Create
Notifications
New User posted their first comment
Advertisement

இங்கிலாந்திற்கு எதிரான உலகக் கோப்பை தொடரின் முதல் போட்டியில் தென்னாப்பிரிக்கா எதிர்கொள்ள உள்ள 3 சவால்கள்

Amla & Decock
Amla & Decock
Sathishkumar
ANALYST
Modified 30 May 2019, 12:45 IST
சிறப்பு
Advertisement

கிரிக்கெட் விளையாட்டின் மிகப்பெரிய திருவிழாவான உலகக் கோப்பை தொடர் இன்று இங்கிலாந்து மற்றும் வேல்ஸில் கோலாகலமாக தொடங்க உள்ளது. உலகில் உள்ள அனைத்து கிரிக்கெட் ரசிகர்களும் அதிகம் எதிர்பார்த்து காத்திருக்கும் தொடராக இது திகழ்கிறது.

கடைசியாக நடந்த உலகக் தொடருக்கும் தற்போது நடைபெற உள்ள உலகக் கோப்பை தொடருக்கும் அதிக வேறுபாடுகள் உள்ளது. 2015 உலகக் கோப்பை தொடர் ஆஸ்திரேலியா மற்றும் நியூசிலாந்தில் நடைபெற்றது. தற்போது இங்கிலாந்தில் நடைபெற உள்ளது. கடந்த உலகக் கோப்பை தொடரில் நியூசிலாந்து மற்றும் ஆஸ்திரேலியா இறுதிப் போட்டியில் மோதின. தென்னாப்பிரிக்கா மற்றும் இந்திய அணிகள் அரையிறுதியில் வெளியேறின. முதன் முதலாக உலகக்கோப்பை தொடரில் இறுதிப் போட்டிக்கு தகுதி பெற்ற நியூசிலாந்து இறுதிப் போட்டியில் தோற்று கோப்பையை ஆஸ்திரேலியாவிடம் பறிகொடுத்தது.

2015 உலகக் கோப்பை தொடருக்கு பிறகு இங்கிலாந்து உலகின் நம்பர் 1 ஓடிஐ அணியாக வலம் வருகிறது. சிறப்பான பேட்டிங் லைன-அப், பவர் ஹீட்டர்கள் மற்றும் 7வதாக களமிறங்கும் வீரர் கூட சதம் விளாசும் அளவிற்கு அந்த அணி வலிமையாக திகழ்கிறது. கடைசியாக நடந்த உலகக் கோப்பைக்குப் பிறகு இங்கிலாந்து அணி 300க்கும் மேல் அல்லது 400 ரன்களை எந்த அணிக்கு எதிராகவும் விளாசும் வலிமை வாய்ந்ததாக உள்ளது. அத்துடன் தனது சொந்த மண்ணிலும் சரி அந்நிய மண்ணிலும் சரி இங்கிலாந்தின் ஆட்டத்திறன் சிறப்பாக உள்ளது. 

தென்னாப்பிரிக்க அணி பேப்பரில் மட்டுமே வலிமையான அணியாக உள்ளது. சமீபத்தில் அந்த அணியிலிருந்து ஏபி டிவில்லியர்ஸ் மற்றும் மோர்னே மோர்கல் ஆகியோர் சர்வதேச கிரிக்கெட்டிலிருந்து ஓய்வு பெற்றப்பின் அந்த அணியின் பேட்டிங் மோசமடைந்து உள்ளது. இந்தியாவிற்கு எதிராக தனது சொந்த மண்ணில் நடந்த போட்டியில் 6-1 என ஒருநாள் தொடரை இழந்தது. 

