ஒருநாள் போட்டிகளின் கனவு உலக லெவன்

அனைவருக்கும் உள்ள ஒரு நீண்ட கால ஆசை என்றால் அவர்கள் விருப்பப்பட்ட அனைத்து நாட்டு அணி வீரர்களும் ஒன்றாக இணைந்து விளையாடினால் எப்படி இருக்கும் என்பதே ஆகும். இத்தகைய எண்ணம் எனக்கும் தோன்றியது. இது போன்ற ஒரு சிறந்த ஒருநாள் போட்டிகளின் கனவு அணியைத் தேர்வு செய்யக் காரணமாகவும் அமைந்தது.

இந்தக் கனவு அணியில் தற்போதுள்ள ஒரு நாள் போட்டிகளில் சிறந்த வீரர்கள் இல்லாமலும் இருக்கலாம். ஏனெனில், நான் ஒவ்வொரு நாட்டிலும் இருந்து தலா ஒரு சிறந்த வீரரையே தேர்ந்தெடுத்துள்ளேன். உதாரணத்திற்காக, இப்பொழுது இந்திய அணியில் விராட் கோலி மற்றும் ரோகித் சர்மா சிறப்பாகச் செயல்பட்டுக் கொண்டிருக்கின்றார்கள், ஆனால் நான் இவர்கள் இருவரில் யாரேனும் ஒருவர் தான் தேர்ந்தெடுக்க முடியும். மேலும் ஒரு எடுத்துக்காட்டு, தற்போது உள்ள தென்னாபிரிக்க அணியில் ஹசிம் அம்லா, ரபாடா போன்றோர் சிறப்பாகச் செயல்பட்டு வந்திருக்கின்றனர். ஆனால் இங்கு ஒரு வீரர் மட்டுமே தேர்ந்தெடுக்க முடியும். அவ்வகையில், பல சிறந்த விக்கெட் கீப்பர்கள் உள்ளதால் நான் இங்கு தோனியை கூட உலக கனவு அணியில் தேர்ந்தெடுக்க முடியாமல் போகும்.

இந்த கனவு அணியில் ஜிம்பாப்வே, வங்கதேசம், நியூசிலாந்து, ஆஸ்திரேலியா, பாகிஸ்தான், இலங்கை,இங்கிலாந்து, தென் ஆப்பிரிக்கா, போன்ற நாடுகள் உள்ளடங்கும். இதில் எந்தெந்த வீரர்கள் எந்த இடத்தில் அவர்களுக்கு தக்கவாறு இடம்பெற்றுள்ளனர் என்பதை பின்வருமாறு காண்போம்.

தொடக்க ஆட்டக்காரர்கள் :

1. ரோஹித் சர்மா

தற்போது இந்திய அணியில் தொடக்க தூணாக இருக்கும் ரோஹித் சர்மா உலக அளவில் ஒரு சிறந்த ஆட்டக்காரராகவும் திகழ்ந்து வருகிறார். இவர் ஒருநாள் போட்டிகளில் 3 இரட்டை சதங்களும் ஒருநாள் போட்டிகளில் தனிநபர் அதிகபட்ச ரன்களையும் குவித்துள்ளார். இவர் 7454 ரன்களை குவித்து என்ற 47.78 சிறந்த ஆவ்ரேஜூம் வைத்துள்ளார். இவர் தற்போது ஒருநாள் தர வரிசைப்படி இரண்டாமிடம் வகிக்கிறார்.

2. பகார் ஜமான்

இந்த பாகிஸ்தானிய தொடக்க ஆட்டக்காரர் ஒருநாள் போட்டி உலகின் அதிவேகமாக ஆயிரம் ரன்களை கடந்த வீரர் ஆவார். இவர் ஜிம்பாப்வே அணிக்கு எதிராக இரட்டை சதம் அடித்துள்ளார்.2017-இல் நடைபெற்ற சாம்பியன்ஸ் டிராபி தொரில் அறிமுகம் கண்ட இவர், தொடர்ந்து நான்கு போட்டிகளில் முறையே 31,50,57,114 ரன்களை குவித்து அனைவரையும் ஆச்சரியப்படுத்தினார்.இவரின் கன்னி சதத்தின் உதவியுடன் பாகிஸ்தான் அணி 338 ரன்களை குவித்து அந்த தொடரின் இந்தியாவிற்கு எதிரான இறுதிப்போட்டியில் வெல்ல காரணமாய் இருந்தது.மேலும், இவரே அந்த இறுதிப்போட்டியில் ஆட்டநாயகனாகவும் தேர்வு செய்யப்பட்டார்.

