உலகக் கோப்பை தொடரில் ஆஸ்திரேலியாவிற்கு எதிரான போட்டியில் இந்திய அணி இந்த 5 வீரர்களுக்கு எதிராக மிகவும் கவனமாக இருக்க வேண்டும்

இந்திய அணி 2019 உலகக் கோப்பை தொடரில் சவுத்தாம்டனில் நடந்த தென்னாப்பிரிக்காவிற்கு எதிரான முதல் போட்டியில் 6 விக்கெட்டுகள் வித்தியாசத்தில் வெற்றி பெற்று அதிரடி துவக்கத்தை அளித்துள்ளது. இந்த போட்டியில் பேட்டிங், ஃபீல்டிங், பௌலிங் என மூன்றிலும் அசத்திய இந்திய அணி மூன்றாவது தொடர் தோல்வியை தென்னாப்பிரிக்க அணிக்கு அளித்தது.

இந்திய அணியின் முதல் வெற்றிக்கு பௌலிங் ஒரு முக்கிய காரணமாக அமைந்தது. தென்னாப்பிரிக்க அணியை 227 ரன்களில் சுருட்டியது இந்தியா. பேட்டிங்கில் ரோகித் சர்மா பொறுமையான ஆட்டத்தை வெளிப்படுத்தி கிட்டத்தட்ட தனிஒருவராக இந்திய அணியை வெற்றி பாதைக்கு அழைத்துச் சென்றார். இந்திய அணி தனது முதல் உலகக்கோப்பை போட்டியில் சிறப்பான ஆல்-ரவுண்டர் திறனை வெளிப்படுத்தியுள்ளது.

இந்திய அணி தனது இரண்டாவது உலகக் கோப்பை போட்டியில் ஜீன் 9 அன்று ஆஸ்திரேலியாவை லண்டனில் உள்ள கெனிங்டன் ஓவல் மைதானத்தில் மோத உள்ளது. ஆஸ்திரேலியா ஐசிசி ஓடிஐ தரவரிசையில் 5வது இடத்தில் இருந்தாலும், உலகக் கோப்பை தொடரில் எப்பொழுதுமே முன்னணியாக திகழும். ஆஸ்திரேலியா 2019 உலகக் கோப்பை தொடரில் ஏற்கனவே இரு போட்டிகளில் வெற்றி பெற்றுள்ளது. ஒரு சிறந்த அணியாக வலம் வந்து கொண்டுள்ளது.

கிரிக்கெட்டில் இந்திய-ஆஸ்திரேலிய அணிகள் மோதிய போட்டிகளில் இந்திய அணிக்கு பெரும் தடுமாற்றத்தை உண்டாக்கிய 5 ஆஸ்திரேலிய வீரர்களைப் பற்றி நாம் இங்கு காண்போம்.

#5 பேட் கமின்ஸ்

கடந்த வருடத்தின் இறுதியில் இந்திய அணி ஆஸ்திரேலியா சென்று விளையாடிய போது பேட் கமின்ஸ் சிறப்பான ஆட்டத்தை இந்தியாவிற்கு எதிராக வெளிபடுத்தவில்லை. அந்த தொடரில் ஆஸ்திரேலிய மண்ணில் டெஸ்ட் மற்றும் ஓடிஐ தொடரை இந்தியா கைப்பற்றியபோது தனி ஒருவராக போராட முயன்றார் பேட் கமின்ஸ்.

பேட் கமின்ஸ் 18 வயதில் தென்னாப்பிரிக்காவிற்கு எதிரான போட்டியில் அறிமுகமானார். இவரது அறிமுக டெஸ்ட் போட்டியிலேயே 7 விக்கெட்டுகளை வீழ்த்தி அசத்தி அனைவரது கவனத்தையும் தன் பக்கம் ஈர்த்தார். தற்போது சிறப்பான வேகத்தில் வீசும் வேகப்பந்து வீச்சாளர்களுள் இவரும் ஒருவராக திகழ்கிறார். அத்துடன் பேட்டிங்கிலும் சிறப்பான ஆட்டத்தை வெளிப்படுத்துகிறார்.

