ரோகித் சர்மா இந்நூற்றாண்டின் பாதியில் ஒருநாள் கிரிக்கெட்டில் சிறந்த தொடக்க ஆட்டக்காரராக வலம் வருகிறார். கிட்டத்தட்ட 8000 ரன்கள், மற்றும் 48ற்கும் மேலான சராசரியை ரோகித் தன் வசம் வைத்துள்ளார். சமீப காலமாக ஓடிஐ/டி20 கிரிக்கெட்டில் மிகச்சிறந்த வீரராக ரோகித் சர்மா உள்ளார். தற்போதைய தலைமுறையில் ரோகித் சர்மாவை தவிர 4 பேட்ஸ்மேன்கள் இரட்டை சதம் விளாசியுள்ளனர். ரோகித் சர்மா மட்டும் 3 இரட்டை சதத்தினை விளாசியுள்ளது குறிப்பிடத்தக்கது.
ரோகித் சர்மாவின் ஆட்டநுணுக்கம் அவரை மேன்மேலும் பல உச்சத்திற்கு கொண்டு சென்றுள்ளது. இவர் ஆரம்பத்தில் மிகவும் பொறுமையாகவும், பின்னர் அதிரடியாகவும் விளையாடும் திறமை கொண்டவர். இவரது அதிரடி ஆட்டத்தின் மூலம் எதிரணிக்கு கடும் நெருக்கடியை அளிப்பதில் வல்லவர்.
இந்திய அணி தனது முதல் 2019 உலகக் கோப்பை தொடரில் தென்னாப்பிரிக்கா அணியை 7 விக்கெட்டுகள் வித்தியாசத்தில் வீழ்த்தியது. இதில் ரோகித் சர்மாவின் சிறப்பான ஆட்டத்தை நாம் காண முடிந்தது. மிகவும் பொறுப்பான ஆட்டத்தை கையாண்டு இந்திய அணியை வெற்றி பாதைக்கு அழைத்துச் சென்றார். இப்போட்டியில் இறுதி வரை ஆட்டமிழக்காமல் ரோகித் சர்மா ஆட்டத்தை வழிநடத்தி சென்றார்.
ரோகித் சர்மா இந்திய டாப் ஆர்டர் பேட்ஸ்மேன்களில் ஒரு முன்னணி வீரராக உள்ளார். நாம் இங்கு ஒருநாள் கிரிக்கெட்டில் ரோகித் சர்மாவின் சிறந்த 10 இன்னிங்ஸ்களை பற்றி காண்போம்.
#10 119 பந்துகளில் 111* ரன்கள் vs பாகிஸ்தான், துபாய், 2018
ஆசியக் கோப்பையில் விராட் கோலி பங்கேற்காத காரணத்தால் ரோகித் சர்மா இந்திய அணியை வழிநடத்தினார். சூப்பர் 4 சுற்றில் இந்திய அணியின் மீது அதிக எதிர்பார்ப்புகள் இருந்தன. குழு சுற்றில் இந்தியாவிற்கு பாகிஸ்தான் கண்டிப்பாக கடும் நெருக்கடியை அளிக்கும் என அனைவரும் நினைத்திருந்தனர்.
முதலில் பேட் செய்த பாகிஸ்தான் 238 என்ற இலக்கை இந்தியாவிற்கு நிர்ணயித்தது. ஆடுகளம் சேஸிங்கிற்கு சாதகம் அளிக்காமலும், சற்று வறண்ட ஆடுகளமாகவும் இருந்தது. அத்துடன் முகமது அமீர், ஷதாப் கான், ஹாசன் அலி போன்ற வலிமையான வேகப்பந்து வீச்சாளர்களை தன் வசம் வைத்திருந்தது பாகிஸ்தான்.
