உலக கோப்பை 2019: இந்த உலகக் கோப்பையில், கவனிக்கத்தக்க சிறந்த 3 விக்கெட் கீப்பர்கள்...

#1.மகேந்திர சிங் தோனி:

MS Dhoni has played 341 ODI matches for India and scored 10,500 runs

இந்த உலகக் கோப்பையில் மிகவும் எதிர்பார்க்கப்படும் விக்கெட் கீப்பர் தோனி என்று சந்தேகமே இல்லாமல் கூறலாம். தொடர்ச்சியாக நான்காவது முறையாக உலகக் கோப்பையில் பங்கேற்க உள்ளார், தோனி. இதுவரை 341 போட்டியில் விளையாடி 10500 ரன்கள் எடுத்துள்ளார், தோனி . விக்கெட் கீப்பிங்கில் உலகின் சிறந்த வீரராக கருதப்படும் தோனி இதுவரை 314 கேட்ச்கள் பிடித்துள்ளார். மேலும், தனது விக்கெட் கீப்பிங்கால் 120 ஸ்டம்பிங்கும் செய்துள்ளார். ஆட்டத்தை சிறப்பான முறையில் முடிக்கும் 37 வயதான தோனி, இம்முறையும், அதே பணியை பாண்டியா உடன் இணைந்து தொடர்வார் என எதிர்பார்க்கப்படுகிறது.

இந்த ஆண்டும் பேட்டிங்கில் சிறந்து விளங்குகிறார், தோனி. இந்தாண்டு 8 சர்வதேச ஒருநாள் போட்டிகளில் விளையாடி 327 ரன்கள் அடித்துள்ளார், அதில் 4 அரைசதங்கள் அடங்கும். சென்னை சூப்பர் கிங்ஸ் அணியின் கேப்டன் தோனி, இந்த ஆண்டு ஐபிஎல்-இல் 8 இன்னிங்க்சில் 358 ரன்கள் எடுத்துள்ளார். இதுவரை, இந்திய அணிக்காக பல போட்டிகளை சிறந்த முறையில் முடித்து, வென்று கொடுத்துள்ளார், தோனி. ஆதலால், இந்திய அணியின் மிகவும் முக்கியமான வீரராக தோனி கருதப்படுகிறார். தோனியின் அனுபவம் இந்திய அணிக்கு பெரிதும் பயனளிக்கும். மேலும் உலகின் தலைசிறந்த விக்கெட் கீப்பரான தோனி, இந்த உலகக் கோப்பையில் மிகவும் கவனிக்கப்படும் விக்கெட் கீப்பராக திகழ்கிறார்.