Create

ஐபிஎல் 2019: மும்பை இந்தியன்ஸ் அணி பற்றிய ஒரு அலசல் 

மும்பை இந்தியன்ஸ்
மும்பை இந்தியன்ஸ்
Sarath Kumar

ஐபிஎல் தொடர்களில் ஆதிக்கம் செலுத்தும் அணிகளில் மிகவும் முக்கியமான அணியென்றால் மும்பை அணியையும் கூறலாம். ஜாம்பவான் சச்சின் அவர்களை முன்மொழிந்து தொடங்கப்பட்ட அணியை, தற்போது அதே உத்வேகத்துடன் வழிநடத்தி வருகிறார் ரோஹித் சர்மா. இதற்கு சான்று மூன்று முறை கோப்பையை வென்றதுதான். ஆனால் இந்த அணியானது தொடக்க கட்டத்தில் மிகவும் மோசமான ஆட்டத்தை வெளிப்படுத்தி வந்து பிறகு எப்படியாவது பிளே-ஆப் சுற்றுக்கு தகுதி பெற்றுவிடுகிறது. இந்த வருட ஐபிஎல் தொடரில் அதை களையுமா என பொறுத்திருந்து பார்க்கலாம்.

இந்த வருட ஏலத்தில் பெரிய அளவில் இல்லாமல், ஒரு வகையில் ஆச்சர்யமூட்டும் விதமாக யுவராஜ் சிங்கை எடுத்தது. மேலும் டீ காக்கை பெங்களூர் அணியிடம் இருந்து வாங்கியது கூடவே பௌலிங் ஆலோசகராக பணியாற்றிய மலிங்காவை மீண்டும் ஏலம் எடுத்தது. டுமினி, முஸ்தபிஸுர் ரஹ்மான் போன்ற வீரர்களை வெளியே விட்டது.

அணி விபரங்கள்:

மும்பை இந்தியன்ஸ் வீரர்கள்
மும்பை இந்தியன்ஸ் வீரர்கள்

பேட்ஸ்மேன்கள்:

ரோஹித் சர்மா, அன்மோல்ப்ரீட் சிங், சூர்யகுமார் யாதவ், சித்தேஷ் லட், ஏவின் லீவிஸ்.

விக்கெட் கீப்பர்கள்:

டீ காக், இஷான் கிஷான், ஆதித்யா தாரே.

ஆல்ரவுண்டர்கள்:

பி.ஐஸ்வால், ஹர்டிக் பாண்டியா, க்ருனால் பாண்டியா, யுவராஜ் சிங், அனுகூல் ராய், கிரென் பொல்லார்ட், பென் கட்டிங்.

பௌலர்கள்:

மயங்க் மார்கண்டே, ராகுல் சஹார், பரிந்தர் சரண், லசித் மலிங்கா, ஜஸ்பிரிட் பும்ராஹ், மேக்லெனகன், ஆடம் மில்ன், ஜேசன் பேரென்டாப், ஜெயந்த் யாதவ், ராசிக் தார்.

அணியின் கலவை:

மும்பை அணியை பொறுத்தவரை மற்ற அணிகளை காட்டிலும் இளம் மற்றும் அனுபவ வீரர்கள் கொண்ட அருமையான குழுவாக காட்சியளிக்கும். ஆனால் அணியின் துவக்க வீரர்கள் சரியாக அமையாத காரணத்தால் தோல்வியை சந்திக்க வேண்டியதாக உள்ளது. காரணம் ரோஹித் சர்மா நடு வரிசையில் களமிறங்குவதால் தான். தற்போது அதற்கு தீர்வாக யுவராஜ் சிங்கை எடுத்துள்ளதாக அணி நிர்வாகம் நம்புகிறது. இதனால் இந்த முறை ரோஹித் சர்மா துவக்க வீரராக களமிறங்குவது உறுதி.

ரோஹித் சர்மா
ரோஹித் சர்மா

துவக்க வீரர்கள்:[1,2]

டீ காக்/ஏவின் லீவிஸ், ரோஹித் சர்மா.

