ஐபிஎல் 2019: சென்னை சூப்பர் கிங்ஸ் அணியில் லுங்கி நிகிடி-க்கு பதிலாக களமிறங்க வாய்ப்புள்ள 3 வெளிநாட்டு வேகப்பந்து வீச்சாளர்கள் 

கடந்த ஐபிஎல் தொடரில் ஜொலித்த சென்னை சூப்பர் கிங்ஸ் அணியின் லுங்கி நிகிடி 2019 ஐபிஎல் தொடரில் காயம் காரணமாக விலகியுள்ளார். இந்த காயம் இலங்கைக்கு எதிரான 5 ஒருநாள் போட்டியில் இவருக்கு ஏற்பட்டது. ஐபிஎல் போட்டிகள் தொடங்க 2 நாட்களே உள்ள நிலையில் இது சென்னை சூப்பர் கிங்ஸ் அணிக்கு ஏற்பட்ட பெரும் பின்னடைவாக பார்க்கப்படுகிறது. சென்னை அணி மார்ச்-23 அன்று தொடங்கவுள்ள 2019 ஐபிஎல் தொடரின் முதல் போட்டியில் பெங்களூரு அணியை எதிர்கொள்கிறது. கடந்த ஐபிஎல் சீசனில் 7 போட்டிகளில் பங்கேற்று எகானமி ரேட் 6வுடன் 11 விக்கெட்டுகளை வீழ்த்தினார். கண்டிப்பாக சென்னை சூப்பர் கிங்ஸ் அணி இந்த ஐபிஎல் தொடரில் இவரை மிஸ் செய்யும்.

டேவிட் வில்லி மட்டுமே இவருக்கு அடுத்தபடியான மற்றொரு வெளிநாட்டு பந்துவீச்சாளர். எனவே சென்னை சூப்பர் கிங்ஸ் லுங்கி நிகிடி-க்கு பதிலாக கூடிய விரைவில் மாற்று வெளிநாட்டு வேகப்பந்து வீச்சாளரை அறிவிக்கும் என எதிர்பார்க்கப்படுகிறது. நாம் இங்கு லுங்கி நிகிடி-க்கு பதிலாக சென்னை சூப்பர் கிங்ஸ் அணியில் களமிறங்க வாய்ப்புள்ள 3 வெளிநாட்டு வேகப்பந்து வீச்சாளர்களை பற்றி காண்போம்.

#3 மார்க் வுட்

Mark Wood is no stranger to CSK

மார்க் வுட் கடந்த ஐபிஎல் சீசனில் சென்னை சூப்பர் கிங்ஸ் அணியில் விளையாடியுள்ளார். இவர் மும்பை அணிக்கு எதிரான முதல் போட்டியில் மட்டுமே விளையாடினார். அதற்குப் பிறகு இவருக்கு வாய்ப்புகள் அளிக்கப்படவில்லை. அந்த போட்டியில் தனது முதல் 2 ரன்கள் மட்டுமே அளித்து அதிரடி தொடக்கத்தை அளித்தார். ஆனால் அதற்கு பிறகு இவர் வீசிய 3 ஓவரில் பாண்டியா சகோதரர்களால் 47 ரன்கள் விளாசப்பட்டது.

கடந்த ஐபிஎல் சீசனில் கேதார் ஜாதவ் காயம் காரணமாக விலகியதால் வெளிநாட்டு வீரர் டேவிட் வில்லி அவருக்கு பதிலாக களமிறக்கப்பட்டார். இதனால் இந்த வருடத்தின் தொடக்கத்தில் நடந்த ஐபிஎல் ஏலத்தில் சென்னை அணியிலிருந்து ஒரு வெளிநாட்டு வீரரை நீக்க வேண்டிய சூழ்நிலைக்கு தள்ளப்பட்டது சென்னை அணி. ஏனெனில் ஒரு அணியில் 8 வெளிநாட்டு வீரர்களுக்கு மேல் இருத்தல் கூடாது என்ற விதி உள்ளதால் டேவிட் வில்லி-யை தக்க வைத்துக் கொண்டு மார்க் வுட்-ஐ ரிலிஸ் செய்தது சென்னை சூப்பர் கிங்ஸ் அணி.