ஆனால் ரோகித் சர்மா பாகிஸ்தானை இந்திய இன்னிங்ஸிற்குள் சிறிது கூட வர முடியாமல் தடுத்து நிறுத்தினார். இவர் மொத்தமாக 119 பந்துகளை எதிர்கொண்டு 7 பவுண்டரிகள் மற்றும் 4 சிக்ஸர்களுடன் 111 ரன்களை குவித்து இறுதி போட்டிக்கு நேரடியாக இந்திய அணியை அழைத்துச் சென்றார். அத்துடன் இந்திய அணி 10 ஓவர்கள் மீதமிருந்த நிலையிலேயே 9 விக்கெட்டுகள் வித்தியாசத்தில் வெற்றி பெற்றது.
சரியாக வீசப்பட்ட பந்தை பயன்படுத்தி துவம்சம் செய்தார் ரோகித். சற்று நெருக்கடி அளிக்கும் விதமாக வீசப்பட்ட பந்தை தடுத்து நிறுத்தி விளையாடினார். இப்போட்டியில் தவறான ஷாட் தேர்வை ரோகித் தேர்வு செய்யவில்லை. இவர் வழிநடத்திய இந்திய அணி 2018 ஆசிய கோப்பையை கைப்பற்றியது. அத்துடன் அத்தொடரில் அதிக ரன்களை எடுத்தோர் பட்டியலில் 105 சராசரியுடன் முதலிடத்தை பிடித்தார்.
#9 87 பந்துகளில் 66 ரன்கள் vs ஆஸ்திரேலியா, சிட்னி, 2008
இப்போட்டியில் இந்தியாவிற்கு நிர்ணயிக்கப்பட்ட 240 இலக்கை சேஸ் செய்து சாதனை படைக்கும் நோக்கில் இந்தியா இருந்தது. காமன்வெல்த் பேங்க் தொடரில் இந்திய அணியின் சிறந்த முதல் இறுதிப் போட்டி இதுவாகும். 2007 உலகக் கோப்பை தொடரில் இந்திய அணி மோசமான ஆட்டத்தை வெளிப்படுத்தி வெளியேறியது. இப்போட்டியில் வென்றே அதனை மறக்க இந்திய அணிக்கு ஒரு தகுந்த வாய்ப்பு கிடைத்தது.
இந்திய அணி 87 ரன்களுக்கு 3 விக்கெட்டுகளை இழந்து தடுமாறிக் கொண்டிருந்த போது ரோகித் சர்மா, சச்சின் டெண்டுல்கருடன் கை கோர்த்தார். இதற்கு மேல் ஒரு விக்கெட் விழுந்தால் கூட இந்தியாவின் நிலை கவலைக்கிடமாக இருந்திருக்கும். இரு வீரர்களும் சிறப்பான ஆட்டத்தை வெளிப்படுத்தி மேட்ச் வின்னிங் பார்டனர் ஷீப்பான 123 ரன்களை குவித்தனர்.
ரோகித் சர்மாவின் அனல் பறக்கும் அதிரடி பேட்டிங் இப்போட்டியில் சிறப்பாகவே வெளிபட்டது. இவரது பயமறியா பேட்டிங் மூலம் 6 பவுண்டரிகளுடன் 66 ரன்கள் குவிக்கப்பட்டது. இதுவே இந்திய வெற்றிக்கு காரணமாகவும் இருந்தது. இந்த இன்னிங்ஸ் தான் ரோகித் சர்மாவின் தற்போதைய கிரிக்கெட் வாழ்க்கைக்கு அடித்தளமாக அமைந்தது.
அடுத்தப் போட்டியில் வென்று காமன்வெல்த் பேங்க் தொடரை கைப்பற்றியது இந்தியா. இந்த தொடரில் ரோகித் சர்மாவின் ஆட்டம் மிகச் சிறப்பாக இருந்தது. மொத்தமாக 33 சராசரியுடன் 235 ரன்களை ரோகித் இந்த தொடரில் குவித்தார்.
