இதுவரை ஒரு உலகக் கோப்பை போட்டியில் கூட விளையாடாத ஏழு நட்சத்திர இந்திய வீரர்கள்

உலகக்கோப்பை போட்டிகளில் சிறப்பான செயல்பாட்டை அளிக்கும் அணிகளில் ஒன்றாக உள்ளது, இந்திய அணி. இதுவரை 11 உலக கோப்பை தொடர்களில் விளையாடியுள்ள இந்திய அணி 1983 மற்றும் 2011ம் ஆண்டுகளில் சாம்பியன் பட்டங்களை வென்று உள்ளது. அதுமட்டுமல்லாது, ஆறு முறை அரையிறுதிப் போட்டிக்கு முன்னேறியுள்ளது, இந்திய அணி. 2007ஆம் ஆண்டு தவிர மற்ற உலக கோப்பை தொடர்களில் தனது ஆதிக்கத்தை நிலைநாட்டி உள்ளது, இந்தியா. இந்திய அணியில் பல்வேறு திறமையான கிரிக்கெட் வீரர்கள் இருந்தாலும் உலகக் கோப்பை தொடர் போன்ற பெரிய தொடர்களில் வெகு சிலருக்கு மட்டுமே வாய்ப்பு அளிக்கப்படும். எனவே, பல்வேறு ஆண்டுகளாக இந்திய அணியில் அங்கம் வகித்தாலும் உலக கோப்பை தொடரில் வாய்ப்பளிக்கப்படாத 7 கிரிக்கெட் வீரர்களை பற்றி இந்த தொகுப்பில் காணலாம்.

#7.பிரவீன்குமார்:

எந்த ஒரு கிரிக்கெட் மைதானத்திலும் தனது அபார ஸ்விங் பந்து வீச்சு தாக்குதலால் விக்கெட்டை வீழ்த்தும் திறன் பெற்றவர், பிரவீன்குமார். இவரது பந்துவீச்சில் பந்து அதிவேகமாக வீசப்படாமல் இருந்தாலும் ஸ்விங் தாக்குதலில் சிறப்பாக செயல்பட்டு உள்ளது. இதுவரை 68 ஒருநாள் போட்டிகளில் விளையாடிய பிரவீன்குமார் அவற்றில் 27 விக்கெட்டுகளை கைப்பற்றியுள்ளார். மேலும், இவரது பௌலிங் எகனாமி 5.13 என்ற அளவில் சிறப்பாக அமைந்துள்ளது. 2011ம் ஆண்டு நடைபெற்ற உலகக் கோப்பை தொடரில் இவர் தேர்வு செய்யப்பட்ட நிலையில் காயம் காரணமாக தொடரில் இருந்து வெளியேறினார். அதன் பின்னர், துரதிஷ்டவசமாக இவருக்கு சர்வதேச கிரிக்கெட் போட்டிகள் சிறப்பாக அமையவில்லை. இறுதியாக 2012ஆம் ஆண்டு மார்ச் மாதம் ஒருநாள் கிரிக்கெட்டில் இடம் பிடித்திருந்தார், பிரவீன்குமார். அதன் பின்னர், கடந்த ஆண்டு அனைத்து தரப்பு போட்டிகளில் இருந்தும் ஓய்வு பெறுவதாக அறிவித்தார்.

#6.இசாந்த் சர்மா:

Ishant Sharma has been a veteran for India in test cricket

இந்திய டெஸ்ட் அணியின் பந்துவீச்சில் முதுகு தூணாக விளங்கிவருகிறார் இசாந்த் சர்மா. ஆனால், இவரின் பங்களிப்பு ஒருநாள் கிரிக்கெட்டில் சிறப்பாக அமையவில்லை. இதுவரை 80 ஒருநாள் போட்டிகளில் விளையாடியுள்ள இவர், 115 விக்கெட்களை வீழ்த்தியுள்ளார். டெத் ஓவர்களில் சிறப்பாக செயல்பட காரணங்களால் இவர் ஒருநாள் கிரிக்கெட்டிலிருந்து ஒதுக்கப்பட்டார். 2011 மற்றும் 2015ஆம் ஆண்டு நடைபெற்ற உலகக் கோப்பை தொடர்களில் காயம் காரணமாக இடம்பெறாமல் போனார். அதன்பின்னர், ஒருநாள் கிரிக்கெட்டில் இருந்து தொடர்ச்சியாக புறக்கணிக்கப்பட்டு இன்னும் ஒரு திருப்பத்தை ஏற்படுத்த முயற்சித்து வருகிறார், இசாந்த் சர்மா.

