அனைத்துகால கிரிக்கெட்டில் கலக்கிய ஐந்து சிறந்த விக்கெட் கீப்பர்கள்

ஒவ்வொரு விளையாட்டும் தொடங்கிய காலம் முதலே அதன் தொடர்பான பல்வேறு பரிணாமங்களை எட்டி வருகிறது.கிரிக்கெட் போட்டிகளும் அவ்வாறே பற்பல மாற்றங்களைக் கொண்டு வந்து ரசிகர்களைச் சந்தோஷப்படுத்துகின்றது.காலவரம்பற்ற டெஸ்ட் போட்டிகள் ஐந்து நாட்கள் கொண்டதாகச் சுருக்கப்பட்டதும் எல்லைகளே இல்லாத கிரிக்கெட் பிட்சுகளும் தற்போது 22 யார்டு பரப்பின் இடையே ஸ்டிரிப்பை கொண்டு வடிவமைக்கப்பட்டுள்ளது.இந்தப் புதுவகையான மாற்றங்களால், பல்வேறு புதிய கிரிக்கெட் ஷாட்களும் அகன்ற விதத்தில் பந்துவீச்சாளர்களும் தங்கள் திறனை மேலும் வளர்த்துள்ளனர்.இதற்கிடையில், விக்கெட் கீப்பங்கும் பெரும் அளவில் மாற்றம் செய்யப்படாத ஒன்றாகும்.1990 காலகட்டத்தில் விக்கெட் கீப்பிங் என்பது ஒரு பணியாக மட்டுமே கிரிக்கெட்டில் கருதப்பட்டது.1990 -களின் இறுதியிலும் 2000 - களின் தொடக்கத்திலும் அது தனது போக்கை மாற்றித் தனது பொன்னான பணியைத் தொடங்க அமைத்தது.டி20 போட்டிகளில் கிரிக்கெட் வீரர்கள் ஒரு விக்கெட் கீப்பராக மட்டுமே இருக்காமல் அணியின் பேட்டிங் பலத்தை கூட்டும் வகையில் ஒரு அபாயகரமான பேட்ஸ்மேனாக உருவெடுக்கத் தொடங்கினர்.

கிரிக்கெட் வரலாற்றில் குறிப்பிட்ட வீரர்கள் ஒரு விக்கெட் கீப்பராகவும் அதேசமயம் ஒரு நல்ல பேட்ஸ்மேனாகவும் தங்களது திறனை வெளிப்படுத்தினர்.அவ்வாறு தங்களது திறனைக் கச்சிதமாய் வெளிபடுத்திய அனைத்து கால சிறந்த ஐந்து விக்கெட் கீப்பர்கள இனி காண்போம்.

5.பிரண்டன் மெக்கல்லம் :

Brendon McCullum looking most dangerous opener in worldcup 2015

பிரண்டன் மெக்கல்லம் என்றவுடனே பல கிரிக்கெட் ரசிகர்களின் நினைவுக்கு வருவது, பந்து வீச்சாளர்களுக்கு எதிராக அசுர வேகத்தில் தாக்குதல் நடத்தும் திறன் கொண்ட பேட்ஸ்மேன் என்பதேயாகும்.கம்பீரம், வேகம் மற்றும் அச்சமின்றி பந்தை எதிர்கொள்ளும் திறன் அவரது கிரிக்கெட் வாழ்க்கையில் இறுதிவரை காணப்பட்டது.

21 -ஆம் நூற்றாண்டின் கிரிக்கெட் உலகின் ரசிகர் கூட்டத்தைக் கவரக்கூடிய வீரர்களில் இவரும் ஒருவர்.இவர் சற்று உயரம் குறைவாய் இருந்தாலும், தனது விக்கெட் கீப்பிங் பணியை அதற்கேற்ப கச்சிதமாய் செய்தார்.

பின்னர் இவர் ஒரு நல்ல பீல்டராகவும் செயல்பட்டார்.36 வயதில் வெகுசிலரால் மட்டுமே பந்தைத் துரத்திப்பிடிக்கும் திறன் வெளிபடும், அவர்களில் இவரும் ஒருவர்.

இவரத அச்சமில்லாத மற்ற அணியினருக்கு எதிரான கேப்டன்ஷிப் நியூசிலாந்து கிரிக்கெட் அணிக்கு ஒரு புரட்சியை ஏற்படுத்தியது.ஒரு பேட்ஸ்மேனாகப் பல போட்டிகளில் நினைவுக்கூரக்கூடிய வகையில் ஆடியுள்ளார்.முச்சதத்தை அடித்து இந்தியாவிற்கு எதிரான ஒரு டெஸ்ட் போட்டியை வென்றது, ஐபிஎல் - இல் 158 ரன்களை அடித்தது, இந்திய ரசிகர்கள் எப்போதும் மறக்கமுடியாத ஆட்டங்களாகும்.

