மேற்கிந்தியத் தீவுகளுக்கு எதிரான ஒருநாள் தொடரில் கவனிக்கப்பட வேண்டிய 5 இந்திய வீரர்கள்

இந்திய அணி மேற்கிந்தியத் தீவுகளுக்கு எதிரான 3 போட்டிகள் கொண்ட டி20 தொடரை 3-0 என வென்றுள்ளது. மேற்கிந்திய தீவுகளை டி20யில் வைட்-வாஷ் செய்த இந்திய அணி இதே நம்பிக்கையுடன் 3 போட்டிகள் கொண்ட ஒருநாள் நாள் தொடரில் பங்கேற்க உள்ளது.

இந்திய அணி மீண்டும் சில புது முகங்களை இத்தொடரில் பேட்டிங் வரிசையில் களமிறக்கி சோதனை செய்து பார்த்து வருகிறது. ஒருநாள் தரவரிசையில் இரண்டாவது இடத்தில் உள்ள இந்திய அணி தரவரிசையில் 9வது இடத்தில் உள்ள மேற்கிந்தியத் தீவுகளை சந்திக்க உள்ளது. எனவே இந்திய அணி இத்தொடரை வெல்ல அதிக வாய்ப்புகள் உள்ளது குறிப்பிடத்தக்கது.

சமீபத்தில் முடிந்த 2019 உலகக்கோப்பை தொடரில் களமிறங்கிய அதே இந்திய அணியுடன் களமிறங்க உள்ளது. எனவே மேற்கிந்தியத் தீவுகளுக்கு எதிரான ஒருநாள் தொடரை வென்று நியூசிலாந்திற்கு எதிரான 2019 உலகக்கோப்பை தொடரின் அரையிறுதித் தோல்வியை படிப்படியாக மறப்பதற்கு முயற்சி செய்யும்.

நாம் இங்கு மேற்கிந்தியத் தீவுகளுக்கு எதிரான ஒருநாள் தொடரில் கவனிக்கப்பட வேண்டிய 5 இந்திய வீரர்கள் பற்றி காண்போம்.

#5 ரிஷப் பண்ட்

ரிஷப் பண்ட் உலகக் கிரிக்கெட்டில் அதிவேகமாக வளர்ந்து வரும் ஒரு வீரர் ஆவார். தனது பேட்டிங் திறமையினால் பார்வையாளர்களை ஈர்க்கும் திறன் கொண்டவர். மகேந்திர சிங் தோனிக்கு மாற்று வீரராக இந்திய அணியில் தற்போது ரிஷப் பண்ட் இடம்பெற்றுள்ள காரணத்தால் அவரது ஆட்டத்திறனை மிகவும் உன்னிப்பாக இந்திய கிரிக்கெட் நிர்வாகம் கவனித்து வருகிறது.

இந்திய டெஸ்ட் அணியின் விக்கெட் கீப்பராக தோனி ஓய்வுக்கு பிறகு இடம்பெற்ற விருத்திமான் சாகா காயம் காரணமாக ஒரு தொடரிலிருந்து விலகிய போது ரிஷப் பண்ட் அந்த இடத்தை ஆக்கிரமித்துக் கொண்டார். டெஸ்ட் கிரிக்கெட்டில் மிகவும் சிறப்பான ஆட்டத்தை ஆஸ்திரேலியா மற்றும் இங்கிலாந்திற்கு எதிராக வெளிபடுத்தினார்‌. இருப்பினும் இவரது விக்கெட் கீப்பிங் திறன் இன்னும் மேம்பட வேண்டியுள்ளது. இவர் தற்போது வரை ஒருநாள் கிரிக்கெட்டில் தன்னை முழுவதுமாக நிறுபிக்கவில்லை‌.

ஆரம்பத்தில் அறிவிக்கப்பட்ட 15 பேர் கொண்ட இந்திய உலகக்கோப்பை அணியில் ரிஷப் பண்ட் இடம்பெறவில்லை. ஷீகார் தவான் காயம் காரணமாக விலகிய காரணத்தால் ரிஷப் பண்ட் சேர்க்கப்பட்டார். டெல்லியைச் சேர்ந்த இவர் ஒருநாள் கிரிக்கெட்டில் நம்பர் 4 பேட்ஸ்மேனாக களம் கண்டார். ஆனால் அந்த பேட்டிங் வரிசையில் அவரது சிறப்பான ஆட்டத்திறன் வெளிப்படவில்லை. மகேந்திர சிங் தோனி மேற்கிந்தியத் தீவுகளுக்கு எதிரான தொடரில் இடம்பெறவில்லை. இதுவே ரிஷப் பண்ட்-ற்கு தன்னை நிறுபிக்க தக்க தருணமாகும்.

