டெஸ்ட் கிரிக்கெட்டில் டேல் ஸ்டெய்னின் புகழை உயர்த்திய 3 போட்டிகள்

உலகின் சிறந்த பௌலராக வலம் வந்த டேல் ஸ்டெய்ன் சமீபத்தில் டெஸ்ட் கிரிக்கெட்டிலிருந்து தனது ஓய்வை அறிவித்தார். தனது அதிரடி வேகப்பந்து வீச்சின் மூலம் பேட்ஸ்மேன்களை கதிகலங்க செய்த ஸ்டெய்ன், தற்போது தனது முழு கவனத்தையும் ஒருநாள் மற்றும் டி20 கிரிக்கெட் மீது செலுத்தியுள்ளார்.

டேல் ஸ்டேயின் பந்துவீச்சு டெஸ்ட் கிரிக்கெட்டிற்கு மிகவும் சாதகமாக இருந்தது. இவர் இரு வேறு வகையில் தனது ஸ்விங் பௌலிங்கை வெளிப்படுத்துவார். அத்துடன் தனது வேகத்தின் மூலம் பேட்ஸ்மேன்களை கலங்கடிப்பார். இவரது மரண அவுட்-ஸ்விங் மற்றும் "செய்ன்ஷா" விக்கெட் கொண்டாட்டம் போன்றவை மூலம் உலகில் உள்ள பெரும்பாலான ரசிகர்களை ஸ்டெய்ன் கவர்ந்தார்.

டேல் ஸ்டெய்ன் ஓய்வு பெற்றதால் தற்போது இளம் வேகப்பந்து வீச்சாளர்களை கொண்ட டெஸ்ட் அணியாக தென்னாப்பிரிக்கா திகழ்கிறது.

டெஸ்ட் விளையாடும் 9 அணிகளுக்கு எதிராகவும் 5-விக்கெட்டுகளை கைப்பற்றிய ஒரே பௌலர் டேல் ஸ்டெய்ன். இவர் மொத்தமாக 93 டெஸ்ட் போட்டிகளில் பங்கேற்று 439 விக்கெட்டுகளை வீழ்த்தி டெஸ்ட் கிரிக்கெட்டில் தென்னாப்பிரிக்கா சார்பில் அதிக விக்கெட்டுகளை வீழ்த்தியவர் என்ற பெருமையை பெற்றார். மேலும் ஆல்-டைம் டெஸ்ட் பௌலர்களில் இவர் 8வது வீரராக உள்ளார். டேல் ஸ்டெய்ன் டெஸ்ட் கிரிக்கெட்டில் 26 முறை 5 விக்கெட்டுகளையும் 5 முறை 10 விக்கெட்டுகளையும் வீழ்த்தியுள்ளார்.

நாம் இங்கு டேல் ஸ்டெய்னின் 3 சிறந்த டெஸ்ட் பௌலிங்கைப் பற்றி காண்போம்.

#1 7/51 vs இந்தியா, நாக்பூர் 2010

South Africa vs India - First Test

ஸ்டெய்ன் அனைத்து மைதானங்களிலும் சிறந்த பௌலிங்கை வெளிபடுத்தும் திறன் கொண்டவர். இங்கிலாந்து, ஆஸ்திரேலியா, தென்னாப்பிரிக்கா ஆகிய மைதானங்களில் மட்டுமல்லாமல் துணைக்கண்ட மைதானங்களிலும் அதிரடி பௌலிங்கை வெளிபடுத்தி பேட்ஸ்மேன்களை பதற வைத்துள்ளார். குறிப்பாக இந்திய பேட்ஸ்மேன்களை தனது ரிவர்ஸ் ஸ்வீங் மூலம் தடுமாறச் செய்துள்ளார்.

2010ல் நடந்த இரண்டு போட்டிகள் கொண்ட டெஸ்ட் தொடரில் நாக்பூரில் நடந்த முதலாவது டெஸ்ட் போட்டியில் ஸ்டெய்ன் தனது முழு ஆட்டத்திறனையும் வெளிக்கொணர்ந்தார்.

