ஆஸஷ் 2019: மூன்றாவது டெஸ்டில் கடைசி 5 ஓவரில் இங்கிலாந்திற்கு சாதகமாக போட்டி மாறியதற்கான 5 காரணங்கள்

லீட்ஸில் உள்ள ஹேண்டிங்லே மைதானத்தில் நடந்த ஆஸ்திரேலியா மற்றும் இங்கிலாந்து மோதிய 3வது ஆஸஷ் தொடரின் 5வது நாள் ஆட்டம் இறுதி வரை பரபரப்பாக சென்றது. பென் ஸ்டோக்ஸ் தொடர்ந்து தனது அதிரடி ஆல்-ரவுண்டர் திறனை தொடர்ந்து வெளிபடுத்திய வண்ணம் உள்ளார்.

ஆட்டதின் 4ம் நாள் முடிவில் இங்கிலாந்து 3 விக்கெட்டுகளுக்கு 156 எடுத்திருந்தது. அதைத்தொடர்ந்து 5வது நாளில் களமிறங்கியது. ஜோ ரூட் ஆரம்பத்திலேயே ஹேசல்வுடால் வீழ்த்தப்பட்டார். பின் ஜானி பேர்ஸ்டோ களமிறங்கினார். இவர் பென் ஸ்டோக்ஸுடன் சேர்ந்து 86 ரன்கள் பார்ட்னர் ஷீப் செய்து விளையாடி போட்டியை இங்கிலாந்து வசம் மாற்றினார். ஜானி பேர்ஸ்டோ விக்கெட்டை தொடர்ந்து ஜாஸ் பட்லர், கிறிஸ் வோக்ஸ் ஆகியோரது விக்கெட்டுகள் மள மளவென சரிந்ததால் இங்கிலாந்து ஒரு கட்டத்தில் இக்கட்டான சூழ்நிலையில் இருந்தது.

ஜோஃப்ரா ஆர்ச்சர் சிறிது நேரம் தடுத்து விளையாடினார். டீப் ஸ்கோயர் திசையில் பவுண்டரி விளாச முயன்ற போது கேட்ச் ஆனார் ஆர்ச்சர். இவரைத் தொடர்ந்து ஸ்டுவர்ட் பிராட்-வும் தனது விக்கெட்டை இழந்து வெளியேறினார். அந்த சமயத்தில் இங்கிலாந்து வெற்றி பெற 1 விக்கெட் மீதமிருந்த நிலையில் 73 ரன்கள் தேவைப்பட்டது. அயர்லாந்திற்கு எதிராக கடந்த தொடரில் 92 ரன்கள் விளாசிய ஜேக் லீச் களமிறங்கி பென் ஸ்டோக்ஸ்-க்கு சற்று பக்கபலமாக நின்று இங்கிலாந்திற்கு வெற்றியை தேடித் தந்தனர். நாம் இங்கு இப்போட்டியின் இரண்டாவது இன்னிங்ஸ் இங்கிலாந்திற்கு சாதகமாக மாறியதற்கான 5 காரணங்களைப் பற்றி காண்போம்.

---

#1 தவறான திசையில் ரன் அவுட் செய்து, ஸ்டோக்ஸை நிலைத்து விளையாட விட்டது.

Stokes survives a run out scare as the throw was at the wrong end

120 ஓவர்கள் முடிவில் இங்கிலாந்து வெற்றி பெற 48 ரன்கள் தேவைப்பட்டது. அடுத்த ஓவரை பேட் கமின்ஸ் வீசியபோது பென் ஸ்டோக்ஸ் எதிர்கொண்டார். முதல் பந்தில் இரு ரன்களை கடந்தார். இரண்டாவது பந்து ரன் ஏதுமில்லை. மூன்றாவது பந்தில் ஒரு சிறப்பான ஷாட் மேற்கொண்டு சிக்ஸர் விளாசினார்.

4வது பந்தில் ஸ்டோக்ஸ் லெக் திசையில் அடித்து விட்டு இரண்டு ரன்கள் ஓட முயன்றார். முதல் ரன் ஓடியபின் இரண்டாவது ரன் ஓட முயன்ற போது ஸ்டோக்ஸ் தடுமாறி விழுந்தார். ஆனால் ஆஸ்திரேலிய ஃபீல்டர்கள் ஜேக் லீச் சரியாக இருந்த பௌலிங் திசையை நோக்கி த்ரோ செய்தனர். பென் ஸ்டோக்ஸ் இந்த தவற்றை தனக்கு சாதகமாக பயன்படுத்திக் கொண்டு இங்கிலாந்தை வெற்றி பாதைக்கு அழைத்துச் சென்றார்.

---

#2 ஜோஸ் ஹேசல்வுட் ஒரு ஓவரில் 19 ரன்களை அளித்தார்.