இருப்பினும் தென்னாப்பிரிக்க அணி சமீபத்தில் நடந்த இரு வெளிநாட்டு தொடர்களான இலங்கை மற்றும் ஆஸ்திரேலியா ஆகிய ஒருநாள் தொடர்களில் சிறப்பான ஆட்டத்தை வெளிப்படுத்தி கைப்பற்றியது. அத்துடன் உலகக் கோப்பை பயிற்சி ஆட்டத்தில் சிறப்பான அதிரடி ஆட்டத்தை வெளிப்படுத்தி உலகக் கோப்பை சவாலிற்கு தயார் என உலகிற்கு அறிவித்துள்ளது. 

இருப்பினும் உலகக் கோப்பை வெல்ல அதிக வாய்ப்புள்ள அணியாக திகழும் இங்கிலாந்து அணிக்கு எதிராக தென்னாப்பிரிக்கா தடுமாற வாய்ப்புள்ளது. நாம் இங்கு இங்கிலாந்திற்கு எதிராக தென்னாப்பிரிக்கா எதிர்கொள்ள உள்ள 3 சவால்கள் குறித்து காண்போம்.

#1 இங்கிலாந்து பேட்டிங்

Jason roy & Johnny Barstow
Jason roy & Johnny Barstow

இங்கிலாந்து அணி மிகவும் வலிமையான பேட்டிங் வரிசையில் தன்வசம் வைத்துள்ளது. ஜெஸன் ராய், ஜானி பேர்ஸ்டோவ், ஜோ ரூட், ஜாஸ் பட்லர், இயான் மோர்கன் ஆகியோர் இங்கிலாந்தின் மிக வலிமையான டாப் ஆர்டர் பேட்ஸ்மேன்கள். மொய்ன் அலி, பென் ஸ்டோக்ஸ் கடைநிலை பேட்ஸ்மேன்களாக உள்ளனர். இவர்களுடன் அடில் ரஷீத் மற்றும் கிறிஸ் வோக்ஸும் சிறப்பான ஆட்டத்தை இக்கட்டான சூழ்நிலையில் வெளிபடுத்துவார்கள். 

மேலே குறிப்பிட்ட வீரர்கள் இங்கிலாந்து மைதானத்தில் சிறப்பான ரன்களை குவிப்பதில் வல்லவர்கள். இவர்களது அதிரடி பேட்டிங் மூலம் அதிக ரன்களை ஒருநாள் போட்டிகளில் குவித்து சாதனை படைத்தாளும் ஆச்சரியப்படுவதிற்கு இல்லை.

Advertisement

தென்னாப்பிரிக்க அணிக்கு இது ஒரு பெரிய சவாலாக இருக்கும். காயம் காரணமாக முதல் போட்டியிலிருந்து விலகிய அனுபவ வேகப்பந்து வீச்சாளர் டேல் ஸ்டெய்ன் இல்லாமல் தென்னாப்பிரிக்கா களமிறங்க உள்ளது. இருப்பினும் தென்னாப்பிரிக்கா லுங்கி நிகிடி மற்றும் காகிஸோ ராபாடா அகிய இரு வலிமையான வேகப்பந்து வீச்சாளர்களை கடந்த இரு வருடங்களில் உற்பத்தி செய்துள்ளது. உலகக் கோப்பையில் பங்கேற்ற அனுபவ வேகப்பந்து வீச்சாளர்கள் என தென்னாப்பிரிக்க அணியில் யாரும் இல்லை.

இம்ரான் தாஹீருக்கு இது மூன்றாவது உலகக் கோப்பை தொடராகும். கடந்த வருடம் சர்வதேச கிரிக்கெட்டிலிருந்து ஓய்வு பெற்ற மோர்னே மோர்கல் மற்றும் காயம் காரணமாக விலகிய டேல் ஸ்டெய்ன் ஆகிய அனுபவ பந்து வீச்சாளர்கள் இல்லை என்றாலும், இம்ரான் தாஹீர் சிறப்பான ஆட்டத்தை வெளிப்படுத்துவார் என எதிர்பார்க்கப்படுகிறது.

1 / 2 NEXT
Published 30 May 2019, 12:45 IST
Advertisement
Fetching more content...
App download animated image Get the free App now
❤️ Favorites Edit