பலம்: டீ காக் மற்றும் ரோஹித் தொடக்க வீரர்களாக களமிறங்கும்பொழுது, மும்பை அணி ஒரு முழுமையான அணியாக காட்சியளிக்கும். ரோஹித் தொடக்க வீரராக பல சாதனைகளை குவித்துவருவது அனைவரும் அறிந்ததே. கூடவே இடதுகை பேட்ஸ்மேன் ஆன டீ காக் களமிறங்கும் பொழுது தவானுடன் களமிறங்குவது போல் உணர்வார். காரணம் டீ காக் ஒரு சிறந்த வீரர் அவர் எளிதாக தனது விக்கெட்டை விட்டு கொடுக்க மாட்டார். மேலும் தற்போது இலங்கைக்கு எதிராக தொடர்ச்சியாக ரன்கள் குவித்து வருகிறார். இவர் இல்லாத பட்சத்தில் அதிரடிக்கு பேர் போன லீவிஸ் களமிறங்கலாம்.

அதுமட்டுமில்லாமல் இஷான் கிஷன், ஆதித்யா தாரே, சூர்யகுமார் யாதவ் ஆகியோர் துவக்க வீரர்களாக களமிறங்க மாற்றுவீரர்களாக உள்ளனர்.

பலவீனம்: பலவீனம் என்று கூறும் பட்சத்தில் லீவிஸ் பற்றி கூறலாம். அவர் அதிரடியாய் ரன்கள் குவித்தாலும் சுழற்பந்தில் திணறுகிறார். எனவே ரோஹித் மற்றும் டீ காக் கடைசி வரை சீராக ரன்கள் குவிக்க வேண்டும்.

துவக்கவீரர்கள் மதிப்பெண்: 8.5/10

மிடில் வரிசை வீரர்கள்: [3,4]

யுவராஜ் சிங், சூர்யாகுமார் யாதவ், இஷான் கிஷான் என மூவர்களில் இருவர்கள்.

மும்பை ஜெர்ஸியில் யுவராஜ் சிங்
மும்பை ஜெர்ஸியில் யுவராஜ் சிங்

பலம்: பலமென்றால் அனைவரும் டி20 அனுபவம் வாய்ந்தவர்கள். இஷான் கிஷான் கடந்த இரு உள்நாட்டு தொடர்கள், மற்றும் இந்தியா A அணிக்காக பலமுறை சாதித்துள்ளார். மேலும் கடந்தமுறை அதிக ரன் குவித்தவர்கள் பட்டியலில் சூர்யகுமார் யாதவ் இடம்பிடித்து அசத்தினார். யுவராஜ் சிங் அனுபவம் அணிக்கு கை கொடுக்கலாம்.

பலவீனம்: சமீபகாலமாக மிடில் வரிசையில் ரன்களை குவிக்க திணறுகின்றார் யுவராஜ் சிங். மேலும் இவர் சொதப்பும் பட்சத்தில் மிடில் வரிசையில் அனுபவமில்லாத சூர்யகுமார் யாதவ் மற்றும் இஷான் கிஷான்க்கு அழுத்தம் வர வாய்ப்புள்ளது.

மிடில் வரிசை வீரர்கள் மதிப்பெண்: 7/10

பினிஷெர்கள்:[5,6,7,8]

கெய்ரன் பொல்லார்ட், ஹர்டிக் பாண்டியா, க்ருனால் பாண்டியா, பென் கட்டிங்.