3. மார்டின் கப்டில்

Martin Guptil is the highest run getter in the worldcup history

இந்த நியூசிலாந்து தொடக்க ஆட்டக்காரர் , 2015-இல் நடைபெற்ற உலக கோப்பையில் மேற்கிந்திய தீவுகள் அணிக்கு எதிரான போட்டியில் 237* என்ற மலைக்க வைக்கும் ஸ்கோரை அடித்து சாதனை படைத்தார்.இதுவே உலகக்கோப்பை தொடரின் ஒரு போட்டியில் தனிநபர் அதிகபட்சமாகும். இவர் 5976 ரன்களை குவித்து என்ற 42.99 சிறந்த ஆவ்ரேஜூம் வைத்துள்ளார்.

4. ஹசிம் அம்லா

இந்த தென்னாப்பிரிக்க தொடக்க வீரர் ஒருநாள் போட்டிகளில் மிகச்சிறந்த வீரர் ஆவார்.பலமுறை விராட் கோலியின் சாதனைகளை முறியடித்துள்ளார்.தென்னாப்பிரிக்கா அணி இன்னும் ஒரு உலகக்கோப்பையை கூட வென்றதில்லை. அந்த தாகத்தை தீர்த்து வைக்கும் வீரராக இவரை ரசிகர்கள் இன்னும் நம்புகின்றனர்.

5. டேவிட் வார்னர்

கடந்த 2015-ஆம் ஆண்டு நடைபெற்ற உலகக்கோப்பை போட்டியில் ஆப்கானிஸ்தான் அணிக்கு எதிரான ஆட்டத்தில் 178 ரன்கள் குவித்து மிரட்டினார்.அந்த உலகக்கோப்பை தொடரை வென்ற ஆஸ்திரேலிய அணியின் துணை கேப்டனாகவும் இவர் செயல்பட்டார்.பந்தை சேதப்படுத்திய விவகாரத்தில் தண்டனை பெற்ற போது ஒருநாள் போட்டியில் ஒரு சிறந்த வீரர் ஆகவே இருந்துள்ளார். ஆகையால் நான் இவரை தேர்ந்தெடுத்துள்ளேன்.

6. எவின் லீவிஸ்

எதிரணியை தனது மிரட்ட வைக்கும் சிக்சர்களால் மயக்க வைத்து பலமுறை தனது அணிக்கு வெற்றியை தேடித் தந்துள்ளார். இவரது உச்சபட்ச ரண்களான 176* என்பதே போதும் இவர் ஒரு சிறந்த தொடக்க ஆட்டக்காரர் என்பதற்கான சான்றாகும்.இவர் ஜிம்பாப்வேயில் நடைபெற்ற முத்தரப்பு தொடரில் இலங்கைக்கு எதிரான தனது முதலாவது ஒரு போட்டியில் 15 பவுண்டரிகள் 4 சிக்ஸர்கள் உட்பட 148 ரன்களை குவித்து கிரிக்கெட் ரசிகர்களின் கவனத்தை ஈர்த்தார்.

மிடில் ஆர்டர் பேட்ஸ்மேன்கள் :

1. கனே வில்லியம்சன்

இவர் அனைத்து வகையான சர்வதேச போட்டிகளிலும் சிறப்பாக விளையாடக் கூடியவர். மேலும் இவர் நியூசிலாந்து அணிக்குக் கேப்டனாகச் செயல்பட்டு வருகிறார். இவர் ஆட்டத்தில் மூன்றாம் களவீரராக இறங்கி விளையாடி வருகிறார்.இவர் பல பெரிய அளவிலான ஸ்கோர்களை அடிக்க தவறினாலும், தொடர்ந்து ரன்களை குவித்து ஒரு நிறைவான ஆட்டத்தை வெளிபடுத்தி வருகிறார்.பிரண்டன் மெக்கல்லம் ஓய்வுக்கு பிறகு, இவரே அணியின் முழுநேர கேப்டனாகவும் செயல்பட்டு பல வெற்றிகள் அடைய உறுதுணையாக இருந்து வருகிறார்.இந்த தலைமுறையின் சிறந்த வீரர்களின் ஒருவராகவும் இவர் கருதப்படுகிறார்.

