Create
Notifications
Favorites Edit
Advertisement

இந்திய பந்துவீச்சாளர்கள் இன்று படைத்த சாதனைகள் !

Karthick DK
ANALYST
சிறப்பு
2.47K   //    28 Dec 2018, 16:01 IST

Indian fast bowlers performance in 2018
Indian fast bowlers performance in 2018

ஆஸ்திரேலியா மற்றும் இந்தியாவிற்கு இடையேயான மூன்றாவது டெஸ்ட் போட்டி மெல்போர்ன்-ல் நடைபெற்று வரும் நிலையில் இந்திய பந்துவீச்சாளர்கள் பல சதனைகளை புரிந்துள்ளனர், அவற்றை இங்கு காணலாம். ஆஸ்திரேலியாவிற்கு சுற்றுப்பயணம் மேற்க்கொண்ட இந்திய அணி 3 டி20, 4 டெஸ்ட் மற்றும் 3 ஒருநாள் போட்டிகளில் விளையாடி வருகிறது. டி20 தொடர் 1-1 என்ற நிலையில் சமனில் முடிந்தது. பின்னர் நடைபெற்ற டெஸ்ட் தொடரின் முதல் போட்டியில் இந்திய அணியும் இரண்டாவது போட்டியில் ஆஸ்திரேலிய அணியும் வெற்றி பெற்று தொடரை 1-1 என்ற கணக்கில் சமனில் வைத்துள்ளன. இந்நிலையில் மூன்றாவது (பாக்சிங் டே) டெஸ்ட் போட்டி மெல்போர்ன் மைதானத்தில் துவங்கி நடைபெற்று வருகிறது. இந்த போட்டியில் இந்திய அணி வலுவான நிலையில் உள்ளது. இந்திய அணி தனது முதல் இன்னிங்ஸ்-ல் 447 ரன்கள் எடுத்த நிலையில் டிக்லேர் செய்தது. பின்னர் களமிறங்கிய ஆஸ்திரேலியா அணி 151 ரன்களுக்கு அனைத்து விக்கெட்டுகளையும் இழந்தது. இந்திய அணி வீரர் பும்ரா 6 விக்கெட்டுகளை வீழ்த்தினார். இந்நிலையில் இந்திய அணி பந்துவீச்சாளர்கள் படைத்த சில சாதனைகளை இங்கு காண்போம்.


1) தென் ஆப்பிரிக்க, இங்கிலாந்து மற்றும் ஆஸ்திரேலியாவில் ஒரே வருடத்தில் 5 விக்கெட்டுகளை வீழ்த்திய முதல் ஆசியபந்துவீச்சாலர் பும்ரா


Bumrah five wicket haul vs SA/Eng/Aus in overseas
Bumrah five wicket haul vs SA/Eng/Aus in overseas

இந்திய அணியில் ஒருநாள் மற்றும் டி20 போட்டிகளில் அபாரமாக பந்து வீசும் பும்ரா ஒருநாள் போட்டிகளில் நம்பர்-1 இடத்தில் உள்ளார். ஆனால் பும்ரா இந்த வருடமே டெஸ்ட் போட்டிகளில் அறிமுகப்படுத்தப்பட்டார். அவர் தென் ஆப்பிரிக்காவிற்கு எதிரான டெஸ்ட் போட்டியில் அறிமுகமானார். \கேப்டவுன்-ல் நடைபெற்ற முதல் டெஸ்ட் போட்டியிலேயே 4 விக்கெட்டுகளை வீழ்த்தி அசத்தினார். பின் ஜோகெனஸ்பெர்க்-ல் நடைபெற்ற மூன்றாவது டெஸ்ட் போட்டியின் முதல் இன்னிங்ஸ்ல் 54-5 என தனது முதல் 5 விக்கெட்டுகளை டெஸ்ட் சர்வதேச போட்டிகளில் பதிவு செய்தார். பின்னர் இங்கிலாந்திற்கு எதிரான டெஸ்ட் தொடரில் மூன்றாவது டெஸ்ட் போட்டியில் 85-5 என தனது இரண்டாவது 5 விக்கெட்டுகளை டெஸ்ட் போட்டிகளில் பதிவு செய்தார். இந்த போட்டியில் இந்திய அணி 206 ரன்கள் வித்தியாசத்தில் வெற்றி பெற்றது. தற்போது ஆஸ்திரேலியாவிற்கு எதிரான மூன்றாவது டெஸ்ட் போட்டியில் முதல் இன்னிங்ஸ்ல் 33-6 விக்கெட்டுகளை வீழ்தியதின் மூலம் ஒரே ஆண்டில் தென் ஆப்பிரிக்கா, இங்கிலாந்து மற்றும் ஆஸ்திரேலியா மண்ணில் 5 விக்கெட்டுகளை வீழ்த்திய முதல் ஆசிய வீரர் என்ற சாதனைக்கு சொந்தக்காரர் ஆனார் பும்ரா.


2) வெளிநாட்டு தொடர் டெஸ்ட் போட்டிகளில் ஒரு வருடத்தில் அதிக விக்கெட்டுகளை வீழ்த்திய வீரர் பும்ரா


Bumrah is Indian highest wicket taker on overseas in one year
Bumrah is Indian highest wicket taker on overseas in one year

தற்போது நடைபெற்று வரும் மெல்போர்ன் டெஸ்ட் போட்டியில் 6 விக்கெட்டுகளை வீழ்த்தியதின் மூலம் பும்ரா இந்த சாதனைக்கு சொந்தக்காரர் ஆகிறார். இவர் இந்த வருடத்தில் 45 விக்கெட்டுகளை வெளிநாட்டு தொடரில் மட்டும் எடுத்துள்ளார் என்பது குறிப்பிடத்தக்கது. இவருக்கு பின் இந்த வரிசையில் ஷமி 43 விக்கெட்டுகளுடனும் , இந்திய அணியின் முன்னாள் கேப்டன் அனில் கும்பிளே 2006-ம் ஆண்டு 41 விக்கெட்டுகளை வீழ்த்தியதின் மூலம் மூன்றாவது இடத்தில் உள்ளார்.


3) ஒருவருடத்தில் அதிக விக்கெட்டுகளை வீழ்த்திய வேகப்பந்து வீச்சாளர்கள் கூட்டணி பும்ரா/ஷமி/இஷாந்த் ஷர்மா


Indian pace troikas in 2018
Indian pace troikas in 2018

இந்த வருடத்தில் இந்திய அணி பெரும்பாலும் வெளிநாட்டு டெஸ்ட் போட்டிகளிலே விளையாடி வருகிறது. இந்நிலையில் இந்திய வேகப்பந்து வீச்சாளர்கள் சிறப்பாக பந்து வீசி அசத்தியுள்ளனர். இந்த வருடத்தில் மட்டும் பும்ரா/ ஷமி/இஷாந்த் ஷர்மா கூட்டணி 127 விக்கெட்டுகளை சாய்த்துள்ளது. இதில் பும்ரா 45 விக்கெட்டுகளையும், ஷமி 43 விக்கெட்டுகளையும், இஷாந்த் ஷர்மா 39 விக்கெட்டுகளையும் வீழ்த்தியுள்ளனர். இவர்கள் இன்னும் 3 விக்கெட்டுகளை வீழ்த்துவதன் மூலம் ஒருவருடத்தில் அதிக விக்கெட்டுகளை வீழ்த்திய வேகப்பந்து வீச்சாளர்கள் கூட்டணி என்ற சாதனையை சொந்தமாக்கலாம்.

Advertisement
Advertisement
Fetching more content...