பாண்டியா சகோதர்கள்
பாண்டியா சகோதர்கள்

பலம்: சிறந்த ஆல்ரவுண்டர்கள் கொண்ட அணிகள் கணக்கிட்டால் மும்பை அணியும் அதில் முக்கிய இடத்தில இருக்கும். பாண்டியா சகோதர்கள், பொல்லார்ட், கட்டிங் ஆகியோர் அதிரடி மாயாஜாலம் காட்டுவதில் வல்லவர்கள். இதில் எந்த மாற்று கருத்தும் இல்லை, மேலும் அனைவரும் சிறந்த பீல்டெர்கள் என்பது கூடுதல் பலமாகும். கட்டிங் மற்றும் பொல்லார்ட் தற்போது நடந்த பிபிஎல் மற்றும் பிஎஸ்எல் தொடர்களில் விளையாடி நல்ல பார்மில் உள்ளனர். இது அந்த அணிக்கு புத்துணர்ச்சி தரலாம்.

பலவீனம்: அதிரடி ஆட்டம் என்றாலே விக்கெட்டை இழப்பது வாடிக்கையான ஒன்று. அப்படி விக்கெட் விழும் பட்சத்தில் சரிவுகள் தொடங்க வாய்ப்புள்ளது.

பினிஷெர்கள் மதிப்பெண்: 8.5/10

பௌலர்கள்:[9,10,11]

மயங்க் மார்கண்டே, மலிங்கா/மெக்லெனகன், பும்ராஹ்/பரிந்தர் சரண் .

மலிங்கா மற்றும் பும்ராஹ்
மலிங்கா மற்றும் பும்ராஹ்

பலம்: மும்பை அணியின் அடையாளமாக பார்க்கப்படுவது மலிங்கா மற்றும் பும்ராஹ் தான். ஐபிஎல்லில் மும்பை அணிக்காக இவர்களின் பங்கு அளப்பரியது. இருவரும் சேர்ந்து கலக்கும் பட்சத்தில் எதிரணிக்கு ஆபத்து தான். மயங்க் மார்கண்டே சென்ற முறை சிறப்பாக செய்யப்பட்டார் என்பது குறிப்பிடத்தக்கது. மேலும் இடக்கை பந்துவீச்சாளர்கள் வேண்டும் பட்சத்தில் மலிங்காவிற்கு பதிலாக மெக்லெனகன் கலக்கலாம். உலக கோப்பையை கருத்தில் கொண்டு பும்ராஹ்விற்கு ஓய்வு தரும் பட்சத்தில் பரிந்தர் சரண் களமிறங்கலாம்.

பலவீனம்: இந்த அணியின் பலவீனம் சுழற்பந்து வீச்சாளர்கள் தான். மார்கண்டே மற்றும் ராகுல் சஹார் மட்டுமே உள்ளனர். மிடில் ஓவர்களில் விக்கெட் வீழ்த்துவது மிகவும் அவசியம். அந்த சமயத்தில் இவர்கள் எவ்வாறு செயல்படுவர் என்பது கேள்விக்குறியே. மேலும் மலிங்கா பழையபடி செயல்படுவது கொஞ்சம் சந்தேகம் தான்.

கடந்த முறை தோல்விக்கான காரணமாக பார்க்கபட்டது டெத் பௌலிங் தான். மிகவும் எதிர்பார்க்கப்பட்ட முஸ்தபிஸுர் ரஹ்மான் சொதப்ப நிலைமை மோசமானது. இந்த முறை பும்ராஹ்வுடன் சேர்ந்து மலிங்கா தனது பழைய பார்மில் கலக்கினால் மட்டுமே ரன்களை கட்டுப்படுத்த முடியும்.

பௌலர்கள் மதிப்பெண்: 7.5/10

ஒட்டுமொத்தமாக இந்த அணியை ஆராயும்பொழுது கோப்பையை வெல்ல தகுதிவாய்ந்த அணி என்பதில் எந்த மாற்று கருத்தும் இல்லை. ரோஹித்தின் கேப்டன்சி, பாண்டியா சகோதர்களின் துடிப்பான ஆட்டம் மற்றும் பும்ராஹ்வின் டெத் பௌலிங் ஆகியவை கைகொடுக்கும் பட்சத்தில் நான்காவது முறையாக கோப்பையை வென்று சாதிக்கலாம்.

Edited by Fambeat Tamil

Comments

Quick Links

More from Sportskeeda
Fetching more content...