Create
Notifications
Favorites Edit
Advertisement

2019 உலகக் கோப்பை தொடரில் தென்னாப்பிரிக்காவிற்கு எதிரான போட்டியில் இந்தியாவின் வெற்றிக்கு காரணமாக அமைந்த 3 காரணிகள்

Sathishkumar
ANALYST
சிறப்பு
565   //    06 Jun 2019, 09:19 IST

Indian cricket Team
Indian cricket Team

ஐசிசி உலகக் கோப்பை ஆரம்பமானதிலிருந்து கிட்டத்தட்ட ஒரு வாரத்திற்கு பிறகு இந்திய அணி தனது முதல் போட்டியில் தென்னாப்பிரிக்காவை சவுத்தாம்டனில் உள்ள ஏஜஸ் பௌல் மைதானத்தில் எதிர்கொண்டது. 

இருப்பினும் இவ்வளவு நாள் காத்திருப்பு ஒரு சரியான பலனையே அளித்துள்ளது. இந்த போட்டியில் தென்னாப்பிரிக்காவை விட இந்தியாவின் பேட்டிங், பௌலிங், ஃபீல்டிங் என மூன்றும் சிறப்பாக இருந்ததது. இந்திய அணியின் சிறப்பான ஆல்-ரவுண்டர் திறனால் ஃபேப் டுயுபிளஸ்ஸி தலைமையிலான தென்னாப்பிரிக்க அணிக்கு இவ்வருட உலகக் கோப்பையில் மூன்றாவது தொடர் தோல்வியை அளிக்கப்பட்டுள்ளது. 

வேகப்பந்து வீச்சாளர்கள் சிறப்பான வேகத்திலும், சுழற்பந்து வீச்சு இரட்டையர்கள் குல்தீப் யாதவ் மற்றும் யுஜ்வேந்திர சகால் மிடில் ஓவரில் ஒரு நல்ல கட்டுபாட்டையும் இந்த போட்டியில் வெளிபடுத்தினர். பேட்டிங்கில் பொறுத்தவரை ரோகித் சர்மா இறுதி வரை நிலைத்து நின்று இந்தியாவை வெற்றி பாதைக்கு அழைத்துச் சென்றார். இவருக்கு கே.எல்.ராகுல், எம்.எஸ்.தோனி, ஹர்திக் பாண்டியா ஆகியோர் ரோகித் சர்மாவுடன் இனைந்து நிலையான ஆட்டத்தை வெளிப்படுத்தினர்.

இந்திய அணியின் அருமையான இந்த வெற்றியில் அந்த அணி வெற்றி பெற 3 காரணிகள் உதவியாக இருந்தது. அதைப்பற்றி நாம் இங்கு காண்போம்.

#3 ஜஸ்பிரிட் பூம்ரா, யுஜ்வேந்திர சகால் ஆகியோரின் சிறப்பான பௌலிங்

Jasprit Bumrah, Yuzvendra chahal
Jasprit Bumrah, Yuzvendra chahal

தென்னாப்பிரிக்க கேப்டன் ஃபேப் டுயுபிளஸ்ஸி டாஸ் வென்று பேட்டிங்கை தேர்வு செய்தார். ஆனால் இந்த முடிவு அவருக்கு சாதகமாக இல்லை. ஆட்டத்தின் தொடக்கத்திலே அந்த அணி இரு தொடக்க ஆட்டக்காரர்களையும் இழந்தது. பூம்ராவின் அனல் பறக்கும் பந்துவீச்சினை அவர்களால் சரியாக எதிர்கொள்ள இயலவில்லை.

பூம்ரா முதல் சில ஓவர்களில் டிக்காகிற்கு சற்று ஸ்டம்ப் லைனிற்கு பக்கவாட்டில் வீசி வந்தார். புவனேஸ்வர் குமாரும் தனது வேகத்தின் மூலம் ஹாசிம் அம்லாவிற்கு நெருக்கடியை அளித்தார். வலதுகை பேட்ஸ்மேன் அம்லா 4வது ஓவரில் பூம்ரா வீசிய பந்தை பேட் கொண்டு மெதுவாக தொட அது பின்னால் இருந்த ரோகித் சர்மாவிடம் கேட்சாக மாறியது.

பூம்ரா ஒரு நல்ல லென்தில் தொடர்ந்து பௌலிங் செய்து கொண்டிருந்த காரணத்தால் ரன்கள் அதிகம் போகாமல் கட்டுப்படுத்தினார். பூம்ரா தனது 3வது ஓவரை வீச வரும்போது, மிகவும் அதிக வேகத்தில், சிறந்த ஆட்டத்திறனுடன் திகழும் டிகாக்கிற்கு வீசினார். அதை சரியாக எதிர்கொள்ளாமல் பேட் கொண்டு தட்டிய போது பந்து 3வது ஸ்லிப்பில் நின்று கொண்டிருந்த கேப்டன் விராட் கோலியிடம் கேட்ச் ஆனது.வேகப்பந்து வீச்சை தென்னாப்பிரிக்க தொடக்க ஆட்டக்காரர்களால் சரியாக எதிர்கொள்ள முடியாத காரணத்தால் தொடக்க ஆட்டக்காரர்கள் ஆரம்பத்திலே வெளியேற்றப்பட்டனர். இதனால் மிடில் ஆர்டர் பேட்ஸ்மேன்கள் முன்னதாகவே களம் காண நேரிட்டது.

ஃபேப் டுயுபிளஸ்ஸி மற்றும் வென் டேர் துஸன் ஆகியோரின் நிதான ஆட்டத்தை கையாண்டு ஒரு நல்ல பார்ட்னர் ஷிப் உருவாக்கி கொண்டிருந்தனர். இவர்கள் இருவரும் சேர்ந்து 3வது விக்கெட்டிற்கு 54 ரன்கள் பார்ட்னர் ஷிப் செய்து விளையாடத் தொடங்கினர். 2018ல் நடந்த தென்னாப்பிரிக்காவிற்கு எதிரான தொடரில் சிறப்பான பந்துவீச்சை மேற்கொண்ட யுஜ்வேந்திர சகாலை விராட் கோலி பௌலிங் செய்ய அழைத்து வந்தார்.

Advertisement

பூம்ராவைப் போலவே, யுஜ்வேந்திர சகாலும் தனது இரண்டாவது ஓவரில் விக்கெட் வீழ்த்தினார். அத்துடன் அதே ஓவரில் மற்றொரு விக்கெட்டையும் வீழ்த்தி தென்னாப்பிரிக்க பேட்ஸ்மேன்களுக்கு அதிர்ச்சியை அளித்தார். இரு நிலையான பேட்ஸ்மேன்களும் சகாலின் சுழற்பந்து வீச்சை தாக்கு பிடிக்க முடியாமல் வெளியேறினர். 28வயதான சகால் சிறப்பான சுழலை வீசி ஸ்டம்ப் பெய்ஸை தகர்த்தெறிந்தார்.

டாப் ஆர்டர் சொதப்பிய காரணத்தால் தென்னாப்பிரிக்க அணியால் மீண்டும் எள முடியவில்லை. சகால் மிடில் ஓவரிலும் சிறப்பான பௌலிங்கை மேற்கொண்டார். இறுதியாக 10 ஓவர்கள் வீசி 4 விக்கெட்டுகளை வீழ்த்தினார்.

1 / 3 NEXT
Tags:
Advertisement
Advertisement
Fetching more content...