ஒருநாள் போட்டிகள் 1971 ஆம் ஆண்டு முதல் உலகம் முழுவதும் நடைபெற்று வருகின்றன. டெஸ்ட் போட்டிகள் முதலில் இருந்து விளையாடி வந்தாலும் அதன் பின்பு ஒருநாள் மற்றும் டி20 போன்ற போட்டிகள் கிரிக்கெட் ரசிகர்களிடையே நல்ல வரவேற்பை பெற்றன. 1971 ஆம் ஆண்டு ஆஸ்திரேலியா மற்றும் இங்கிலாந்து அணிகளுக்கிடையே நடைபெற்ற டெஸ்ட் போட்டியின் முதல் மூன்று நாட்கள் மழை காரணமாக ரத்து செய்யப்பட்டன, பின்பு போட்டியின் அதிகாரிகள் ஓவருக்கு 8 பந்துகள் வீதம் தலா 40 ஓவர்கள் போட்டியை விளையாட முடிவு செய்தனர். இதுவே முதல் ஒருநாள் போட்டியாக கருதப்படுகிறது.
இதன் பின்பு, இப்போட்டியானது பல விதிமுறைகளைக் கொண்டு நடத்தப்பட்டு வருகிறது. இந்தப் போட்டியின் மூலம் பல அணிகளிலிருந்தும் பல ஜாம்பவான்கள் பேட்ஸ்மேன், பவுலர் மற்றும் ஆல்ரவுண்டர்களாக உருவெடுத்துள்ளனர்.
இவ்வகையான போட்டியில் அனைவருக்கும் ஒரு கனவு அணி இருக்கும், இவற்றில் எனது கனவு அணியை பற்றி பார்க்கலாம்.
#1. சச்சின் டெண்டுல்கர்
ஒருநாள் வரலாற்றில் வெற்றிகரமான பேட்ஸ்மேன்களில் ஒருவர் சச்சின் டெண்டுல்கர். ரசிகர்கள் இவரை கிரிக்கெட்டின் கடவுள் என அழைப்பதுண்டு. பேட்டிங் மட்டுமின்றி பந்துவீச்சிலும் தனது திறமையை சில சமயங்களில் நிரூபித்துள்ளார், எந்தவொரு அணியிலும் இவரது மதிப்பு மிகவும் அதிகமாகவே இருக்கும்.
ஒருநாள் வரலாற்றில் அதிக போட்டிகள் (463), அதிக ரன்கள் (18426), அதிக சதங்கள் (49), அதிக அரைசதம் (96), மற்றும் நிறைய ஆட்டநாயகன் விருது (62), போன்ற சாதனைகளுக்கு சொந்தக்காரர் ஆவார் சச்சின்.
#2. சனத் ஜெயசூர்யா
ஜெயசூர்யா, அதிரடி ஆட்டத்திற்கு பெயர் போன இவர் இலங்கை அணிக்காக விளையாடியுள்ளார். மிகவும் அதிரடியாக ஆடக்கூடிய இவர் முதல் 15 ஓவர்களில் பவர்பிளேவின் மூலம் வேகமாக ரன் சேர்ப்பவர். 1996 ஆம் ஆண்டு இலங்கை அணி உலகக்கோப்பை வெல்ல முக்கிய காரணமாக அமைந்தார்.
445 ஒருநாள் போட்டிகளில் விளையாடியுள்ள இவர் 13,430 ரன்கள் சேர்த்துள்ளார். இவரை தவிர மற்றொரு ஜாம்பவனான கில்க்ரிஸ்ட் சிறந்த துவக்க வீரர் என்றாலும் ஜெயசூர்யா பந்துவீச்சில் 323 விக்கெட்டுகளை வீழ்த்தியுள்ளார். சிறந்த ஆல்ரவுண்டர் ஆன இவர் அணிக்கு பந்துவீச்சிலும் உதவிகரமாக இருப்பதன் மூலம் அணியில் எளிதாக தேர்வாகிறார்.
#3. விராட் கோலி
தற்பொழுது உலகின் சிறந்த பேட்ஸ்மேனாக உள்ள விராட் கோலி எனது அணியில் மூன்றாவது வீரராக தேர்வாகிறார். ஆம், கடந்த 10 வருடங்களாக தொடர்ந்து பேட்ஸ்மேன்களில் சிறந்தவராக ஆதிக்கம் செலுத்தி வரும் இவர், பல சாதனைகளை செய்தும், முறியடித்தும் வருகிறார்.
அனைத்து வித போட்டிகளிலும் சிறந்து விளங்கும் இவர் ஒருநாள் போட்டியில் ஆதிக்கம் செலுத்தி வருகிறார், 216 போட்டிகளில் பங்கேற்றுள்ள இவர் 10,232 ரன்களை சேர்த்துள்ளார். சராசரி 59.84 ஆகும், சதங்களில் 38 சதங்கள் அடித்துள்ளார், இவர் சச்சின் சாதனையை முறியடிப்பார் என்பதில் சந்தேகமில்லை.