உயரமான அதிரடி வேகப்பந்து வீச்சாளர் பேட் கமின்ஸ் இந்தியாவிற்கு எதிராக சிறப்பான சாதனையை தன் கட்டுப்பாட்டில் வைத்துள்ளார். இந்திய அணிக்கு எதிராக 11 போட்டிகளில் பங்கேற்று 27.33 சராசரியுடன் 18 விக்கெட்டுகளை வீழ்த்தியுள்ளார். அதிகபட்சமாக ஒரு போட்டியில் 70 ரன்களை பௌலிங்கில் அளித்து 5 விக்கெட்டுகளை வீழ்த்தியுள்ளார். சவுத்தாம்டனில் நடந்த போட்டியில் காகிஸோ ரபாடா இந்திய தொடக்க ஆட்டக்காரர்களை தடுமாறச் செய்தார். இவரது பந்துவீச்சை போலவே பேட் கமின்ஸும் பந்துவீசி இந்திய தொடக்க ஆட்டக்காரர்களை தடுமாறச் செய்ய வாய்ப்புள்ளது. இதற்கு ஆடுகளத்தின் தன்மை மிக முக்கியம்.

#4 க்ளென் மேக்ஸ்வெல்

அதிரடி பேட்டிங்கை வெளிபடுத்தும் திறமையுடைய மேக்ஸ்வெல் சிறந்த ஆஸ்திரேலிய மிடில் ஆர்டர் பேட்ஸ்மேன். இவர் சுழற்பந்து வீச்சை அதிரடியாக எதிர்கொள்ளும் திறமை கொண்டவர். பௌலிங்கில் இந்திய அணியின் முக்கிய ஆயுதமாக மிடில் ஓவரில் இருப்பது சுழற்பந்து வீச்சுதான் என்பது குறிப்பிடத்தக்கது.

மேக்ஸ்வெல் தொடர்ந்து சீரான ஆட்டத்தை வெளிப்படுத்த மாட்டார். ஆனால் நன்றாக நிலைத்து விளையாட ஆரமித்தால் அதிரடி ஆட்டத்தை வெளிப்படுத்த தொடங்கி ஆஸ்திரேலிய அணிக்காக நிறைய போட்டிகளில் வெற்றியை தேடித் தந்துள்ளார். இவரது ஓடிஐ சராசரி 33.4 ஆனால் மேக்ஸ்வெல்லின் ஸ்ட்ரைக் ரேட் 122.1 ஆகும். மேக்ஸ்வெல்லின் பேட்டிங் இந்திய அணிக்கு எதிராக மிகவும் சிறப்பாக இருந்துள்ளது. இந்திய அணிக்கு எதிராக மட்டும் 34.19 சராசரி மற்றும் 128.21 ஸ்ட்ரைக் ரேட்டுடன் 718 ரன்களை குவித்துள்ளார்.

மேக்ஸ்வெல் ஒரு 360 டிகிரி பேட்ஸ்மேன், ஆடுகளத்தின் அனைத்து திசைகளிலும் பந்தை விளாசும் திறமை உடையவர். சுழற்பந்து வீச்சாளர்களுக்கு எதிராக ஸ்விப் மற்றும் ரிவர்ஸ் ஸ்விப்பினை சரியாக வெளிபடுத்துபவர். இவர் ஒரு அருமையான ஃபீல்டர் மற்றும் இக்கட்டான சூழ்நிலையில் விக்கெட்டுகளை வீழ்த்துபவர்.

ஒட்டுமொத்தமாக பார்க்கும் போது மேக்ஸ்வெல் ஒரு அதிரடி கிரிக்கெட் வீரர் ஆனால் சீரான பேட்ஸ்மேன் கிடையாது. ஆனால் சில அதிரடி ஹீட் மூலம் ஆட்டத்தின் போக்கை முழுவதுமாக மாற்றம் சிறப்பான பேட்ஸ்மேன். எனவே உலகக் கோப்பை தொடரில் இந்திய அணி இவருக்கு எதிராக சற்று கவணத்துடன் செயல்படும்.

#3 மிட்செல் ஸ்டார்க்

மிட்செல் ஸ்டார்க் உலகின் சிறந்த வேகப்பந்து வீச்சாளராக வலம் வருகிறார். இவருக்கு அவ்வப்போது காயம் ஏற்படுவதால் அணியிலிருந்து வெளியேற்றப்படுவார். அதனால் இவரது ஆட்டம் சீராக இருக்காது. ஆனால் இந்திய அணி இவரது பந்துவீச்சை சரியாக கணிக்க தவறும். ஏனெனில் ஸ்டார்கின் மின்னல் வேக பந்துவீச்சே காரணம்.