இந்த போட்டியில் இவர் வீழ்த்திய முதல் விக்கெட் முரளி விஜய். ஸ்டெய்ன் வீசிய இன்-ஸ்விங் பௌலிங்கை முரளி விஜய் எதிர்கொள்ள தவறியதால் ஸ்டம்பில் அடித்தது. அடுத்ததாக மாஸ்டர் பிளாஸ்டர் சச்சின் டெண்டுல்கர், ஸ்டெய்ன் வீசிய லேட் அவுட் ஸ்விங்கை சரியாக எதிர்கொள்ளததால் எட்ஜ் ஆகி விக்கெட் கீப்பரிடம் பந்து சென்றது.

பின்னர் ஸ்டெய்ன் சிறிது இடைவெளிக்குப் பிறகு மீண்டும் பந்துவீச வந்து கடைநிலை பேட்ஸ்மேன்களின் விக்கெட்டுகளான கடைசி 5 விக்கெட்டுகளை வீழ்த்தினார்.

இதன்மூலம் இந்த இன்னிங்ஸில் 51 ரன்களை மட்டுமே அளித்து 7 விக்கெட்டுகளை வீழ்த்தி தனது அண்டை கண்டத்திலும் சிறப்பான ஆட்டத்தை வெளிப்படுத்தினார். ஸ்டெய்னின் அற்புதமான ஆட்டத்தின் மூலம் அப்போதைய இந்திய கேப்டன் மகேந்திர சிங் தோனியால் புகழப்பட்டார். அவர் கூறியதாவது, "கடந்த இரு வருடங்களில் நான் பார்த்ததிலேயே மிகச்சிறந்த பௌலர் ஸ்டெய்ன். அவரது அதிரடி பௌலிங் பேட்ஸ்மேன்களை தடுமாறச் செய்கிறது".

#2 6/13 vs பாகிஸ்தான், ஜோகன்னஸ்பர்க் 2013

Steyn wrecked havoc against Pakistan in Johannesburg

மிகவும் பசுமையான இந்த மைதானத்தில் டாஸ் வென்ற தென்னாப்பிரிக்கா பேட்டிங்கை தேர்வு செய்தது. பாகிஸ்தானின் ஆரம்ப பௌலர்கள் மற்றும் ஆஃப் ஸ்பின் முகமது ஹபீஸ் சிறப்பான பந்துவீச்சை வெளிபடுத்தி 253 ரன்களில் தென்னாப்பிரிக்காவை சுருட்டியது.

இருப்பினும் தென்னாப்பிரிக்கா நம்பிக்கையை இழக்காமல் அனுபவ பௌலர் ஸ்டெய்ன் மூலம் மீண்டது. இவர் இந்த போட்டியில் அதிரடி பௌலிங்கை வெளிபடுத்தினார்.

டேல் ஸ்டெய்ன் தனது அவுட் ஸ்விங் மூலம் முதலில் முகமது ஹபிஸை வீழ்த்தினார். அடுத்தாக பாகிஸ்தான் தொடக்க ஆட்டக்காரர் நஸீர் ஜம்ஹீட், ஸ்டெய்னின் வேக இன்-ஸ்விங் பௌலிங்கை சரியாக எதிர்கொள்ளாத காரணத்தால் கேட்ச் ஆனார்.

ஸ்டெய்ன் அடுத்ததாக பாகிஸ்தானின் மிகப்பெரிய பேட்ஸ்மேன் யூனிஷ் கானின் விக்கெட்டை கைப்பற்றினார். யோனிஷ் கான் முதல் ஸ்லிப்பிரிடம் கேட்ச் ஆனார். அதன்பின் மீண்டும் கடைநிலை பேட்ஸ்மேன்களின் விக்கெட்டுகளை ஸ்டெய்ன் வீழ்த்தினார்.

பாகிஸ்தான் அணிகள் ஸ்டெய்னின் அருமையான அவே ஸ்விங் பௌலிங்கை சரியாக எதிர்கொள்ளாத காரணத்தால் 49 ரன்களில் ஆல்-அவுட் ஆனது. இப்போட்டியில் ஸ்டெய்ன் வீழ்த்திய 6 விக்கெட்டுகளில் 4 விக்கெட்டுகள் ஸ்லீப் ஃபீல்டரால் கேட்ச் பிடிக்கப்பட்டது‌. இதற்கு முதன்மை காரணம் ஸ்டெய்னின் அவுட் ஸ்விங்.