30 வயதே ஆன கோலி சேசிங் செய்வதில் வல்லவர் ஆவார். அவர் ஓய்விற்க்கு முன்பு பல சாதனைகளை முறியடித்து கிரிக்கெட் வரலாற்றில் சிறந்த பேட்ஸ்மேன் ஆவாரென எதிர்பார்க்கலாம்.
#4. சர் விவ் ரிச்சார்ட்ஸ்
முந்தைய காலங்களில் மெதுவாக ரன் சேர்ப்பது வழக்கம். 60 ஓவர்களில் 250 ரன்களை சேர்த்தலே நல்ல ஆட்டம் என கருதப்பட்டது. அப்பொழுதே ரிச்சார்ட்ஸ் தனது அதிரடி ஆட்டத்தை வெளிப்படுத்தி வந்தார்.
இவரது இந்த அதிரடி ஆட்டத்தின் மூலம் 1970 மற்றும் 80களில் மேற்கிந்திய தீவுகள் அணி உலக அளவில் ஆதிக்கம் செலுத்தி வந்தது.
187 ஒருநாள் போட்டிகளில் விளையாடியுள்ள இவர், 6721 ரன்கள் சேர்த்துள்ளார். சராசரி 47 ஆகும். இவரது ஸ்டிரைக் ரேட் 90 ஆகும். 2002 ஆம் ஆண்டு விஸ்டென் பத்திரிகை இவரை வரலாற்றின் சிறந்த ஒருநாள் பேட்ஸ்மேன் என கூறியது குறிப்பிடத்தக்கது.
#5. ஏ பி டிவில்லியர்ஸ்
டிவில்லியர்ஸ் கீப்பர், கேப்டன் மற்றும் பீல்டர் என அனைத்திலும் சிறந்து விளங்கினார். இவரை மிஸ்டர் 360° என ரசிகர்களால் அழைக்கப்படுகிறார். மைதானத்தில் எந்த இடத்திலும் பந்தை பறக்க விடும் வல்லமை பெற்ற இவர் 4-5 ஷாட்ஸ்களை கொண்டு எதிரணிக்கு சிம்ம சொப்பனமாக விளங்கினார்.
ஒருநாள் போட்டி, டெஸ்ட் போட்டி போன்ற அனைத்து சர்வதேச போட்டிகளிலிருந்தும் ஓய்வு பெற்ற இவர், உலகம் முழுவதும் நடைபெறும் டி20 தொடர்களில் கவனம் செலுத்தி வருகிறார்.
ஒருநாள் போட்டியில் அதிவேக சதம், அரைசதம் மற்றும் அதிவேக 150 ரன்கள் போன்ற சாதனைகளை கொண்டுள்ளார் டிவில்லியர்ஸ். 228 போட்டிகளில் விளையாடியுள்ள இவர் 9577 ரன்களும் 25 சதங்களையும் கொண்டுள்ளார். சராசரி 53.5 ஆகும். ஸ்ட்ரைக் ரேட் 101.1 ஆகும்.
.
#6 எம் எஸ் தோனி (வி.கீ) (கே)
கேப்டன், விக்கெட் கீப்பிங், பேட்டிங் என அனைத்திலும் சிறந்து விளங்கியவர் தோனி. ஒருநாள் போட்டிகளின் வரலாற்றின் சிறந்த பினிஷர்களுல் ஒருவர் ஆவார். இவரது அதிரடி ஆட்டத்தின் மூலம் பல போட்டிகளை இந்திய அணிக்காக வென்று தந்துள்ளார்.
இவரது பேட்டிங் மட்டுமின்றி கேப்டனாக வியூகம் அமைப்பதில் வல்லவர். கீப்பிங்கிலும் உலக அளவில் பல சாதனைகளை கொண்டுள்ளார்.
321 ஒருநாள் போட்டிகள் விளையாடியுள்ள இவர், 10,000 ரன்களுக்கு மேல் குவித்துள்ளர். இவர் பெரும்பாலும் 5-6 ஆம் இடத்தில் களமிறங்கியே இவ்வளவு ரன்களை சேர்த்த காரணத்தால் ரசிகர்கள் முந்தைய காலங்களில் விளையாடுவது போல் 3 ஆம் நிலையில் தொடர்து விளையாடி இருந்தால் 14,000 ரன்களை எட்டியிருப்பார் என்ற கணித்துள்ளனர். எனது அணியின் கேப்டனும் விக்கெட் கீப்பரும் இவரே.