அந்த ஐபிஎல் சதம் அடித்து எட்டு ஆண்டுகள் கழித்து டெஸ்ட போட்டிகளில் அதிவேக சதத்தை எட்டிய வீரர் என்ற பெருமையைத் தனதாக்கினார்.2015 உலகக்கோப்பையில் நியூசிலாந்து அணி இறுதி போட்டிக்கு முன்னேற அரும்பாடுபட்டார்.ஒரு கேப்டனாகவும் ஒரு தொடக்க ஆட்டக்காரராகவும் ஒரு நல்ல பீல்டராகவும் பிற்காலத்தில் தன் அணிக்காக அரும்பணியாற்றினார். வெறும் ஒரு கோடி மக்கள் தொகை கூட இல்லாத ஒரு நாட்டு கிரிக்கெட் அணியை உலகறியச்செய்தார்.இவரது தொடக்க ஆட்டத்திறனை 2015 - இன் உலகக்கோப்பையில் எவராலும் தடுக்கமுடியவில்லை.

4.மார்க் பவுச்சர் :

Mark Boucher

மார்க் பவுச்சரைவிட இன்றைய விக்கெட் கீப்பர்கள் சிறந்தவர்களாக இருந்தாலும் நீண்டகால உழைப்பும் வெற்றியை அணிக்கு சேர்க்கும் திறனும் இவரை ஒரு சிறந்தவராக நிலைநிறுத்தியது.இவர் சங்கக்கரா போன்ற பேட்டிங் திறனால் ஆசிர்வதிக்கப்பட்ட ஒரு விக்கெட் கீப்பராக இல்லாவிட்டாலும் அணிக்கு தேவைப்படும்போது தன்னை பலமுறை அர்ப்பணித்து வெற்றியை தேடித்தந்தார்.இது அவரது தனிப்பட்ட பலமாகும்.

இவர் அணியில் அனைத்து பேட்டிங் ஆர்டர்களிலும் ஆடிக்கூடிய திறன்பெற்று தன் திறனை மேலும் நிரூபித்தார்.இவரது கடின உழைப்பிற்கு கிடைத்த சாதனையான 556 என்ற அதிகமுறை ஆட்டமிழக்கச் செய்த டெஸ்ட் சாதனை நீண்டகாலமாக முறியடிக்க முடியாத ஒன்றாகவே உள்ளது.998 ஆட்டமிழப்பு சாதனையை நிகழ்த்தி விக்கெட் கீப்பிங் உலகில் தனக்கு நிகர் தானே என்று நிரூபித்துள்ளார்.

3.எம்.எஸ்.தோனி :

Mahendra Singh Dhoni

அனைத்துகால சிறந்த விக்கெட் கீப்பராக உலகளவில் அறியப்படுபவர் எம்.எஸ்.தோனி.விக்கெட் கீப்பிங்கிலோ அல்லது பேட்டிங்கிலோ அல்லது கேப்டன்சியிலோ தனக்கென தனி போக்கை கடைப்பித்தவர் தோனி.ஒருநாள் கிரிக்கெட் போட்டிகளில் சிறந்த பேட்ஸ்மேன்களில் ஒருவரும் இந்திய கிரிக்கெட்டில் சிறந்த கேப்டன் என்ற சாதனை படைத்தவர் தோனி.இவரது தலைமையில் இந்திய அணி ஐசிசியின் அங்கீகரிப்பட்ட அனைத்து வகையான கோப்பைகளையும் வென்றது.மேலும் சில கோப்பைகளையும் அணிக்கு வென்று கொடுத்தார்.

ஒரு பேட்ஸ்மேனாக தன்னை அணியின் மிடில் ஆர்டரில் எந்த இடத்திலும் இறங்கி ஆடக்கூடிய வல்லமையை பெற்றிருந்தார்.அதேசமயம், ஆட்டத்தை வெற்றிகரமாக முடிக்கக்கூடிய உலகின் சிறந்த பினிஷராகவும் தனக்கு நிகரில்லை என பலமுறை நிரூபித்துள்ளார்.2011 உலகக்கோப்பை இறுதி போட்டியில் ஆட்டத்தை சிக்ஸரில் முடித்து வைத்து, இந்திய ரசிகர்களுக்கு ஒரு மறக்கமுடியாத தருணத்தை அளித்தார் தோனி.மேலும், ஆட்டத்தில் பீல்டிங் நிறுத்துவதிலும் அறிவார்ந்த முடிவு எடுப்பதிலும் ஒரு சிறந்த கேப்டனாக இருந்தார்.

தனது மின்னல் வேக ஸ்டம்பிங்குகளை செய்து பேட்ஸ்மேன்களை ஆட்டமிழக்க வைத்தல் மற்றும் எதிர்பார்க்க முடியாத ரன் அவுட்களை செய்வதிலும் இவருக்கு நிகர் இவரே என பலமுறை கிரிக்கெட் உலகில் நிரூபித்துள்ளார்.

2.குமார் சங்கக்கரா :

Kumar Sangakara

கடந்த சில ஆண்டுகளில் குமார் சஙகக்கரா செய்ததை போல் உலகின் வேறு எந்த பேட்ஸ்மேனும் அவ்வாறாக கிரிக்கெட்டை ஆண்டதில்லை.இவரது கிரிக்கெட் தொடக்க காலம் முதலே ரன்களை குவித்து வந்தார்.மேலும், இவர் 37 - வது வயதில் தனது சர்வதேச இறுதி காலமான உலகக்கோப்பையில் தொடர்ந்து நான்கு சதங்கள் அடித்து அனைவரையும் ஆச்சர்யத்திற்கு உள்ளாக்கினார்.