இதேபோல் இரண்டாவது இன்னிங்ஸில் ஸ்டெய்ன் 5- விக்கெட்டுகளை வீழ்த்தினார். இதன்மூலம் இப்போட்டியில் 60 ரன்களை மட்டுமே ஸ்டெய்ன் அளித்து 11 விக்கெட்டுகளை வீழ்த்தி அசத்தினார்.

#3 10 விக்கெட்டுகள் vs ஆஸ்திரேலியா, மெல்போர்ன் 2008

Even the mighty Aussies bowed down to the fiery Steyn

இதுவே டெஸ்ட் கிரிக்கெட்டில் வேகப்பந்து வீச்சாளர் ஒருவரது சிறந்த பௌலிங் திறனாகும்.

ஸ்டெய்ன் உலக கிரிக்கெட்டில் தனக்கென ஒரு தனி இடத்தை பிடித்திருந்தார். இவரை உலகறியச் செய்த போட்டி என்றால் 2008ல் நடந்த ஆஸ்திரேலியாவிற்கு எதிரான போட்டியே ஆகும். தென்னாப்பிரிக்கா பெர்த்தில் நடந்த முதல் டெஸ்டில் தோல்வியடைந்தது. இந்த போட்டியில் ஸ்டெய்ன் தனது சிறப்பான ஆட்டத்தை வெளிபடுத்த தவறினார். இருப்பினும் மெல்போர்ன் மைதானத்தில் நடந்த இரண்டாவது டெஸ்டில் இரு இன்னிங்ஸிலும் சேர்த்து 10 விக்கெட்டுகளை ஸ்டெய்ன் வீழ்த்தினார்.

முதல் இன்னிங்சில் சைமன் கட்டிச்-ஐ 1 ரன்னில் வீழ்த்தினார். அடுத்ததாக மிகப்பெரிய பேட்ஸ்மேன் மைக்கல் ஹாசி எட்ஜ் ஆகி டக் அவுட் ஆனார். அதன்பின் கடைநிலை விக்கெட்டுகளை வீழ்த்துவதில் ஸ்பெஷலிஸ்டான ஸ்டெய்ன் கடைசி 3 டெய்ல் பேட்ஸ்மேன்களை சாய்த்தார்.

அத்துடன் பேட்டிங்கில் ஜே பி டுமினியுடன் கைக்கோர்த்து 180 ரன்கள் பார்டனர்ஷீப் அமைத்து ஸ்டெய்ன் விளையாடினார். இதன்மூலம் தென்னாப்பிரிக்கா 65 ரன்கள் முன்னிலை வகிக்க முடிந்தது.

இரண்டாவது இன்னிங்ஸில் ஆஸ்திரேலியாவின் நம்பிக்கை நட்சத்திர தொடக்க ஆட்டக்காரர்களின் விக்கெட்டுகளை ஸ்டெய்ன் வீழ்த்தினார். அதன்பின் ஆஸ்திரேலியா ஒரு நிலையான ஆட்டத்தை வெளிபடுத்த தொடங்கியது. சிறிய இடைவெளிக்குப் பின் மீண்டும் பந்துவீச வந்த ஸ்டெய்ன் நன்றாக நிலைத்து விளையாடி கொண்டிருந்த மைக்கேல் கிளார்க் மற்றும் ஆன்ரிவ் சைமன்ஸின் விக்கெட்டுகளை வீழ்த்தினார்.

தென்னாப்பிரிக்கா 183 ரன்கள் எடுத்தால் வெற்றி என்ற நிலையில் சிறப்பான ஆட்டத்தை வெளிப்படுத்தி தொடரையும் கைப்பற்றியது தென்னாப்பிரிக்கா. இந்த போட்டி ஸ்டெய்ன் டெஸ்ட் கிரிக்கெட் வாழ்வில் மறக்க முடியாத போட்டியாகும். இப்போட்டியில் மொத்தமாக இரு இன்னிங்ஸிலும் சேர்த்து 110 ரன்களை அளித்து 10 விக்கெட்டுகளை வீழ்த்தினார்.