மேற்குறிப்பிட்ட நிகழ்விற்கு அடுத்த ஓவர் ஜோஸ் ஹேசல்வுட் பௌலிங் செய்ய வந்தார். அந்த சமயத்தில் பென் ஸ்டோக்ஸ் களத்தில் இருந்தார். ஜோ ரூட் போன்ற முக்கியமான விக்கெட்டுகளை வீழ்த்திய வேகப்பந்து வீச்சாளர் இவர் வீசிய இந்த ஓவரின் முதல் 3 பந்தில் 1 பவுண்டரி மற்றும் 2 சிக்ஸர்கள் விளாசப்பட்டது.

ஹேசல்வுட் தனது வழக்கமான லென்த்-தை பௌலிங்கில் வெளிபடுத்த தவறியதால் அதனை சரியாக பயன்படுத்தி கொண்ட ஸ்டோக்ஸ் அதிரடியாக விளையாட தொடங்கினார். இவர் வீசிய முதல் பந்து ஓரளவு லென்த்தாக வந்தபோது ஸ்டோக்ஸ் பவுண்டரியாக மாற்றினார். அடுத்த பந்து ஃபுல் டாஷாக வீசப்பட்டது, ஸ்டோக்ஸ் அதனை ஸ்கூப் ஷாட்-க எதிர்கொண்டு ஸ்கொயர் லெக் திசையில் விளாசினார். மூன்றாவது பந்தும் சுமாரன லென்தில் வீசப்பபட்டதால் அதனை மற்றொரு சிக்ஸாக மாற்றினார் ஸ்டோக்ஸ். இந்த ஓவரில் 19 ரன்களை அளித்தார். இதன்பின் இங்கிலாந்து வெற்றி பெற 18 ரன்கள் மட்டுமே தேவைப்பட்டது.

#3 ஸ்டோக்ஸின் கேட்சினை தவறவிட்ட மார்கஸ் ஹாரிஸ்

Marcus Harris after dropping the catch

ஆட்டம் படிப்படியாக இங்கிலாந்து வசம் மாறிக்கொண்டிருந்தது. பேட் கமின்ஸ் தனது இயல்பான பௌலிங்கை செய்து கொண்டிருந்தார். இவர் வீசிய முதல் பந்தை தேர்ட்மேன் திசையில் ஸ்டோக்ஸ் விளாசினார். அச்சமயத்தில் உலகில் உள்ள அனைத்து இங்கிலாந்து ரசிகர்களின் இதயமும் அதிகமாகவே துடித்திருக்கும். மார்கஸ் ஹாரிஸ் தேர்ட்மேன் திசையில் அந்த கேட்சை பிடிக்க ஓடினார். பந்தை பிடிக்க கை-யை நீட்டியபோது, தவறி கீழே விழுந்தது.

---

#4 சாதரண ரன் அவுட்-ஐ கோட்டை விட்ட நாதன் லயன்

இங்கிலாந்து வெற்றி பெற 8 ரன்கள் தேவைபட்டபோது இன்னிங்ஸின் 125வது ஓவரை நாதன் லயன் வீச வந்தார். இந்த ஓவரில் நாதன் லயன் வீசிய 3வது பந்தை சிக்ஸராக ஸ்டோக்ஸ் மாற்றினார்.

பின்னர் நாதன் லயன் வீசிய 5வது பந்தை ஸ்விப் ஷாட் விளாச ஸ்டோக்ஸ் முயன்றபோது பந்து பின்னால் இருந்த ஃபீல்டரிடம் சென்றது. அப்போது மறுமுனையில் இருந்த ஜேக் லீச் ரன் எடுக்க ஓடி வர முயன்றார். ஆனால் ஸ்டோக்ஸ் வேண்டாம் என்று கத்தினார். பந்து நேராக நாதன் லயனிடம் ரன் அவுட் செய்ய வீசப்பட்டது. ஆனால் லயன் தடுமாறியதில் அந்த ரன் அவுட் மிஸ் ஆனது. ஜேக் லீச் எவ்வித இடற்பாடுமின்றி கிரிஸை அடைந்தார்.

---

#5 ஆஸ்திரேலியாவின் தவாறன மேல்முறையீடு

நாதன் லயன் தடுமாறி ரன் அவுட் மிஸ் செய்த அடுத்த பந்தில் மீண்டுமொருமுறை அவருக்கு ஸ்டோக்ஸை அவுட் செய்ய வாய்ப்பு கிடைத்தது. லயன் வீசிய அடுத்த பந்து நேராக ஸ்டோக்ஸ் பேடில் அடித்தது. ஸ்டோக்ஸின் அதிர்ஷ்டத்தால் நடுவர் அவுட் வழங்கவில்லை. ஆஸ்திரேலியா ஏற்கனவே தனக்கிருந்த ஒரு மேல்முறையீட்டை தவறாக பயன்படுத்தியதால், அந்த அணியால் இந்த விக்கெட்டிற்கு மேல்முறையீடு கோர முடியவில்லை.