Create
Notifications
Favorites Edit
Advertisement

ஐபிஎல் 2019 : கூடுதல் விலைக்கு ஏலம்போன 4 வீரர்கள்

ANALYST
முதல் 5 /முதல் 10
Published 19 Dec 2018, 18:25 IST
19 Dec 2018, 18:25 IST

4.8 கோடிக்கு வாங்கப்பட்ட முகமது ஷமி
4.8 கோடிக்கு வாங்கப்பட்ட முகமது ஷமி

நேற்றைய ஏலத்தில் 70 இடங்களுக்கு 351 வீரர்கள் போட்டியிட்டனர். வெறும் 60 இடங்களை மட்டும் அணிகள் நிரப்பின. 8 அணிகளும் விடுபட்ட இடங்களை நிரப்ப தங்களின் விருப்பமான வீரர்களின் மேல் பந்தயம் கட்டினர். ஏலம் எடுக்கப்பட்ட 60 வீரர்களில் சில வீரர்கள் அதிக விலைக்கு பெறப்பட்டனர். சில வீரர்களின் தொகையானது அணிகளின் தேவைக்கேற்ப நியாயமாக இருந்தாலும், சில வீரர்கள் கோடிகளை தாண்டியது பலரை ஆச்சரியப்படுத்தி இருந்தது.

வீரர்களின் விலையானது ஐபிஎல் அணிகள், அவர்களின் மேல் வைத்திருக்கும் நம்பிக்கையை குறிக்கும். அதிக விலைக்கு வாங்கப்பட்ட வீரர்கள் தங்களின் அணிக்கு பங்களிக்காமல் போன வரலாறும் உண்டு.

நேற்று ஏலம் விடப்பட்ட வீரர்களில், கூடுதல் விலைக்கு வாங்கப்பட்ட 4 வீரர்களைப் பற்றி இத்தொகுப்பில் காணலாம்.

#4. முகமது ஷமி - கிங்ஸ் XI பஞ்சாப் - 4.8 கோடி

முகமது ஷமி
முகமது ஷமி

இந்தியா டெஸ்ட் அணியை பொறுத்தவரை மிக முக்கியமான பந்துவீச்சாளராக இருந்தாலும், டி20 போட்டிகளில் இவரது ஆட்டம் சற்று மந்தம் தான். ஷமி பெரும்பாலும் டெஸ்ட் போட்டிகளில் இரண்டாவது இன்னிங்சில் அபாயகரமாக திகழ்வார், அதன் காரணமாக இவருக்கு “இரண்டாவது இன்னிங்ஸ் ஷமி” என்னும் பெயரும் இருக்கிறது. ஐபிஎல் போட்டிகளில் இரண்டாவது இன்னிங்ஸ் இல்லை என்பது பஞ்சாப் அணிக்கு தெரியாது போலும்.

கடந்தகால ஐபிஎல் போட்டிகளை பொறுத்தவரை, ஷமி சொல்லிக்கொள்ளும்படி சிறப்பான ஆட்டத்திறனை வெளிப்படுத்தவில்லை. இவர் 35 ஐபிஎல் போட்டிகளில் ஆடி இருபத்தோரு விக்கெட்களைச் சாய்த்துள்ளார், அத்துடன் இமாலய பௌலிங் எகானமி 9.14 வைத்துள்ளார். இந்த எகானமியானது ஐபிஎல் போட்டிகளில் நூறு ஓவர்களுக்கு மேல் போட்ட அனைத்து பந்துவீச்சாளர்களை ஒப்பிடுகையில் இதுவே முதல் இடம்.

டெஸ்ட் போட்டிகளில் இந்தியாவுக்காக கடுமையாக உழைத்து வரும் முகமது ஷமி, ஐபிஎல் போட்டிகளில் சிறப்பாக செயல்படுவது கேள்விக்குறிதான். டி20 போட்டிகளுக்கான யுக்திகளும் ஷமியிடம் எதிர்பார்க்க முடியாது.

உலககோப்பை காரணமாக, இந்திய பந்துவீச்சாளர்கள் ஓய்வெடுக்க கூடும் என்ற காரணத்தினால் மாற்று வீரராக ஷமியை பஞ்சாப் அணி தேர்வு செய்திருக்கலாம் என்று தெரிகிறது. ஆனால் அவர் வாங்கப்பட்ட விலை சற்று அதிகமே. இவரை 3 கோடிக்கு கீழ் வர்த்தகம் செய்திருக்கலாம்.

Advertisement

#3. கார்லோஸ் பிராத்வைட் - கொல்கத்தா நைட் ரைடர்ஸ் - 5 கோடி


கார்லோஸ் பிராத்வைட்
கார்லோஸ் பிராத்வைட்

பந்தை பலமாக அடிக்கும் மேற்கிந்தியத் தீவுகள் அணியின் வீரர்களில் இவரும் ஒருவர். இவர் கடந்த 2016 ஆம் ஆண்டு டி20 உலகக் கோப்பை இறுதிப் போட்டியில் இங்கிலாந்துக்கு எதிராக தொடர்ச்சியாக 4 சிக்சர்கள் அடித்து தனது அணியை வெற்றிப்பாதைக்கு அழைத்துச் சென்றார். இந்த போட்டியின் மூலம் உலகப் புகழ் பெற்றார் பிராத்வைட். அந்தப் போட்டியில் வெறும் பத்தே பந்துகளில் 34 ரன்களை அடித்திருந்தது குறிப்பிடத்தக்கது.

மேற்கிந்திய தீவுகள் அணியின் தற்போதைய கேப்டனாக இருக்கும் ஆல் ரவுண்டர் கார்லோஸ் பிராத்வைட் டி20 போட்டிகளில் ரன்கள் இன்றி தவித்து வருகிறார். 20 சர்வதேச டி20 போட்டிகளில் இவரின் சராசரியானது வெறும் 19 ஆக இருக்கிறது. ஸ்ட்ரைக் ரேட்டும் 122 ஆக இருக்கிறது. 2018 ஆம் ஆண்டில் இவர் பங்குபெற்ற டி20 போட்டிகளில் பெரிதாக சோபிக்கவில்லை. இந்த ஆண்டில் இவரது சராசரி 17-ஆக உள்ளது, ஸ்ட்ரைக் ரேட்டை பொறுத்தவரை 128-ஆக உள்ளது. இவர் பந்துவீச்சில் 33 போட்டிகளில் சுமார் 38 விக்கெட்டுகளை 8.5 பௌலிங் எகானமியோடு எடுத்துள்ளார்.

இவர் ஒரு சிறந்த ஆல் ரவுண்டர், அதில் எந்தவித சந்தேகமும் இல்லை. ஆனால் இதுவரை பெரிதும் சோபிக்காத கார்லோஸ் பிராத்வைட்டை 5 கோடி கொடுத்து கேகேஆர் வாங்கியது சற்று அதிகம் தான்.

1 / 2 NEXT
Modified 20 Dec 2019, 20:29 IST
Advertisement
Advertisement
Fetching more content...