மார்க் வுட்-டின் தற்போதைய ஆட்டத்திறன் மிகவும் பாரட்டும் வகையில் உள்ளது. இவர் கடைசியாக இந்த வருடத்தில் மார்ச் மாதம் 10 ஆம் நாள் மேற்கிந்தியத் தீவுகளுக்கு எதிரான சர்வதேச டி20யில் விளையாடினார். அந்த தொடரின் 3வது டி20 போட்டியில் 3 ஓவர்கள் வீசி 9 ரன்களை அளித்து 3 விக்கெட்டுகளை வீழ்த்தி சாதனை படைத்துள்ளார். அத்துடன் மற்றொரு சென்னை சூப்பர் கிங்ஸ் அணி வீரர் டேவிட் வில்லி 3 ஓவர்களை வீசி 7 ரன்களை மட்டுமே அளித்து 4 விக்கெட்டுகளை வீழ்த்தினார்.

மார்க் வுட் மேற்கிந்தியத் தீவுகளுக்கு எதிரான ஒருநாள் தொடரிலும் 4 போட்டிகளில் பங்கேற்று 7 விக்கெட்டுகளை வீழ்த்தியுள்ளார். இவர் மணிக்கு 140 கிலோமீட்டர் வேகத்தில் சீராக வீசும் திறமை பெற்றுள்ளார். சென்னை அணியின் பௌலிங் லைன்-அப்ற்கு உகந்ததாக இவர் இருப்பார். சென்னை சூப்பர் கிங்ஸ் அணி நிர்வாகம் கடைசியாக இவரது சர்வதேச பௌலிச்கை வைத்து மற்றொரு வாய்ப்பு அளித்தால் லுங்கி நிகிடி-க்கு தகுந்த மாற்று வீரராக மார்க் வுட் செயல்படுவார்.

#2 செல்டன் காட்ரெல்

Sheldon Cottrell has a unique way of celebrating his wickets

செல்டன் காட்ரெல் மேற்கிந்தியத் தீவுகள் அணியின் இடதுகை வேகப்பந்து வீச்சாளர் ஆவார். இவரது விக்கெட் கொண்டாட்டங்கள் தனிச்சிறப்பு மிக்கதாக இருக்கும். இவரது ஆட்டத்திறன் 2019 ஐபிஎல் ஏலம் முடிந்தபின் வெளிப்பட்டுள்ளது. இங்கிலாந்திற்கு எதிரான மூன்று போட்டிகள் கொண்ட டி20 தொடரில் 4 விக்கெட்டுகளை கைப்பற்றினார். கிராஸ் ஐஸ்லெட்டில் நடந்த முதல் டி20யில் ஜோ ரூட், அலேக்ஸ் ஹல்ஸ், சாம் பில்லிங்ஸ் ஆகியோரது விக்கெட்டுகளை வீழ்த்தினார்.

கடந்தாண்டு டிசம்பரில் வங்கதேசத்தில் நடந்த வங்கதேசத்திற்கு எதிரான டி20 போட்டிகளில் 3 போட்டிகளில் பங்கேற்று 7 விக்கெட்டுகளை வீழ்த்தியுள்ளார். சைல்ஹாட்-டில் நடந்த முதல் டி20யில் இவரது அதிகபட்ச டி20 ஆட்டத்திறனை வெளிபடுத்தினார். 4 ஓவர்களை வீசி 28 ரன்களை அளித்து 4 விக்கெட்டுகளை வீழ்த்தினார். இந்த விக்கெட்டில் வங்கதேச அணியின் டாப்-ஆர்டர் பேட்ஸ்மேன்களான ஷகிப் அல் ஹாசன், சௌம்யா சர்கர், தமீம் இக்பால், மேஹ்மதுல்லா ஆகியோர் அடங்குவர்.

காட்ரேல் பெரும்பாலும் டாப்-ஆர்டர் பேட்ஸ்மேன்களை அதிகம் வீழ்த்தியுள்ளார். பிரிட்ஜ் டவுனில் நடந்த இங்கிலாந்திற்கு எதிரான 2வது ஒருநாள் போட்டியில் ஜானி பேர்ஸ்டோவ், மொய்ன் அலி, இயான் மோர்கன், ஜேஸன் ராய் ஆகியோரது விக்கெட்டுகளை வீழ்த்தினார்.