கடந்த வருடத்தில் இந்திய பேட்ஸ்மேன்கள் இடது கை வேகப்பந்து வீச்சாளர்களின் பௌலிங்கை சரியாக எதிர்கொண்டது இல்லை. இந்திய அணியின் டாப் ஆர்டர் பேட்ஸ்மேன்களான ரோகித் சர்மா, ஷீகார் தவான், விராட் கோலி போன்றோர் இடதுகை வேகப்பந்து வீச்சாளர்களுக்கு எதிராக தடுமாறுகின்றனர். இந்திய டாப் ஆர்டர் பேட்ஸ்மேன்கள் ஆட்டத்தின் ஆரம்பத்தில் மிட்செல் ஸ்டார்க்கின் பௌலிங்கை எதிர்கொள்ள கண்டிப்பாக தடுமாற வாய்ப்புள்ளது.

மிட்செல் ஸ்டார்க் தான் இழந்த ஆட்டத்திறனை மேற்கிந்தியத் தீவுகளுக்கு எதிரான போட்டியில் மீட்டெடுக்கும் வகையில் 5 விக்கெட்டுகளை வீழ்த்தினார். இவர் ஆட்டத்தின் தொடக்க ஓவர், மிடில் ஓவர் மற்றும் டெத் ஓவரில் சிறப்பான பந்துவீச்சை மேற்கொண்டு மேற்கிந்தியத் தீவுகளை 289 என்ற ஆஸ்திரேலிய இலக்கை அடைய முடியாமல் செய்தார்.

இவர் 140 கிலோமீட்டர் வேகத்தில் பந்துவீச்சை மேற்கொள்கிறார். ஸ்விங் பந்துவீச்சில் அசத்தி பேட்ஸ்மேன்களுக்கு கடும் நெருக்கடியை அளிப்பார். இவரது இன் ஸ்விங் யார்க்கர் மிகவும் அருமையாக இருக்கும். எனவே வரும் ஞாயிரன்று நடைபெறவுள்ள இந்தியாவிற்கு எதிரான போட்டியில் கண்டிப்பாக இந்திய பேட்ஸ்மேன்களுக்கு கடும் நெருக்கடியை மிட்செல் ஸ்டார்க் தனது பௌலிங்கில் அளிப்பார் என்பதில் சந்தேகமில்லை.

#2 டேவிட் வார்னர்

David Warner, Icc cricket world cup -2019, Aus vs Afg

கடந்த சில வருடங்களாக இந்திய பந்துவீச்சாளர்களுக்கு கடும் சவாலை அளித்து வருபவர் டேவிட் வார்னர். ஆட்டத்தின் முதல் பந்திலிருந்தே ஆதிரடி ஆட்டத்திறனை வெளிப்படுத்தும் திறமை கொண்டவர் ஆஸ்திரேலிய தொடக்க ஆட்டக்காரர் டேவிட் வார்னர். இவர் சுழற்பந்து வீச்சாளர்களுக்கு எதிராக அதிரடி ஆட்டத்தை வெளிப்படுத்துபவர்.

மூன்று வகையான கிரிக்கெட்டிலும் இந்தியாவிற்கு எதிராக டேவிட் வார்னர் சிறப்பான சாதனையை வைத்துள்ளார். இந்தியாவிற்கு எதிராக 15 ஒருநாள் போட்டிகளில் பங்கேற்றுள்ள இவர் 45.43 சராசரியுடன் 636 ரன்களை குவித்துள்ளார். இதில் 2 சதங்கள் மற்றும் 3 அரைசதங்கள் அடங்கும்.

டேவிட் வார்னர் பந்தை சேதப்படுத்திய விவகாரத்தில் ஒரு வருடம் கிரிக்கெட்டிலிருந்து தடை செய்யப்பட்டார். தடையிலிருந்து டேவிட் வார்னர் மீண்டு வந்ததிலிருந்து டேவிட் வார்னரின் ஆட்டத்திறன் மிகவும் சிறப்பாக உள்ளது. 2019 ஐபிஎல் தொடரில் அதிரடி ஆட்டத்தை வெளிப்படுத்தி இவர் இதே ஆட்டத்திறனை சர்வதேச கிரிக்கெட்டிலும் வெளிபடுத்துவார்.