#8 163 பந்துகளில் 171* ரன்கள் vs ஆஸ்திரேலியா, பெர்த், 2016
ஒவ்வொரு பேட்ஸ்மேன்களின் சிறந்த ஆட்டத்திறனும் ஒரு குறிப்பிட்ட காலங்களில் சிறப்பான நிலையில் தொடங்கியிருக்கும். ரோகித் சர்மாவிற்கு 2016 ஆஸ்திரேலிய தொடரில் அவரது சிறப்பான ஆட்டத்திறன் வெளிபட்டது. இந்த தொடரில் 5 போட்டிகளில் பங்கேற்று 110 சராசரியுடன் 441 ரன்களை குவித்தார் ரோகித். இந்தத் தொடரில் இவரை கட்டுப்படுத்த ஆஸ்திரேலிய பௌலர்கள் தடுமாறினர். அதன் விளைவு 2 சதங்கள் மற்றும் 99ஐ விளாசினார்.
சற்று ஈரப்பதமான ஆடுகளத்தில் ரோகித் சர்மாவின் ஆட்டம் சிறப்பாக இருந்து பொறுப்பான ஆட்டத்தை வெளிப்படுத்தி உள்ளார். இது போன்ற ஆடுகளத்தில் ஆஸ்திரேலிய தொடரில் 13 பவுண்டரிகள் மற்றும் 7 சிக்ஸர்களை ரோகித் விளாசினார்.
இப்போட்டியில் ரோகித் சர்மா இரட்டை சதம் விளாசததுதான் அனைவரையும் ஆச்சரியத்தில் ஆழ்த்தியது. இதற்கு காரணம் WACA மைதானத்தில் பேட்டிங் செய்வது சுலபமான காரியம் அல்ல. காரணம் பந்து சரியான திசையில் பவுண்ஸாகி செல்லும். எனவே நிலையான ஆட்டத்தை வெளிப்படுத்தியாக வேண்டுமெனில் இம்மைதானத்தில் பொறுமையை கையாள வேண்டும்.
#7 93 பந்துகளில் 83 ரன்கள் vs இங்கிலாந்து, மொகாலி, 2013
சில காரணங்களால் ரோகித் சர்மாவின் கிரிக்கெட் வாழ்வில் இது ஒரு சிறந்த இன்னிங்ஸாக அமைந்தது. ரோகித் சர்மா நம்பர்-4ல் சிறப்பான ஆட்டத்தை வெளிப்படுத்தவில்லை. அதே சமயத்தில் அஜீன்காயா ரகானே தொடர்ந்து டாப் ஆர்டரில் சொதப்பி வந்தார். இந்நிலையில் கேப்டன் எம்.எஸ்.தோனி ரோகித் சர்மாவை அவரது கிரிக்கெட் வாழ்வில் முதல் முறையாக தொடக்க ஆட்டக்காரராக களமிறங்கினார்.
தொடக்க ஆட்டக்காரராக களமிறங்கி 83 ரன்களை விளாசி இந்திய அணியை வெற்றி பெற செய்து 3-1 என்ற தொடரை இந்தியா வசம் மாற்றினார். இப்போட்டியில் ஒரு முக்கியமான பங்களிப்பை ரோகித் அளித்தார். பின்னர் களமிறங்கிய ரெய்னா, தோனி ஆட்டத்தை சிறப்பாக முடித்து வைத்தனர்.
#6 153 பந்துகளில் 202 ரன்கள் vs இலங்கை, 2017, மொகாலி
இந்திய அணி இத்தொடரில் தர்மசாலாவில் நடந்த முதல் போட்டியில் தோல்வியை தழுவியது. எனவே இனிவரும் போட்டியில் இந்திய அணி பொறுப்பான ஆட்டத்தை வெளிப்படுத்த வேண்டும் என்ற கட்டாயத்தில் இருந்தது. இந்த தொடரில் கேப்டனாக செயல்பட்ட ரோகித் சர்மா மொகாலியில் நடந்த இரண்டாவது ஒருநாள் போட்டியில் டாஸ் வென்று பேட்டிங்கை தேர்வு செய்தார்.