41.80 என்ற சிறந்த பேட்டிங் ஆவரேஜை ஒருநாள் போட்டிகளில் வைத்திருந்தபோதிலும் டெஸ்ட் போட்டிகளில் இவர் செய்த மகத்தான சாதனைகள் போற்றக்கூடியவை.இவர் ஆரம்பகாலங்களில் வெளிநாட்டு தொடர்களில் ஜொலிக்க தவறினார்.ஆனால், இவர் ஓய்வுபெறும் தருணத்தில் எந்தவொரு வீரரும் செய்திடாத சாதனைகளை வெளிநாட்டு மண்ணில் செய்து வியப்பூட்டினார்.

‌மேலும், இவர் ஒரு மகத்தான விக்கெட் கீப்பரும் கூட.இவரது பேட்டிங் மற்றும் விக்கெட் கீப்பிங் பணியை ஒருசேர நிர்வகிக்கும் திறன் மற்றும் இலங்கை அணியை உலகக்கோப்பை இறுதிப்போட்டி வரை அழைத்துச்சென்று வழிநடத்தினார்.இதுபோன்ற சிரமமான காரியங்களை கையாண்டுள்ளதால் கிரிக்கெட் உலகில் அனைத்து ரசிகர்களாலும் இவர் இன்றளவும் போற்றப்படுகிறார்.

‌1.ஆடம் கில்கிறிஸ்ட் :

Most destructive opening wicket keeper

நீங்கள் கில்கிறிஸ்ட்டை விட சிறந்த பொழுது போக்கு வீரரை கிரிக்கெட் உலகில் கண்டதுண்டா? கிரிக்கெட் உலகில் கில்கிறிஸ்ட்டை போன்ற வெகு சில பேட்ஸ்மேன்களே தங்களது பங்களிப்பை ஓய்வுபெறும் வரை திறம்பட தந்துள்ளனர்.2000 - களின் தொடக்கத்தில் ஆஸ்திரேலியா அணியில் முக்கிய வீரராக பங்காற்றினார்.இவரது உழைப்பால் ஆஸ்திரேலியா அணி தொடர் வெற்றிகளை குவித்தது.

ஹேய்டன் எதிரணிக்கு ஒரு சிறிய காயம் அடைய காரணமாவார்.இதனை தொடர்ந்து, பாண்டிங் அந்த காயத்தை பெரிதாக்குவார்.பின்னர், கில்கிறிஸ்ட்டோ அந்த காயத்தின் உள் ஊடூருவிச் சென்று எதிரணி வீரர்களுக்கு பெரும் குடைச்சல் தருவார்.

ஆஸ்திரேலியா அணியின் ஒருநாள் போட்டிகளின் தொடக்க ஜோடியான ஹேய்டன் மற்றும் கில்கிறிஸ்ட் எதிரணி வீரர்களின் பகல் கனவை தகர்ப்பர்.உலகின் எந்தவொரு அபாயகரமான பந்துவீச்சாளர்களும் இவர்களது ரன் குவிப்பை தடுக்கமுடியாமல் கஷ்டப்பட்டனர். பந்துவீச்சாளர்களுக்கு எதிராக கருணையின்றி ஆடும் இவர்களது தொடக்க கூட்டணி ஆஸ்திரேலிய அணிக்கு தொடர்ந்து பல்வேறு வெற்றிகளை குவிக்க காரணமாய் அமைந்தது.இவர் 2007 -இன் உலகக்கோப்பையில் இலங்கைக்கு எதிரான இறுதிப்போட்டியில் இலங்கை பந்தவீச்சாளர்களை பின்னியெடுத்து அடித்த மிரட்டலான சதமே இவரது மிகச்சிறந்த ஆட்டமாகும்.இதனாலே, அந்த போட்டியானது உலகக்கோப்பை போட்டிகளில் ஆகச்சிறந்ததாகவும் கருதப்படுகிறது.

பேட்டிங்கில் அவ்வப்போது சற்று சறுக்கினாலும் விக்கெட் கீப்பிங்கில் தனது திறனை திறம்பட செய்தார்.மேலும் அதனால் பல சாதனைகளையும் குவித்தார்.சுருக்கமாக சொல்லவேண்டுமானால், 'விக்கெட் கீப்பிங் - பேட்ஸ்மேன்' என்ற புது வார்த்தையையே கிரிக்கெட் உலகில் புகுத்தினார்.மேலும் இவரது வெறித்தனமான பேட்டிங் மற்றும் கீப்பிங் பணியால், பல புதிய தலைமுறை வீரர்களுக்கு தூண்டுகோலாக உள்ளார்.

எழுத்து

ப்ரோக்கன் கிரிக்கெட்

மொழியாக்கம்

சே.கலைவாணன்