2. பாபர் அசாம்

இந்தப் பாகிஸ்தான் இளம்புயல் பல சிறந்த ஆட்டங்கள் ஆடித் தனக்கென ஒரு இடத்தைப் பெற்று வருகிறார். இவர் தற்போது உள்ள ஒருநாள் போட்டிகளுக்கான பேட்ஸ்மேன்கள் தரவரிசையில் ஐந்தாம் இடம் வகித்து வருகிறார்.நவீன கால தலைமுறையின் இளம் கிரிக்கெட் வீரராக உள்ளார் இந்த பாபர் அசாம்.சில மூத்த வீரர்கள் இவரை இந்தியாவின் விராத்கோலியுடன் ஒப்பிட்டு வருகின்றனர்.இவர் பாகிஸ்தான் அணியின் மிடில் ஆர்டரில் முதுகெலும்பாக உள்ளார்.

3. பாப் டூபிளிசிஸ்

இந்த தென்ஆப்பிரிக்க கேப்டன் ஒருநாள் போட்டிகளில் தொடர்ந்து தன் திறனை வெளிப்படுத்திக் கொண்டு வருகிறார். இவர் 10 சதங்களையும் 29 அரைச்சதங்களையும் அடித்து சாதனை படைத்து வருகிறார்.இவர் 2014-ஆம் ஆண்டு தொடர்ந்து மூன்று சதங்களை அடித்து சாதனை படைத்துள்ளார்.அனைத்து மூன்று வடிவிலான சர்வதேச போட்டிகளிலும் சதம் அடித்த இரண்டாவது வீரர் என்ற பெருமைக்கு சொந்தக்காரர். தற்போது நடந்து முடிந்த ஆஸ்திரேலியா தொடரில் அவர்களது சொந்த மண்ணில் மூன்று வடிவிலான போட்டித்தொடரையும் வென்ற முதல் கேப்டன் என்ற சாதனையையும் படைத்தார்.

4. ஸ்டீவன் ஸ்மித்

இவர் ஒரு லெக் ஸ்பின்னராக தனது வாழ்க்கையை தொடங்கி முழுநேர பேட்ஸ்மேனாக அணியில் தன்னை மெருகேத்தியுள்ளார்.2015-ஆம் ஆண்டு நடைபெற்ற உலகக்கோப்பையில் ஆஸ்திரேலிய அணி மகுடம் சூட அணிக்கு ஒரு துருப்புச்சீட்டாய் விளங்கினார்.மேலும், இவர் அதே ஆண்டு ஐசிசியின் சிறந்த வீரர் என்ற விருதையும் பெற்றார்.ஆஸ்திரேலியா கேப்டன் தற்போது சர்வதேச போட்டிகளிலிருந்து தண்டனை பெற்றாலும் தற்போதும் விளையாடக்கூடிய கைதேர்ந்த பேட்ஸ்மேன் ஆவார். வார்னரை குறிப்பிட்டுள்ளதால் இவரை தேர்ந்தெடுக்க இயலாது.

5. விராட் கோலி

Run machine Of India

இவர் அனைத்து மூன்று வடிவிலான சர்வதேச போட்டிகளிலும் தன் திறனை தொடர்ந்து வெளிப்படுத்தி வருகிறார். முன்னாள் வீரர்களின் சாதனைகளை முறியடித்து வருகிறார். சர்வதேச வீரர்களில் அதிக சதங்கள் அடித்த வீரராகவும் உள்ளார். சச்சின் சாதனையை முறியடிக்கக் கூடிய திறன் பெற்றவர் என்றும் புகழப்படுகிறார். ஏற்கனவே நான் அணியில் ரோகித் சர்மாவை குறிப்பிட்டுள்ளேன், இருந்தாலும் அவரைக் காட்டிலும் ஒரு சிறந்த வீரர் இவரே ஆவார் .

