கரீபியன் படையை காலி செய்த இங்கிலாந்து அணி!!!

England v West Indies - ICC Cricket World Cup 2019

பின்னர் 213 ரன்கள் எடுத்தால் வெற்றி என்ற இலக்குடன் இங்கிலாந்து அணி களமிறங்கியது. ஆனால் இந்த முறை இங்கிலாந்து அணி புதிய சோதனையில் இறங்கியது. அந்த அணியின் துவக்க ஜோடியில் ஜேசன் ராய்யை களமிறக்காமல் அவருக்கு பதிலாக ஜோ ரூட்டை போர்ஸ்டோ உடன் துவக்க வீரர்களான களமிறக்கியது. இவர்களின் இந்த சோதனை அவர்களுக்கு நல்ல முடிவையே தந்தது. இந்த இருவரும் அதிரடியாக துவக்கம் தந்தனர். முதல் விக்கெட்டுக்கு இந்த ஜோடி 95 ரன்கள் குவித்து இங்கிலாந்து அணியின் வெற்றிக்கு அடித்தளமிட்டனர். பேர்ஸ்டோ 46 ரன்களில் இருந்த போது காட்ரெல் பந்தில் ஆட்டமிழந்தார். அதன் பின்னர் வோக்ஸ் களமிறங்கி அனைவருக்கும் அதிர்ச்சியளித்தனர். ஆனால் இந்த சோதனையும் அவர்களுக்கு வெற்றியே பெற்றது.

இந்த ஜோடியும் அணியின் ஸ்கோரை மளமளவென உயர்த்தியது. சிறப்பாக ஆடிய வோக்ஸ் பத்து ரன்களில் தனது அரைசதத்தை தவறவிட்டார். இவரது விக்கெட்டையும் காட்ரெல் வீழ்த்தினார். ரூட் அபாரமாக ஆடி இந்த தொடரில் தனது இரண்டாவது சதத்தினை பதிவு செய்தார். இறுதியில் 33 ஓவர்களில் வெறும் இரண்டு விக்கெட்டுகளை மட்டுமே இழந்த நிலையில் இங்கிலாந்து அணி அபார வெற்றி பெற்றது. மேற்கிந்திய தீவுகள் அணி சார்பில் காட்ரெல் மட்டும் 2 விக்கெட்டுகளை வீழ்த்தினார். பேட்டிங் மற்றும் பவுலிங் என இரண்டிலும் அசத்திய ரூட் ஆட்டநாயகனாக தேர்வு செய்யப்பட்டார். இந்த வெற்றியின் மூலம் இங்கிலாந்து அணி புள்ளிப்பட்டியலில் இரண்டாவது இடத்துக்கு முன்னேறியது.

Edited by Fambeat Tamil