#7. லான்ஸ் க்லூஸ்னர்
இவரது காலங்களில் மிகவும் அபாயகரமான பேட்ஸ்மென்களில் ஒருவர் ஆவார். இவர் இருக்கும் வரை தென்னாபிரிக்கா அணி எந்த இலைக்கையும் எட்டும் நம்பிக்கையை பெற்றிருந்தது. 1999 ஆம் உலககோபையில் இவரது ஆட்டம் என்றும் மறக்க முடியாத ஒன்றாகும், இத்தொடரில் தொடர் நாயகன் விருதும் பெற்றார்.
அட்டதின் கடைசி கட்ட இடங்களில் அசத்தும் இவர், ஓய்வு பெறும் பொழுது இவரது சராசரி 41.1 ஆக இருந்தது. ஸ்ட்ரைக் ரேட் 89.2 ஆகும்.
பேட்டிங் மட்டுமின்றி பவுலங்கிலும் 171 போட்டிகளில் 192 விக்கெட்டுகளை வீழ்த்தியுள்ளார்.
#8. வாசிம் அக்ரம்
ஒருநாள் வரலாற்றில் சிறந்த பவுலர்களில் ஒருவராவார் வாசிம் அக்ரம். இவரது ஸ்விங் பவுலிங் திறமையால் எதிரணிக்கு சிம்ம சொப்பனமாக அமைந்துள்ளார்.
ஒருநாள் போட்டிகளில் 500 விக்கெட்களை வீழ்த்திய முதல் பந்துவீச்சாளர் என்னும் பெருமைக்கு சொந்தக்காரர் அக்ரம். 356 ஒருநாள் போட்டிகளில் விளையாடியுள்ள அக்ரம் 502 விக்கெட்டுகளை வீழ்தியுள்ளர் என்பது குறிப்பிடத்தக்கது.
பந்துவீச்சு மட்டுமின்றி பேட்டிங்கில் கவனம் செலுத்திய இவர் 6 அறைசதங்களுடன் ஓய்வு பெற்றார்.
#9. பிரெட் லீ
சிறந்த பவுலர்களாக இருந்தாலும் பிரெட் லீயிடம் வேகம் என்பது மிகவும் அதிகம். வேகத்துடன் துல்லியமாக பந்து வீசுவதில் வல்லவர்.
ஒருநாள் வரலாற்றில் அதிவேக 300 விக்கெட்களை எடுத்தவர் பிரெட் லீ. தனது காலகளில் பல முன்னனி பேட்ஸ்மேன்களை தடுமாற செய்தார்.
221 ஒருநாள் போட்டிகளில் விளையாடிய லீ 380 விக்கெட்டுகளை வீழ்த்தியுள்ளார். ஆஸ்திரேலியாவில் இரண்டாவது அதிகபட்சம் ஆகும். பவுலிங் அதிவேகமாக இருந்தாலும் இவரது எக்கனாமி 5 க்கும் குறைவாகும்.
#10. முத்தையா முரளிதரன்
கிரிக்கெட் விளையாட்டில் மிகவும் வெற்றிகரமான பவுலர் ஆவார் முரளிதரன். இவரை அணியில் எடுக்காமல் இருக்க இயலாது. பேட்ஸ்மேன்களில் சச்சினை போன்று பவுலிங்கில் இவரது சாதனைகளை முறியடிப்பது கடினமே.
350 ஒருநாள் போட்டிகளில் விளையாடியுள்ள இவர் 534 விக்கெட்களை கைப்பற்றியுள்ளார். ஒருநாள் வரலாற்றில் இதுவே அதிகமாகும். இவரது எக்கனமி 4 ரன்களுக்கும் குறைவு.
அனைத்து நாட்டு மண்ணிலும் சிறப்பாக செயல்படும் இவர் பல பேட்ஸ்மென்களை தனது துல்லியமான சூழலில் வீழ்த்தியுள்ளார்.
#11. கிளென் மெக்ராத்
மெக்ராத் மிகவும் துல்லியமான வேக பந்துவீச்சாளர் ஆவார். அவரிடம் ப்ரெட் லீ போல் வேகம் இல்லை எனினும் தனது துல்லிய நுட்பம் மூலம் பேட்ஸ்மேன்களை திணற வைப்பார். பொதுவாக அனைத்து பேட்ஸ்மேன்களும் பந்து ஆஃப் ஸ்டம்பிர்க்கு மேல் செல்லும் பொழுது தடுமாறுவது உறுதி, அதை தனது பலமாக மாற்றிக்கொண்டார் மெக்ராத்.
250 ஒருநாள் போட்டிகளில் விளையாடியுள்ள இவர் 381 விக்கெட்டுகளை கைப்பற்றியுள்ளார். ஆஸ்திரேலியா அணிக்கு அதுவே அதிகபட்ச விக்கெட்டுகள் ஆகும். இவரது எக்கனாமி 3.88 ஆகும்.
இவர் கடைசியாக பங்கேற்ற 2007 உலகக்கோபையில் தொடர் நாயகன் விருது வென்றது குறிப்பிடத்தக்கது.