6.பிரெண்டன் டெய்லர்

2015 உலகக் கோப்பையில் நான்காவது அதிக ரன்களைக் குவித்த வீரர் என்ற பெருமைக்கு சொந்தக்காரர்.உலக கோப்பை தொடரில் 410 ரன்களை வெறும் 6 ஆட்டங்களில் அடித்து தனது திறனை வெளிப்படுத்தினார். இவர் ஒருநாள் போட்டிகளில் 6156 ரன்களும் பத்து சதங்களும் குவித்து தான் ஒரு சிறந்த மிடில் ஆர்டர் பேட்ஸ்மேன் என நிரூபித்துள்ளார்.

விக்கெட் கீப்பர்கள் :

1. முஷ்பிகுர் ரஹீம்

தொடர்ந்து ஒருநாள் போட்டிகளில் ரன்களை குவித்து வங்கதேச அணிக்கு சிம்ம சொப்பனமாக விளங்குகிறார் இந்த முஷ்பிகுர் ரஹீம். நன்கு போராடக் கூடிய திறன் பெற்று அணியை வெற்றிக்கு அழைத்துச் செல்லக்கூடிய இவர் வங்கதேச அணியின் உலக கனவு வீரராக இடம்பெற வாய்ப்பும் உள்ளது. விக்கெட் கீப்பிங் பணியிலும் இவரது சாதனை போற்றத்தக்கது.

2. ஜோஸ் பட்லர்

Jos Butler

தற்போது சர்வதேச ஒருநாள் போட்டிகளில் ஒரு சிறந்த பினிஷராக வலம் வருகிறார், இந்த இளம் ஜோஸ் பட்லர். இவர் இங்கிலாந்து அணியில் விக்கெட் கீப்பிங்கில் பல போட்டிகள் வந்தாலும் குறுகிய கால கிரிக்கெட்டில் தானே சிறந்தவர் என நிரூபித்து வருகிறார். இவர் 153 கேட்ச்களையும் 25 ஸ்டம்பிங்குகளையும் தனது விக்கெட் கீப்பிங் பணியால் எதிரணி வீரர்களை ஆட்டமிழக்கச் செய்துள்ளார்

3. மகேந்திர சிங் தோனி

Lightning stumpings

உலகில் உள்ள அனைத்து விக்கெட் கீப்பர்களில் சிறந்தவர் தோனி. தனது. இவரது மின்னல்வேக ஸ்டம்பிங் பல வீரர்களை ஆட்டமிழக்கச்செய்து உலக ரசிகர்களை ஈர்த்துள்ளார். நான் ஏற்கனவே குறிப்பிட்டுள்ள போல 2 இந்திய வீரர்களை விட ஒரு சிறந்த வீரர் தோனி தான். ஏனெனில் பலமுறை தனது தலைமையில் அணிக்கு பல கோப்பைகளை வென்று தந்துள்ளார்.

4. சர்பராஸ் அகமத்

Pakistan team has won Champions Trophy under his captaincy

2017ஆம் ஆண்டு பாகிஸ்தான் அணி இவரது தலைமையில் தான் சாம்பியன் கோப்பையை வென்றது.மேலும் இவர் தனது விக்கெட் கீப்பிங் பணியால் 96 கேட்ச்களையும் 23 ஸ்டம்பிங்குகளையும் செய்து அசர வைத்துள்ளார். மேலும் அணிக்கு இவரது இறுதிநேர பேட்டிங்கால் பலமுறை வெற்றியும் கிடைத்துள்ளது.இம்ரான் கானுக்கு அடுத்தபடியாக ஐசிசியின் கோப்பையை வென்ற இரண்டாவது பாகிஸ்தான் கேப்டன் என்ற சாதனையை தனதாக்கினார்.

ஆல்ரவுண்டர்கள் :

1.பென் ஸ்டோக்ஸ்

Ben Stokes is one of the best allrounders in current generation

இவர் 2011-ஆம் ஆண்டே தனது சர்வதேச ஒருநாள் போட்டிகளில் அறிமுகம் கண்டாலும், பிற்காலத்தில் தான் அணியில் நிரந்தரமாக இடம்பிடித்தார்.தற்போதுள்ள தலைமுறையின் சிறந்த ஆல்ரவுண்டராக கருதப்படுபவர், பென் ஸ்டோக்ஸ். இவர் சில முறை ஆட்டத்தை வெற்றிகரமாக முடித்து வைக்கும் வீரராகவும் விளங்கி வருகிறார். இவர் 1963 ரன்களையும் 58 விக்கெட்களையும் எடுத்துள்ளார்.

