வீசி 24 ரன்கள் கொடுத்து 4 விக்கெட்டுகளை கைப்பற்றினார். இதுவே இவரின் சிறந்த பந்துவீச்சாக இதுவரை உள்ளது. மேலும் அவர், 2015ஆம் ஆண்டு நடந்த உலகக் கோப்பையில் 6 போட்டிகளில் 10 விக்கெட்டுகள் வீழ்த்தி அசத்தினார். எனினும், அவர் உலக கோப்பைக்கான ஆப்கானிஸ்தான் அணியில் இம்முறை இடம்பெறவில்லை.

#10. பாகிஸ்தான் - முகமது அமீர்:

mohammed amir

பாகிஸ்தானை சேர்ந்த இடது கை வேகப்பந்து வீச்சாளர் முகமது அமீர். வேகப்பந்து வீச்சுக்கு சாதகமான இங்கிலாந்து மண்ணில் அமீர் போன்ற சிறந்த வேகப்பந்து வீச்சாளரை பாகிஸ்தான் அணி உலகக் கோப்பைக்கு தேர்வு செய்யாமல் இருப்பது வியப்பை அளிக்கிறது. 2017 இல் இங்கிலாந்தில் நடந்த சாம்பியன்ஸ் டிராபி பைனலில் அவரின் அபார பந்துவீச்சு பாகிஸ்தான் அணிக்கு வெற்றியை தேடித்தந்தது. எனினும், அதற்குப் பின் நடந்த போட்டிகளில் 101 ஓவர்களை வீசி 5 விக்கெட்டுகளை மட்டுமே எடுத்துள்ளார். கடந்த போட்டிகளில் சிறப்பான பந்துவீச்சை வெளிப்படுத்தாத காரணத்தினால் உலகக் கோப்பைக்கான பாகிஸ்தான் அணியில் முகமது அமீர் இடம்பெறவில்லை.