டேவிட் வார்னர் மற்றும் சச்சின் டெண்டுகரின் சாதனையை முறியடித்தார் ரோஹித் சர்மா

அதிரடியாக விளையாடிய ரோஹித் சர்மா அரைசதம் விளாசிய நிலையில் ரோஹித் சர்மா 80 ரன்கள் அடித்த போது இந்த உலககோப்பை தொடரில் அதிக ரன்களை அடித்த டேவிட் வார்னரின் ஸ்கோரை முந்தினார். இந்த உலககோப்பை தொடரில் எட்டு போட்டிகளில் ஆஸ்திரேலியாவின் டேவிட் வார்னர் மற்றும் ஆரோன் பின்ச் இருவரும் இணைந்து 1000+ ரன்களை குவித்த நிலையில் டேவிட் வார்னர் இந்த உலககோப்பை தொடரின் அதிக ரன்கள் அடித்தவர்கள் பட்டியலில் 516 ரன்கள் அடித்து முதல் இடத்தில் இருந்தார். இந்த போட்டிக்கு முன்பாக 439 ரன்களுடன் ஐந்தாவது இடத்தில் இருந்த ரோஹித் சர்மா இந்த போட்டியில் டேவிட் வார்னரின் 516 ரன்களை முந்தி இந்த உலககோப்பை தொடரில் அதிக ரன்கள் அடித்தவர் பட்டியலில் முதல் இடத்தை பிடித்தார்.

ரோஹித் சர்மா

அதே போல் ரோஹித் சர்மா இந்த உலககோப்பை தொடரில் அதிக பவுண்டரிகள் அடித்தவர்கள் பட்டியலில் 53 பவுண்டரிகளை விளாசி முதல் இடத்தில் உள்ளார். இவருக்கு அடுத்த இடங்களில் டேவிட் வார்னர் மற்றும் ஷகிப் அல் ஹசன் உள்ளனர். அதை தொடர்ந்து சிறப்பான ஆட்டத்தை தொடர்ந்த ரோஹித் சர்மா இந்த உலககோப்பை தொடரில் ஐந்தாவது சதத்தை பூர்த்தி செய்தார். அதன் பின்னர் 104 ரன்களில் சௌவுமியா சர்க்கார் பந்தில் அவுட் ஆகினார். இந்த போட்டியில் ரோஹித் சர்மா மற்றொரு சாதனையாக இந்தியா அணிக்காக உலககோப்பை தொடர்களில் அதிக ரன்களை அடித்தவர் என்ற பட்டியலில் 1996 ஆண்டு உலககோப்பை தொடரில் சச்சின் டெண்டுகர் அடித்த 523 ரன்கள் அடித்து சச்சின் சாதனையை முறியடித்தார்.