#4 ரோகித் சர்மா

2019 உலகக்கோப்பை தொடரில் இந்திய அணிக்காக சிறந்த ஆட்டத்தை வெளிப்படுத்தி வீரர் ரோகித் சர்மா. இத்தொடரில் 81 சராசரியுடன் 648 ரன்களை விளாசி அதிக ரன்களை குவித்தோராக வலம் வந்தார். குறிப்பாக இத்தொடரில் 5 சதங்களை விளாசி உலகக்கோப்பை வரலாற்றில் ஒரு புதிய சாதனையை படைத்தார். ஐசிசி உலகக் கோப்பை XIல் ரோகித் சர்மா மற்றும் ஜாஸ்பிரிட் பூம்ரா மட்டுமே இடம்பெற்றுள்ளனர்.

உலகக்கோப்பையில் அசத்திய ரோகித் சர்மா அதே உத்வேகத்துடன் மேற்கிந்தியத் தீவுகளுக்கு எதிரான தொடரிலும் சிறந்த ஆட்டத்தை வெளிப்படுத்தி வருகிறார். இவர் ஏற்கெனவே மேற்கிந்தியத் தீவுகளுக்கு எதிரான டி20 தொடரில் தன்னை முழுவதுமாக நிருபித்து விட்டார். குறிப்பாக மிகவும் கடுமையான ஆடுகளமான லாடர்ஹீல்-ல் நடந்த இரண்டாவது டி20யில் 51 பந்துகளில் 67 ரன்களை விளாசினார்.

ரோகித் சர்மா கரேபியன் மண்ணில் 14 ஒருநாள் போட்டிகளில் பங்கேற்று 54.33 சராசரியுடன் 489 ரன்களை விளாசியுள்ளார். ஆச்சரியப்படும் விதமாக ரோகித் சர்மா கரேபியன் மண்ணில் ஒரு சதம் கூட விளாசவில்லை. ரோகித் சர்மா தற்போது உள்ள சிறந்த ஆட்டத்திறனிற்கு கண்டிப்பாக சதம் விளாசி அசத்துவார் என எதிர்பார்க்கப்படுகிறது.

#3 ஷிகார் தவான்

2019 உலகக்கோப்பை தொடரில் ஆஸ்திரேலியாவிற்கு எதிராக இந்திய அணியின் இரண்டாவது போட்டியில் ஷிகார் தவானின் பெருவிரலில் ஏற்பட்ட முறிவிற்கு பின்னர் அதிலிருந்து மீண்டு மீண்டும் இந்திய ஒருநாள் அணிக்கு திரும்பியுள்ளார். இப்போட்டியில் தனது காயத்தையும் பொருட்படுத்தாமல் 17வது ஒருநாள் சதத்தை விளாசி ஆட்டநாயகனாக தேர்வு செய்யப்பட்டார்.

தவானை இந்திய அணி மிகவும் அதிகமாக உலகக்கோப்பை தொடரில் மிஸ் செய்தது. ஒருநாள் மற்றும் டி20 கிரிக்கெட்டில் ஷிகார் தவான் மற்றும் ரோகித் சர்மா இணைந்து சிறப்பான பேட்டிங்கை வெளிபடுத்தியுள்ளனர். தவான் விலகல் மற்றும் வலுலில்லாத மிடில் ஆர்டர் இந்திய அணியை உலகக்கோப்பை தொடரில் மிகவும் பாதித்தது.

ஷிகார் தவானிற்கு தற்போது வயது 33. மயான்க் அகர்வால், லோகேஷ் ராகுல், பிரித்வி ஷா போன்ற இளம் வீரர்கள் இந்திய தொடக்க பேட்டிங்கிற்கு போட்டி போடுவதால் ஷிகார் தவான் மேற்கிந்தியத் தீவுகளுக்கு எதிரான ஒருநாள் தொடரை சாதரணமாக எடுத்துக் கொள்ள மாட்டார். கடந்த முறை மேற்கிந்தியத் தீவுகள் சுற்றுபயணத்தில் இடம்பெறாத ஷிகார் தவான் தற்போது கிடைத்துள்ள வாய்ப்பை சரியாக பயன்படுத்தி கொள்வார்.

தவான் ஒரு அதிரடி ஆட்டக்காரர். வேகப்பந்து மற்றும் பவுண்ஸை துவம்சம் செய்யும் இவருக்கு மேற்கிந்தியத் தீவுகள் ஆடுகளங்கள் மிகவும் உதவியாக இருக்கும். கரேபியன் மண்ணில் சற்று சுமாரான சாதனையை மட்டுமே படைத்துள்ள ஷிகார் தவானிற்கு அதனை மேம்படுத்த இத்தொடர் மிகவும் உதவியாக இருக்கும். இவர் மேற்கிந்தியத் தீவுகளில் 14 ஒருநாள் போட்டிகளில் பங்கேற்று 26.07 சராசரியுடன் 365 ரன்களை மட்டுமே எடுத்துள்ளார். இதனை கண்டிப்பாக தவான் உயர்த்துவார் என ரசிகர்கள் எதிர்பார்க்கின்றனர்.