முதல் பாதி இன்னிங்ஸ் வரை ரோகித் சர்மா பேட் செய்ய மிகவும் சிரமப் பட்டார். சற்று நிலைத்து விளையாடி விட்டு மிடில் ஓவர் மற்றும் டெத் ஓவரில் தனது அதிரிடியை வெளிபடுத்த தொடங்கினார் ரோகித். இப்போட்டியில் தனது 3வது ஓடிஐ இரட்டை சதத்தினை விளாசினார். இதில் 13 பவுண்டரிகள் மற்றும் 12 சிக்ஸர்கள் அடங்கும். 10 சிகஸர்கள் கடைசி 6 ஓவர்களில் வந்தது குறிப்பிடத்தக்கது.
இந்த இன்னிங்ஸில் மிகச் சிறப்பான நிகழ்வு என்னவென்றால் ரோகித் சர்மா 115 பந்துகளில் 100 ரன்கள் அடித்திருந்தார். அடுத்த 100 ரன்களை வெறும் 38 பந்துகளில் விளாசினார். இலங்கை பந்துவீச்சாளர்களுக்கு ரோகித் சர்மாவிவை எவ்வாறு கட்டுப் படுத்துவது என்று தெரியாமல் மிகவும் தடுமாறினர்.
#5 123 பந்துகளில் 141 ரன்கள் vs ஆஸ்திரேலியா, ஜெய்ப்பூர், 2013
ஆஸ்திரேலிய அணி 7 ஒருநாள் போட்டிகள் கொண்ட தொடரில் இரண்டாவது ஒருநாள் போட்டியில் 360 ரன்களை இந்திய அணிக்கு இலக்காக நிர்ணயித்தது. ரோகித் சர்மா மற்றும் ஷீகார் தவான் 176 ரன்களை முதல் விக்கெட்டிற்கு குவித்தனர். பின்னர் களமிறங்கிய விராட் கோலி, ரோகித் சர்மாவுடன் இனைந்து ஆஸ்திரேலிய பந்துவீச்சை துவம்சம் செய்தனர்.
ரோகித் சர்மா தனது இயல்பான அதிரடி ஆட்டத்தை வெளிப்படுத்தி தன்னை சிறந்த தொடக்க ஆட்டக்காரராக உலகிற்கு அறிவித்தார். இவர் இப்போட்டியில் 17 பவுண்டரிகள் மற்றும் 4 சிக்ஸர்களை விளாசி 6 ஓவர்கள் மீதமிருந்த நிலையிலேயே இந்திய அணியை 9 விக்கெட்டுகள் வித்தியாசத்தில் வெற்றி பெறச் செய்தார்.
இந்த சிறப்பான இன்னிங்ஸ் தான் ரோகித் சர்மா தற்போது சிறந்த தொடக்க ஆட்டக்காரராக வலம் வர மிகுந்த துனை புரிந்தது.
#4 158 பந்துகளில் 208 ரன்கள் vs ஆஸ்திரேலியா, பெங்களூரு, 2013
சற்று தடுமாற்றத்தை அளிக்கும் சின்னசாமி மைதானத்தில் இந்தியா டாஸ் வென்று பேட்டிங் செய்தது. இப்போட்டி அதிக நெருக்கடி அளிக்கும் போட்டியாக இரு அணிகளுக்கும் இருந்தது. ஏனெனில் 7 போட்டிகள் கொண்ட ஒருநாள் தொடரில் தொடரை தீர்மானிக்கும் போட்டியாக அமைந்தது. இப்போட்டியில் இந்தியா வென்றால் முதல் முறையாக 7 ஒருநாள் போட்டிகள் கொண்ட தொடரை வென்ற அணி என்ற சாதனை பெரும்.
வழக்கமாக ரோகித் தனது அரைசதத்தை 70 பந்துகளில் விளாசினார். அடுத்த 8 ஓவர்களில் சிறப்பான ஆட்டத்தை வெளிப்படுத்த தொடங்கி சதம் குவித்தார்.
