இந்தியா மற்றும் மேற்கிந்தியத் தீவுகள் மோதிய 3வது டி20யில் நிகழ்த்தப்பட்ட சாதனைப் புள்ளிவிவரங்கள்
![India won the T20I series 3-0 Against Windies. Courtesy: BCCI/Twitter](data:image/svg+xml,<svg xmlns="http://www.w3.org/2000/svg" viewBox="0 0 800 533"></svg>)
ஆகஸ்ட் 6 அன்று மேற்கிந்தியத் தீவுகள் மற்றும் இந்திய அணிகள் மோதிய 3வது டி20 போட்டியில் இந்திய அணி வென்றது. இதன்மூலம் 3-0 என தொடரை வென்று அசத்தியுள்ளது.
இந்ததொடரின் கடைசிப் போட்டியான இப்போட்டியில் டாஸ் வென்ற இந்தியா ஃபீல்டிங்கை தேர்வு செய்தது. சுற்றுப்பயணம் வந்துள்ள இந்திய அணி மேற்கிந்தியத் தீவுகளை 20 ஓவர்களில் 6 விக்கெட்டுகள் இழப்பிற்கு 146 ரன்களில் சுருட்டியது. இந்திய அணி இந்த இலக்கை 3 விக்கெட்டுகளை இழந்தே 19.1 ஓவர்களில் சேஸ் செய்தது. இந்திய அணி 5 பந்துகள் மீதமிருந்த நிலையிலேயே 7 விக்கெட்டுகள் வித்தியாசத்தில் வெற்றி பெற்றது.
முழு ரன் விவரம்:
மேற்கிந்திய தீவுகள் - 146/6 (20 ஓவர்கள்), கீரன் பொல்லார்ட்- 58, ரோவ்மன் பவ்ல்- 32*; தீபக் சகார்- 3/4)
இந்தியா - 150/3 (19.1 ஓவர்கள்), ரிஷப் பண்ட் - 65*, விராட் கோலி - 58; ஒஸானே தாமஸ் - 2/29.
ஆட்ட முடிவு: இந்திய அணி 7 விக்கெட்டுகள் வித்தியாசத்தில் வெற்றி.
அணிகளின் புள்ளி விவரங்கள்
மேற்கு இந்திய தீவுகள்:
1) இந்திய அணி முதலில் பேட் செய்து 20 ஓவர்கள் முடிவில் 6 விக்கெட்டுகளை இழந்து 146 ரன்களை விளாசியது. இதுஅவே இந்தியாவிற்கு எதிராக மேற்கிந்தியத் தீவுகளின் சொந்த மண்ணில் இரண்டாவது மிகக்குறைந்த ரன்களாகும். 2011ல் ஜீன் 4 அன்று போர்ட் ஆஃப் ஸ்பெயினில் நடந்த நடந்த போட்டி ஒன்றில் மேற்கிந்தியத் தீவுகளால் 20 ஓவர்கள் முடிவில் 5 விக்கெட்டுகள் இழப்பிற்கு 143 ரன்கள் குவிக்கப்பட்டுள்ளதே மேற்கிந்தியத் தீவுகள் தனது சொந்த மண்ணில் இந்தியாவிற்கு எதிராக குவித்த மிகக்குறைந்த ரன்களாக உள்ளது.
2) இந்த டி20 போட்டியின் இழப்பினால் மேற்கிந்தியத் தீவுகள் மொத்தமாக 57 சர்வதேச டி20 போட்டிகளை இழந்துள்ளது. இதுவே ஒரு அணியின் அதிகபட்ச சர்வதேச டி20 தோல்விகளாகும்.
இந்தியா
1) இந்தப் போட்டியில் இந்தியா வென்றதன் மூலம் தொடர்ந்து, மேற்கிந்தியத் தீவுகளுக்கு எதிராக இந்திய அணி தொடர்ந்து 6 போட்டிகளில் வென்றுள்ளது. மேற்கிந்திய தீவுகளுக்கு எதிராக தொடர்ந்து 6 போட்டிகளில் வென்ற முதல் அணி இந்தியா. இதற்கு அடுத்தபடியாக பாகிஸ்தான் 5 தொடர் வெற்றிகளை மேற்கிந்தியத் தீவுகளுக்கு எதிராக பெற்றுள்ளது.
2) இந்திய அணி 3-0 என இந்த இரு தரப்பு தொடரை வைட் வாஷ் செய்துள்ளது. 3 சர்வதேச டி20 போட்டிகள் கொண்ட தொடரில் இந்தியா செய்த 4வது வைட் வாஷ் இதுவாகும். இதில் இரு வைட் வாஷ் தொடர்கள் அந்நிய மண்ணில் வீழ்த்தப்பட்டது குறிப்பிடத்தக்கது. இதற்கு முன் 2016ல் நடந்த ஆஸ்திரேலியாவிற்கு எதிரான 3 போட்டிகள் கொண்ட டி20 தொடரில் இந்தியா 3-0 என ஆஸ்திரேலியாவை வைட் வாஷ் செய்துள்ளது.