காட்ரேல்-லின் வேகம் மற்றும் இடதுபக்க கோண வளைவு பந்துவீச்சால் இவரது பந்துவீச்சை பேட்ஸ்மேன்கள் எதிர்கொள்வது மிகவும் கடினமான ஒன்றாகும். தொடக்க ஓவர்களை சிறப்பாக வீசும் திறமை கொண்டவர். லுங்கி நிகிடி விலகியுள்ளதால் தீபக் சகாருக்கு தொடக்க பந்துவீச்சை அளிக்கும். காட்ரேல் நிகிடிக்கு பதிலாக சேரக்கப்பட்டால் மற்றுமொரு தொடக்க ஓவர் வீசுபவராக திகழ்வார்.

#3 ஜெ ரிச்சர்ட்சன்

Jhye Richardson - The latest sensation from Australia

ஆஸ்திரேலிய அணிக்கு தற்போது கிடைத்துள்ள சிறப்பான வேகப்பந்து வீச்சாளர் ஜெ ரிச்சர்ட்சன். சமீபத்தில் முடிந்த இந்தியாவிற்கு எதிரான ஒருநாள் தொடரில் மிகவும் சிறப்பாக பந்துவீச்சை மேற்கொண்டு பேட்ஸ்மேன்களை திணறடித்தார். இவர் 5 போட்டிகள் கொண்ட ஒருநாள் தொடரில் 3 போட்டிகளில் மட்டுமே பங்கேற்றார்.

ஆஸ்திரேலிய அணி தொடரை கைப்பற்றி மீண்டும் தமது பழைய நிலைக்கு திரும்பியதற்கு இவரது பந்துவீச்சும் ஒரு காரணமாகும். 3 போட்டிகளில் விளையாடிய இவர் 8 விக்கெட்டுகளை வீழ்த்தினார். இந்த தொடரில் ரோகித் சர்மா, ஷிகார் தவான், விராட் கோலி, கேதார் ஜாதவ் ஆகியோரது விக்கெட்டுகளை வீழ்த்தினார். ஜெ ரிச்சர்ட்சன் பௌலிங் மட்டுமல்லாமல் டெல்லியில் நடந்த கடைசி ஒருநாள் போட்டியில் 21 பந்துகளை எதிர்கொண்டு 29 ரன்களை எடுத்தார். இந்தாண்டு தொடக்கத்தில் ஆஸ்திரேலியாவில் நடந்த இந்தியாவிற்கு எதிரான தொடரின் முதல் போட்டி சிட்னியில் நடந்தது. அப்போட்டியில் 4 விக்கெட்டுகளை வீழ்த்தி 3 போட்டிகள் கொண்ட ஒருநாள் தொடரில் ஆஸ்திரேலிய அணியை1-0 என முன்னிலை பெற செய்தார்.

பிக்பேஸ் லீக் தொடரில் பெர்த் ஸ்கார்ச்சஸ் அணிக்காக 5 போட்டிகளில் மட்டுமே பங்கேற்று 6.47 எகானமி ரேட்டுடன் 7 விக்கெட்டுகளை வீழ்த்தியுள்ளார். தற்போது சிறந்த ஆட்டத்திறனுடன் விளங்குகிறார். சென்னை சூப்பர் கிங்ஸ் அணிக்கு இவர் தேர்வு செய்யப்பட்டால் லுங்கி நிகிடி-க்கு சரியான மாற்றுக்காராக இருப்பார்.

நிகடி விலகியுள்ளதால் சென்னை அணிக்கு வெளிநாட்டு வேகப்பந்து வீச்சாளர் மட்டுமே தேவை. வெளிநாட்டு ஆல்-ரவுண்டர்கள் மற்றும் வெளிநாட்டு பேட்ஸ்மேன்கள் என யாரும் தேவையில்லை. இந்த கட்டுரையில் குறிப்பிடப்பட்ட மூன்று பந்துவீச்சாளர்களுமே லுங்கி நிகிடிக்கு சிறந்த மாற்று வீரராக இருப்பர்.

மாற்று பந்துவீச்சாளரை அறிவிக்கும் வரை டேவிட் வில்லிக்கு வாய்ப்பு வழங்கப்படும் என எதிர்பார்க்கப்படுகிறது. இவர் தனது ஆல்-ரவுண்டர் ஆட்டத்திறனை வெளிபடுத்த இது ஒரு தகுந்த வாய்ப்பாக இவருக்கு இருக்கும். யாருக்கு தெரியும் டேவிட் வில்லி சென்னை அணியின் தொடக்க பேட்ஸ்மேன் மற்றும் பௌலராக கூட களமிறங்க வாய்ப்புள்ளது.

Poll :

0 votes

Be the first one to comment

Follow Us

Share

Show More Comments