விராட் கோலியை பற்றி 7 சுவாரஸ்யமான உண்மைகள் : 

கிரிக்கெட் வரலாற்றில் சிறந்த பேட்ஸ்மேன்களில் ஒருவராக தற்போது திகழ்ந்து வருகிறார் விராட் கோலி. டெல்லியில் பிறந்து வளர்ந்த இவர் 2008-ஆம் ஆண்டு சர்வதேச கிரிக்கெட் அரங்கில் காலடி எடுத்து வைத்தார்.

2008 ஆம் ஆண்டு ஆகஸ்ட் 18 ஆம் நாள் தனது முதல் சர்வதேச போட்டியில் இலங்கை அணியை எதிர்கொண்டார்.

இவரது இளமை காலத்தில் ரஞ்சி டிராபி போட்டி நடைபெற்று கொண்டிருக்கும் பொழுது தனது தந்தையை இழந்தார், இருப்பினும் டெல்லி அணிக்காக விளையாட முடிவு செய்தார், இப்போட்டியை டெல்லி அணி டிரா செய்தனர். இவரது தந்தை பதினெட்டாம் நாள் இறந்ததால் தனது ஜெர்செயின் நம்பரை 18 ஆக தேர்வு செய்தார் என்பது குறிப்பிடத்தக்கது.

2008ஆம் ஆண்டு முதல் இன்று வரை சர்வதேசப் போட்டிகளில் 18,000 ரன்களைக் குவித்துள்ளார், 60க்கும் மேற்பட்ட சதங்களை விளாசியுள்ளார்.

இவற்றில் விராட் கோலியை பற்றி 7 சுவாரஸ்யமான உண்மைகளை பற்றி பார்க்கலாம்.

#7 இருதரப்பு தொடரில் 500 ரன்களை குவித்த ஒரே வீரர் :

பல ரன்களை குவித்து தனது 30 வயதிலேயே ஏராளமான சாதனைகளை செய்துள்ளார் விராட் கோலி, இன்னும் 6-7 வருடங்கள் விளையாட இருக்கும் இவர் வருங்காலத்தில் அனைத்து சாதனையையும் முறியடிப்பார் என்று எதிர்பார்க்கலாம்.

2018ஆம் ஆண்டு தென்னாப்பிரிக்காவில் நடந்த ஆறு போட்டிகள் கொண்ட ஒருநாள் தொடரில் கோலி 500 ரண்களுக்கும் மேல் கடந்து ஒரே தொடரில் 500 ரன்களுக்கு மேல் குவித்து முதல் கிரிக்கெட் வீரர் என்ற சாதனையை படைத்தார். இவர் இத்தொடரில் 558 ரன்களை குவித்தார் என்பது குறிப்பிடத்தக்கது. அத்தொடாரை இந்தியா அணி 5-1 என்ற கணக்கில் வெற்றியும் பெற்றது.

#6 ஆஸ்திரேலியா, இங்கிலாந்து தென்னாப்பிரிக்காவில் டெஸ்ட் போட்டியை வென்ற ஒரே ஆசிய கேப்டன் ஆவார் விராட் கோலி :

He won test matches in Aus,Eng and Sa

விராட் கோலி 2014-ஆம் ஆண்டு முதல் இந்தியா டெஸ்ட் அணிக்கு கேப்டனாக பொறுப்பேற்றார், அதன் முன்பு இந்திய அணியை வழிநடத்தி வந்த தோனியை விட சிறப்பாகவே வழிநடத்தி வருகிறார் என்றும் கூறலாம்.

இதற்கு ஆஸ்திரேலியா இங்கிலாந்து மற்றும் தென்னாப்பிரிக்கா போன்ற நாடுகளில் வெற்றி பெற்ற டெஸ்ட் போட்டிகளே சான்று, இவற்றை அடைந்த முதல் ஆசிய கேப்டனும் இவரே.

2018 ஆம் ஆண்டு தென்னாப்பிரிக்காவில் நடைபெற்ற தொடரில் ஒரு போட்டியும், இங்கிலாந்து தொடரில் ஒரு போட்டியிலும் இந்திய அணி வென்றது, இதுமட்டுமன்றி, சமீபத்தில் ஆஸ்திரேலியா மண்ணில் கோலி தலைமையிலான இந்திய அணி முதன்முறையாக தொடரை வென்று சாதித்தது.

விராட் கோலி விளையாடிய அனைத்து நாடுகளிலும் இவரே ராஜா என்று நிரூபித்துள்ளார், ஆம், இவர் விளையாடிய அனைத்து நாடுகளிலும் அதிக ரன்களைக் குவித்து இந்திய அணியை பல முறை வெற்றி பாதைக்கு அழைத்துச் சென்றுள்ளார்.

