பலம் வாய்ந்த இங்கிலாந்து அணியை வீழ்த்தியது இலங்கை அணி

அதன் பின்னர் பேட்டிங் செய்த இங்கிலாந்து அணியில் தொடக்க வீரர்கள் பேர்ஸ்டோ மற்றும் வின்ஸ் இருவரும் களம் இறங்கினர். இரண்டாவது இன்னிங்ஸின் முதல் ஓவரை மலிங்கா வீசிய நிலையில் இரண்டாவது பந்திலேயே பேர்ஸ்ரோ டக்அவுட் ஆகி வெளியேறினார். இந்த விக்கெட் இங்கிலாந்து அணிக்கு பேரிழப்பாக பார்க்கப்பட்ட நிலையில் அடுத்து களம் இறங்கிய ஜோ ரூட் நிலைத்து விளையாடினார்.

மலிங்கா

வின்ஸ் 14 ரன்கள் எடுத்த நிலையில் மலிங்காவின் பந்து வீச்சில் அவுட் ஆகினார். அடுத்து களம் இறங்கிய கேப்டன் மோர்கன் சிறிது நேரம் நிலைத்து விளையாடிய நிலையில் 21 ரன்னில் உதனாவின் பந்தில் அவுட் ஆகினார். அதனை தொடர்ந்து நிலைத்து விளையாடிய ஜோ ரூட் 57 ரன்னில் மலிங்காவின் வேகபந்தில் அவுட் ஆகினார். இங்கிலாந்து அணி வீரர்கள் அடுத்தடுத்து விக்கெட்களை இழந்த நிலையில் பின்னர் ஜோடி சேர்ந்த பட்லர் மற்றும் ஸ்டோக்ஸ் இருவரும் சிறப்பான பாடனர்ஷிப் கொடுப்பார்கள் என எதிர்பார்க்கப்பட்ட நிலையில் ஜாஸ் பட்லர் 10 ரன்னில் மீண்டும் மலிங்காவின் பந்து வீச்சில் அவுட் ஆகினார். இங்கிலாந்து அணி 144-5 என்ற நிலைக்கு சென்றது.

பென் ஸ்டோக்ஸ்

அடுத்து களம் இறங்கிய கிறிஸ் வோக்ஸ், ஆடில் ரஷித் மற்றும் ஜோஃப்ரா ஆர்ச்சர் ஆகியோர் தனஜெயா டி சில்வா பந்து வீச்சில் அடுத்தடுத்து விக்கெட்களை இழந்தனர். நிலைத்து விளையாடிய பென் ஸ்டோக்ஸ் மட்டும் ஆட்டத்தை கடைசி வரை கொண்டு சென்றார். கடைசி ஓவர்களில் சிறப்பாக விளையாடி பென் ஸ்டோக்ஸ் இலங்கிலாந்து அணியை வெற்றி பாதைக்கு கொண்டு சென்ற நிலையில் மறுமுனையில் இருந்த மார்க் வுடின் விக்கெட்டை பிரதிப் வீழ்த்திய நிலையில் இலங்கை அணி இங்கிலாந்து அணியை வீழ்த்தி வரலாற்று வெற்றி பெற்றது. இந்த போட்டியின் ஆட்டநாயகனாக மலிங்கா தேர்வு செய்யப்பட்டார்.