2019ல் இந்திய அணி பங்குபெறவுள்ள சர்வதேச கிரிக்கெட் போட்டிகள்

உலக டெஸ்ட் சாம்பியன்ஷிப் : மேற்கிந்தியத் தீவுகள் vs இந்தியா -2019

India vs wi

உலகக் கோப்பை தொடரைத் தொடர்ந்து இந்திய அணி மேற்கிந்தியத் தீவுகளுக்கு சுற்றுப்பயணம் செய்து 2 டெஸ்ட் 3 ஒருநாள் போட்டிகள், 3 டி20 போட்டிகள் கொண்ட தொடரில் பங்கேற்க உள்ளது. இதனை மேற்கிந்திய தீவுகள் கிரிக்கெட் நிர்வாகம் உறுதி செய்துள்ளது. இந்த தொடரில் இடம்பெற்றுள்ள 2 போட்டிகள் கொண்ட டெஸ்ட் தொடர் உலக டெஸ்ட் சாம்பியன்ஷிப் தொடருக்கு கணக்கில் எடுத்துக் கொள்ளப்படும். 2019 முதல் 2021 வரை நடைபெறவுள்ள டாப் 8 டெஸ்ட் அணிகள் விளையாடும் டெஸ்ட் போட்டிகளை கணக்கில் எடுத்துக் கொண்டு 2021 பாதியில் தகுதி பெறும் இரு அணிகளுக்கு 2021 இறுதியில் இறுதிப்போட்டி நடைபெறும் என ஐசிசி அறிவித்துள்ளது.

உலக டெஸ்ட் சாம்பியன்ஷிப்: இந்தியா vs தென்னாப்பிரிக்கா -2019

India vs south Africa

ஆகஸ்டில் முடிவடையும் மேற்கிந்தியத் தீவுகளுக்கு எதிரான தொடருக்குப் பிறகு இந்திய அணி தனது சொந்த மண்ணில் விளையாடும். இத்தொடரில் நடைபெறும் 3 டெஸ்ட் போட்டிகள் உலக டெஸ்ட் சாம்பியன்ஷிப்-பிற்கு கணக்கில் எடுத்துக் கொள்ளப்படும். இந்தத் தொடரில் டெஸ்ட் போட்டிகளில் மட்டுமே தென்னாப்பிரிக்கா அணி, இந்திய அணியுடன் விளையாடுகிறது. பின்னர் 2020ல் ஒருநாள் மற்றும் டி20 தொடர்கள் நடைபெறும்.

உலக டெஸ்ட் சாம்பியன்ஷிப்: வங்கதேசம் vs இந்தியா

Ind vs Bangladesh

தென்னாப்பிரிக்க தொடர் முடிவடைந்தவுடனே வங்கதேச அணி இந்தியாவில் சுற்றுப்பயணம் செய்து 2 டெஸ்ட் மற்றும் 3 டி20 போட்டிகளில் பங்கேற்க உள்ளது. இத்தொடர் உலக டெஸ்ட் சாம்பியன்ஷிப் தொடருக்கு கணக்கில் எடுத்துக் கொள்ளப்படும். இந்த தொடர்தான் இந்திய அணிக்கு 2019ல் கடைசி டெஸ்ட் தொடராகும்.

இந்தியா vs மேற்கிந்தியத் தீவுகள்

Ind vs wi

மேற்கிந்திய தீவுகள் அணி இந்தியாவில் சுற்றுப்பயணம் செய்து 3 ஒரு நாள் போட்டி , 3 டி20 போட்டிகளில் பங்கேற்க உள்ளது. இதுவே 2019ல் இந்திய அணியின் கடைசி ஒருநாள் மற்றும் டி20 தொடராகும். இதற்கான போட்டி அட்டவணை இன்னும் அறிவிக்கப்படவில்லை.

இந்திய அணி இவ்வருடத்தில் மொத்தமாக 98 நாட்கள் சர்வதேச போட்டிகளில் பங்குபெறுகிறது.