2019 உலகக்கோப்பை தொடரின் மிகச்சிறந்த தேடல்கள் 

#1.அலெக்ஸ் கேரி:

The Little Master Sachin Tendulkar was impressed by the Australian wicket-keeper Alex Carey

ஆஸ்திரேலிய அணியின் பேட்டிங் வரிசை மிகவும் பலமிகுந்த முறையில் இந்த உலக கோப்பை தொடரிலும் அமைந்தது. இருப்பினும், அணியின் விக்கெட் கீப்பரான அலெக்ஸ் கேரி தமக்கு வழங்கப்பட்ட வாய்ப்புகளை சரியாக பயன்படுத்திக் கொண்டு அணியின் வெற்றிக்கு முக்கிய பங்காற்றினார். எட்டு இன்னிங்சில் களமிறங்கிய இவர் 375 ரன்கள் குவித்து தொடரில் அதிக ரன்கள் குவித்த நான்காவது ஆஸ்திரேலிய பேட்ஸ்மேன் என்ற பெருமையை பெற்றார். நியூசிலாந்து மற்றும் தென் ஆப்பிரிக்க அணிகளுக்கு எதிரான போட்டிகளில் அணியின் முக்கிய பேட்ஸ்மேன்களுக்கான ஆரோன் பின்ச், டேவிட் வார்னர், ஸ்டீவ் ஸ்மித், கிளைன் மேக்ஸ்வெல் போன்ற 4 வீரர்களின் விக்கெட்களை விரைவிலேயே இழந்து ஆஸ்திரேலிய அணி தவித்த வேளையில், தனது பேட்டிங் மூலம் அணியை மீட்டெடுத்தார். அரையிறுதிப் போட்டியில் கூட சோப்ரா ஆர்ச்சர் வீசிய பந்து இவரின் தலையை பதம் பார்த்த போதும் 46 ரன்களை குவித்தது மிகவும் பாராட்டுக்குரியது. உலக கோப்பை தொடர் துவங்குவதற்கு முன்னர், சர்வதேச ஒருநாள் போட்டிகளில் பேட்ஸ்மேன்கள் தரவரிசையில் 89வது இடத்தில் இருந்த இவர், தொடர் முடிந்த பின்பு 32வது இடத்திற்கு முன்னேறியுள்ளார். எனவே, உலகக்கோப்பை தொடரில் இவரை விட மிகச்சிறந்த தேடல் நிச்சயமாக எவரும் இல்லை. "கிரிக்கெட் கடவுள்" என்று வர்ணிக்கப்படும் சச்சின் டெண்டுல்கர் கூட இவரின் பங்களிப்பை கண்டு மிகவும் நெகிழ்ச்சி அடைந்தார்.