#5 ஒருநாள் போட்டியில் அதிவேக சதம் :

Fastest indian batsman to century in odi

இப்பேர்ப்பட்ட வீரரான இவர் அதிவேக சதத்தையும் விட்டுவைக்கவில்லை, 2013ஆம் ஆண்டில் இந்தியா சுற்றுப்பயணம் மேற்கொண்ட ஆஸ்திரேலியா அணி 7 போட்டிகள் கொண்ட ஒருநாள் தொடரில் பங்கேற்றது. இத்தொடரில் விராட் கோலி 52 பந்துகளில் 100 ரன்களை எடுத்து சாதனை படைத்தார். இந்திய வீரர்களின் சார்பில் இதுவே அதிவேக சதம் ஆகும்.

#4 உலகக்கோப்பையின் அறிமுகப் போட்டியில் சதமடித்த முதல் வீரர் விராட் கோலி :

Century on debut world cup match

அதே போட்டியில் விரேந்தர் சேவாக் 175 ரன்களை குவித்தார் என்பது குறிப்பிடத்தக்கது.இருப்பினும் சச்சின் படைக்காத ஒரு சாதனையை படைத்துள்ளார் விராட் கோலி, உலகக்கோப்பையின் அறிமுகப் போட்டியில் சதமடித்த முதல் வீரர் விராட் கோலி என்பது குறிப்பிடத்தக்கது. 2011 ஆம் ஆண்டில் நடைபெற்ற உலகக் கோப்பையில் வங்கதேசத்துக்கு எதிராக 83 பந்துகளில் சதம் கடந்தார். விராட் கோலி இதுவரை 39 சதங்களை கடந்து உள்ளார், டெண்டுல்கரின் சாதனையை முறியடிக்க இன்னும் 11 சதங்களை தேவை.

#3 விராட் கோலியின் கிரிக்கெட் வாழ்க்கையில் இரண்டு முறை விக்கெட் கீப்பிங் செய்துள்ளார் :

Virat kohli as wicket keeper

வங்காளதேசம் அணிக்கு எதிராக தாக்காவில் நடைபெற்ற போட்டியில் மகேந்திர சிங் தோனி உடல்நிலை காரணமாக சிறிது நேரம் வெளியேறினார் அந்த இடைவெளியில் விராட் கோலி கீப்பிங் செய்தார். தென்ஆப்பிரிக்காவில் சுற்றுப்பயணம் மேற்கொண்ட இந்திய அணி டெஸ்ட் தொடரில் பங்கேற்ற வந்தது, ஜோகன்ஸ்பெர்க் மைதானத்தில் நடைபெற்ற போட்டியின் நான்காவது நாள் ஆட்டத்தில் மகேந்திர சிங் தோனி பந்துவீசினார் இந்த ஓவரில் விராட் கோலி கீப்பிங் செய்தார்.

#2 ஐபிஎல் ஏலத்துக்கு செல்லாத ஒரே வீரர் விராட் கோலி :

Virat Kohli ipl record

விராட் கோலி 2008 ஆம் ஆண்டு 19 வயதுக்குட்பட்டவர்களுக்கான 'டிரப்ட்' இன் அடிப்படையில் தேர்ந்தெடுக்கப்பட்டார். இவற்றில் விராட் கோலியை ராயல் சேலஞ்சர்ஸ் பெங்களூர் அணி தேர்வு செய்தது. அப்போதிலிருந்து ராயல் சேலஞ்சர்ஸ் பெங்களூரு அணி விராட் கோலியை அந்த அணியில் இருந்து எந்த வருடமும் விடுவிக்கபடவில்லை.சீராக ரன் சேர்ப்பதில் வல்லவர் விராட் கோலி, பதினோரு வருடங்களாக ஐபிஎல் தொடரில் ஒரே அணிக்காக விளையாடி வருவதே இதற்குச் சான்று.

#1 ஒருநாள் கிரிக்கெட் அரங்கில் அதிவேகமாக பத்தாயிரம் ரன்களை கடந்த வீரர்

Virat Kohli fastest batsman to score 10,000 odi runs

கிரிக்கெட் வரலாற்றில் சிறந்த பேட்ஸ்மேன்களில் ஒருவர் சச்சின் டெண்டுல்கர், அதிவேகமாக 10 ஆயிரம் ரன்களை கடந்த வீரர் என்ற சாதனையை விராட் கோலிக்கு முன்பு வைத்து இருந்தவர் இவரே, சமீபத்தில் நடைபெற்ற மேற்கிந்திய தீவுகள் அணிக்கு எதிரான ஒருநாள் போட்டியில் இந்தச் சாதனையை முறியடித்தார் விராட் கோலி.

259 இன்னிங்சில் சச்சின் டெண்டுல்கர் பத்தாயிரம் ரன்களை கடந்தார், ஆனால் விராட்கோலி 205 இன்னிங்சில் 10000 ரன்களை கடந்து சச்சின் சாதனையை முறியடித்தார், இதுமட்டுமின்றி சச்சினின் 49 ஒருநாள் சதத்தையும் விரைவில் முடிப்பார் என்பதில் சந்தேகமில்லை.