அதன்பின் அடுத்த 6 ஓவர்களில் ஒருநாள் போட்டியில் தனது முதல் இரட்டை சதத்தினை விளாசினார். மெக்கே வீசிய ஓவரை சிறப்பாக பயன்படுத்தி இரட்டை சதத்தில் கடைசி 100 ரன்தளை 42 பந்துகளில் அடைந்து சாதனை படைத்தார்.
இறுதியாக ரோகித் சர்மா 158 பந்துகளை எதிர்கொண்டு 12 பவுண்டரிகள் மற்றும் 16 சிகஸர்களுடன் 208 ரன்களை எடுத்தார். இதன் மூலம் இந்தியா 56 ரன்கள் வித்தியாசத்தில் வெற்றி பெற்றது.
#3 126 பந்துகளில் 136 ரன்கள் vs வங்கதேசம், மெல்போர்ன், 2015
இந்திய அணி 2015 உலகக் கோப்பை தொடரில் காலிறுதிக்கு தகுதி பெற்று வங்கதேசத்தை எதிர்த்து மோதியது. ஆரம்பத்தில் இந்திய அணி 28 ஓவர்களுக்கு 3 விக்கெட்டுகளை இழந்து 115 ரன்கள் மட்டுமே எடுத்து தடுமாறிக் கொண்டிருந்தது. பின்னர் களமிறங்கிய சுரேஷ் ரெய்னா, ரோகித் சர்மாவுடன் இனைந்து அடுத்த 15 ஓவர்களில் 122 ரன்கள் பார்டனர் ஷீப் செய்து விளையாடினார்.
இக்கட்டான சூழ்நிலையில் ரோகித் சர்மா தனது 7வது ஒருநாள் சதத்தினை விளாசினார். வங்கதேசத்தின் பந்துவீச்சிற்கு அந்த ஆடுகளம் நன்றாக உதவியது. மிகவும் சிறந்த ஆட்டத்தை வங்கதேசம் வெளிபடுத்தி இந்திய அணியை ஒவ்வொரு ரன் எடுக்கவும் கஷ்டப்பட செய்தது. யாரவது பொறுப்பான ஆட்டத்தை வெளிப்படுத்தி இந்திய அணியின் ரன்களை உயர்த்த தேவைப்பட்டனர். அப்போது ரோகித்தின் சிறப்பான ஆட்டத்தின் மூலம் இந்தியா 302 ரன்களை வங்கதேசத்திற்கு இலக்காக நிர்ணயிக்க உதவியது. வங்கதேசத்தின் சொதப்பலான பேட்டிங் மூலம் இந்தியா வென்று அரையிறுதிக்கு தகுதி பெற்றது.
#2 144 பந்துகளில் 122* ரன்கள் vs தென்னாப்பிரிக்கா, சவுத்தாம்டன், 2019
சிறந்த அதிரடி ஹிட்டிங், எவ்வித அனல் பறக்கும் பேட்டிங்கும் இன்றி ரோகித் சர்மாவின் கிரிக்கெட் வாழ்வில் வந்த மிகவும் மெதுவான சதம் இதுவாகும். இருப்பினும் இவர் விளையாடிய சிறந்த ஆட்டங்களுள் இதுவும் ஒன்று. தென்னாப்பிரிக்க வேகப்பந்து வீச்சாளர்கள் ரபாடா மற்றும் கிறிஸ் மோரிஸ் அதிரடி தொடக்க பௌலிங்கை வெளிபடுத்தினர். இம்மைதானம் இரண்டாவதாக பேட் செய்பவர்களுக்கு ஆரம்பத்தில் சாதகமாக இருக்காது. இதன் விளைவாக ஷீகார் தவான் மற்றும் விராட் கோலி ஆரம்பத்திலே தங்களது விக்கெட்டுகளை இழந்து வெளியேறினர். இந்திய அணிக்கே ஒரு பொறுப்பான ஆட்டத்ம் தேவைப்பட்டது.