வார்னர் 2019 உலகக் கோப்பை தொடரில் ஆப்கானிஸ்தானிற்கு எதிரான முதல் போட்டியில் 89 ரன்களை குவித்து இறுதி வரை நிலைத்து விளையாடினார்‌. பொறுப்பான ஆட்டத்தை வெளிப்படுத்தி குறைவான இலக்கை எளிதாக அடையும் திறமை கொண்டவர் டேவிட் வார்னர். மேற்கிந்தியத் தீவுகளுக்கு எதிரான உலகக் கோப்பை போட்டியில் இவர் சிறப்பாக விளையாடவில்லை. இருப்பினும் இந்தியாவிற்கு எதிராக சிறப்பான ஆட்டத்தை வெளிப்படுத்துவார் என்பதில் சந்தேகமில்லை.

#1 ஸ்டிவன் ஸ்மித்

ஸ்டிவன் ஸ்மித் உலகின் சிறந்த பேட்ஸ்மேனாக தற்போது திகழ்கிறார். தரவரிசையில் முதல் இடத்தில் திகழும் விராட் கோலியுடன், ஸ்டிவன் ஸ்மித்தை அதிகம் ஒப்பிட்டு அடிக்கடி கிரிக்கெட் வள்ளுநர்கள் கருத்து தெரிவிப்பார்கள். இருவருமே சிறப்பான ஆட்டத்தை வெளிப்படுத்தும் திறமை கொண்டவர்கள்.

ஒரு வருடத்திற்கு பின்னர் மீண்டும் சர்வதேச கிரிக்கெட்டிற்கு டேவிட் வார்னருடன் ஸ்டிவன் ஸ்மித் திரும்பியுள்ளார். இவர் தற்போது வெளிபடுத்தும் ஆட்டத்திறனை காணும் போது ஒரு வருடம் தடையிலிருந்தது போலவே இல்லை. சர்வதேச கிரிக்கெட்டிற்கு திரும்புவதற்கு முன்பாக ஸ்டிவன் ஸ்மித் ஐபிஎல் தொடரில் ராஜஸ்தான் ராயல்ஸ் அணிக்காக விளையாடினார்.

ஐபிஎல் தொடரில் தனது பழைய ஆட்டத்திறனை வெளிக்கொண்டு வந்து அதனை சர்வதேச கிரிக்கெட்டிலும் அமல்படுத்தினார். 2019 உலகக் கோப்பை தொடரின் முதல் போட்டியில் சிறப்பான ஆட்டத்தை வெளிப்படுத்தவில்லை, எனினும் மேற்கிந்தியத் தீவுகளுக்கு எதிரான போட்டியில் மீண்டும் தனது இயல்பான ஆட்டத்தை வெளிப்படுத்தியுள்ளார்.

ஆஸ்திரேலியா, மேற்கிந்தியத் தீவுகளுக்கு எதிரான போட்டியில் 79 ரன்களில் 5 விக்கெட்டுகளை இழந்து தடுமாறி வந்தது. ஸ்மித் ஆட்டத்தின் தன்மைக்கு ஏற்ப தன்னை மாற்றி நிலைத்து விளையாடி ஆஸ்திரேலிய அணியின் ரன்களை 289 ஆக உயர்த்தினார். இவர் 103 பந்துகளை எதிர்கொண்டு 73 ரன்களை எடுத்தார்.

ஸ்டிவன் ஸ்மித் ஓடிஐ மற்றும் டெஸ்ட் கிரிக்கெட்டில் இந்தியாவிற்கு எதிராக அருமையான சாதனையை தன்வசம் வைத்துள்ளார். இவர் இந்திய வேகப்பந்து வீச்சாளர்களுக்கு எதிராக அதிரடி ஆட்டத்தை வெளிப்படுத்தி அதிக போட்டிகளில் இறுதி வரை ஆட்டமிழக்காமல் இருந்துள்ளார். இந்தியாவிற்கு எதிராக 14 ஒருநாள் போட்டிகளில் பங்கேற்று 50.75 சராசரியுடன் 609 ரன்களை குவித்துள்ளார். இதில் 2 சதங்கள் மற்றும் 3 அரைசதங்கள் அடங்கும்.