ரவீந்திர ஜடேஜா- ஒரு வெற்றிப் பயணம்

நம்பர் 1 பவுலர்:

No:1 bowler in ODIs during 2013

2017-ஆம் வருடம் இங்கிலாந்தில் நடைபெற்ற சாம்பியன்ஸ் டிராபியில் இவரது பங்கு போற்றத்தக்கது. அந்த தொடரில் முழுதும் விளையாடிய இவர், 12 விக்கெட்களை சாய்த்து, தொடரின் அதிக விக்கெட்டுகளை கைப்பற்றிய வீரர் என்ற சாதனையை படைத்தார். மேலும் இங்கிலாந்து அணிக்கு எதிரான இறுதிப் போட்டியில் 33* ரன்களும் 2 விக்கெட்களும் கைப்பற்றி இந்திய அணி சாம்பியன்ஸ் ட்ராபி கோப்பையை வெல்ல காரணமாக அமைந்தார். அந்த தொடரின் ‘தங்க பந்து’ விருதையும் வென்றார். அதே ஆண்டின் ஆகஸ்ட் மாதத்தில் ஐசிசியின் பந்துவீச்சாளர்கள் தரவரிசையில் நம்பர் 1 இடத்தை பெற்றார். பிறகு இந்திய அணியின் அனைத்து அளவிலான கிரிக்கெட்டிலும் தவிர்க்க முடியாத வீரராகவும் திகழ்ந்தார். சர்வதேச அளவில் ஒரு சிறந்த ஆல்- ரவுண்டராக தன்னை நிரூபித்த வண்ணமே இருந்தார். 2017 ஆம் ஆண்டு நடைபெற்ற சாம்பியன்ஸ் டிராபி தொடருக்குப் பிறகு, இந்திய அணியில் குல்தீப் யாதவ் மற்றும் சாஹலின் வருகையால், ஒருநாள் மற்றும் டி20 போட்டிகளில் அணியில் இடம் கிடைக்காமல் தவித்து வந்தார். இருப்பினும், டெஸ்ட் போட்டிகளில் தொடர்ந்து விளையாடி பல சாதனைகள் புரிந்து கொண்டிருந்தார்.

திருப்பத்தை ஏற்படுத்தினார் :

picked 4 wickets against Bangladesh in Asia Cup

இந்த ஆண்டு நடைபெற்ற ஆசிய கோப்பை தொடரில் ஹர்திக் பாண்டியா காயமடைந்ததால் அணியில் ஏற்பட்ட இழப்பை ஈடு கட்டினார், ரவீந்திர ஜடேஜா. அந்த தொடரின் சூப்பர் 4 மேட்சில் வங்கதேச எதிரான ஆட்டத்தில் 10 ஓவர்கள் 29 ரன்களை விட்டுக்கொடுத்து 4 விக்கெட்டுகளை அள்ளினார். அணியில் இடம்பெற்ற வேறு எந்த சுழல் பந்து வீச்சாளரும் ஒரு விக்கெட் கூட எடுக்கவில்லை. இது அவருக்கு ஒருநாள் போட்டிகளில் ஒரு சிறந்த கம் பேக்காக இருந்தது. ஆப்கானிஸ்தான் அணிக்கு எதிரான போட்டியில், இவர் 25 ரன்கள் குவித்தது, இந்திய அணியை தோல்வியில் விளிம்பில் இருந்து தப்பிக்க வைத்தது. அந்த தொடரின் நான்கு போட்டிகளில் விளையாடிய இவர் 7 விக்கெட்களையும் 48 ரன்களையும் குவித்தார். பின்னர், வெஸ்ட் இண்டீஸ் அணிக்கு எதிரான டெஸ்ட் தொடரில் தனது சர்வதேச முதல் சதத்தையும் பதிவு செய்தார். தொடர்ந்து அனைத்து 3 வடிவிலான சர்வதேச போட்டிகளிலும் இவர் இடம் பெற வேண்டும் என பலதரப்பட்ட ரசிகர்கள் விரும்புகின்றனர். பல்வேறு தடைகளை தாண்டி,அடுத்த வருடம் நடைபெறவுள்ள உலக கோப்பை தொடரில் நிச்சயம் அணியில் இடம் பெறுவார்.