2.முகமது நபி

தற்போதுள்ள அனைத்து வகை கிரிக்கெட்டிலும் ஒரு சிறந்த ஆட்டக்காரராக குறிப்பாக ஆல்ரவுண்டராக தன்னை நிரூபித்து வருகிறார் நபி. இவர் 2435 ரன்களையும் என்ற 29.0 ஆவ்ரேஜூம் வைத்துள்ளார் மேலும் 114 விக்கெட்டுகளையும் கைப்பற்றியுள்ளார். ஆப்கானிஸ்தான் அணி சர்வதேச போட்டிகளில் தொடர்ந்து கால் பதிக்க காரணம் இவரின் பங்கு தான் என்றும் சொல்லலாம் .

3. ஹர்திக் பாண்டியா

தனது பேட்டிங் திறமையால் அணியை பலமுறை வெற்றி பெறச் செய்துள்ளார், இந்த இந்திய ஆல்ரவுண்டர். மேலும் இவரது பந்துவீச்சு பல பேட்ஸ்மேன்களை அச்சுறுத்தும் வகையில் உள்ளது .கடந்த சாம்பியன்ஸ் டிராபி இறுதிப்போட்டியில் பாகிஸ்தான் அணிக்கு எதிராக இந்தியா தோற்றபோதிலும் சளைக்காமல் 76 ரன்களை குவித்தார்.இந்திய அணியில் நான் பல வீரர்களை ஏற்கனவே குறிப்பிட்டுள்ளதால் இவரை தேர்வு செய்ய இயலாது.

4. ஷகிப் அல் ஹசன்

Best allrounder in All formats

சர்வதேச அளவிலான போட்டிகளின் ஆல்ரவுண்டர்கள் தரவரிசை பட்டியலில் முதலிடத்தில் பலமுறை வகித்துள்ளார், இந்த வங்கதேச ஆல்ரவுண்டர். இவர் அணிக்கு ஏற்றவாறு பேட்டிங் வரிசையில் பல்வேறு இடங்களில் இறங்கி அணியின் வெற்றிக்கு உதவியுள்ளார். மேலும் இவரது சுழல் பந்து வீச்சால் 244 விக்கெட்டுகளையும் சாய்த்துள்ளார். இந்த கனவு அணியில் வெறும் 2 ஆல்ரவுண்டர்கள் மட்டுமே இடம் பெறுவர் அந்த வகையில் பார்த்தால் இவருக்கு நிச்சயம் இடம் உண்டு.

5. ஏஞ்சலோ மேத்யூஸ்

இவர் தற்போது உள்ள சர்வதேச ஆல்ரவுண்டர்கள் தரவரிசையில் ஏழாம் இடம் வகிக்கிறார். இவர் 5380 ரன்களையும் 114 விக்கெட்டுகளையும் எடுத்துள்ளார்.2010-இல் ஆஸ்திரேலியாவிற்கு எதிரான ஒருநாள் போட்டியில் 107 / 8 என்ற நிலையில் தவித்து கொண்டிருந்த வேளையில் 9-வது விக்கெட்டிற்கு லசித் மலிங்காவுடன் கைக்கோர்த்து 132 ரன்கள் என்ற மிகப்பெரிய பார்டனர்ஷிப்பை உருவாக்கி அணியின் வெற்றிக்கு உதவியதால் அனைவராலும் பாராட்டப்பெற்றவர், இந்த மேத்யூஸ்.அந்த போட்டியில் 127 பந்துகளில் 77 ரன்களை குவித்தார்.

