2019 உலகக்கோப்பை தொடரில் ஆப்கானிஸ்தானிற்கு எதிரான போட்டியில் இந்தியா மேற்கொள்ளவுள்ள இரு கட்டாய மாற்றங்கள்

கேதார் ஜாதவிற்கு பதிலாக ரவீந்திர ஜடேஜா

Ravindra Jadeja - An utility cricketer who could contribute to all facets of the game

ரவீந்திர ஜடேஜாவை இந்திய அணியில் சேர்ப்பதன் மூலம் பௌலிங் வலிமை கூடுவது மட்டுமல்லாமல் கடைநிலை பேட்டிங் வலிமையும் அதிகரிக்கும். தனது ர ஸ்பின் மூலம் எதிரணியை தடுமாறச் செய்வதில் வல்லவர். ஜடேஜாவை அணியில் சேர்க்கப்பட வேண்டுமெனில் கேதார் ஜாதவின் இடத்தில் மட்டுமே சேர்க்க முடியும். இதுவரை இந்தியா பங்கேற்ற மூன்று உலகக்கோப்பை போட்டியிலும் அவரது பங்களிப்பு இல்லை. அத்துடன் பேட்டிங்கில் சற்று தடுமாறுவதை கடந்த போட்டியில் நாம் காண முடிந்தது. இருப்பினும் அதிக பௌலிங் வாய்ப்பு அணியில் இருந்தால் கேப்டனுக்கு சற்று குழப்பம் ஏற்படும். ஆசிய அணிகளுக்கு எதிராக 3 சுழற்பந்து வீச்சாளர்களுடன் களமிறங்குவது இந்திய அணியின் சூழ்சியாக கூட இருக்கலாம்.

ஜடேஜாவை நம்பர் 8 பேட்ஸ்மேனாக களமிறக்குவதன் மூலம் இந்திய டாப் ஆர்டர் பேட்ஸ்மேன்கள் எவ்வித பயமின்றி அதிரடி ஆட்டத்தை வெளிபடுத்தலாம். ஜடேஜா சிறந்த எகானமிக்கல் பௌலர் மற்றும் கடைநிலை ஓவர்களில் விஜய் சங்கரை விட சிறந்த பேட்ஸ்மேன். இடதுகை பேட்ஸ்மேனான இவர் எதிரணி பௌலர்களை கலங்கடிப்பதில் வல்லவர். தற்போது உள்ள உலகக்கோப்பை அணியில் முகமது ஷமிக்கு பிறகு கடந்த கால உலகக்கோப்பை தொடரில் இந்தியா சார்பாக அதிக விக்கெட்டுகளை வீழ்த்தியோர் பட்டியலில் ஜடேஜா இரண்டாவதாக உள்ளார்.

ஜடேஜாவை ஆடும் XIல் இனைப்பதன் மூலம் 3 ஆல்-ரவுண்டர்களின் சிறப்பான ஃபீல்டிங்கை நாம் காணலாம். ஒரு ரிஸ்ட் ஸ்பின்னர் விலகலின் மூலம் இந்திய அணி மிடில் ஓவரில் விக்கெட் வீழ்த்த தடுமாற வாய்ப்புள்ளது. இருப்பினும் முகமது ஷமி ஆடும் XIல் இடம்பெறுவதன் மூலம் அந்த குறையும் நீங்கும்.