#2 ரவீந்திர ஜடேஜா

Ravindra Jadeja is the only bowler in current Indian squad who is featuring in all three formats of the West Indies tour

மேற்கிந்திய தீவுகளுக்கு எதிரான தொடரில் மூன்று வகையான (டெஸ்ட், ஓடிஐ, டி20) கிரிக்கெட் அணியிலும் இடம்பெற்றுள்ள இந்திய பௌலர் ஆவார். இவர் இடைபட்ட சில காலங்களில் ஓடிஐ/டி20 போட்டிகளில் இடம்பெறவில்லை. பின்னர் 2018 ஆசியக் கோப்பை மற்றும் 2019 ஐபிஎல் தொடரில் சிறந்த ஆட்டத்தை வெளிப்படுத்திய காரணத்தால் உலகக்கோப்பை தொடரில் இடம்பெறும் வாய்ப்பு கிடைத்தது.

2019 உலகக்கோப்பை தொடரின் பெரும்பாலான போட்டிகளில் ரவீந்திர ஜடேஜா இடம்பெறவில்லை. இருப்பினும் தொடர்ச்சியாக அனைத்து போட்டிகளிலும் மாற்று ஃபீல்டராக களம் கண்டு பெரும் பங்களிப்பை இந்திய அணிக்கு அளித்தார். 2019 உலகக்கோப்பை தொடரில் இரு போட்டிகளில் மட்டுமே ஜடேஜா ஆடும் XIல் இடம்பெற்றார். குறிப்பாக நியூசிலாந்திற்கு எதிரான அரையிறுதிப் போட்டியில் இந்திய அணியை கிட்டத்தட்ட வெற்றிப்பாதைக்கு ஜடேஜா அழைத்து சென்று விட்டார்.

பேட்டிங், பௌலிங், ஃபீல்டிங் என மூன்றிலும் அசத்தும் திறமை கொண்ட ஒரே இந்திய கிரிக்கெட் வீரர் ரவீந்திர ஜடேஜா. இவர் ஒரு சிறந்த ஃபீல்டராகவும் மற்றும் நம்பர் 1 இடதுகை சுழற்பந்து வீச்சாளராக தற்போது திகழ்கிறார். கடைநிலையில் ஜடேஜாவின் பேட்டிங் மிகவும் அதிரடியாக இருக்கும்.

உலகக்கோப்பை தொடரின் அரையிறுதியில் நாயகனாக திகழ்ந்த ஜடேஜா மேற்கிந்தியத் தீவுகளுக்கு எதிரான ஒருநாள் தொடரில் அதிகம் கவனிக்கப்பட வேண்டிய வீரர் ஆவார். ஜடேஜா தனது சமீபத்திய ஆட்டத்திறனை தொடருவாரா என்பதைக் காண மிகவும் ஆர்வமாக ரசிகர்கள் உள்ளனர்.

#1 விராட் கோலி

Virat Kohli will be the key player for India.

உலகின் நம்பர் டெஸ்ட் மற்றும் ஓடிஐ பேட்ஸ்மேனான விராட் கோலியின் விக்கெட்டுகளை வீழ்த்த ஒவ்வொரு அணியும் களமிறங்குகிறது.

உலகக்கோப்பை ஒரு சராசரியான பேட்டிங்கை வெளிபடுத்திய விராட் கோலி மேற்கிந்தியத் தீவுகளுக்கு எதிரான தொடரில் சிறந்த ஆட்டத்தை வெளிபடுத்தும் நோக்கில் களம் காண உள்ளார். உலகக்கோப்பை தொடரில் 55.38 சராசரியுடன் ரன் குவிப்பில் ஈடுபட்ட விராட் கோலியால் ஒரு சதம் கூட விளாச இயலவில்லை. இது அனைவராலும் கவனிக்கப்பட்டு வந்தது.

நியூசிலாந்திற்கு எதிரான அரையிறுதியிலிருந்து இந்தியா வெளியேறிய பிறகு ஓடிஐ மற்றும் டி20யில் விராட் கோலியின் கேப்டன்ஷீப் மீது அதிக கேள்விகள் எழுந்து வந்த வண்ணம் உள்ளன. இதற்கு முடிவு கட்டும் வகையில் மேற்கிந்தியத் தீவுகளுக்கு எதிரான ஒருநாள் மற்றும் டெஸ்ட் தொடரில் சிறந்த பேட்டிங்கை வெளிபடுத்தி இந்திய அணியை வெற்றி பாதைக்கு அவர் அழைத்து செல்ல வேண்டும். இதன் மூலமே இவர் மீதான விமர்சனங்களை முடிவுக்கு கொண்டு வர இயலும்.

விராட் கோலி மேற்கிந்தியத் தீவுகளுக்கு எதிராக 70.81 சராசரியுடன் 1912 ரன்களை விளாசி அசத்தியுள்ளார். இதற்கு முன் நடந்த மேற்கிந்தியத் தீவுகள் தொடரில் சர் விவ் ரிச்சர்ட்ஸன் மைதானத்தில் நடந்த டெஸ்ட் போட்டியில் விராட் கோலி இரட்டை சதம் விளாசியுள்ளார். எனவே கரேபியன் தொடரில் விராட் கோலி இந்திய அணியின் துருப்புச் சீட்டு என்பதில் சந்தேகமில்லை.

Edited by Fambeat Tamil

Be the first one to comment