#5.வினய் குமார்:

We have seen a lot of Vinay Kumar in the IPL over the years

கடந்த சில ஆண்டுகளாக ஐபிஎல்லில் சிறப்பாக பங்காற்றும் பந்துவீச்சாளர்களில் ஒருவராக வினய் குமார் இருந்து வருகிறார். இருப்பினும், இவர் சர்வதேச போட்டிகளில் அவ்வாறான தாக்கத்தை ஏற்படுத்த முற்படவில்லை. மணிக்கு 130 முதல் 135 கிலோ மீட்டர் வேகம் வரை பந்துவீசும் ஆற்றல் பெற்ற இவர், அதிவேக பந்து வீச்சு தாக்குதலை வெளிப்படுத்தியதில்லை. இதுவரை 31 நாள் போட்டிகளில் விளையாடியுள்ள இவர் 38 விக்கெட்களை வீழ்த்தியுள்ளார். 2013 ஆம் ஆண்டு நடைபெற்ற ஆஸ்திரேலிய அணிக்கு எதிரான தொடரின் ஒரு போட்டியில் 9 ஓவர்கள் வீசி 100 ரன்களை வாரி வழங்கினார். அதன் பின்னர், இந்திய அணியில் இருந்து இவர் காணாமல் போனார். மேலும், எந்த ஒரு உலக கோப்பை தொடரிலும் இவர் இடம்பெறவில்லை என்பதும் குறிப்பிடத்தக்கது.

#4.அம்பத்தி ராயுடு:

Rayudu was picked in India's 2015 World Cup squad and did not get a single game.

போதிய திறமை மற்றும் தகுதி இருந்தும் சர்வதேச கிரிக்கெட்டில் தடம்பதிக்க சற்று சிரமப்பட்ட வீரர்களில் ஒருவர், அம்பத்தி ராயுடு. 2013ஆம் ஆண்டு ஜிம்பாப்வே அணிக்கு எதிரான தொடரில் ஒருநாள் போட்டிகளில் அறிமுகம் கண்டார். அதன் பின்னர், இந்திய அணியில் அவ்வப்போது இடம்பெற்று இருந்தார். 2015ஆம் ஆண்டு உலக கோப்பை தொடரில் இடம்பெற்ற போதிலும் ஒரு போட்டியில் கூட இவர் ஆடும் லெவனில் இடம்பெறவில்லை. கடந்த ஓராண்டு காலமாக இந்திய அணியின் நான்காம் இடத்திற்கு உரிய பேட்ஸ்மேனாக காணப்பட்டார். அதன் பின்னர், இந்திய அணியின் தேர்வாளர்கள் இவருக்கு பதிலாக விஜய் சங்கரை உலக கோப்பை தொடருக்கான 15 பேர் கொண்ட அணியில் இணைத்து இவரின் உலக கோப்பை கனவை பறித்தனர். இதுவரை 55 ஒருநாள் போட்டிகளில் விளையாடியுள்ள இவர், 47 என்ற பேட்டிங் சராசரியுடன் 1694 ரன்களை குவித்துள்ளார்.