இந்த இக்கட்டான சூழ்நிலையில் ரோகித் சர்மா, கே.எல்.ராகுல் மற்றும் மகேந்திர சிங் தோனியுடன் பார்ட்னர் ஷிப் செய்து சிறப்பான ஆட்டத்தை வெளிப்படுத்தினார். இது இவரது கிரிக்கெட் வாழ்வில் மிகச்சிறந்த பொறுப்பான ஆட்டமாகும். உலகக் கோப்பையின் தொடக்க போட்டியிலேயே தனது பொறுப்பான ஆட்டத்தை வெளிப்படுத்தி ரசிகர்களின் மனதை மிகவும் கவர்ந்தார்.
இப்போட்டியில் 13 பவுண்டரிகள் மற்றும் 2 சிக்ஸர்கள் மட்டுமே விளாசினார். இதன் மூலமே ரோகித் எவ்வளவு பொறுமையான ஆட்டத்தை வெளிப்படுத்தினார் என்பது நமக்கு தெரியும். இந்த பொறுப்பான ஆட்டத்தால் தென்னாப்பிரிக்க நிர்ணயித்த இலக்கை அடைந்து வெற்றி பாதைக்கு இந்திய அணியை அழைத்துச் சென்றார் ரோகித் சர்மா.
#1 173 பந்துகளில் 264 ரன்கள் vs இலங்கை, கொல்கத்தா, 2014
ரோகித் சர்மா தனது அதிரடி பேட்டிங் மூலம் ஒரு சிறப்பான சாதனையை படைத்துள்ளார். இவரது அசத்தலான பேட்டிங் மூலம் இலங்கை பௌலர்களின் பந்துவீச்சை சேதப்படுத்தினார். இது இவரது கிரிக்கெட் வாழ்வில் மிகச்சிறந்த கிரிக்கெட் இன்னிங்ஸாகும்.
ரோகித் சர்மா மிகவும் மெதுவாக விளையாடி 72 பந்துகளில் 50 ரன்களை குவித்திருந்தார். இதற்கு பின் இப்போட்டியில் நடந்ததே வேறு. அவரது முழு ருத்ரதாண்டவ ஆட்டத்திறன் முழுவதும் இப்போட்டியில் வெளிபட்டு சாதனை பக்கத்தின் முதன்மை பக்கத்தில் இடம்பெறும் அளவிற்கு இவரது ஆட்டத்திறன் இருந்தது.
முதல் தர போட்டியில் இரண்டாவது அதிக ரன்களையும், சர்வதேச ஒருநாள் கிரிக்கெட்டில் ஆல்-டைம் அதிக ரன்களையும் இப்போட்டியில் குவித்தார். இப்போட்டியின் இறுதி பந்தில் ரோகித் சர்மா தனது விக்கெட்டை இழந்தார். இருப்பினும் அதற்கு முன்பாக 33 பவுண்டரிகள் மற்றும் 9 சிகஸர்களை விளாசி 264 ரன்களை தனி ஒருவராக விளாசினார். ஒருநாள் கிரிக்கெட்டில் தனி ஒருவராக 33 பவுண்டரிகளை அடித்த ஒரே வீரர் என்ற சாதனையையும், ஒருநாள் கிரிக்கெட்டில் 250ற்கும் மேலான ரன்னை தனி ஒருவராக விளாசிய ஒரே வீரர் என்ற சாதனையையும் இப்போட்டியில் படைத்தார்.
இந்த சாதனை இனிவரும் காலங்களில் முறியடிக்கப்படுமா என்றால் கண்டிப்பாக மிகவும் கஷ்டமான நிகழ்வாகும். சர்வதேச கிரிக்கெட் அரங்கில் ஒரு சிறந்த அதிரடி மன்னனாக வலம் வர இந்த இன்னிங்ஸ் ரோகித் சர்மாவிற்கு மிகவும் முக்கியமாக அமைந்தது. இந்த சாதனையை கண்டு முன்னாள் மற்றும் இன்னாள் கிரிக்கெட் வீரர்கள் வாயடைத்து போனார்கள்.