சுழல் பந்துவீச்சாளர்கள் :

1. குல்தீப் யாதவ்

இந்த இடது கை சுழல் பந்துவீச்சு தாக்குதலால் பல முன்னணி பேட்ஸ்மேன்களுக்கு அதிர்ச்சி அளித்துள்ளார் குல்தீப் யாதவ். இவர் 33 இன்னிங்சில் 67 விக்கெட்களை சாய்த்து, தான் சுழல் பந்துவீச்சில் சளைத்தவன் அல்ல என்றும் நிரூபித்து உள்ளார். இந்த கனவு அணியில் இடம்பெற மாட்டார் என்றாலும் ஒரு சிறந்த தற்போதைய சுழற்பந்துவீச்சாளர் என நான் குறிப்பிட்டுள்ளேன்.தற்போது ஒருநாள் போட்டிகளில் பந்து வீச்சாளர்கள் தரவரிசையில் 3-வது இடம் வகிக்கிறார் .குல்திப் யாதவ் ஒரே வருடத்தில் அனைத்து வடிவிலான சர்வதேச கிரிக்கெட் போட்டிகளிலும் ஒரே ஆட்டத்தில் ஐந்து விக்கெட்களை எடுத்த முதல் பந்துவீச்சாளர் என்ற சாதனையை படைத்துள்ளார்.

2. இம்ரான் தாஹிர்

பாகிஸ்தானில் பிறந்து தென் ஆப்பிரிக்காவுக்கு சர்வதேச கிரிக்கெட்டில் விளையாடும் இந்த லெக் ஸ்பின்னர், 151 விக்கெட்களை வெறும் 91 ஆட்டங்களில் எடுத்துள்ளார். இவர் ஒருநாள் போட்டிகளில் 3 முறை 5 விக்கெட்டுகளை எடுத்துள்ளார் இவர் தற்போது ஒருநாள் போட்டிகளில் பந்து வீச்சாளர்கள் தரவரிசையில் 11-வது இடம் வகிக்கிறார் .இவர் தென்னாப்பிரிக்கா பந்துவீச்சாளர்களில் ஏழு விக்கெட்களை வீழ்த்திய முதல் வீரரும், அதிவேகமாக 100 விக்கெட்களை வீழ்த்திய தென்னாப்பிரிக்க பந்தவீச்சாளர் என்ற சாதனையையும் படைத்துள்ளார்.

3. சாஹல்

ஐபிஎல் போட்டிகளில் தொடர்ந்து தனது திறனை வெளிப்படுத்தி இந்திய கிரிக்கெட் அணியில் குறுகியகால பந்துவீச்சாளர்களில் சிறந்தவராக திகழ்கிறார் இந்த லெக் ஸ்பின்னர். இவர் ஒருநாள் போட்டி தரவரிசையில் 5-வது சிறந்த பந்துவீச்சாளராக உள்ளார். இந்த கனவு அணியில் இவரும் இடம்பெறப்போவதில்லை.

4. ரஷீத் கான்

தற்போதுள்ள குறுகிய கால கிரிக்கெட்டில் சர்வதேச போட்டிகளில் மட்டுமல்லாது உள்ளூர் போட்டிகளிலும் தனது திறனை தொடர்ந்து வெளிப்படுத்தி வருகிறார் இந்த ஆப்கானிஸ்தான் சுழல் பந்துவீச்சாளர் . இவர் மிக இளம் வயதிலே 100 விக்கெட்களை வீழ்த்திய சாதனைக்கு சொந்தக்காரர்.14.5 என்ற சிறந்த பவுலிங் ஆவ்ரேஜையும் வைத்துள்ளார்.ஆப்கானிஸ்தான் அணியின் வெறும் இரு வீரர்களை மட்டுமே நான் குறிப்பிட்டுள்ளதால் நிச்சயம் இந்த கனவு அணியில் இவருக்கு இடம் உண்டு.

வேகப்பந்து வீச்சாளர்கள்

1. ஜஸ்ப்ரிட் பும்ரா

ஒருநாள் போட்டிகளில் பந்துவீச்சாளர்கள் தரவரிசையில் தற்போது முதலிடம் வகித்து வருகிறார் இந்த இந்திய வேகப்பந்துவீச்சாளர். இந்திய அணியின் பேட்டிங்கில் விராட் கோலி எவ்வாறு செயல்படுகிறாரோ அது போல தான், பந்துவீச்சில் இவரது தாக்குதல் போற்றத்தக்கது. இவர் 5 போட்டிகள் கொண்ட இருதரப்பு தொடரில் அதிக விக்கெட்களை வீழ்த்திய பந்துவீச்சாளர் என்ற சாதனையை படைத்துள்ளார்.இவரும் இந்த கனவு அணியில் இடம்பெறவில்லை.