#3.அமித்மிஸ்ரா :

2010ஆம் ஆண்டு முதல் இந்திய அணியின் அதிர்ஷ்டமில்லாத வீரர்களில் ஒருவராக வலம் வருகிறார், அமித் மிஸ்ரா. இந்திய அணியில் அவ்வப்போது இடம் பெற்று அதன் பின்னர், வெளியேறியும் நிலையில்லாமல் இருந்தார், அமித் மிஸ்ரா. 2011 ஆம் ஆண்டு உலக கோப்பை தொடரில் இவரை விட இளம் சுழற்பந்துவீச்சாளர் ரவிச்சந்திரன் அஸ்வினுக்கு வாய்ப்பு கிடைத்தது. 2015ஆம் ஆண்டிலும் இவர் உலகக்கோப்பை அணியில் தேர்வு செய்யப்படவில்லை. அதன் பின்னர், 2017 ஆம் ஆண்டு குல்தீப் யாதவ் மற்றும் யுஸ்வேந்திர சாஹல் போன்ற ரிஸ்ட் சுழற்பந்து வீச்சாளர்களின் வருகையால் அமித் மிஸ்ராவின் சர்வதேச வாழ்க்கை முடிவுக்கு வந்தது. இதுவரை 36 ஒருநாள் போட்டிகளில் விளையாடியுள்ள இவர் 64 விக்கெட்களை கைப்பற்றினார். மேலும், இருமுறை ஒரே ஆட்டத்தில் தலா 5 விக்கெட்களை கைப்பற்றி உள்ளார் என்பதும் குறிப்பிடத்தக்கது.

#2.இர்பான் பதான்:

2000-ம் ஆண்டுக்குப் பின்னர் இந்திய அணியின் வேகப்பந்து வீச்சு ஆல்-ரவுண்டராக வலம் வந்தார், இர்பான் பதான். குறுகிய கால கட்டத்திலேயே தமது திறமையை வெளிப்படுத்தி இந்திய அணியில் நிரந்தர இடம் பிடித்தார். இதுவரை விளையாடிய 120 ஒருநாள் போட்டியில் 173 விக்கெட்களை கைப்பற்றி உள்ளார்/ இருவேறு கட்டமாக பிரிக்கப்பட்டுள்ள இவரது சர்வதேச கிரிக்கெட் வாழ்க்கையின் முதல் பாதியில் தொடர்ச்சியாக அணியில் இடம் பெற்றும் இரண்டாம் பாதியில் அவ்வப்போது இடம் பெற்று. அதன் பின்னர் வெளியேறுவதும் இவரது வாடிக்கையாய் அமைந்தன. 2011 மற்றும் 2012ம் ஆண்டுகளில் இந்திய அணிக்கு மீண்டும் திரும்பி இருந்தாலும் தனது பழைய தாக்கத்தினை ஏற்படுத்திய தவறினார், இர்பான் பதான்.

#1.வி.வி.எஸ்.லக்ஷ்மன்:

India's legendary test batsman VVS Laxman had a moderately successful ODI career

இந்திய அணியின் டெஸ்ட் ஜாம்பவான்களில் ஒருவரான வி.வி.எஸ்.லக்ஷ்மன் ஒருநாள் கிரிக்கெட் போட்டிகளில் பெருமளவில் ஜொலிக்கவில்லை. இவர் விளையாடியுள்ள 86 ஒருநாள் போட்டிகளில் 2,338 ரன்களை மட்டுமே இவர் குவித்திருந்தார். 2003ஆம் ஆண்டு நடைபெற்ற உலக கோப்பை தொடரில் மாற்று பேட்ஸ்மேனாக இடம்பெற்ற போதிலும் ஒரு போட்டியில் கூட இவர் களமிறக்கப்படவில்லை. 1999 மற்றும் 200ஆம் ஆண்டு உலக கோப்பை தொடர்களிலும் இவர் இந்திய அணியில் இடம் பிடிக்கவில்லை. எனவே, இவரது உலகக்கோப்பை தாகம் ஒருபொழுதும் தீர்க்கப்படவில்லை. அதே காலகட்டத்தில் ஆஸ்திரேலியாவின் ஜஸ்டின் லாங்கர் மற்றும் வி.வி.எஸ்.லக்ஷ்மனும் 100க்கும் மேற்பட்ட டெஸ்ட் போட்டிகளில் விளையாடி ஒரு உலகக் கோப்பை போட்டிகளில் கூட இடம் பெறாத இரு வீரர்கள் என்ற மோசமான சாதனையை பகிர்ந்தனர்.

Edited by Fambeat Tamil

Be the first one to comment