2. மிட்செல் ஸ்டார்க்

2015 உலகக் கோப்பையில் தொடர் நாயகன் விருதை வென்ற இந்த ஆஸ்திரேலியா வேகப்பந்துவீச்சாளர் 145 விக்கெட்களை வெறும் 75 போட்டிகளில் கைப்பற்றியுள்ளார். தனது துல்லிய யார்க்கர் தாக்குதலால் பல பேட்ஸ்மேன்களை நிலைகுலையச்செய்து 22 விக்கெட்களை கைப்பற்றி அந்த தொடரில் அதிக விக்கெட்களை வீழ்த்திய பந்துவிச்சாளரானார்.பலமுறை காயங்களால் அவதிப்படும் இவர் சர்வதேச போட்டிகளில் இடம்பெறாவிட்டாலும் ஒரு சிறந்த வேகப்பந்துவீச்சாளர் என்பதில் எவ்வித மாற்றுக் கருத்தும் இல்லை.

3.டிரென்ட் போல்ட்

சர்வதேச தரவரிசையில் நான்காமிடம் வகிக்கும் இந்த நியூசிலாந்து பந்துவீச்சாளர் நான்கு முறை ஐந்து விக்கெட்டுகள் வீழ்த்தியுள்ளார் உலகின் தலைசிறந்த பேட்ஸ்மேன்களையும் தனது ஸ்விங் பந்துவீச்சால் வீழ்த்தியுள்ளார்.இவர் இருமுறை ஐந்து விக்கெட்களை கைப்பற்றி உள்ளார்.மேற்கிந்திய தீவுகளுக்கு எதிரான போட்டியில் கைப்பற்றிய 7 / 34 என்பதே ஒருநாள் போட்டிகளில் இவரது சிறந்த பந்துவீச்சாகும்.

4. ஹசன் அலி

இந்த பாகிஸ்தான் பந்துவீச்சாளர் வெறும் 41 போட்டிகளில் 75 விக்கெட்களைச் சாய்த்துள்ளார் இவர் தற்போதைய சர்வதேச தரவரிசையில் 13- வது இடத்தில் உள்ளார்.இவர் கடந்த சாம்பியன்ஸ் டிராபி தொடரில் 13 விக்கெட்களை கைப்பற்றி அதிக விக்கெட்களை எடுத்த பந்துவீச்சாளர் என்ற சாதனை படைத்து, தொடர் நாயகன் விருதை வென்றார்.அதுவே இவரின் முதல் ஐசிசி தொடராகும்.

5. ரபாடா

தனது முதல் ஒருநாள் போட்டியில் 6 விக்கெட்களை சாய்த்து உலக சாதனை படைத்த இந்த தென்னாப்பிரிக்கா இளம்புயல்.மேலும், முதல் சர்வதேச ஒருநாள் போட்டியிலே ஹாட்ரிக் விக்கெட்களை வீழ்த்திய இரண்டாவது பந்துவிச்சாளரானார். 93 விக்கெட்களை வெறும் 57 போட்டிகளில் எடுத்துள்ளார். இவர் தற்போதுள்ள சர்வதேச தரவரிசையில் நான்காமிடம் வகிக்கும் பந்துவீச்சாளர் ஆவார்.

இறுதிப் பட்டியல்:

மேற்கண்ட விவரங்களின் அடிப்படையில் ஒரு நாட்டிற்கு தலா ஒரு வீரர் என்ற வீதத்திலும் ஒரு கனவு உலக XI அணியை தயாரித்துள்ளேன் அதன் பட்டியல் வருமாறு,

1. ஆஸ்திரேலியா- டேவிட் வார்னர்

2. மேற்கிந்திய தீவுகள் - எவின் லீவிஸ்

3. இந்தியா - விராட் கோலி (C)

4. ஜிம்பாப்வே - பிரண்டன் டெய்லர்

5. இலங்கை - ஏஞ்சலோ மேத்யூஸ்

6. இங்கிலாந்து - ஜோஸ் பட்லர்(WK)

7. வங்கதேசம் - ஷகிப் அல் ஹசன்

8. ஆப்கானிஸ்தான் - ரஷீத் கான்

9. நியூசிலாந்து - டிரென்ட் போல்ட்

10. பாகிஸ்தான் - ஹசன் அலி

11. தென்னாபிரிக்கா - ரபாடா

Edited by Fambeat Tamil

Be the first one to comment